د روسيې یو پخواني وزیر ميخایل لېسين د پوسټ مارټم او د مړینې له پلټنو سره تړلي په لسګونه رپورټونه ازادي اروپا راډیو ته ورکړل شوي دي چې نوي معلومات په ډاګه کوي.
په خېبر پښتونخوا کې د پولیو د رنځ د مخنیوي ادارې چارواکي وايي، مرکزي حکومت ته يې ویلي چې د پولیو له څاڅکو د انکاري کورنيو قامي شناختي کارډونه وتړي.
د مارچ پر ۱۵مه د باجوړ په خار کې ولسي غونډې ته په وینا کې وزیر اعظم زیاته کړه قبایلي سیمې به د پرمختیا په لور وړي او ځوانانو ته به د روزګار ورکولو لپاره ګامونه پورته کوي.
په ختيځ کې د خبریالانو خوندیتوب کمېتې د یوې ناستې په ترڅ کې په هلمند کې د یوه خبریال په موټر بمي چاودنه او په خوست کې د يوه خبریال وژنه وغندله او له حکومت نه يې وغوښتل چې د خبریالانو د ژوند خوندیتوب ته پام واړوي.
د خېبر پښتونخوا د خېبر قبايلي ضلعې په کټه کشته سیمه کې د لويو لارو د قامي ادارې (اېن اېچ اې) لخوا د ټېکس اخیستو پرضد ټرانسپوټرانو نن [مارچ ۱۶مه] پینځه ساعته وروسته خپل احتجاج ختم کړ او د خېبر درې لاره پرانيستل شوه.
د نيو زيلېنډ وزيراعظمه وايي، ټول هېواد له مسلمانانو په غم شريک کې دی. بلخوا د جمعې ورځې مشکوک بريدګر عدالت ته وړاندې کړل شو. اخوا په ټول هېواد کې خلکو د پېښې قربانيانو ته د عقيدت پېرزوينې وړاندې کړې.
د شمالي وزيرستان او جنوبي وزيرستان مشران، د سياسي ګوندونو استازي او لسګونه کسان نن [د مارچ ۱۶مه] د افغانستان د پکتیکا ولایت برمل ولسوالۍ ته د لویې جرګې په بڼه روان شوي دي. په جرګه کې د قامي اسمبلي غړی او د پښتون ژغورنې غورځنګ مخکښ علي وزير هم شامل دی.
په خوست کې د ژمن په نوم د یو خصوصي تلویزیون کارکوونکی سلطان محمود خیرخواه چې د مارچ پر ۱۵مه د ناپېژاندو وسله والو لخوا ټپي شوی و، تېره شپه يې د ژورو ټپونو له امله ساه ورکړه.
په هند کې هندوان خپل مذهبي مېله هولي لمانځي. د هند په شمالي ښارګوټې بارسانه کې د هولي مراسم پېل شول.
