29 сентября 2020 года
Президент Сооронбай Жээнбеков Владимир Путин менен жолугушууда Кыргызстанда шайлоо алдында өлкөнүн туруктуулугуна коркунуч жараткан күчтөр жанданганын билдирип, «алар кыргыз-орус алакасына да шек келтирет» деди.
Ооганстандын борбордук бөлүгүндөгү Дайкунди провинциясындагы жардыруудан кеминде 14 адам каза болду. Бул тууралуу ооган бийлиги кабарлады. Провинциянын губернаторунун атайын өкүлү Насрулла Горинин маалыматы боюнча, автоунааны жардыруудан сегиз аял, беш бала жана эки эркек курман болгон. Дагы үч адам жараат алган. Бул теракт үчүн эч кайсы уюм жоопкерчилик ала элек. Бирок өлкөнүн ички иштер министринин расмий өкүлү Тарек Ариан жардыруу үчүн «Талибан» кыймылын айыптады. 14 адамдын өмүрүн алган жардыруу... Читать дальше...
Венгрия өкмөтү Кыргызстанга насыя түрүндө 50 миллион доллар бөлүп берет. Бул тууралуу 29-сентябрда Будапештте президент Сооронбай Жээнбековдун Венгриянын премьер-министри Виктор Орбан менен жолугушуусунда айтылды. Кыргыз президентинин бул өлкөдөгү расмий сапарынын алкагында бир катар келишимдер менен катар Кыргыз-венгр өнүгүү фондун түзүү жөнүндө меморандумга кол коюлду. Жээнбеков бул фонд ушул жылдын аягына чейин иштей баштайт деген үмүт бар экенин белгилеп, 50 миллион долларлык өлчөмдөгү насыялык линия ачылып жатканын кабарлады. Читать дальше...
Парламенттик шайлоого аттанган саясий партиялардын программаларын талдоо.
«Турар» басмаканасынан Кыргыз эл акыны Шайлообек Дүйшеевдин «Булуттар» деген китеби жарыкка чыкты. Автордун айтымында, китеп жогорку окуу жайларынын мугалимдерине, студенттерине жана жалпы эле поэзия сүйгѳндѳргѳ арналган. Жыйнак жалаң котормолордон турат. Ыр окугусу келгендер Кытайдын байыркы улуу акыны Ли Бодон тартып, А.Пушкин, М. Лермонтов, А.Блок, С. Есенин, А. Ахматова, Н. Рубцов, Ю.Марцинкявичюс, Ю.Кузнецов, Пауль-Эрик Руммо, М. Шаханов, В. Луйк, Р. Мороз жана башка акындардын кыргызча «сүйлѳгѳн»... Читать дальше...
АКШдагы Жонс Хопкинс университетинин 28-сентябрда чыгарган статистикасына ылайык, COVID-19 илдетинен көз жумгандар дүйнөдө бир миллионго жетти, 33 жарым миллиондой киши инфекцияланды.
Баш калаадагы чоң кафе-ресторандарда иштеген ондогон жарандар 29-сентябрда мэриянын маңдайында, Токтогул Сатылганов атындагы улуттук филармониянын алдында нааразылык акциясын өткөрүштү. Уюштуруучулардын бири Акыл Осмонов «Азаттыкка» акцияга тармакта иштеген ашпозчу, официант жана башка жумушчуларды кошкондо 100дөй киши катышканын жана жарым жылдан бери пандемияга байланыштуу жумушсуз отурганына нааразылык иретинде видеофлешмоб жаздырышканын билдирди. «Жарым жылдан бери Бишкекте 5000ге жакын адам жумушсуз отурат. Читать дальше...
Акыйкатчы Токон Мамытов Орусиянын адам укуктары боюнча ыйгарым укуктуу өкүлү Татьяна Москальковадан Ступино районундагы кырсыктан жабыркаган кыргызстандыктарга жардам берүү маселесин жеке көзөмөлүнө алууну өтүндү. Мекеменин басма сөз кызматы кабарлагандай, Мамытов кырсыкка кабылган кыргыз мигранттарына укуктук жардам берүү жана аларга социалдык төлөм чегерүү жагына көңүл бурууну суранып, окуянын чоо-жайын терең иликтөө, күнөөлүүлөрдү аныктоо жана жабыркагандарга тийиштүү компенсация төлөп берүү маселесин да козгоду. Читать дальше...
Бишкек Жылуулук электр борборундагы (ЖЭБ) коррупциядан мамлекет тарткан зыян боюнча соттолгондорго чегерилген айыптарды өндүрүү аракети уланууда. Ушул тапта соттолгондордун мал-мүлкүн жана банк эсептерин аныктоо жараяны жүрүп жатканын Сот аткаруучулар департаментинин басма сөз кызматы 29-сентябрда «Азаттыкка» билдирди. Маалыматка караганда, айыппулду өндүрүү тууралуу соттун чечимин аткаруу бир нече баскычтан турат. Алгач айыпталгандарга эскертүү берилет. Соттолуучулар өз ыктыяры менен айыппулду... Читать дальше...
Азери-армян аскерлеринин талаштуу Тоолуу Карабак үчүн куралдуу кагылышы үч күндөн бери токтой элек. Жагдайдын курчушуна эки мамлекет бири-бирин күнөөлөп жатат. Эки тараптан тең ондогон адамдар ажал тапканы кабарланды. Эл аралык коомчулук жаңжалдашкан тараптарды чукул арада ок атышууну токтотууга, кеп-сөзгө келүүгө чакырууда. Азербайжандын Коргоо министрлиги Армения алардын Дашкенсан районун аткылаганын билдирди. Мекеме тараткан маалыматта «29-сентябрга караган түнү эки тарап чектешкен аймакта айыгышкан салгылашуу болду. Читать дальше...
АКШнын Калифорния штатынын түндүк аймактарын каптаган өрт соңку бир суткада үч кишинин өмүрүн алды. Тилсиз жоо миңдеген гектар аянтты каптап, ондогон турак жай, жүзүм чарбалары кыйрады. Бийлик миңдеген тургундарды коопсуз жактарга чыгып кетүүгө чакырды. Калифорниянын губернатору Гэвин Ньюсом 28-сентябрда үч аймакка өзгөчө абал режимин киргизди. 15-августтан бери штаттагы токойлорду каптаган тилсиз жоо жалпысынан 26 адамдын өмүрүн алды, жети миңден ашуун турак жай кыйрады. Окумуштуулар быйылкы... Читать дальше...
Кыргызстандык режиссёр Тынчтык Абылкасымовдун «Чек арада» тасмасы Орусияда «АРТкино» кинофестивалында байгелүү орунга татыды. Режиссёр 29-сентябрда «Азаттык» радиосуна кабарлагандай, фильм «20 мүнөткө чейинки эң кыска метраждуу мыкты тасма» номинациясында жеңүүчү аталды. ««Чек арада» тасмасынын сценарийин тажик драматургу, жазуучусу Искандар Усманов жазган. Тасмада коңшу эки өлкөнүн чек арачыларынын туткунуна түшүп калган карыянын жашоосу чагылдырылган», - деди ал. Фильм 2019-жылы тартылган, аны жаратууга эки ай убакыт кеткен. Читать дальше...
Баку менен Ереван Тоолуу Карабактагы чатактын ырбашы үчүн бири-бирин айыптап жатат. Азербайжандын Коргоо министрлиги Армения алардын Дашкенсан районун аткылаганын билдирди. Анын кесепетинен ондогон адамдар каза болгону кабарланды. Ереван Бакунун мындай дооматын «карандай калп» деп жокко чыгарды. Армян коргоо министри шаршембиде азери аскерлери Варденис айылына ок жаадырганын жарыялады. Андагы маалымат боюнча Гардут шаарын аткылоодон бир жайкын тургун каза таап, дагы үчөө жарадар болгон. Ал эми Тоолуу... Читать дальше...
28-сентябрда Баткенде коронавирус оорусуна байланыштуу эпидемиологиялык кырдаал курч болуп жаткандыктан, облустук штабдын чечими менен бир катар чектөөлөр киргизилген. Ага ылайык, 28-сентябрдан тартып облустан тышкары, район аралык жана ички коомдук транспорттун каттамдары, мал базарлардын иши, мечиттерде жамаат менен жума намаздарын окуу убактылуу токтотулуп, чек арадан өтүп жаткан Өзбекстан менен Тажикстандын жарандары акыркы үч күндө алынган ПЧР-анализи таза чыкса гана киргизиле турганы кабарланган. Читать дальше...
Ысык-Көлдө кулагы укпай, сүйлөй албаган эки дос жеке эмерек цехинде иштеп жатат. Алардын колунан жаралган эмгектер көл жээгиндеги мыкты эс алуу жайлары жана ири пансионаттарга коюлат. Өзүнчө бригада түзүп иштеп жаткан достор келечекте өзүнчө цех салып, анда майыптыгы бар адамдарды иш менен камсыз кылсак деп кыялданышат.
Кыргызстандык сүрөтчүлөр Адылбек Байтереков менен Лариса Пактын эмгектери «Евразия-2020. Топ-25. Исскуство чыгармалары» деп аталган жаңы эл аралык долбоордун жеңүүчүлөрү болушту. Бул туралуу «Азаттыкка» Лондондогу Евразия чыгармачыл бирикмесинин өкүлү Жумадил Кымбат Аскар кызы билдирди. Анын айтымында, долбоор пандемияга байланыштуу онлайн режимде өткөрүлдү. Ага дүйнөнүн ар кайсы бурчунан сүрөтчүлөр, скульпторлор, фотографтар, модельерлер, дизайнерлер, иллюстраторлор, графикалык дизайнерлер жана... Читать дальше...
Спортчулар таасири, ийгилиги, эл оозуна алынганы, резонанстуу окуялары жана кирешеси сыяктуу критерийлер боюнча бааланган.
Орусиянын баш калаасы Москвада коронавирусту жугузгандар көбөйүп жаткандыктан мектеп окуучулары 5-октябрдан 18-октябрга чейин эки жумалык каникулга тарайт. Тиешелүү буйрукка Москванын мэри Сергей Собянин кол койду. Адатта Орусиядагы мектептерде күзгү каникул бир жумага созулчу. «Санитардык дарыгерлердин сунушу менен, күзгү сасык тумоонун жана COVID-19га чалдыккандардын көбөйүшүнө байланыштуу окуучулардын күзгү каникулун эки жумага узартууну чечтим», деп айтылат Собяниндин Москва мэриясынын сайтында жарыяланган билдирүүсүндө. Читать дальше...
Премьер-министр Кубатбек Боронов Коронавируска каршы күрөш боюнча республикалык ыкчам штабдын 29-сентябрдагы жыйынында саламаттык сактоо министри Сабиржан Абдикаримовго жана анын статс-катчысы Калысбек Шадыхановго сөгүш жарыялады. Өкмөттүн басма сөз кызматы билдиргендей, министр менен статс-катчыга сөгүш «мамлекеттик сатып алуу боюнча тийиштүү көзөмөл жүргүзгөн эмес» деген негизде берилген. Бирок анда кайсы сатып алуу тууралуу сөз болгонун өкмөт так билдирген жок. Штабдын жыйынында коронавирустун... Читать дальше...
Франциянын президенти Эммануэл Макрон 29-сентябрда Беларус оппозициясынын лидери Светлана Тихановская менен жолукту. Литвада өткөн жолугушуудан соң Макрон Европа Беларустагы абалды жөнгө салууга жардам берерин билдирди. Ал журналисттерге сүйлөп жатып: «Биз европалыктар катары ортомчулукка жардам бериш үчүн болгон аракетти көрөбүз», - деди. Ал эми Светлана Тихановская француз президенти менен жолугушууда Беларустагы саясий кризисти жөнгө салууга жана саясий туткундарды бошотууга жардам бериш үчүн бардыгын кыла турганын билдиргенин айтты. Читать дальше...
30-сентябрда түнкүсүн Баткен облусунун көпчүлүк аймактарында, Ош, Жалал-Абад облустарынын кээ бир райондорунда жаан, тоолуу райондорунда кар жаайт, калган аймактарда жаан-чачын жаабайт. Күндүз Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда жаан жаап, тоолуу аймактарында кар жаайт. Батыш тараптан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 3…8... Читать дальше...
Ала-Букада милиция 33 жаштагы келиндин өлүмүн Жазык кодексинин «Өзүн өзү өлтүрүүгө жеткирүү» деген беренесинин негизинде иликтеп жатат. Бул тууралуу «Азаттыкка» Жалал-Абад облустук ички иштер башкармалыгынын басма сөз кызматынын өкүлү Шеркул Турганбаев билдирди. Анын айтымында, маркумдун сөөгү экспертизадан өткөрүлгөн, азырынча жыйынтык чыга элек. Окуя Баймак айылында 23-сентябрда эртең менен болгон. Келиндин асынган сөөгү сарайдан табылган. «Үйүнүн короосунда пресс жипке асынып алгандыгы жөнүндө маалымат милицияга келип түшкөн... Читать дальше...
Польшанын бийлиги «Ислам мамлекети» террордук тобу менен байланышта болгон деген шек менен беш тажик жаранын депортациялады. Алар мындан тышкары Польша аймагында теракт уюштуруш үчүн жергиликтүү тургундарды жана украин жарандарын азгырган деп шек саналууда. «Radio Poland» 28-сентябрда кабарлагандай, төрт тажик жараны майда кармалган, ал эми бешинчиси былтыр декабрда, Польша аймагынан чыгып кеткен маалда, эл аралык террорчулукка каршы уюмдардын жардамы менен колго түшкөн. Польшанын Ички коопсуздук боюнча агенттигинин маалыматына караганда... Читать дальше...
Канада менен Улуу Британиянын тышкы иштер министрлери Тоолуу Карабактагы абалга тынчсызданып, бирдиктүү билдирүү таратышты. Анда алар эки өлкөнү Тоолуу Карабактагы атышууну дароо токтотууга чакырышкан. Улуу Британиянын тышкы иштер министри Доминик Рааб жана анын канадалык кызматташы Франсуа-Филипп Шампан аймактагы калктуу конуштарга ок атылышына жана жайкын тургундар арасында каза болгондор бар экенине терең тынчсызданганын билдиришти. Эки өлкөнүн башкы дипломаттары абалды жөнгө салыш үчүн ЕККУнун... Читать дальше...
