24 июля 2021 года
Оьрсийчоьнан Iедалша оьшуш йоцу организаци леринчу "Проектан" коьртачу редакторо, Баданин Романа (Арахьара агент лерина хьоста Оьрсийчоьнан Iендалша) хаам бина, инстаграмера шайн аккаунт дIакъовларх. Социалан машанна дозанаш тохаран бахьана лерина, "юкъараллан барамаш бохор". Фейсбукерчу шен пена тIехь яздина Баданина цунах лаьцна. Стенца къепе йохийна социалан машан администрацино ца хаийтина. Верриг а "Проектан" инстаграм-аккаунте язвелла вара 20 эзар стаг. Кху беттан 15-чохь, инарла прокуратуран сацамца... Читать дальше...
Могушалла Iалашъяран министро Сулейманов Эльхана мукIарло дина, Нохчийчохь коронавирусан уьнца долу хьал чIагIлуш ду аьлла. БIостане ду цуьнан дешнаш мехкан урхалхочо кху деношкахь "пандемин ирачу муьрех чекхъяьлла" Нохчийчоь, карарчу хенахь оьрсийн вакцинаца прививкаш а йойтуш, кхиаме юкъара иммунитет хьалайоккхуш ду шаьш аьлла, динчу дIахьедарца. ХIиндойн "дельта" штамм республикехь яьржаш хиларца кхетийна Сулеймановс коронавирусан инфекцех ун далар а, баларш а кхуьуш хилар. Оцу кепара дIахьедар дина цо леринчу махкахошка бинчу кхайкхамехь.
Нохчийчоьнан вице-премьеро, коронавирусца къийсам латточу оперативан шатабн куьйгалхочо Усмаев Вахьита бакъ дац боху, ковидна дуьхьал тоьхна маха а ийгIина, меттигера яхархо елла бохург. Пачхьалкхан "Грозный" телеканало зорбане хIоттийна цуьнан дIахьедар. "Социалан машанашкахь цхьаммо дуьйцу, шен гергара зуда прививкех елла бохуш. Ца елла. Оха тергонехь латтош бу и болх таханалерачу дийнахь. Вакцинацех чекхваьлла цхьа стаг тахана вайн республикехь кхелхина вац. Могушалла Iалашъяран министрна тахана "цIечу зонех" чекхвалий... Читать дальше...
Меттигерчу экстремизмана дуьхьало латточу Центро карарчу беттан 9-чохь къайлахчу сервисийн белхахошца цхьаьна дIабаьхьначу талламашкахь лаьцна ГIалгIайчуьра ши вахархо. Тахана, гIалгIайн чоьхьарчу гIуллакхийн министраллан пресс-гIуллакххоша хаам барехь, цхьахволчу лаьцначун цIийнах куьйга кечдина хIоьъмолха а, цуьнан компоненташ карийна, ткъа шолгIачун хIусамах цхьа хIльъмолха даьккхина. Чоьхьарчу гIуллакхийн министралло дийцарехь, Товбеца-беттан 9-чохь бакъоларъяран органаша Плиевехь лаьтта бухара даьккхира 50 литар долу пластикан черма... Читать дальше...
Кхарачой-Чергазийчоьнан цIарх сенатор лаьттинчу Арашуков Рауфан а, цуьнан ден Раулян а 1, 3 миллиард соьмана бахам схьабаьккхина Москварчу Басманан кхело, Инарла прокуратуран лаам кхочушбеш. Низамца богIуш бац и сацам аьлла, тешна бу адвокаташ. Прокуратуро дийцарехь, пачхьалкхан балхахь болчу заманчохь АрашуковгIара шайн дола ерзийна 75 чу-ара ца баккхалучу бахаман гIишло: пхи петар, исс цIа, кхаа гIатах лаьтта Хабезера "Адиюх Пэлас" хьешан цIа, ресторан, саунаш. 90 гергга машен схьаяьккхина. Боллу... Читать дальше...
Масех де дуьсу Оьрсийчуьрчу абитуриенташна шаьш къестийначу инстититутийн студенташ хила. Селхана школаш чекхъяьхнарш лакхарчу дешаршка хIуьттучу кху муьрехь Кавказ.Реалиино рейтинг хIоттийна Къилбаседа Кавказан мехкийн куьйгалхоша стенгахь, муха дешна гойтуш. Шаьш дешна меттигаш, хаарш гулдина хан къайленехь латто лууш хуьлу хьаькамаш, амма интернето аьтто ло иза къасто а. Рейтингехь хаьлхара меттиг дIалоцу Ставропол-мехкан, Дагестанан, Нохчийчоьнан куьйгалхоша. Хора дипломна дуьхьал – цхьа балл. Читать дальше...
ТIаьххьарчу 24 сахьтехь динчу зерашца, Къилбаседа Кавказехь коронавирусах кхелхина 69 дархо, ун даьржина 1 263 бахархошлахь. Оперативан штабан статистикаца, Краснодаран кIоштахь велла уьнах 26 дархо, Нохчийчохь – 13, Кхарачой-Чергазийчохь – бархI, Ставропол-махкахь – ворхI, ГIебарта-Балкхаройчохь а, Дагестанехь а, - виъ-виъ, ГIалмакхойчохь – кхоъ, Адыгейхь – шиъ, Къилбаседа-ХIирийчохь а, ГIалгIайчохь а – цхьацца. Къаьсттина дукха бу вирус кхетта нах тIаьххьарчу дийнахь -буса динчу зерашца, Ставрополан махкахь, уггар а кIезиг бу – Адыгейхь.
Одессехь вехачу нохчочо, Украинан вахархочо Закариев Мохьмада зуда ялийначохь хIаваэ герз диттина меттигера вахархо Крамаренко Кирилл 200 эзар украинхойн гривнашкахь закъалт делча маьршаваьккхина. И хилам бахьана долуш иттаннашкахь нах сецийра, эххар а Крамаренко чохь сацийнера, ткъа нохчийн диаспоран векалша латкъамаш бира шайца харцо лелорна. Крамаренко маьршаваккхарх яздо "Думская" хаамийн гIирсо, кIоштан прокуратурана тIетевжина. Юьйцу инцидент хилла карарчу беттан 14-чохь. Таллархойн топ... Читать дальше...
Европанна тIаьххье вуно чIогIа хиш деста дуьйладелла Китайхь. Чжэнчжоу гIалан лакхохьа йохийна дамба, хе дIахьулдина урамаш а, метро. Лаьттан бухулахь вагонашна чохь бисна нах кIелхьарбохуш бу орцанхой. 16 стаг велла аьлла хаам бина Iедалша, амма и терахь алсамдала мегаш ду.
Ставрополан кIоштарчу некъан полицин (ГИБДД) пхи белхахо лаьцна ву коррупцина тIехула. Урхаллан хьаькам Сафонов Алексей воцург а, ву царлахь ГИБДД-н хилла хьаькам Аржанухин Александр а, инспектор Мельчиков Виталий а, Сотников а, Парахин а цIераш йолу ши стаг а. ЦIера дIасавалар а дихкина, хIусамехь витина шеконашкахь хилла кхин ши белхахао, хаам бо "Интерфаксо", Ставрополь гIалин кхелан пресс-гIуллакххошна тIетевжина. 19 миллион сом кхаьънаш эцна аьлла, бехкаш дехкина дахначу шинарин дийнахь лецначарна. Читать дальше...
