24 июля 2021 года
Laugardaginn 26. júní ætlum við í dagsferð þar sem við hjólum yfir allar göngu- og hjólabrýr á höfuðborgarsvæðinu 21 talsins. Við hittumst við N1 í Fossvogi kl. 9:45 og hjólum af stað kl. 10. Leiðin liggur fyrst um Reykjavík, síðan í Mosó og þaðan um Norðlingaholt og Hvarfahverfi í Kópavogi og Breiðholt í Hafnarfjörð og tilbaka um Garðabæ að N1. Vegalengdin er um 70 km og því er ágætt að vera í sæmilegu formi og vanur að sitja á hjólinu. Þó það verði ekki farið mjög hratt verður meðalhraða haldið uppi. Читать дальше...
Við ætlum að fresta opnu húsi og hafa grillpartý föstudaginn 4 júní. Grillið verður klárt kl 19:00 og eftir það getum við sest upp á baðstofuloft, sagt hjóla- og hreystisögur. Pylsur og gos í boði Fjallahjólaklúbbsins en það má taka með sér veigar, ef fólk vill drekka eitthvað annað. Ef einhver á gítar eða önnur hljóðfæri má kippa þeim með. Aldrei að vita nema okkur takist að skapa brekkustemmingu í stiganum upp á loft. Væri ekki svolítið gaman að bregða sér í betri fötin og lyfta Klúbbhúsinu á virðulegra plan. Читать дальше...
Helgina 12.-13. júní verður farið í helgarferð á Snæfellsnes. Hver og einn velur gistingu, en flestir verða á tjaldsvæðinu. Einhverjir mæta á föstudagskvöldi, aðrir beint í hjólaferðina á laugardegi.
Читать дальше...
Framundan er helgarferð um ægifagurt landsvæði. Lagt af stað laugardaginn 22 maí kl 11:00 frá Olís Bensínstöðinni við Norðlingaholt. Hjólað eftir Suðurlandsvegi, beygt inn á veg nr. 431, Hafravatnsveg. Þaðan farin Nesjavallaleið upp með Henglinum, niður að Þingvallavatni og áfram til Úlfljótsvatns, þar sem gist verður í góðum bústað með heitum potti. Leiðin er 50 km, að mestu á malbiki. Allar tegundir af reiðhjólum henta, nema racer. Rafmagnsreiðhjól gæti verið góður kostur.
Vegna covid er dagskráin gefin út með fyrirvara. Við munum hlíta ráðleggingum Landlæknis og sóttvarnayfirvalda, ferðir verða farnar eða hætt við, allt eftir því hvernig ástandið í veirumálum verður vikurnar á undan. Við munum gefa út nákvæmari lýsingu á hverri ferð þegar nær dregur.
Við feðgar (4 og 45 ára) áttum, þegar landið var kóflaust, laugardaginn 13. júní 2020, erindi í fermingarveizlu norður í Húnavatnssýslur. Þar sem hálendið hafði ekki opnað og veðurspár voru samdóma um að veður yrði skást á landinu norðaustanverðu, ákváðum við að nýta ferðina og taka með okkur reiðhjól og vagn. Fengum við far með systur minni til veizlu en far frá veizlu til Akureyrar með móðurbróður mínum, sem einnig sótti ferminguna; gistum hjá honum aðfaranótt sunnudags.
Þetta gerðist einsog sprenging. Allt í einu er Ísafjörður einn heitasti staður landsins fyrir fólk sem rennir sér niður fjöll á reiðhjólum. Hvernig stendur á því? Það þarf aðallega tvennt til. Annars vegar er það rétta landslagið. Það er til staðar í fjalllendinu uppaf Skutulsfirði, þar sem höfuðstaður Vestfjarða er. Þar er allskonar halli á brekkunum og vegir og slóðar liggja uppá heiðar. Hins vegar þarf rétta fólkið til að koma auga á möguleikana í landslaginu og gera eitthvað í málunum. Þetta fólk er líka til. Читать дальше...
Kjölur, 28. – 30. júlí 2020
Við Guðrún Hreinsdóttir vorum búin að tala um að hjóla Kjöl við tækifæri. Þ.e.a.s. ef góð veðurspá væri framundan og við í fríi. Mig minnir að hugmyndin hafi komið eftir að ég keyrði Kjöl á leiðinni heim eftir hálendisferðina 2019. Svo laugardaginn 25. júlí, að mig minnir, hringdi hún í mig og sagði að það væri góð spá framundan og hvort ég væri ekki til í að fara. Ég hélt það nú. Ég hafði svo samband við Kolbrúnu Sigmundsdóttir og Jón Torfason til að athuga stöðuna á þeim. Читать дальше...
Sumarið 2020 var svolítið öðru vísi. Í miðjum heimsfaraldri héldum við okkar striki með þriðjudagskvöldferðirnar. Enda dásamlegt að hjóla um höfuðborgina og nágrennið. Við ákváðum að breyta um brottfararstað og fara frá Mjódd í stað Fjölskyldu- og húsdýragarðsins. Við rákumst á gamalt plan og ákváðum að fylgja því að mestu. Þess vegna var farið oftar í Heiðmörk og úthverfi en áður.
Fjallahjólaklúbburinn á grind fyrir bíl sem tekur 4 reiðhjól. Hún kom í góðar þarfir þegar við ákváðum að bjóða upp á dagsferð að gosinu. Þegar ferðin var skipulögð, var Suðurstrandarvegur lokaður og planið var að hjóla frá Grindavík, upp og niður Ísólfsskálabrekku og fara svo malarslóða inn að Nátthaga og ganga þaðan upp að Geldingadölum. En þá var Suðurstrandavegur opnaður og við það styttist hjólaleiðin all verulega. Til að við fengjum eitthvað hjólerí út úr deginum, þá kannaði ég slóða... Читать дальше...
