هند د دوو لوبغاړو په سوځېدو ۱۷۹ منډې جوړې کړې. په ځواب کې د نېدرلینډز لوبډلې په ټاکلیو ۲۰ اوورونو کې د نهو لوبغاړو په سوځېدو ۱۲۳ منډې جوړې کړای شوې. جنوبي افریقا په ټاکلیو ۲۰ اوورونو کې د پینځو لوبغاړو په سوځېدو ۲۰۵ منډې وکړې خو بنګلادېشۍ لوبډله په ۱۷م اوور کې په ۱۰۱ منډو وسوځېده.
د اکتوبر پر ۲۷مه په اسلام اباد کې د خبریال ارشد شریف جنازه وشوه چې ورته ګڼ خلک ورغلي ول او خاورو ته وسپارل شو. تر هغې وروسته چې په کینیا کې ووژل شو، د هغه هېواد د ولسمشر په ګډون یوشمېر لوړپوړي چارواکي او سیاستوالان یې کور ته ورغلي دي او له کورنۍ سره یې غمرازي کړې. د کینیا پولیس وايي، شریف د اکتوبر پر ۲۳مه د پولیسو په ډزو کې وژل شوی چې د پېښې پلټنې روانې دي. د تحریک انصاف ګوند مشر عمران خان ویلي، شریف په هدفي برید کې وژل شوی. خو د پاکستان حکومت د پېښې د پلټنو ژمنه کړې ده. د مشال راډیو، رویټرز اژانس او اې اېف پي له ویډیوګانو جوړ رپورټ.
د طالبانو حکومت پرېکړه کړې چې په یو شمېر ولایتونو کې لرغوني ځایونو په ځانګړي ډول د یهودو عبادت ځایونه "کنیسه ګانې" بېرته ورغوي. د هرات ولایت د اطلاعاتو فرهنګ ریاست د سېلانیانو برخې امر وحیدالله سلطاني ازادي راډیو ته وویل، په نږدې راتلونکي کې به د دغو لرغونو ځایونو د بیا رغولو چارې پیل شي. نوموړي وويل: "د اطلاعاتو او فرهنګ وزارت لومړیتوب په هېواد کې د لرغونو ځاینو ساتنه او بېرته رغونه ده چې د دې له ډلې یوه یا دو کنیسه ګانې دي چې په هرات ولایت کې موقیعت لري او دغه ځایونه به راتلونکي کې د سېلانیانو... Читать дальше...
د روسې د بهرنیو چارو د وسلو د کنټرول او نه خپراوي ډیپارټمینت مرستیال کونسټاټین ورنستوو د اکټوبر په ۲۶مه ملګرو ملتونو کې وویل، د لوېدیځ هغه سپوږمکۍ چې په یو ډول نه یو ډول د اوکراین د جګړې سره مرسته کوي خورا خطرناکې دي. هغه وویل، پر دې ظاهرا غیر نظامي جوړښتونو کېدای شي هدفي ځوابي بریدونه وشي. هغه د ملګرو ملتونو لومړی کمېټې ته وویل، د اوکراین د جګړې لپاره د لوېدیځ سپوږمکۍ کارول پارونکی دي. ورنسټوو که څه هم په مشخص ډول د کوم شرکت نوم یاد نهکړ خو زیاته يې کړه، موږ د ټولو هغو غیر نظامي جوړښتونو... Читать дальше...
د مشال راډيو د "هارون باچا هنري ګړۍ" خپرونې د دې اوونۍ مېلمه د خيبر پښتونخوا د ملاکنډ يو پېژندلی سندرغاړی سردار يوسفزی دی. نوموړی وايي، له ۱۹۸۴ز راهيسې سندرې وايي، خو اولنی غږیز البم يې په ۲۰۰۵ز کې خپور کړی وو. يوسفزی په خپګان وايي چې په سيمه کې يې هنر او هنرمند ته درانه نه کتل کېږي. د ده په خبره، په ملاکنډ کې يو وارې بيا د وسلوالو د موجوديت له امله که له يوې خوا عام خلک په وېره کې دي نو له بلې خوا هنرمندان په خلاص مټ هنر نشي کولی. د يوسفزي خبرې او ځينې سندرې يې د غږ په ځای کې اورېدای شئ.
په سوات کې د اګست په میاشت کې تر سېلاب څه د پاسه دوه میاشتې وروسته هم یوشمېر کورنۍ له سرپناه بې برخې دي. د سیمې اوسېدونکي وايي، ژمی راروان دی او باید د سېلاب ځپلو د استوګنې مناسب بندوبست وشي. د خیبر پښتونخوا اعلاوزیر د اکتوبر پر ۲۱مه په سوات کې خبریالانو ته وویل، حکومت اغېزمنو کورنیو ته د بشپړ وران کور پر سر څلور لکه روپۍ ورکوي. ویډیويي رپورټ.
د افغانستان په لوېدیځ کې یوې چاودنې د طالبانو د دفاع وزارت اړوند الفاروق قول اردو ۵ صحي پرسونل وژلي او یو شمېر نور یې ټپیان کړي. دفاع وزارت په خپل ټوېټر دا خبره تایید کړې ده. په بیان کې د چاودنې دقیق ځای نهدی په ډاګه شوی. د بیان له مخې برید نن سهار د ناپېژاندو وسله والو لهخوا د ۲۰۷ الفاروق قول اردو د روغتیاپالانو په یوه کاسټر ډول موټر وشو. الفاروق قول اردو په هرات کې مېشته د افغانستان د څو لوېدیځو ولایتونو لپاره د طالبانو تر ټولو یوه لویه پوځي اډه ده.
په افغانستان کې د خصوصي پوهنتونونو ټولنه وايي، چې سږکال خصوصي پوهنتونونو ته د محصلینو د جذب په برخه کې ۵۰ سلنه کموالی راغلی او دغه پوهنتونونه له بد اقتصادي وضعت سره مخ دي. فیصل چې تېر کال په کابل کې له دولسم ټولکي څخه فارغه شو وايي، د اقتصادي ستونزو له امله یې ونهشو کړای چې د خصوصي پوهنتونونو په کانکور ازموینه کې له ګډون او لوړې زدهکړې وکړي. د نوموړي په خبره، د بېلابېلو لاملونو له امله دولتي پوهنتونونو ته لاره پیدا کول سخت دي خو هیله یې درلوده، چې په خصوصي پوهنتون کې لوړې زدهکړې وکړي. نوموړی وايي... Читать дальше...
د کرېکټ په نړیوال شل اوریز جام کې نن جَنوبي افريقا په لوی توپیر بنګلهدېش ته ماتې ورکړه. جَنوبي افریقا لومړی بېټنګ وکړ په شلو اورونو کې یې ۲۰۵ منډې وکړې. د بنګلهدېش ټول ټیم په ۱۰۱ منډو وسوځېد. د جَنوبي افریقا لوبغاړي ریلي روسو سلیزه ووهله او کونټن ډیکاک څه باندې شپیته منډې جوړې کړې. د نن په دویمه لوبه کې هند له هالند لوبه وګټله. د هند ټیم هالندي لوبغاړو ته د ۱۸۰ منډو هدف ورکړ، هالند په ټاکلو اورونو کې یوازې ۱۲۳ منډې جوړې کړای شوې. دمګړۍ په نړیوال جام کې د پاکستان ټیم له زمبابوې سره مخ دی. Читать дальше...
دا افغانان له تاجکستان او پاکستانه په دوو پروازونو کې د تورنتو او ادمنتون هوايي ډګرونو ته انتقال شوي. د کاناډا د کډوالو چارو وزیر شان فریزر تازه ورغلو افغانانو ته ښه راغلاست ویلی او ټینګار یې کړی چې هېواد یې د لږ تر لږه ۴۰ زرو افغانانو د ورغوښتلو او هلته د مېشتولو هوډ لري. شان فریزر په خپل ټوېټر باندې په یوه بیان کې ویلي چې د افغانانو د بیا مېشتولو پروګرام کال ته بشپړوي. د کاناډا د کډوالو چارو د وزیر په خبره له ۲۰۲۱ کال راهیسې تر دې دمه ۲۳۵۰۰ افغانان کاناډا ته رسېدلي او په خوندي توګه هستوګن شوي.
افتخار وویل، د خبري غونډې موخه په کینیا کې د شریف وژنه او ورسره پر تړلیو حالاتو خبرې کول ول. ده وویل، خبري غونډه یې ځکه وکړه چې ټول واقعیتونه په سم ډول او په سم سیاق کې بیان شي او "واقعیتونه، افسانه او نظرونه" له یو بله جلا شي.
د ایران په لوېدیځ کې کې د شیعه مسلمانو پر یو زیارت برید کې لږ تر لږه ۱۵ کسان وژل شوي دي. دا خبره د ایران دولتي رسنیو کړې او د داعش وسلهوالې ډلې یې مسؤلیت پر غاړه اخیستی دی. برید د شیراز په ښار کې د شاه چراغ په مقبره کې د ماښام د لمانځه پر مهال شوی دی. د ایران دولتي ټلوېزون وايي برید ګر یو وسلهوال و چې ۱۹ کسان یې نور ټپیان کړي هم دي. ایراني چارواکو ویلي، بریدګر یې نیولی دی. تر دې مخکې راپورونو کې ویل شوي وو چې برید د درې وسلهوالو لهخوا شوی، چې ۱۳ کسان پهکې وژل شوي او څلوېښت نور ټپیان شوې دي. Читать дальше...
د روسیې پوځیانو نن د اوکراین په پلازمېنه کیف او زاپوریژیا ښار کې تازه بریدونه کړي دي. د کیف سیمهییز والي اولیکسي کولیبا پر خپل ټیلګرام چینل لیکلي، د ژغورنې ټیمونه په پلازمېنه کې د بریدونو سیمو ته رسیدلي، خو د بریدونو اصلي موقعیتونه یې نهدي یاد کړي. نوموړي زیاته کړې، روسان د شپې لهخوا کیيف له وحشت سره مخامخوي او په خبره یې د بریدونو ځای کې د اورونو د مړه کېدو او نورو پاتې شونو د پاکېدو هڅې لا روانې دي. روسیې په دې وروستیو کې پر اوکراین هوایي او توغندیز بریدونه ډېر کړي، خو اوکرایني چارواکو... Читать дальше...
د افغانستان لپاره د ملګرو ملتونو ځانګړی راپور ورکونکی ریچارډ بېنيټ وايي، د افغان مېرمنو او نجونو د حقونو اوسنی شاتګ ښايي د دې هېواد په تاریخ کې بېسارې وي. نوموړي د چهارشنبې په ورځ د ملګرو ملتونو په عمومي اسمبلۍ کې د افغانستان د بشري حقونو د وضعیت په اړه له راپور ورکولو وروسته یو خبري کنفرانس ته وویل، افغانان په ځانګړي ډول مېرمنې او نجونې احساس کوي چې له نړۍ هېر شوي دي. ښاغلي بېنيټ وویل چې په افغانستان کې د تېرو شلو کلونو لاسته راوړنې د شاه تګ له خطر سره مخ شوې دي. نوموړي وويل: "لومړی خو دا... Читать дальше...
د طالبانو حکومت په نا مستقیم ډول د ملګرو ملتونو د ځانګړي راپور ورکوونکي ریچارد بېنیټ وروستي راپور ته غبرګون ښودلی دی. که څه هم د طالبانو د بهرنیو چارو وزارت په خبرپاڼه کې د ښاغلي بېنیټ نوم نهدی راغلی، خو دوی د ملګرو ملتونو تر چتر لاندې د یو شمېر څیړونکو بنسټونو پر تګلارو نیوکه کړې. دغه وزارت تېر ماښام په یوه خبرپاڼه کې ویلي، دوی د ملګرو ملتونو په چوکاټ کې د بشري حقونو او بشري وضعیت د څار لپاره ګمارل شویو ادارو او اشخاصو ته د بې پرې موندنو شرایط برابر کړي دي. خبرپاڼه کې نیوکه شوې چې د همکارۍ... Читать дальше...
میکایل علیزادې په ۲۰۱۵ز کال کې له ایران څخه ترکیې ته د دې وېرې له کبله د تلو پرېکړه وکړه چې د نڅاګرۍ په تور به زنداني شي. هغه باور لري چې په حکومت ضد مظاهرو کې برخه اخیستل به د تهران "ظلم" پای ته ورسوي. د رويټرز اژانس له ويډيو جوړ رپورټ.
د ایران د شیراز ښار پر شاه چراغ حرم د پروني وسلهوال برید مسؤلیت د اسلامي دولت ډلې یا داعش ومانه. رویټرز خبري اژانس ویلي چې داعش پر خپل ټیلګرام چېنل د دې برید مسؤلیت، چې لږ تر لږه ۱۵ تنه پهکې ووژل شول، منلی دی. برید کې له شلو زیات کسان ژوبل شوي هم دي. د ایران ځایي خبري اژانسونو ویلي چې د بریدګرو شمېر درې تنه وو. د ایران ولسمشر ابراهیم ریسي ویلي، دغه شرارت به قطعا بې ځوابه پاتې نهشي.
روسیې د اوکراین په مختلفو سیمو کې خپلو بریدونو ته ادامه ورکړې ده او پرون یې هم یو شمېر ملکیان په نښه کړل. د اوکراین د پوځ په وینا پرون روسیي ځواکونو په لږ تر لږه څلوېښت سیمو حمله وکړه. په دې ترڅ کې اوکرایني ځواکونه د خیرسون پر ستراتیژیک ښار د برید لپاره چمتو کیږي. بل لور ته کییف یو ځل بیا له خپلو غربي متحدانو وغوښتل چې د اوکراین هوایي دفاع پیاوړې کړي.
واشنګتن په یو شمېر ایراني چارواکو د سولهییزو مظاهرو د ځپلو او د انټرنټ د سانسورولو په خاطر نوي بندیزونه ولګول. د امریکا خزانې وزارت د چهارشنبې په ورځ په یوه بیان کې وویل، دوی د ایران د سپاه پاسدران انقلاب اسلامي پر چارواکو، د استخباراتو پر چارواکو، د تهران او ایالتي زندانونو پر مسؤلينو او پر هغو ادارو او خلکو بندیزونه لګولي دي چې انټرنټ سانسوروي. په ایران کې پرون اعتراض کوونکو د مهسا امیني د څلوېښتمې د ویر په ترڅ کې خپلو اعتراضونو ته دوام ورکړ. دوه ویشت کلنه مهسا امیني د حجاب د نه رعایت په تور په توقیف کې ووژل شوه. Читать дальше...
د خوړو نړیوال سازمان څرګندوي چې راتلونکې میاشت به افغانستان ته د دېرش زره ټنه اوړو لومړۍ برخه انتقال شي. د خوړو نړیوال سازمان اتیا زره ټنه غنم له اوکراین څخه اخیستې دي چې له اړه کېدو وروسته شپېته زره ټنه کېږي. د دې مرستو پوره نیمایي افغانستان ته بېله شوې ده. د ملګرو ملتو دا موسسه اټکل کوي چې په افغانستان کې شاوخوا نولس میلیونه افغانان خوراکي مصونیت نهلري. د خوړو نړيوال سازمان لهخوا د اوړو د لېږد دا خبر داسې مهال ورکول کېږي چې افغانان د ژمي په درشل کې له سختې بېوزلۍ او لوږې سره مخ دي.
د کرېکټ د شل اورونو په نړیوال جام کې نن د (ب) ګروپ درې لوبې دي، جنوبي افریقا له بنګلهدېش سره، هند له هالنډ سره او پاکستان له زیمبابوې سره مخامخیږي. هند او بنګلهدېش تر اوسه یوه یوه لوبه کړې ده او ګټلي یې دي. پاکستان خپله لومړۍ لوبه بایللې ده، د جنوبي افریقا او زیمبابوې لوبه د باران له امله مساوي شوې ده. پرون د افغانستان او نیوزیلنډ لوبه هم مساوي شوه چې دواړو لوبډلو یو یو امتیاز خپل کړ، سبا به افغان لوبډله په دې جام کې له ایرلنډ سره مسابقه وکړي چې پرون یې د انګلستان ټیم ته ماتې ورکړه. نړیوال... Читать дальше...
د افغانستان د بشري حقونو په چارو کې د ملګرو ملتو ځانګړي راپور ورکوونکي له افغانستان څخه تر کتنې وروسته خپل راپور د ملګرو ملتو عمومي غونډې ته تېره شپه وړاندې کړ. ریچارډ بېنیټ په افغانستان کې د نجونو او ښځو، اقلیتونو، مدني فعالانو او خبریالانو وضعیت د اندېښنې وړ وباله او ویې ویل چې دا وضعیت د هیچا لپاره د منلو نهدی. نوموړي وويل: "په عمومي ډول د بشري حقونو له پلوه، وضعیت د خرابېدو پر لور درومي، په ځانګړي توګه افغانستان په ټوله نړۍ کې، تقریبا د نجونو او ښځو لپاره تر ګردو بد هېواد دی." په پرونۍ... Читать дальше...
په استرالیا کې د شل اورونو د کرېکټ د نړیوال جام لوبو په ترڅ کې نن د پاکستان لپاره او سبا د افغانستان لپاره لوبه ډېره مهمه ده. که پاکستان نننۍ لوبه بایلي له خپل ګروپه یې د وتلو چانس کمیږي، افغانستان کې سبانۍ لوبه بایلي له ګروپه یې د وتلو چانس تقریبا له منځه ځي. افغان لوبډله په الف ګروپ کې ده، تر اوسه یې یوه لوبه له انګلستان سره بایللې ده، بله یې پرون د باران له امله له نیوزیلنډ سره مساوي شوه چې یو امتیاز یې ترلاسه کړ. که چېرته افغانستان سبا ایرلنډ ته ماتې ورکړي نو له دریو لوبو به درې امتیازه ترلاسه کړي. Читать дальше...
د افغانستان په اړه نړیوالو ورځپاڼو ته کتنه فارن پالیسي: فارن پالیسي خپرونه لیکي، روسیه د اوکراین جګړې ته هغه پخواني افغان کمانډویان ګوماري چې له افغانستانه د امریکایي ځواکونو د وتلو او په دې هېواد کې د پخواني جمهوري نظام له ړنګېدو سره یوازې پرېښودل شوي دي. د فارن پالیسي خپرونې په لیکنه د افغانستان د پخوانۍ کمانډویي ځواکونو د قول اردو یو شمېر غړیو ویلي چې ورسره تماسونه نیول شوي چې له روسي ځواکونو سره د اوکراین په جګړه کې یوځای شي. د ورځپاڼې په لیکنه یو شمېر افغان پوځي او امنیتي سرچینو ویلي... Читать дальше...
د ګالوپ د سروی له مخې په دوه زره یو ویشتم میلادي کال کې په افغانستان کې دوه دېرش فیصده نارینه و د شپې په مخه د ګرځېدو پر مهال د خوندیتوب احساس کاوه او په ښځو کې دا فیصدي دولسو ته رسېده. د دې تحقیقاتي مرکز په وینا یو کال مخکې تر دې دا شمېرې ټیتې وې، د نارینه و د خوندیتوب کچه شپاړس په سلو کې وه او د مېرمنو اته په سلو کې وه. وروسته له دې چې د پروسږ کال تر نیمایي وروسته طالبانو کابل ونیو، په ځانګړې توګه د ښځو د امنیت په تړاو راپورونه زیات خپاره شوې دي. یو شمېر ښځینه مدني فعالانو ادعاوې کړې دي چې د طالبانو له لورې له ګواښ سره مخامخ دي. Читать дальше...
