د کرېکټ په نړیوال شل اوریز جام کې نن جَنوبي افريقا په لوی توپیر بنګلهدېش ته ماتې ورکړه.
جَنوبي افریقا لومړی بېټنګ وکړ په شلو اورونو کې یې ۲۰۵ منډې وکړې.
د بنګلهدېش ټول ټیم په ۱۰۱ منډو وسوځېد.
د جَنوبي افریقا لوبغاړي ریلي روسو سلیزه ووهله او کونټن ډیکاک څه باندې شپیته منډې جوړې کړې.
د نن په دویمه لوبه کې هند له هالند لوبه وګټله. د هند ټیم هالندي لوبغاړو ته د ۱۸۰ منډو هدف ورکړ، هالند په ټاکلو اورونو کې یوازې ۱۲۳ منډې جوړې کړای شوې.
دمګړۍ په نړیوال جام کې د پاکستان ټیم له زمبابوې سره مخ دی.
ماښام به د پاکستان ټیم له زمبابوې سره مخ شي او سبا به د افغانستان د کرېکټ ملي ټیم له ایرلند سره لوبه وکړي.
ایرلند خپله لومړۍ لوبه له انګلستان ګټلې خو افغانستان بیا پرې بایللې.
د افغانستان د ټیم مرستیال روزونکی رئیس احمدزی وايي د سبانې لوبې ګټل ځکه مهمه دي چې تر ډېره د مخته تګ چانس ورته برابريږي.
