Президенти Тоҷикистон Эмомалӣ Раҳмон, раҳбари Чин Си Ҷинпинро ба муносибати бори сеюм интихоб шуданаш ба мақоми раиси ҷумҳурӣ ва котиби генералии ҳизби коммунистии Чин табрик кард. Дар барқияи табрикии раҳбари Тоҷикистон интихоби сеюмбораи Ҷинпин ба раҳбарии ин кишвар чун "дастгирии ҷомеаи Чин" аз "шоҳроҳе", ки ба рушди иҷтимоиву иқтисодӣ ва сиёсии ин кишвар мебарад, ситоиш шудааст. Раҳмон изҳори боварӣ кардааст, ки ин пирӯзӣ ба "шарикии ҳамаҷонибаи стратегии Тоҷикистон ва Чин мусоидат" хоҳад кард. Читать дальше...
Дар канори шаҳри Душанбе, дар самти вилояти Суғд барои ронандагону мусофирон истгоҳ ё терминали наве сохта шудааст, ки соҳибашро яке аз наздикони президенти Тоҷикистон медонанд.
Аз охири ҳафтаи гузашта ронандагону мусофирони самти вилояти Суғд аз истгоҳ ё терминали нав истифода мекунанд, ки дар канори шаҳри Душанбе фаъол шуд. Терминали навро ширкати “Тоҷиквнештранс”, ки муассисаш ширкати ”Фароз” аст, бунёд кардааст.
Дар размоишгоҳи Ҳарбмайдони Тоҷикистон машқҳои низомии нирӯҳои вокуниши сареи узви Созмони Паймони Амнияти Дастаҷамъӣ ба поён расид. Ҳадафи машқҳо ёд гирифтани мубориза бо гурӯҳҳои ғайриқонунии мусаллаҳ будааст.
Намояндаи додситонӣ аз додгоҳи ноҳияи Файзобод талаб кардааст, то Бибикалон Назирова, зане, ки дар марги келинаш айбдор мешавад, ба ҳашт соли зиндон маҳкум шавад. Ҷасади Манораи Абдуфаттоҳ, келини 25-солаи ин зан, соли гузашта бо 26 зарби корд аз манзили иҷорааш пайдо шуда буд. Мақомот гуфтанд, ӯ худкушӣ кардааст ва хушдоманашро дар марги ӯ айбдор намуданд. Дар мурофиаи охирин, ки рӯзи 24-уми октябр гузашт, ин зан бори дигар эътироф кардааст, ки дар бархе ҳолат бо келинаш “нофаҳмӣ” дошт, вале гуфтааст... Читать дальше...
Қатъи барқ дар як корхонаи саноатии Кӯлоб боиси садҳо ҳазор сомонӣ зиён дидани соҳибкори маҳаллӣ ва бекор мондани даҳҳо нафар шудааст.
Мақомот ба пайвандони Абдусаттор Пирмуҳаммадзода, рӯзноманигори боздоштшудаи тоҷик, рӯзи 22-уми октябр иҷозаи дидор додаанд. Ӯ дар ин дидор гуфтааст, ки пас аз нашри муҳтавои номааш мақомот ӯро азият доданд. Ин суҳбат як рӯз пас аз нашри муҳтавои номаи Пирмуҳаммадзода дар Радиои Озодӣ сурат гирифтааст. Ӯ дар номааш навишта буд, ки аз рӯзи аввали боздошт зери фишори равонӣ ва шиканҷа маҷбураш мекарданд, то иттиҳоми, ба қавлаш, “бофтаву сохтаи” мақомоти милисаро ба дӯш бигирад. Абдукарим Пирмуҳаммадзода... Читать дальше...
Баъди натиҷагирии бозиҳои даври ҳаждаҳуми қаҳрамонии футболи Тоҷикистон миёни дастаҳои лигаи олӣ, ки рӯзҳои 21-23-юми октябр баргузор шуд, давраи дувуми мусобиқот ба поён расид. Аз панҷ бозии даври ҳаждаҳум чаҳортоаш бо натиҷаи мусовӣ хотима ёфт. Бозиҳо миёни дастаҳои “Хуҷанд” – “Эсхата”, “Равшан”-и Кӯлоб – “Хатлон”, КМВА – “Истиқлол” бо ҳисоби якхелаи 1:1 ба охир расид. Бозӣ миёни дастаҳои “Равшан”-и Зафаробод - “Регар-ТадАЗ” бо ҳисоби 0:0 анҷом ёфт. Дар як дидор “Истаравшан” бар “Файзканд” бо ҳисоби 1:0 ғолиб омад. Читать дальше...
Дар шаҳри Бишкек имрӯз даҳҳо нафар ба нишони ҳимоят аз фаъолони мадание тазоҳурот карданд, ки мақомоти интизомии Қирғизистон онҳоро барои муддате боздошт намуданд. Рӯзи 23-уми октябр пулис ҳамчунин хонаҳои даҳҳо нафар аз фаъолони маданӣ ва сиёсатмадоронеро ҷустӯҷу кард, ки мухолифи тарҳи созишномаи таъйину аломатгузории марз бо Узбекистон ҳастанд. Азиза Абдурасулова, ҳомии ҳуқуқи қирғиз рӯзи 23-уми октябр гуфт, ки баъзе аз ин афрод барои 48 соат боздошт ва сипас раҳо шудаанд. Пулис теъдоди боздоштшудагонро нагуфтааст. Читать дальше...
Вазорати рушди рақамии Қирғизистон мушкили дастрасӣ ба интернетро шарҳ дод. Дар он кишвар дастрасӣ ба интернет субҳи 24-уми октябр мушкил шуд. Ба иттилои вазорат, "дар яке аз хатҳои асосии интернет садама рух дод ва ба ин далел мушкил сар зад". "Алоқаи интернетӣ ба зудӣ барқарор мешавад. Ба илова, барои таъмини интернет хатҳои эҳтиётӣ ба кор андохта мешаванд", - иттилоъ доданд аз вазорати рушди рақамии Қирғизистон. Пештар аз ин ширкати таъминкунандаи интернет дар Қирғизистон "MegaCom" аз "садамаи ҷиддӣ"-е хабар дод... Читать дальше...
Дар бархе аз минтақаҳои Туркманистон мақомот дигарбора таъқиби мардонеро шуруъ кардаанд, ки риш доранду мунтазам ба масҷид мераванд.
Президент Эмомалӣ Раҳмон эътироф кард, ки дар Тоҷикистон "маҳдудияти интиқоли барқ” ҷорӣ шудааст.
Сарвазири пешини Бритониё Борис Ҷонсон ҳимояти бештар аз 100 вакили муҳофизакорро дарёфт кард, ки ин ҳимоят имкон медиҳад, Ҷонсон дубора ба мақоми сарвазирӣ номзад шавад.
Вакилони порлумони Қирғизистон Жанар Акаев, Тозабек Икромов, Исҳоқ Масалиев, Адахон Мадумаров, Мирлан Самийкожо ва Достон Бекешев кофтукоб ва боздошти сиёсатмадорону фаъолони қирғизистониро маҳкум карданд.
Рӯзи якшанбеи 23-юми октябр Додситонии кулли Қазоқистон шаҳрвандони он кишварро огоҳ кард, ки дар рӯзҳои оянда ба "гирдиҳамоиҳои ғайриқонунӣ" набароянд. Додситонӣ аз "иғво" ҳушдор медиҳад.
Дар вилояти Сирдарёи Узбекистон субҳи рӯзи 22-юми октябр дар анбори аслиҳаи вазорати мудофиаи он кишвар таркиш рух дод.
Темур Раҳимов, паҳлавони маъруфи тоҷик, дар мусобиқаи байнулмилалии ҷудо “Abu Dhabi Grand Slam 2022”, ки шаби якшанбеи 23-юми октябр дар пойтахти Имороти Муттаҳидаи Араб - шаҳри Абузаби – ба поён расид, медали биринҷӣ ба даст овард.