Белгилүү кыргыз-тажик жазуучусу, котормочу жана публицист Мирзохалим Каримов 72 жаш курагында дүйнө салды. Калемгер соңку жылдары оор дартка кабылып, төшөккө жатып калган. "Азаттык" жазуучунун абалы тууралуу видео баянды көрсөткөндөн кийин айрым жарандар жардам берген. Жазуучунун сөөгү 26-январда Токмокто жерге берилди.
26-январда БУУнун Эл аралык соту Израилди Газадагы геноцид аракеттерин алдын алуу жана анклавдагы гуманитардык кырдаалды жакшыртуу үчүн чукул чараларды көрүүгө милдеттендирди. Бирок соттук коллегия Газада тезинен ок атышуу токтотулсун деген чечим чыгарган жок.
Сот мурдагы аялынын кулак-мурдун кескен Азамат Эстебесовду 20 жылга кести. 26-январда камактагы 11 журналисттин жакындары көчөдө маалымат жыйын өткөрүштү. УКМК Бажы кызматынын төрагасынын мурдагы орун басары Райымбек Матраимовго издөө жарыялады. Ал өзү кайда экени азырынча белгисиз. Бириккен Улуттар Уюмунун (БУУ) Эл аралык соту Газа боюнча чечимин жарыялады. Кыргызстандын футбол боюнча улуттук курама командасы Азия кубогунун тайпалык акыркы оюнунда Оман менен 1:1 эсебинде тең чыгып, мелдешттн плей-офф баскычына өтө албай калды.
1-февралдан тартып Кытайдын түндүк батышындагы Шинжаң Уйгур автоном районунда (ШУАР) бул аймактагы мусулмандардын жүрүм-турумун көзөмөлгө ала турган атайын жобо иштей баштайт.
Кыргызстандын футбол боюнча улуттук курама командасы Катарда өтүп жаткан Азия кубогунун тайпалык акыркы оюнунда Оман менен 1:1 эсебинде тең чыгып, мелдешттн плей-офф баскычына өтө албай калды. Доханын Абдуллах бин Халифа стадионунда өткөн беттешти адаттагыдай эле кыргызстандык күйөрмандар көркүнө чыгарып, "Акшумкарды" кызуу сүрөп турду. "Азаттыктын" журналисттери оюндан кийин кыргыз футболчуларына кезигип, алардын ой-пикирин да сурады.
26-январда камактагы 11 журналисттин жакындары көчөдө маалымат жыйын өткөрүштү. Алар бийликке кайрылып, журналисттердин күнөөсү жок экенин айтып, үй камагына чыгарууну суранышты. Бишкектеги "Парк отель" мейманкасы алдын ала макулдашылганына карабай маалымат жыйын өткөрүүгө уруксат берген жок. Бишкектин Биринчи май райондук соту бир нече медианын 11 кызматкерин эки айга камаган. Алар “массалык башаламандык” беренеси менен айыпталып жатат.
Кыргызстандын Сокулук райондук соту үрөй учурган үй-бүлөлүк зомбулук окуясы боюнча өкүм чыгарды. Ага ылайык, судья мурдагы аялынын кулак-мурдун кескен Азамат Эстебесовду узак мөөнөткө - 20 жылга соттоду. Айыпталуучу өкүм менен макул эместигин айтты. Ал эми жабырлануучунун жакындары аны өмүр бою соттоону талап кылып келген.
