30-июнда "Асман" шаарынын курулушуна старт берилет. Президенттик администрациянын маалыматы боюнча Ысык-Көл жээгиндеги бул шаар 500 миңге жакын адамга ылайыкташкан экологиялык таза калаа болот. Бийлик акыркы эки-үч жылдан бери убада кылган "Асман" шаары кайда курулат, анда кимдер жашайт?
Германиянын Киль университетинин окумуштуулары Нарында илимий долбоорду ишке ашырууда. Алар климаттын өзгөрүшү картөшкө менен көп жылдык чөпкө кандай таасирин тийгизип жатканын иликтешүүдө.
Армения менен Азербайжандын министрлери Вашингтондо тынчтык сүйлөшүүсүн өткөрүп жаткан маалда Тоолуу Карабакта атышуу болгону кабарланды. Жикчил аймактын де-факто бийлиги 28-июндун таңында билдиргендей, азери армиясынын огунан төрт этностук армян аскери мерт болду. Ал эми Азербайжандын Коргоо министрлиги алардын турумдары Тоолуу Карабак тараптан аткыланып, бир азери аскери жарадар болгонун маалымдады. Армениянын премьер-министри Никол Пашинян 29-июндагы өкмөттүн жыйынында Азербайжан Тоолуу Карабактагы... Читать дальше...
Парламент жайкы эс алууга кетер алдында 50дөн ашык мыйзам жана токтом долбоорлорун тобу менен кабыл алды. Армения менен Азербайжандын министрлери Вашингтондо тынчтык сүйлөшүүсүн өткөрүп жаткан маалда, Тоолуу Карабакта атышуу болду. Эки өлкө аталган аймакты талашып бир нече жолу согушкан. УКМК түзгөн атайын комиссия Жалал-Абад облусунда 60 мечит мыйзамсыз иштеп жатканын аныктады. Алардын курулушу уруксатсыз жүрүп, тиешелүү органдардан каттоодон өтпөгөнү такталды.
“Билим берүү жөнүндө” мыйзам долбоору бүгүн 29-июнда Жогорку Кеңештен колдоо тапты. Долбоор үчүнчү окууда каралып, кабыл алынды, эми ал президентке кол коюуга жөнөтүлөт. Көз каранды эмес, эл аралык тажрыйбага таянган эксперт катары катышкан авторлор долбоордун колдоо табышын тарыхый чечим деп баалап, билим берүү тармагынын өнүгүшүнө, сапатты жогорулатууга шарт түзүлөрүн белгилеп жатышат. Негизги жаңылык катары алар бала бакча ачуу жеңилдей турганы, мектептерди текшерүү жана мугалимдердин кагаз толтурмай түйшүгү азая турганы... Читать дальше...
Ар кандай терс божомолдорго карабастан Кыргызстан туруктуу жана ишенимдүү өнүгүү жолуна түшүп, “жакыр өлкө синдромунан” арыла алганын бүгүн 29-июнда Министрлер кабинетинин төрагасы Акылбек Жапаров билдирди. Креативдүү индустриялар паркынын ачылышында сүйлөп жатып ал калкынын 50 пайызга жакынын жаштар түзгөн Кыргызстан өнүгүүнүн кийинки этабына активдүү өтүп жатканын белгиледи. “Ушул күндөн баштап биз Кыргызстандын бардык аймактарынан гана эмес, дүйнөнүн булуң-бурчунан таланттуу, чыгармачыл, идеяларга... Читать дальше...
Сауд Арабиясы, Ирак, Иран, Марокко жана Ислам дүйнөсүнүн башка өлкөлөрү Швецияда мусулмандардын ыйык Куран китебин маскаралаган окуяны айыпташты. 28-июнда Ислам дүйнөсү Курман айт майрамын белгилеп жатканда 37 жаштагы ирактык качкын Салван Момика Стокгольм шаарындагы мечиттин алдында Куран китебин тепкилеп, өрттөгөн. Окуя тартылган видео интернетке тараган. Полиция акцияны кайтарып, коомдук тартипти көзөмөлдөп турган. Салван Момика CNN телеканалына берген маегинде, Швецияга беш жыл мурун Ирактан... Читать дальше...
Жогорку Кеңештин депутаттары жайкы эс алууга кетердин алдында 50дөн ашык мыйзам долбоору менен токтом долбоорлорун топ-тобу менен кабыл алды. Документтердин көбү экинчи жана үчүнчү окууда каралып жатат деген негизде талкуусуз өттү. Парламент депутаттары 29-июндагы сессиянын акыркы жыйынында саат түшкү бирге чейин эле 30га жакын мыйзам долбоорун кабыл алды. Алардын арасында прокуратурадан тергөө укугун алып, аны Ички иштер министрлигине (ИИМ) жана Улуттук коопсуздук боюнча мамлекеттик комитетке (УКМК) берүү жөнүндө долбоор да бар. Читать дальше...
30-июнда түнкүсүн Ысык-Көл облусунун айрым жерлеринде, Ош облусунун тоолуу райондорунда өткүн өтүп, күн күркүрөйт. Күндүз Ысык-Көл, Нарын облустарынын көпчүлүк аймактарында, Чүй облусунун айрым жерлеринде, Ош, Жалал-Абад облустарынын тоо этектеринде жана тоолуу райондорунда, Талас, Баткен облустарынын тоолуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрден 15-20 метрге жетет. Абанын температурасы: Чүй өрөөнүндө түнкүсүн 14…19, күндүз 27…32 Талас өрөөнүндө түнкүсүн 10…15... Читать дальше...
Эл аралык күрөш уюму (UWW) 2024-жылы Парижде өтө турган жайкы Олимпиада оюндарына жолдомо берген мелдештердин тизмесин жарыялады. Ага ылайык Азия чөлкөмү боюнча лицензиялык мелдеш Бишкек шаарында өтөт. Буга удаа эле Бишкекте спорттук күрөш боюнча Азия чемпионаты болот. Бул Кыргызстанда өтө турган алгачкы лицензиялык мелдеш болмокчу. Спорттук иш-чара качан өтөрү азырынча белгисиз. Адатта күрөш боюнча континенталдык лицензиялык мелдештер Олимпиада өтө турган жылы жаз мезгилинде өтөт. Париж Олимпиадасына... Читать дальше...
Түркиянын Стамбул шаарында кыргызстандык 20 жаштагы Жазгүл аттуу кыздын дайынсыз жок болуп жатканы тууралуу арыз Кыргызстандын аталган шаарындагы Башкы консулдугуна түшкөн. Кызы бир нече күндөн бери байланышка чыкпай жатканына тынчсызданган апасы кайрылган. Башкы консулдук түрк полициясына маалымдап, учурда издөө иштери жүрүп жатат. Кыздын апасы Стамбулга учуп кеткенин Кыргызстандын Тышкы иштер министрлигинин басма сөз кызматы "Азаттыкка" билдирди. Кыздын качан, кандай шартта жоголгону тууралуу маалыматтар жок. Читать дальше...
Жогорку Кеңеш бүгүн 29-июнда кезектеги сессиясын жыйынтыктап, эки айлык каникулга тарады. Бүгүнкү отурумда жалпысынан элүү чакты мыйзам долбоору каралып, алардын айрымдары кабыл алынды, кээ бирлери четке кагылды. Парламенттин жетинчи чакырылышынын экинчи сессиясын жыйынтыктап жатып төрага Нурланбек Шакиев 75 жыйналыш өткөнүн, 222 мыйзам долбоору жана 1394 токтом кабыл алынганын айтты. Сессиянын ишин ал ийгиликтүү болду деп баалады: “Сессиябыз олуттуу өзгөрүүлөр жана түрдүү жаңылануулар менен коштолуп... Читать дальше...
Казакстандын Мусулмандар дин башкармалыгы Zam-Zam Qazaqstan компаниясы 120га жакын зыяратчыны алдап кеткени тууралуу маалымат берди. Күн мурда социалдык түйүндөргө Мекке шаарына барган казакстандык зыяратчылардын документтери туура эмес экени аныкталып, Сауд Арбиясынын бийлиги аларды атайын жайда кармап турганы тартылган видео жарыяланган. Мусулмандар дин башкармалыгынын маалыматына караганда, мекеме буга чейин Zam-Zam Qazaqstan компаниясы ажылык менен алектене турган туристтик фирмалардын муфтият жарыялаган тизмесинде жок экенин эскертип... Читать дальше...
Өзбекстанда 9-июлга белгиленген президенттик шайлоодо мөөнөтүнөн мурда добуш берүү башталды. Борбордук шайлоо комиссиясы кабарлагандай, 28-июнда башталган добуш берүүлөр 5-июлда жыйынтыкталат. Ага шайлоо күнү өзү катталган жерде болуу мүмкүнчүлүгү жок жарандар катышууда. 8-майда азыркы президент Шавкат Мирзиёев мөөнөтүнөн мурда шайлоо дайындоо тууралуу конституциялык мыйзамга кол койгон. 30-апрелде референдум өтүп, Конституцияны өзгөртүүнү добуш берүүгө катышкан шайлоочулардын 90,21% колдогон. Читать дальше...
“Элдик курултай жөнүндө” конституциялык мыйзам долбоору бүгүн 29-июнда Жогорку Кеңеште үчүнчү окууда каралып, кабыл алынды. Ага 69 депутат макулдугун, ал эми экөө каршы деген добушун беришти. Мыйзам долбоорун президент Садыр Жапаров демилгелеген. Аны кайра иштеп чыгуу үчүн депутаттардын жумуш тобу түзүлгөн. Топтун башчысы Жанарбек Акаев мыйзамдагы 22 берене 15ке чейин кыскарганын, делегаттардын 1070 деген саны 700гө чейин азайганын жана делегаттар шайлангандан тартып курултай аяктары менен ыйгарым... Читать дальше...
Францияда 17 жаштагы өспүрүм полициянын колунан каза тапкандан кийин тоз-тополоң күчөдү. Бейшембиге караган түнү Парижде жана башка шаарларда адамдар нааразылыкка чыгышты. Франциянын ички иштер министри Жеральд Дарманен кеминде 150 киши кармалганын билдирди. Башаламандык учурунда топтошкон кишилер Френ шаарындагы чоң түрмөнүн кире беришине фейерверк атышты. Le Monde басылмасы алар түрмөгө кире албаганын жазды. Жарандар Тулуза жана Лион өңдүү шаарларда да полиция менен кагылышты. Каргаша 27-июнда... Читать дальше...
Америкалык ырчы Мадонна кооптуу бактериялык инфекция менен ооруканага түшүп, дүйнөлүк турнесин кийинкиге калтырды. Бул тууралуу менеджери Гай Осири Instagram баракчасына жазды. Анын айтымында, бир нече күн жандандыруу бөлүмүндө жаткан 64 жаштагы ырчынын абалы жакшырып баратат, бирок дагы эле дарыгерлердин көзөмөлүндө. Ал гастроль качан болору тууралуу кийинчерээк маалымат берилерин билдирди. Page Six порталы жазгандай, Мадонна эс-учун жоготкон абалда 24-июнда Нью-Йорктогу ооруканага жеткирилген. Читать дальше...
Казакстанда АКШнын өтүнүчү менен Орусиянын жараны, "Хакер" журналынын мурдагы башкы редактору жана F.A.C.C.T. компаниясынын топ-менеджери Никита Кислицын кармалды. Ал 22-июнда кармалган, бирок орусиялык маалымат каражаттары бул туууралуу 28-июнда жазышты. F.A.C.C.T. казак бийлиги АКШга экстрадициялоонун негиздерин изилдеп жатканын белгиледи. Компания Кислицынга коюлган дооматтар 10 жыл мурдагы окуяларга байланыштуу экенин жана Казакстанда аны камоого мыйзамдуу негиздер жоктугун белгиледи.... Читать дальше...
Кыргызстанда кызмат учурунда жол кырсыгынан каза болгон прокурордун үй-бүлөсүнө бюджеттен миллиондогон сомдук кенемте төлөнгөн окуядан кийин мындан ары анын суммасы кыйла кыскартылмай болду. Бүгүн 29-июнда Жогорку Кеңеш тийиштүү мыйзам долбоорун дароо экинчи жана үчүнчү окууда карап, колдоп берди, эми ал президенттин кароосуна жөнөтүлөт. “Прокуратура жөнүндө” мыйзамын өзгөртүү тууралуу мыйзам долбоорун Каржы министрлиги президенттин сунушунан кийин иштеп чыгып, парламенттин кароосуна киргизген. Читать дальше...
Кыргызстан–АКШ кызматташтыгы бүгүн 29-июнда Жогорку Кеңеште “Ишеним” фракциясынын депутаттарынын америкалык элчи Лесли Вигери менен жолугушуусунда талкууланды. Парламенттин басма сөз кызматы билдиргендей, фракция лидери Улукбек Ормонов Лесли Вигерини Кыргызстандагы дипломатиялык ишмердүүлүгүнүн башталышы менен куттуктап, ийгиликтерди каалады. Муну менен катар парламент аралык байланышты чыңдоо зарылчылыгына токтолду. Анын ичинен тажрыйба алмашуу жана биргелешип иштө маселелерин көтөрдү. “Өз кезегинде... Читать дальше...
Жогорку Кеңештин депутаты, “Элдик” депутаттык тобунун лидери Акылбек Түмөнбаев “Азаттыктын” жабылышын колдобой турганын билдирди. Ал “Азаттыкка” курган маегинде медиа мекеменин журналисттерин сыйлай турганын, бул маселеге чек арадагы чырга байланыштуу материалдан улам көңүл бурулганын айтты. Ал өзүнүн пикирин президент Садыр Жапаровго айтканын белгиледи. Маданият министрлиги былтыр 26-октябрда “Азаттык Медиа” мекемесинин веб-сайтын бөгөттөө тууралуу чечим чыгарган. Буга “Эркин Европа/Азаттык” радиосунун... Читать дальше...
Чүй облустук Жол кыймылынын коопсуздугун камсыздоо башкармалыгынын (ЖКККБ) маалыматына караганда, өспүрүм балдардын өмүрүн алган жол кырсыгы 26-июнда Чүйдүн Мраморное айылында болду. Маалыматка ылайык, алар отурган жеңил автоунаанын айдоочусу рулду башкара албай, бетон кашааны сүзгөн. Ичиндеги үч өспүрүм набыт болуп, 20 жаштагы айдоочу жана дагы үч киши ооруканага жеткирилген. Маалыматтарга ылайык, автоунаада жети адам отурган, алар ошол күнү суу жээгинде эс алып, кайтып келе жатканы аныкталган. Читать дальше...
Өзбекстандын Каракалпакстан автоном республикасындагы кандуу окуяга бир жыл толду. Өзбек бийлиги 2022-жылдын 1-2-июлундагы нааразылык акциясында 21 адам каза тапканын, 243ү жараат алганын билдирген. Көз карандысыз иликтөөчүлөр 55тен 77ге чейин киши өлгөн деп эсептешет. Укук коргоо органдары 500дөн ашуун адамды кармап, айрымдары бошотулган. Ондогон жаран соттолду. Freedom for Eurasia уюмунун Нукус окуялары боюнча көз каранды эмес иликтөөсүнө катышып жаткан казакстандык укук коргоочу Галым Агелеуов "Азаттык" менен пикир бөлүштү. Читать дальше...
Ысык-Көлдөгү "Аврора плюс" эс алуу жайындагы ондогон кымбат батирлерди мамлекеттин карамагынан мыйзамсыз чыгарып кетүүгө шек саналгандардын бири Вадим Чикунаевге өкүм чыкты. Биринчи май райондук сотунда ага карата өкүм 4-июнда чыкканын "Азаттыкка" мекеменин басма сөз кызматы кабарлады. Соттун маалыматына караганда, Вадим Чикунаев Кылмыш-жаза кодексинин 336-беренеси ("Коррупция") боюнча күнөөлүү деп табылды, бирок иштин мөөнөтү өтүп кеткендиктен камакка алынган жок. Сот өкүмүнө ылайык, Чикунаевге Ысык-Көлдө катталган үч коттеж... Читать дальше...
Жогорку Кеңеш бүгүн, 29-июндагы отурумунда "Прокуратура органдары жөнүндө" мыйзамына өзгөртүүлөрдү киргизүү тууралуу" мыйзам долбоорун 2-3-окуудан карады. Мыйзам долбооруна ылайык, прокуратура органдарынан тергөө укугу алынып, Ички иштер министрлигине (ИИМ) жана Улуттук коопсуздук боюнча мамлекеттик комитетине (УКМК) берилет. Мыйзам долбоору каралып жаткан кезде депутат Исхак Масалиев прокуратура кызматкерлерине алардын жетекчисинин карьерасына жол ачкан "эрдигин" эсине салды: "Мыйзам долбоору чийки, толук иштелип чыкпаганы көрүнүп турат.
