Жусуп Баласагын атындагы Кыргыз улуттук университетинде белгилүү тарыхчы Кыяс Молдокасымовдун 60 жылдыгына арналган симпозиум өттү. Иш-чаранын алкагында тарыхчынын илимдеги эмгегине арналган "Изгилик" аттуу даректүү тасманын жана"Кыяс: алтымыштын белесиндеги белек" аттуу китептин бет ачары да болду. Илимпоз учурда байыркы кытай жазма булактарынан табылган кыргыз тарыхы тууралуу жаңы маалыматтардын үстүнөн иштеп жатат.
Ташкенттеги «Ильхом» театрынын артисттери орусиялык драматург Светлана Петричуктун «Финист Ясный Сокол» пьесасын сахнадан окушту. Жергиликтүү маалымат каражаттары жазгандай, режиссер Максим Фадеев оюнду Петричук жана режиссер Евгения Берковичке тилектештик иретинде койду. Алар 5-майда Москвадагы Замоскворецк райондук сотунун чечими менен «терроризмди актоо» беренеси менен эки айга камалган. Кылмыш ишин козгоого сөз болгон спектаклдин үстүнөн эки жыл мурун жазылган арыз негиз болгон. Пьесада Орусиядан... Читать дальше...
Ооганстандын түндүгүндөгү Бадахшан провинциясындагы мечитте жардыруу болуп, талибдердин Баглан шаарындагы коопсуздук кызматынын мурдагы башчысы жана дагы бир нече киши мерт болду. Бул тууралуу «Азаттыктын» ооган кызматына Бадахшандын Маалымат жана маданият башкармалыгынын жетекчиси Моазуддин Ахмади билдирди. Жардыруу 8-июнда Багланда губернатордун орун басарынын жаназасы маалында болгон. Маркум мындан эки күн мурун машинасына коюлган бомбадан каза тапкан. Ахмади карапайым адамдар арасындагы жоготуулар көптүгүн... Читать дальше...
Бишкек шаарында таза суунун тартыштыгы ушул күндөрү эң чоң көйгөйгө айланды. Башкалаанын бир катар микрорайондорунда жана конуштарда суу тартыш болууда. Мэрия шаардагы суу түтүктөрдүн 80% эскиргенин, маселени чечүү үчүн 500 миллиондой сом зарылдыгын билдирди.
8-июнда Ош шаарынын прокурорунун иш бөлмөсүндө шаар тургуну Жамила Бердиева өзүн өртөөгө аракет кылып, отурган жеринде бензин чачкан. Ал 1 миллион 800 миң сомго сатып алган балдар секирген батутун паркка коюуга тыюу салганы үчүн шаар бийлигине нааразы экенин билдирип, прокурорго даттанып келген. Бердиева Оштогу Т.Сатылганов атындагы эс алуу багында жеке ишкерчилик менен алектенген. Ош шаардык бийлигинин өкүлү буга чейин ишкерге бир нече жолу эскертүү берсилсе дагы аны аткарбай койгонун билдирди. Читать дальше...
8-июнда Кыргызстандын Ташкенттеги элчиси Муса Жаманбаев Өзбекстандын Ветеринария жана мал чарбасын өнүктүү комитетинин төрагасы Бахромжон Наркобилов менен жолугушуп, тез бузула турган азыктарга "жашыл коридор" ачууну сүйлөштү. Бул тууралуу Тышкы иштер министрлигинин басма сөз кызматы кабарлады. Ошондой эле коңшу эки өлкөнүн айыл чарба товарын сыртка чыгарууну биргелешип өнүктүрүү, соода-экономикалык кызматташтыкты бекемдөө, кыргыз компанияларын импортёрлор реестрине киргизүү тууралуу да сөз болду. Читать дальше...
Уралдын түндүгүндө аз сандагы манси эли жашайт. 12 миңге чукул мансилердин 200дөйү Свердлов облусун байырлайт. Аңчылык кылып, балык уулап жан баккан элдин жашоо турмушу соңку жылдары кыйындап барат. Анткени кен казган компаниялар тайганы талкалап, туристтер менен башка жактан келген мергенчилер жапайы жаныбарларды үркүтүп, кырып жатат. Тиричилиги токойго байланган мансилер келечеги үчүн кооптонушат.
Франциянын чыгышындагы Анси шаарындагы паркта бычак менен кол салуудан бери дегенде 5 киши, арасында 4 бала жарадар болду. Кол салган адам улгайган бир кишини жарадар кылып, качып баратканда полициянын огунан жаракат алды. Анын тек-жайы аныкталууда. Франциялык айрым маалымат каражаттары "ал башкалка сураган сириялык качкын" деп кабарлашты. Кол салууга эмне түртку болгону белгисиз. Окуя бейшембиде Альпы тоолорунун койнунда, Швейцария менен чек арага жакын жердеги 135 миң калктуу шаарда болгон. Ошол... Читать дальше...
Улуттук коопсуздук боюнча мамлекеттик комитети (УКМК) "Кыргызкөмүр" мамлекеттик ишканасынын Балыкчыдагы (Ысык-Көл) филиалында туруктуу коррупциялык схема аныкталганын кабарлады. Аталган мекеменин басма сөз кызматы тараткан маалыматка караганда, Ысык-Көлдөгү филиалды станциясынан Бишкек жылуулук электр борборуна чейин, ошондой эле Балыкчы шаарынын кампаларында көмүрдү сактоо учурунда көмүр сатуу фактылары аныкталган. "Алдын ала аудиттин корутундусуна ылайык, 2021-2023-жылдар аралыгында 6362,1 тоннага жакын, бул жалпысынан 18 млн. Читать дальше...
"Азаттык" Бишкектин четиндеги Байтик айылындагы Боз-Бөлтөк тоосунун кум-шагылын казууну токтотуу, аны тарыхый-архитектуралык корукка айлантуу жөнүндөгү президент Садыр Жапаровдун тапшырмасы аткарылбай жаткан жагдайды иликтеп чыкты.
Ысык-Көлдө кыргыз-казак консулдук кеңешмесинин кезектеги сүйлөшүүлөрү өттү. Анда кыргыз жарандарынын Казакстандын аймагында болуу тартибин жөнөкөйлөтүү маселеси талкууланды. Бул тууралуу Тышкы иштер министрлигинин басма сөз кызматы кабарлады. Маалыматка караганда, тараптар жарандардын эки өлкөдө тең болуу режимин жөнөкөйлөтүү боюнча иштерди улантмай болду. Мындан сырткары, 7-июндагы иш-чаранын жүрүшүндө кармалган жарандар тууралуу ыкчам маалымат берүү, эки өлкөнүн жарандарынын кирүүсүнө тыюу... Читать дальше...
Казакстандын аймактарында полиция Астанадагы эл аралык форум өтүп жатканда митинг уюштурууну пландаган активисттерди кармай баштаганын "Азаттыктын" казак редакциясы жазды. Маалыматка караганда, Алматыда полиция "Алга Казакстан" кыймылынын активисттери Асет Абишев менен Бибигүл Иманалиеваны үйүнөн чыгып бараткан жеринен кармады. Аларды кармоо учуру тартылган видео активисттердин Фейсбуктагы баракчаларына жарыяланды. Абишевдин түз эфири анын Фейсбук баракчасында сакталып калган. "Бүгүн Марат Жыланбаевди колдоо... Читать дальше...
Кыргызстанда 1-июндан 1-сентябрга чейин жүк ташыган машиналарга күн ысыкта жолго чыгуусуна чектөө киргизилди. Бул тууралуу Транспорт жана коммуникациялар министрлиги кабарлады. "Чектөөгө ылайык, саат 10:00дөн саат 20:00гө чейин, абанын күндүзгү температурасы 28 градустан жогору болгондо көлөмү 18 тоннадан ашкан жүк ташыган машиналарга жалпы пайдалануудагы жолдордо жүрүшүнө убактылуу тыюу салынат. Урматтуу айдоочулар, салынган жолдордун талкаланышына жол бербейли",-деп жазылган маалыматта. Буга чейин күн ысыган маалда асфальт ээрип... Читать дальше...
Жогорку Кеңеш 8-июнда Ысык-Көлдүн тескейиндеги Ак-Шыйрак тоо кыркасында жайгашкан №354 мөңгүгө Бириккен Араб Эмирликтеринин (БАЭ) шейхи Заид бин Султан Аль Нахаяндын ысымын ыйгаруу жөнүндө мыйзам долбоорун биринчи окууда кабыл алды. Документ каралып жаткан маалда "Бүтүн Кыргызстан" фракциясынын лидери Адахан Мадумаров баштаган бир катар депутаттар мөңгүлөргө Кыргызстандын көрүнүктүү инсандарынын аты ыйгарылбай, чет өлкөлүк лидерлердин ысымы берилип жатканын сындады. Былтыр ноябрда президент Садыр... Читать дальше...
8-июнда түнкүсүн жаан-чачын күтүлбөйт. Күндүз Жалал-Абад облусунун тоолуу райондорунда өткүн өтүп, күн күркүрөшү, бийик тоолуу райондорунда кар жаашы мүмкүн. Калган аймактарда жаан-чачын болбойт. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге чейин жетет. Абанын температурасы: Чүй өрөөнүндө түнкүсүн 18…23, күндүз 35…40; Талас жергесинде түнкүсүн 16…21, күндүз 33…38; Баткен, Ош, Жалал-Абад аймактарында түнкүсүн 20…25, күндүз 35…40; Ысык-Көл дубанында түнкүсүн 11…16... Читать дальше...
Жусуп Баласагын атындагы Кыргыз улуттук университетинде тарых илимдеринин кандидаты, профессор, президенттин аппаратына караштуу "Мурас" коомдук фондунун төрагасы Кыяс Молдокасымовдун 60 жылдыгына арналган симпозиум өтүп жатат. "Борбор Азия өлкөлөрүндө архивдик жана булак таанууну өнүктүрүүнүн тарыхый, методологиялык жана башка өңүттөрү" аттуу симпозиумга КРнын Баш прокурору Курманкул Зулушев, ЖКнын депутаттары Нуржигит Кадырбеков, Динара Ашимова жана бир катар окумуштуулар, тарыхчылар, коомдук ишмерлер катышууда. Читать дальше...
Аргентиналык футболист, дүйнө чемпиону, 35 жаштагы Лионель Месси быйылкы сезон аяктагандан кийин америкалык "Интер Майами" клубуна өтөрүн жарыялады. Ушу тапта ал Франциянын "Пари Сен-Жермен" командасында ойнойт. Мессинин айтымында, келишимге азырынча кол коюла элек, бирок америкалык командага өтүү чечими кабыл алынды. Ал франциялык клубда 2021-жылдан бери ойноп жүрөт. Ага чейин бала кезинен тарта "Барселонада" ойногон. Буга чейин маалымат каражаттарында анын кайра Испанияга кайтары жана Сауд Арабиянын клубунан сунуш түшкөнү айтылып келген. Читать дальше...
Тажик күч органдары жүргүзгөн операция учурунда ондогон ооган жараны, арасында мурдагы аскер кызматкерлери кармалды. Бул тууралуу маалымдаган "Озоди" радиосу бир жумадан бери Хатлон облусунун Шамсиддин Шохин районунда, алыскы чек ара тилкесинде текшерүү иштери жүргүзүлгөнүн кабарлады. Маалыматка караганда, тажик бийлиги иш-чара жөнүндө расмий маалымат бере элек. Бирок редакциянын мамлекеттик мекемелердеги булактары маалыматты тастыктап, кармалгандардын жанынан "курал-жарак табылганын, алар Дүйшөмбүгө жеткирилгенин" билдиришти. Читать дальше...
Казакстандын тунгуч президенти Нурсултан Назарбаевдин кеңсеси 45 күндүн ичинде ишин токтотот. Бул тууралуу финансы министри Ерулан Жамаубаев 7-июнда билдирди. Анын айтымында, кеңсени жоюу менен үч миллиард теңгеге чейин (6,6 миллион доллар) мамлекеттик каражат үнөмдөлүп, башка максаттарга жумшалат. Бир жума мурун казак Юстиция министрлиги Кылмыш-жаза кодексинен Назарбаевди мазактоо үчүн жаза каралган беренени алып салууну парламентке сунуштаган. Беренеде биринчи президенттин ар-намысына шек келтирүү... Читать дальше...
Жогорку Кеңеш 8-июндагы жыйынында “Элдик курултай жөнүндө” мыйзам долбоорун экинчи окууда карап, кабыл алды. Документти 30-майда тармактык комитет экинчи окууда жактырган. Буга чейин мыйзам долбоорун кайра иштеп чыгуу үчүн түзүлгөн жумушчу топтун башчысы, "Альянс" фракциясынын лидери, депутат Жанар Акаев анда 22 берене 15ке чейин кыскарганын билдирген. Ошондой эле делегаттардын саны 700гө чейин азайган. Андан сырткары делегаттар шайлангандан тартып курултай аяктары менен ыйгарым укуктары токтотулары жазылган. Читать дальше...
Жогорку Кеңеш 8-июндагы жыйынында “Элдик курултай жөнүндө” мыйзам долбоорун экинчи окууда карап жатат. Анда депутат Нурбек Сыдыгалиев президент Садыр Жапаровдун кеңешчиси Чолпонбек Абыкеевдин "2020-жылдагы Октябрь окуясында парламент депутаттары кетип калган, эми курултай чогулат" деген мазмундагы буга чейин айткан сөзүн дагы сынга алды. Ошол окуялар маалында депутаттар чогулуп, ошол маалдагы президент Сооронбай Жээнбековдон кийин келген бийликти мыйзамдаштырып бергенин айтты. Абыкеев бул сөзүн... Читать дальше...
Кой-Таштагы аскердик бөлүктө ок жеген жоокердин жакындары ал зомбулукка кабылганын айтып жатышат. Апасы Майрамбүбү Абдразакова бүгүн 8-июнда “Азаттыкка” кайрылып, уулу операция болгонун, ок өпкөсүнө жана кабыргасына тийгенин, мындан тышкары ал сабалганы да белгилүү болгонун айтып берди. Абдразакова териштирүү жүрүп жатканын, баарын тийиштүү мекемелердин өкүлдөрүнө айтып бергенин билдирип, уулу жандандыруу бөлүмүнөн палатага которулганын, ал өзүн өзү атып алган деген версия каралып жатканын айтты: “Денеси бүт көк ала. Читать дальше...
“Азаттык медианы” жабуу чечими Кыргызстанда талаштуу, карама-каршылыктуу мыйзамдар - сөз эркиндигин жана маалымат алуу укуктарын камсыздаган адамдар менен мекемелерди бутага алуу үчүн кыянат пайдалынышы мүмкүн деген тенденциясын чагылдырат". Жарандык эркиндиктер чөйрөсүндө иш алып барган Article 19 жана бир нече эл аралык уюм 7-июнда Кыргызстандын президенти Садыр Жапаровго жолдогон катында ушундай пикирин билдирди. Алар Кыргызстанда жарандык укуктардын начарлап баратканына тынчсыздануусун айтып... Читать дальше...
Канаданын 3,8 миллион гектар жерин өрт чалды. Бул адатта жылдын ушул мезгилинде чыккан токой өрттөрүнөн жабыркаган аянттардан 10-15 эсе көп. Өкмөттүн 7-июндагы маалыматына ылайык, 414 жерде токойлор өррттөнүп жатат, анын жарымынан көбү көзөмөлдөн чыкты. 20 миңден ашуун киши эвакуацияланды. Кошуна өлкөдөгү табигый кырсыктан улам АКШнын Нью-Йорк, Вашингтон жана башка шаарларын түтүн каптады. Түндүк Америкадагы он миллиондогон кишиге түтүндөн, абанын булганышынан этият болууга эскертүү берилди. ... Читать дальше...
Бишкектин Биринчи Май райондук сотунда бүгүн 8-июнда ички иштер министринин мурдагы орун басары Курсан Асановго козголгон иштер боюнча акыркы отурум болуп, өкүм чыкты. Асановдун өзүнө жана ага байланышы бар деген бир нече адамга коюлган үч айыптын экөө боюнча баары акталышканын, ал эми бирөө боюнча айыптуу деп табылышканын, шаардык сотко апелляция берилерин “Азаттыкка” адвокат Чынара Жакупбекова билдирди: “Пайзылда уулу Дамирбек акталды. Мухаммедали Асанов акталды толук, ал атасына жардам берди деп айтылып жаткан. Читать дальше...
