Кыргызстандык балбан кыз Айпери Медет кызы Казакстандын борбору Астана шаарында өтүп жаткан кыз-келиндер күрөшү боюнча Азия чемпионатында күмүш байгенин ээси болду. Мелдештин расмий сайтындагы маалыматка таянсак, Медет кызы 11-апрелде 76 килограмм салмакта үч беттеш өткөрдү. Чейрек финалда индиялык Прия Прияны 4:0, жарым финалда жапониялык Мизуки Нагашиманы 3:2 эсебинде жеңди. Финалда казакстандык Элмира Сыздыковага жеңилип, 2-орунду ээледи. Айпери Медет кызынын байгеси бул чемпионаттагы Кыргызстандын... Читать дальше...
Жол коопсуздугун камсыз кылуу башкы башкармалыгынын башчысы Азамат Исраилов абхаз номурлуу автоунааларды каттоо маселеси качан чечилери белгисиз экенин билдирди. Парламенттин 11-апрелдеги тармактык комитетинде депутаттардын суроолоруна жооп берип жатып ал Абхазия, Армениядан ташылып келген машинелерди каттоо татааал маселе болуп жатканын белгиледи. Анын айтымында, Казакстанда автотранспортту каттатуу үчүн бир жолку мунапыс берүү тажрыйбасы дагы ал өлкөдө татаал болуп жатат. Анын маалыматында... Читать дальше...
Армения жана Азербайжандын чек арасында атышуу болгонун эки тараптан тең аскер өкүлдөрү билдирди. Маалыматтарга караганда, каза тапкандар жана жабыркагандар бар. Армениянын Коргоо министрлиги атышуу "11-апрелде жергиликтүү саат 16 чамасында Сюник облусундагы Тех айsлынын айланасында болгонун" маалымдап, "Азербайжандын куралдуу күчтөрү инженердик иштерди аткарып жаткан аскерлерге ок ачканын, аларга жооп кайтарылганын" билдирди. Мындай маалымат "Азаттыктын» армян редакциясынын сайтында жарык көрдү. Читать дальше...
Жаңы-Өзөн шаарынын тургундарынын тобу акимчиликтин жанына чогулуп, Астанада Энергетика министрлиги алдында кармалган мунайчыларды бошотууну талап кылышууда. “Азаттыктын” казак кызматы маалымдагандай, "БЖБ" компаниясынын шаардагы жумушчулары нааразылык иретинде бир саатка ишин токтотту. "Кезби" компаниясынын кызматкерлери да мунайчыларды бошотууну талап кылып жатышат. Шейшембиде түштөн кийин Астананын полициясы жумушчулардын бир нечесин кармап кеткен. 10-апрелде "Берали Мангистау Company"... Читать дальше...
Орусиянын “Сахарово” борборунда борбор азиялык мигранттарды орус армиясы менен келишим түзүүгө үндөгөн баракчалар таратылып жатат. Активист Ырыс Жекшеналиевдин сотунда тараптардын жарыш сөзү болду. Күрөш боюнча Азия чемпионатында кыргыз балбандары Астанада үч алтын, бир күмүш, үч коло тагынышты.
Мамлекеттик айыптоочу экстремисттик материалдарды тараткан деп айыпталып жаткан Руслан Бекназаровду үч жылга эркинен ажыратууну сурады. Биринчи май райондук сотунда 11-апрелде жарыш сөз болду. Соттун жүрүшүндө тартылган видеону Бекназаров Фейсбуктагы баракчасына жүктөдү. Анда прокурор Руслан Бекназаровду Кылмыш жаза кодексинин 332-беренеси (“Экстремисттик материалдарды даярдоо, таратуу”) боюнча күнөөлүү деп таап, үч жылга эркинен ажыратууну сурады. Бекназаров эч кандай күнөөсү жок экенин кайталады. Читать дальше...
11-апрелде парламенттеги эки комитет баш прокурор Курманкул Зулушевдин отчетун угуп, жактырды. Депутаттар Орусиянын абактарында кармалып турган мигранттардын тагдырына, Кемпир-Абад иши боюнча кармалгандардын маселесине байланыштуу суроолорду узатты. Жыйында башкы көзөмөл органынан тергөөнү алуу боюнча да иштер жүрүп жатканы белгилүү болду. Баш прокурор Курманкул Зулушев 11-апрелде Жогорку Кеңештеги Конституциялык мыйзамдар, мамлекеттик түзүлүш жана Укук тартиби боюнча комитеттерге көзөмөл органынын 2022-жылдагы иши боюнча отчет берди. Читать дальше...
Россельхознадзор мекемеси 10-16-апрель күндөрү Орусияга сүт азыктарын ташыган кыргызстандык сүттү кайра иштетүүчү беш ишкананы текшерип чыгат. Бул тууралуу мекеменин сайтында жазылды. Анда сүттүн сапаты, лаборатория жана коопсуздук боюнча Евразия экономикалык биримдигинин (ЕАЭБ) шарттарына шайкеш келери каралат. Жакында эле Орусиянын Россельхознадзор мекемеси кыргызстандык “Тойбосс” компаниясынын колбасасынан чочконун ДНКсы табылганын билдирип, Кыргызстандын ветеринардык көзөмөл кызматтарынын ишин чабал деп баалаган. Читать дальше...
Кыргызстандык балбан Калмира Билимбек кызы Астанада өтүп жаткан кыз-келиндер күрөшү боюнча Азия чемпионатында коло байгеге ээ болду. Күрөш дүйнөсү уюмунун сайтындагы маалыматка таянсак, ал 11-апрелде 59 килограмм салмакта күч сынашып, айлампа тартибинде төрт таймаш өткөрдү. Алгач казакстандык Диана Каюманы 2:1, экинчи беттешинде өзбекстандык Сарбиназ Жиенбаеваны 11:0 эсебинде утуп, жарым финалда кытайлык Жуомалага Жуомалагага жеңилди (2:6). Коло байге үчүн беттеште казакстандык Диана Каюмова менен кайрадан беттешип, 11:6 эсебинде жеңди. Читать дальше...
Массалык башаламандыкка шектелип камалган активист Чыңгыз Капаров 11-апрелде ооруканага жаткырылды. Капаров Улуттук госпиталда дарыланарын жактоочусу Бакытбек Автандил билдирди. “Чукул ооруканага жаткырылды. Ага жакынкы күндөрү өтүнөн операция жасалат”, - деди ал. Буга чейин адвокат Чыңгыз Капаров дарыланууга муктаж экенин айтып келген. 10-апрелде абактагы дагы бир активист Илгиз Шаменов ооруканага жаткырылган. 11-апрелдеги парламент жыйынында массалык башаламандыкка айыпталып абакта отурган саясатчы, активисттердин маселеси айтылды. Читать дальше...
Өзбекстандын Энергетика министрлигинде түзүлгөн жумушчу топ Кыргызстандын Кадамжай районунда “Түндүк Сох” газ кампасы боюнча жолугушууга катышты. Бул тууралуу Bright Uzbekistan басылмасы жазды. Анда Кыргызстан менен Өзбекстандын жумушчу топтору “Түндүк Сох” газ сактоочу кампаны чогуу ишке киргизүү маселесин талкуулаганы жазылат. Жолугушууда газ кампасын ишке киргизүүдөгү жол карта талкууланып, мындан аркы иш-аракеттер аныкталган. Эки өлкөнүн Энергетика министрликтери долбоордун техника-экономикалык... Читать дальше...
Жогорку Кеңештин комитеттеринин биргелешкен жыйынында бир нече депутат Орусияда кыргызстандыктардын маңзат ташуу менен кармалып жатышы, абактагыларды экстрадициялоо маселесин көтөрдү. Депутат Мейкинбек Абдалиев Орусияда жеке компаниялар абактагы мигранттарды согушка азгырып жаткан көйгөйдү айтты. “Бир компания, атын атабай эле койсом. Ошол жеке компания көпчүлүктү (ред: абактагыларды) ар кандай ыкмалар менен согушка алып кетип жатыптыр. Алдап, акча каражаттарын сунуштайт экен. Ушул багытта иш алып барсаңар”, - деди. Читать дальше...
Билим берүү жана илим министрлиги жалпы билим берүүчү мектептердин жетекчилеринин бош кызмат орундарына сынак жарыялады. Ага ылайык, Кыргызстан боюнча 180ден ашык мектептин директорлугуна сынак өтөт. Сынакка катышууну каалагандар комиссияга 24-апрелге чейин тиешелүү документтерин тапшырууга тийиш. Убагында кайрылбаган талапкерлер сынактан четтетилет. Министрликтин сайтындагы маалыматка ылайык, сынакка жогорку педагогикалык билими жана 7 жылдан кем эмес тажрыйбасы бар адамдар катыша алышат.... Читать дальше...
Терроризмге шектелген өзбекстандык үч киши Индонезиядагы камактан качуу аракетин көргөндө иммиграциялык борбордун кызматкери жана шектүүлөрдүн бири каза тапты. Полициянын маалыматына ылайык, аман калгандары кайра камалды. AFP агенттиги жазгандай, өзбекстандыктар дагы төрт мекендеши менен интернетте терроризмге үгүттөгөн деген шек менен бир нече күн мурун кармалган. Индонезия полициясы алардын “Ал Каидага” жакын Katiba al Tawhid wal Jihad деген топко байланышы бар деп эсептейт. "Шектүүлөр Түндүк... Читать дальше...
Кыргызстандын Министрлер кабинетинин төрагасы Акылбек Жапаров Вашингтонго иш сапарынын алкагында Дүйнөлүк банктын капиталды өнүктүрүү боюнча вице-президенти Мамта Мурти менен жолукту. Жолугушуунун жүрүшүндө тараптар Кыргызстанда экономика, банк, билим берүү, социалдык өнүктүрүү жана санариптештирүү тармактарында учурдагы жана пландалып жаткан долбоорлордун абалын талкуулашты. Министрлер кабинетинин төрагасы Кыргызстанга көбүрөөк көлөмдө "түз колдоо" зарылдыгын айтып, бул өлкө экономикасын стимулдаштырууга... Читать дальше...
Фейсбуктагы “Полит Узник” баракчасынын администратору, “бийликти басып алууга, жапырт башаламандык кылууга үндөгөн” деп шек саналып жаткан Ырыс Жекшеналиев бүгүн, 11-апрелде Бишкектин Биринчи май райондук сотунда жарыш сөзгө чыкты. Ал тергөө материалдарында өзүн Жалал-Абад облусунун Кара-Көл шаарында туулуп-өскөн деп жазылганын билдирип, бул туура эмес маалымат экенин айтты. Жекшеналиев өзүнө коюлган айыптарды четке кагып, адам пикиринин эркиндиги боюнча Конституциялык укугу бар экенин белгиледи. Читать дальше...
Улуттук коопсуздук комитеттин (УКМК) мурдагы төрагасы Орозбек Опумбаевге жана мурдагы ички иштер министри Кашкар Жунушалиевге эч бир орган кылмыш ишин козгогон эмес. Бул тууралуу 11-апрелде Жогорку Кеңештин комитеттеринин биргелешкен комитетинде белгилүү болду. Опумбаев менен Жунушалиев жөнүндө депутат Жусупбек Коргонбай уулу суроо берди. Ички иштер министринин орун басары Эркебек Аширхожаев күч түзүмдөрүнүн мурдагы башчыларына кылмыш ишин козгоого ИИМдин укугу жок экенин айтса, Улуттук коопсуздук... Читать дальше...
Мурдагы энергетика мнистри Доскул Бекмурзаевге карата кылмыш ишинин тергөөсү убактылуу токтоп турат. Бул тууралуу 11-апрелде Жогорку Кеңештин комитеттеринин биргелешкен жыйынында башкы прокурор Курманкул Зулушев билдирди. “Бекмурзаевге карата эки кылмыш иши козголгон. Тергөө тарабынан мамлекетке чыгым 17 млн. 468 миң деп эсептелген. Бүгүнкү күндө тергөө токтоп турат, анткени министр "ооруганына байланыштуу Түркия мамлекетинде дарыланып жатам" деген. Ошо менен иштин жыйынтыгы чыга элек”, - деди Зулушев. Читать дальше...
Адилет Балтабай деген ат менен таанымал блогер жана жарандык активист Адилет Али Мыктыбектин иши 11-апрелде Жогорку Сотто каралды. Бул тууралуу активист өзү "Фейсбуктагы" баракчасына жазды. Ага ылайык, жараянда адвокаттар эксперттер тарабынан кетирилген түшүнүксүз жагдайларды кеңири айтышты. Эми соттук коллегиянын чечими 19-апрелде чыгат деп күтүлүүдө. Адилет Балтабай чечим адилеттүү болот деген үмүтүн да билдирген. Блогер быйыл 13-январда Кемпир-Абад иши боюнча камакта жаткандарды бошотуу талабы... Читать дальше...
“Талибан” жергиликтүү кыз-келиндердин уюмда иштөөсүнө тыюу салгандан кийин БУУ Ооганстанда калуу же калбоо маселесин караштырып жатканын билдирди. Талибдер уюмду “өлкөдө калып, ооган элине жардам берүү жана биз коргоого милдеттүү нормалар менен принциптерди сактоо маселесинин ортосунда “иренжитүүчү тандоо" жасоого аргасыз кылууда”, - деп белгиледи Улуттар Уюмунун Ооганстанга жардам көрсөтүү миссиясы (UNAMA) 11-апрелде . Маалыматка караганда, баш катчынын атайын өкүлү, миссиянын жетекчиси Роза... Читать дальше...
Мурдагы совет өлкөлөрүндө гана эмес, дүйнөнүн көптөгөн өлкөлөрүндө азербайжандык “Жөжөлөрүм” ыры сүйүктүү балдар ырына айланган. Арийне, бул ырдын обонун жазган композитор Гамбар Гусейнлинин жазыксыз эле сталиндик капаста жатып чыкканын көбү билишпейт. Тарыхчынын блогу.
№26 Ленин бир мандаттуу шайлоо аймагынан депутаттыкка ат салышуу ниетин бүгүн, 11-апрелде дагы эки адам билдирди. Борборбук шайлоо комиссиясынын (БШК) маалыматына караганда, Бишкектин тургундары Роман Мокейчук жана Аким Маликов Жогорку Кеңеш депутатын мөөнөтүнөн мурда кайра шайлоого катышууга арыз беришти. Буга чейин аталган шайлоо аймагынан 13 талапкер ат салышууга арыз берген. Алардын арасында жалгыз аял бар. Арыз бергендердин баары өзүн-өзү көрсөткөндөр. Округ боюнча депутаттыкка талапкерлерди көрсөтүү 27-апрелде аяктайт... Читать дальше...
Жогорку Кеңештин тармактык комитетинин башкы прокурор Курманкул Зулушев катышкан жыйынында массалык башаламандыкка айыпталып кармалган саясатчы, активисттердин маселеси көтөрүлдү. Депутат Жанарбек Акаев аларды боштондукка чыгарууга чакырды. “Эгерде далил болбосо эркиндикке чыгарууну карашыбыз керек. Тынч жыйынга чогулушса, бийликти басып алабыз деп ачык чакыруу кылбаса.. Болгону нааразылыгын айткан. Баш мыйзамда ар бир адам өз пикирин айтууга укугу бар. Бирок, аракет болгон жок. Асия Сасыкбаева жетимиштен ашты... Читать дальше...
Бүгүн, 11-апрелде Бишкектин Биринчи Май райондук соту “бийликти басып алууга, жапырт башаламандыкка үндөгөн” деп шек саналып жаткан блогер Ырыс Жекшеналиевдин ишин кароону баштады. 3-апрелдеги соттук териштирүүдө прокурор активистти күнөөлүү деп таап, алты жылга эркинен ажыратууну сураган. Сот жараянынан кийин Ырыс Жекшеналиев президент Садыр Жапаровго ачык кайрылуу жасап, студент экенин, соттон акталып чыгып, окуусун улантуу ниети бар экенин жана бийликти басып алууга максаты болбогонун билдирген. Читать дальше...
Жогорку Кеңештин депутаты Жанарбек Акаев “ПолитКлиника” медиасынын “Мега” компаниясын Мамлекеттик өнүктүрүү банкына сатуудагы күмөндүү жагдайларды ачыктаган иликтөөсүнө Башкы прокуратура көңүл бурушу керектигин билдирди. Депутат бул иште Максим Бакиев, Алексей Ширшовдун байланышы бар экенин белгиледи. “Судец, (ред: Мамлекеттик өнүктүрүү банкынын жетекчиси) Алексей Ширшов биригип алып коррупциялык схема иштеп жатат. Сиз ушул маселени алдын алууга күчүңүз жетет. Булар өнүктүрүү банкына “Мегакомду” (ред... Читать дальше...
