Орусиянын Белгород облусунда аскердик полигондо теракт уюштурду делген тажикстандык жарандын тек-жайы аныкталды. Москвада иштеген мигрант Эхсон Аминзода кантип ал жерге барып калганы белгисиз. Кыргызстан менен Өзбекстандын чек арасы боюнча келишимдин долбоорун жактырган комитеттин чечимине кол койбогон Чыңгыз Айдарбековду төрагалыктан кетирүү аракеттери жок эмес. Айдарбеков тиешелүү документтерди көрбөгөндүктөн келишимдин долбооруна каршы добуш бергенин билдирди.
Эл артисти, белгилүү балерина Айзада Тумакова 30 жылдан ашуун өмүрүн искусствого арнаган. 25 жыл сахнада бийлеп, белгилүү партияларды аткарса, учурда 70тей жаш бийчиге бул өнөрдүн сырын үйрөтүп келатат. Тагдыры балет дүйнөсүнө байланган бийчи жеке жашоосу, ийгиликтери тууралуу айтып берди.
Мектептерди 12 жылдык окутуу системасына өткөрүү маселеси бүгүн 17-октябрда Жогорку Кеңештин Эл аралык иштер, коргоо, коопсуздук жана миграция комитетинде көтөрүлдү. Азия өнүктүрүү банкынын долбоору боюнча келишим талкууланып жатканда депутат Жылдыз Таалайбек кызы («Ишеним») аталган документти сынга алып, анда эгер Кыргызстан 12 жылдык системага өтпөсө акчанын экинчи бөлүгү берилбейт деген шарт жазылып калганын айтты. Билим берүү жана илим министринин орун басары Надира Жусупбекова “Секторду өнүктүрүү программасы... Читать дальше...
Түркмөнстанда чет өлкөлөрдө окуган студенттер мекенине кайтып, аскерде кызмат өтөөгө милдеттендирилди. Ошол эле маалда мыйзамга ылайык жогорку окуу жайларында билим алып жаткандар аскерден бошотулат. Балкан чөлкөмүнүн бир нече тургуну “Азаттыктын” түркмөн редакциясына (“Азатлык”) кайрылып, жергиликтүү аскердик комиссариаттан жаңы жобону аткаруу керектиги тууралуу “опузалаган кат алышканын” айтышты. Айрымдарынын үйлөрүнө полиция эскретүүсүз келген учурлар да болгон. Түркмөнбашы шаарынын тургуну баласы окуп жаткан чет өлкөдөн кайтып келбесе... Читать дальше...
Сузакта былтыр июнь айындагы селден улам турак жайсыз калган сегиз үй-бүлө жаңы үйлүү болушту. Алар бир жарым жыл бою ар кандай шартта, айрымдары вагондо, кээ бирлери башкалардын үйлөрүндө баш калкалап келишкен. Курулуш иштери элден чогулган жана мамлекеттик бюджеттен бөлүнгөн 12 миллион сомго бүттү.
Кыргызстан Тажикстан менен чек арасын тактап алыш үчүн Орусияга ортомчулук сурап кайрылганын, орус тарап Советтер Союзунан бери сакталып турган архивдик документтерди изилдеп чыкмай болгонун жана орус президенти Владимир Путин сунушту кабыл алганын 17-октябрда “Биринчи радионун” эфиринде Коопсуздук кеңешинин катчысы Марат Иманкулов билдирди. Анын айтымында, президент Садыр Жапаров мындай өтүнүч менен орус президенти Владимир Путинге Астанада тажик президенти Эмомали Рахмон үчөө өткөргөн жолугушууда айтты: “Ал жерде ачык сүйлөшүү болду. Читать дальше...
Депутат Чыңгыз Айдарбековду Жогорку Кеңештин Эл аралык иштер, коргоо, коопсуздук жана миграция боюнча комитетинин төрагалыгынан алуу аракеттери көрүлүп жатканы белгилүү болду. Буга өткөн аптада атайын комитетте каралган кыргыз-өзбек чек арасына байланышкан келишим долбоору себеп экени айтылып жатат. Парламент бул боюнча комментарий бере элек. Чыңгыз Айдарбеков кыргыз-өзбек чек арасы, анын ичинде Кемпир-Абад суу сактагычы боюнча эки тараптуу келишимдин долбоору тууралуу парламенттин Эл аралык иштер... Читать дальше...
Казакстандын Жогорку соту 17-октябрда жарандык активист, юрист Алнур Ильяшевдин Борбордук шайлоо комиссиясынын чечими боюнча (БШК) доо-арызын карай баштады. Ал мамлекет башчы Касым-Жомарт Токаевдин президенттикке талапкерлигин каттоону жокко чыгарууну талап кылган. Ильяшев БШКнын Токаевди каттоо тууралуу токтому "мыйзамсыз, конституцияга каршы келгендиктен, аны жокко чыгаруу зарыл" деп эсептейт. Активист ошондой эле БШК “мөөнөтсүз шайлоо өткөрүү практикасына дем берип, жарандарды мыйзамдуу жана... Читать дальше...
Ат-Башы районунун Ак-Талаа айылынын тургуну Нурлан Кадыров бийик тоолуу аймакта картөшкө үрөнүн өндүргөн дыйкан катары таанымал. Ал эки жылдан бери бир тонна картөшкөдөн 30 эсеге чейин түшүм алып, айылдаштарына таратып жатат.
Италияга студенттик визасын ала албай жатканын айтып президент Садыр Жапаровдон жардам сурап кайрылган кыргызстандык жаштардын өкүлү менен жолугушуу болгонун 17-октябрда Тышкы иштер министрлиги (ТИМ) билдирди. Мекеменин басма сөз кызматынын маалыматына караганда, буга дейре андай көйгөй бар экени тууралуу аларга жазуу түрүндө маалымат түшкөн эмес. Министрлик Италиянын Кыргызстандагы элчилигине тийиштүү кат жөнөткөнүн, виза маселесинин чечилишин тездетүү өтүнүчү менен кайрылганын жана бардык тийиштүү... Читать дальше...
Баткенде Тажикстандан аткезчилик жол менен ири суммада чет өлкөлүк валюта алып чыгууга шектелген төрт адам кармалганын 17-октябрда Улуттук коопсуздук боюнча мамлекеттик комитет (УКМК) билдирди. Мекеменин басма сөз кызматынын маалыматына караганда, окуя 15-октябрда Баткен районунун Кара-Бак айылында болгон. Аткезчилик менен алектенип жүргөн адам катары таанымал жергиликтүү тургундун машинасынан Тажикстандан ташылып келаткан деген 2 млн 750 миң доллар табылган. Кылмышка шектүү катары жалпысынан төрт адам кармалып... Читать дальше...
Кыргызстан Жаматтык коопсуздук келишим уюмунан (ЖККУ) чыгууну көздөбөйт, уюмга муктаждыгы бар. Бул тууралуу Коопсуздук кеңештин катчысы Марат Иманкулов бүгүн, 17-октябрда Биринчи радиого курган маегинде билдирди. Иманкулов анда Кыргызстандын ЖККУнун тынчтык орнотуучу күчтөрүнүн “Бузулбас боордоштук” командалык-штабдык машыгууларын өткөрүүдөн баш тартуу себебин түшүндүрдү. Анын сөзүнө караганда, машыгуу сентябрь айындагы Тажикстандын Кыргызстанга куралдуу кол салуусуна байланыштуу өтпөй калды. ... Читать дальше...
Жогорку Кеңештин Эл аралык иштер, коргоо, коопсуздук жана миграция боюнча комитетинин төрагасы Чыңгыз Айдарбеков аны жетекчиликтен алуу аракеттери көрүлүп жатканы тууралуу маалыматты четке каккан жок. 17-октябрда парламентте журналисттердин суроолоруна жооп берип жатып ал комитеттин кыргыз-өзбек чек арасына байланыштуу чечимине кол койбогондуктан, мындан ары эмне кылыш керек деген суроо турганын, анын ичинде өзү боюнча да маселе талкууланып жатканын айтты. "Мен комитеттин жыйындарын башынан аягына чейин регламенттин негизинде өткөрүп келатам.
Астана шаарынын акимчилиги Казакстандын экс-президенти Нурсултан Назарбаев быйыл августта ачкан мечитти жергиликтүү маанидеги тарыхый жана маданий эстеликтердин тизмесине киргизүүүнү көздөп, тиешелүү долбоорду коомдук талкууга алып чыкты. Ошол эле токтомдун негизинде Нур-Султан деген аталыштын бардыгы Астана деп өзгөртүлмөкчү. 12-августта казак башкалаасында Борбор Азиядагы эң ири деген мечитти экс-президент Назарбаев ачкан. Имараттын пайдубалын салууга да ал 2019-жылдын мартында, отставкасына бир күн калганда катышкан. Читать дальше...
Кыргызстанда быйыл алгачкы жолу кышында да жалпы республикалык тестирлөө өтөт. Билим берүү жана илим министрлигинин сайтына 17-октябрда жарыяланган маалыматка караганда, жогорку окуу жайларына абитуриенттерди кышкы кабыл алуу үчүн тестирлөө 24-30-ноябрь күндөрү уюштурулат. Мында келишимдик негизде окуй турган гана абитуриенттер тандалат. Тестирлөөгө катышууну каалагандарды каттоо онлайн режимде 17-27-октябрь күндөрү райондук жана шаардык билим берүү башкармалыктарында өтөт. Ага орто жана орто кесиптик билими барлар... Читать дальше...
Улуттук статистика комитетинин "Көптөгөн көрсөткүчтөр боюнча кластердик изилдөөсүнүн" жыйынтыгына ылайык, Кыргызстандагы 7-14 жаштагы окуучулардын 42 пайызы окуган тексттин түшүндүрүп бере албайт. Ал эми ушул эле курактагы окуучулардын 48% математикалык көндүмдөрү талапка жооп бербей турганы аныкталган. Мындан башка изилдөөлөрдүн жыйынтыгы да мындан көп айырмаланбайт. "Дүйнө жүзү боюнча, кирешеси төмөн, орто жана жогору болгон өлкөлөрдө он жаштагы балдардын дээрлик үчтөн экиси (70 пайызы) бүгүнкү күндө жөнөкөй текстти окуп... Читать дальше...
Ирандын сот бийлигине таандык «Мизан» кабар агенттиги Тегерандагы Эвин түрмөсүндө чыккан өрттөн каза болгондордун саны өсүп, кеминде сегиз кишиге жеткенин билдирди. Маалыматка караганда, набыт болгондордун бардыгы уурулук үчүн кесилгендер. Активисттер саясий туткундар, өкмөткө каршы акцияларда кармалгандар жана чет өлкөлүк жарандар да отурган абактагы өрт бекеринен чыккан жок деп эсептешет. 2018-жылы АКШ Эвинди “адам укуктары одоно бузулган жай” деген "кара тизмеге" киргизген. Мамлекеттик маалымат... Читать дальше...
18-октябрда Кыргызстандын көпчүлүк аймактарында жаан жаайт. Тоолуу аймактарда жаан карга айланат. Батыштан соккон шамалдын ылдамдыгы секундуна 4-9 метрден 15-20 метрге чейин жетет. Абанын температурасы: Чүй өрөөнүндө түнкүсүн 3…8, күндүз 9…14 Талас өрөөнүндө түнкүсүн 1…6, күндүз 9…14 Баткен, Ош, Жалал-Абад облустарында түнкүсүн 7…12, күндүз 11…16 Ысык-Көл облусунда түнкүсүн 2…7, күндүз 10…15 Нарын облусунда түнкүсүн -2…+3, күндүз 8…13 Бишкек шаарында мезгил-мезгили менен жаан жаашы күтүлөт. Читать дальше...
Жалал-Абад облусунун Сузак районунда селден жабыркаган сегиз үй-бүлөгө жаңы салынган үйлөрдүн ачкычтары берилди. Кара-Дарыя айыл аймагынын Чаңгыр-Таш айылынын тургундарынын турак жайлары былтыр селден жабыркап, жараксыз болуп калган. Алардын ичинде үй курууга чамасы жетпеген сегиз үй-бүлө бир жылдан бери вагондо жашап келишкен. Аларга жер тилке бөлүнүп, үй куруу үчүн мамлекет 5,6 млн. сом берген. Облустук бийликтин маалыматына караганда, аймактагы мекеме-ишканалардын кызматкерлеринин бир күндүк эмгек акысы да которулган. Читать дальше...
“Кыргыз темир жолу” мамлекеттик ишканасы 17-21-октябрь күндөрү Бишкек-Нарын-Торугарт жолунун 131-чакырымы (Боом капчыгайы) убактылуу жабыларын билдирди. Бул убакыт аралыгында аталган аймактагы жолдун боюндагы кооптуу таштар түшүрүлүп, тазаланат. Таш кулатуу учурунда жолдун бир тарабы жабылып, иш саат 9:00дан 15:00кө чейин жүргүзүлөт. 30-40 машине чогулган сайын таш кулатуу убактылуу токтотулуп, машинелер өткөрүлүп турат. Бул иштер таш кулоо коркунучун алдын алуу максатында жүргүзүлүүдө. Кооптуу... Читать дальше...
Кыргызстан менен Тажикстандын чек арасындагы соңку куралдуу кагылышта дээрлик толугу менен талкаланып калган Достук жана Капчыгай айылдары атайын долбоордун негизинде жаңыдан түптөлмөй болду. Адистер жаңы айылдын долбоорун даярдап, жашоочулар менен талкуулар жүрүп жатат.
10-16-октябрь күндөрү Кыргызстанда 84 адам коронавирусун жуктурганы расмий тастыкталды. Бул тууралуу Ооруларды алдын алуу жана мамлекеттик санитардык-эпидемиологиялык көзөмөл департаментинин басма сөз кызматы билдирди. Аталган мекеменин маалыматына караганда, 12 адам ооруканага жаткырылып, 72 бейтап үйүнөн дарыланууда. "Өлкөдөгү бардык облустар жашыл аймакта, кооптонууга негиз жок", - деп жазылган маалыматта. 2022-жылдын башынан бери Кыргызстанда 21 586 адам коронавируска чалдыкты. Учурда... Читать дальше...
Октябрь айында Кыргызстанда 735 миң 900 адамдын пенсиясы көбөйдү. Бул тууралуу Социалдык фонддун төрагасынын орун басары Улан Жума уулу бүгүн, 17-октябрда маалымат жыйынында билдирди. Анын айтымында, көбөйтүлгөн пенсия үчүн жалпы 4 млрд. 424 млн. 300 миң сом зарыл болчу. "Мунун ичинен базалык бөлүгү үчүн 3 млрд. 83 млн. сом республикалык бюджеттен, камсыздоо бөлүгү үчүн 1 млрд. 341 млн. 3 миң сом пенсиялык фонддон төлөндү",-деди Улан Жума уулу. 1-октябрдан тарта Кыргызстанда пенсия 33% көбөйгөн. Читать дальше...
Апта аягында Москва облусуна караштуу Щелково шаарынын аскер комиссариаты өрттөлдү. "База" агенттиги маалымдагандай, белгисиз кишилер күйүүчү май куюлган эки бөтөлкөнү военкоматтын терезесинен ичкери карай ыргытышкан. Натыйжада эки иш бөлмөсү - бирөөсү архив сакталган жай жабыр тарткан. Өлкөдө жарым-жартылай мобилизация башталгандан бери комиссариаттарга кол салуулар күчөдү. 16-октябрга карата 50 жерде өрттөө аракети катталган. Сентябрдын аягында Орусиянын Иркутск облусунун Усть-Илимск шаарындагы... Читать дальше...
