Бүгүн 8-октябрда Иранда бийликтин катуу эскертүүлөрүнө карабастан айрым аймактарда нааразылык акциялары уланды. Интернеттеги социалдык түйүндөрдө тарап жаткан видеолордон митингдер Тегеранда, Каражда жана борбор калаадан анча алыс эмес бир катар майда шаарларда өткөнүн көрүүгө болот. Бул жолу буга чейин нааразылык анча катуу болбогон райондордо да эл көчөгө чыкканы кабарланууда. Осло шаарында жайгашкан «Ирандагы адам укуктары» уюмунун соңку маалыматына караганда, күч кызматкерлеринин колунан митингге чыккан кеминде 92 адам өлтүрүлдү... Читать дальше...
Крым көпүрөсүндөгү жарылуудан улам, баштапкы маалымат боюнча, үч адам каза болду. Бул тууралуу Орусиянын Тергөө комитети билдирди. Мекеменин маалыматына караганда, каза болгондор – жарылган оор жүк ташуучу машинанын жанында бара жаткан жеңил автоунаанын жүргүнчүлөрү болчу. Экөөнүн (бир аял, бир эркек) сөөгүн суудан алып чыгышты, алардын ким экени такталып жатат. Оор жүк ташуучу машинанын ээси Краснодар крайынын тургуну экени аныкталды, тергөөчүлөр азыр анын жашаган жеринде териштирүү иштерин жүргүзүп жатышат. Читать дальше...
8-октябрь күнү Бишкек мэриясы тарабынан жалпы ишембилик жарыяланган. Бул жараянга мобилизациядан улам Кыргызстанга келген орус жарандары да катышты. "Бул биздин кыргызстандыктардын меймандостугуна билдирген ыраазычылыгыбыз" дешет алар.
«Мамлекеттик тил жөнүндө» мыйзам долбоору иштелип чыгып, коомдук талкууга коюлду. Жогорку Кеңештин сайтына жарыяланган долбоордун максаты - мыйзамды Конституцияга ылайык келтирүү жана текстине айрым тактоочу ченемдерди киргизүү экени айтылды. Анын автору – депутат Бактыбек Чойбеков. Мыйзамда мамлекеттик кызматкер мамлекеттик тилди өз ишмердүүлүгүн аткаруу үчүн зарыл деңгээлде билиши зарыл экени жазылды. 1989-жылдын 23-сентябрында Кыргызстанда мамлекеттик тил жөнүндөгү мыйзам кабыл алынган. Кыргыз тили - мамлекеттик... Читать дальше...
9-октябрда Кыргызстандын аймагында жаан-чачын жаабайт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 5...10, күндүз 16…21; Талас жергесинде түнкүсүн 0...5, күндүз 14…19; Баткен, Ош, Жалал-Абад дубандарында түнкүсүн 6…11, күндүз 21…26; Ысык-Көл облусунда түнкүсүн 3...8, күндүз 14...19; Нарын облусунда түнкүсүн 1…6, күндүз 13…18; Бийик тоолуу райондордо түнкүсүн - 3...-8, күндүз -1...+4. Бишкекте жаан-чачын жаабайт. Читать дальше...
Бүгүн 8-октябрда Тышкы иштер министрлигине (ТИМ) Тажикстандын Кыргызстандагы элчиси Назирмад Ализода чакырылганын, министрликтин басма сөз катчысынын “Фейсбуктагы” жеке комментарийине карата тажик тараптын расмий протести орунсуз экени айтылганын мекеменин маалымат кызматы билдирди. “Кыргызстан демократиялык мамлекет экени жана өлкөнүн негизги мыйзамына ылайык ар бир жаран өз пикирин эркин билдирүүгө укугу бар экени өзгөчө белгиленди. Кыргыз тарап тажик тараптын жалган маалыматтык өнөктүк жүргүзүү... Читать дальше...
Улуттук банк коммерциялык банктарды жана башка каржылык уюмдары алардан насыя алган, быйыл кыргыз-тажик чек арасындагы окуядан жабыркап калган кардарларына жардам берүүгө чакырды. Банктын расмий сайтына 7-октябрда жарыяланган маалыматта Баткен жана Ош облустарындагы жабыркаган кардарлардан түшкөн арыздардын баарын карап чыгуу, каза болгондордун, жараат алгандардын, бизнесинен же үй-мүлкүнөн ажырагандардын насыясын кечүү керектиги белгиленди. Мындан тышкары колдоого муктаждар боюнча жүргүзүлө турган башка да иштер аныкталды. Читать дальше...
Быйылкы жылдын сегиз айында Кыргызстанда жол кырсыгынан 379 адамдын өмүрү кыйылды. Бул тууралуу ички иштер министри (ИИМ) Улан Ниязбеков өкмөттө жол коопсуздугуна байланыштуу жыйында билдиргенин мекеменин басма сөз кызматы 8-октябрда маалымдады. Министрдин айтымында, жалпысынан бул убакыт аралыгында өлкөдө 4284 жол кырсыгы катталып, 6651 адам жараат алды. Былтыр январдан августка чейинки мезгилде 552 адам каза болуп, дагы 7215 адам жараат алган. Жыйында жол кырсыктарын азайтуу маселеси талкууланып, тийиштүү мекемелерге тапшырмалар берилди. Читать дальше...
Бүгүнкү талкуубузда “Массалык маалымат каражаттары жөнүндө” мыйзамдын жаңы долбоору тууралуу сөз кылмакчыбыз. Мурдагы мыйзам 1992-жылы 2-июлда кабыл алынган бул мыйзам 30 жылдан бери эч өзгөрүүсүз иштеп келаткан сапаттуу, туруктуу мыйзамдардын бири болчу.
Орусиянын Кыргызстандагы элчилигинин алдына пикетке чыккан орус жараны Бишкектин Биринчи Май райондук сотунун чечими менен айыпка тартылды. Адвокат Бакытбек Автандил орусиялык Владимир аттуу жаранга сот 3 миң сом айып салганын, бул чечим мыйзамсыз экенин, андыктан кийинки соттук инстанцияга апелляциялык арыз берилерин билдирди. Акцияны жарандык активист Өндүрүш Токтонасыров уюштурган. Ал орус президенти Владимир Путин тажик президенти Эмомали Рахмонго сыйлык тапшырганын айыптап, «Агрессор агрессорго... Читать дальше...
Соңку айларда жашаган батиринен чыгып калып, үй издегендердин саны арбыды. Адистер буга Орусиядагы мобилизациянын таасири тийип жатканын белгилейт. Ал арада Орусиядан келгендердин 20 миңден ашыгы расмий каттоого туруп, Ош, Бишкек жана Ысык-Көлдө жашап жатат. Бирок бул сан эки-үч эсеге көп болушу мүмкүн экени айтылууда. "Үйдү бошот, сатыкка коем" Ош базарындагы үч радио түйүнгө келгендердин көпчүлүгү ижарага батир издеп, убайым тарткандар. Адатта бул жерде баасы капчыкка туура келген, анча... Читать дальше...
Кыргызстан Жамааттык коопсуздук келишим уюмунун (ЖККУ) уставдык документтерине толуктоо киргизүүнү сунуштоодо. Бул тууралуу 8-октябрда Тышкы иштер министрлигинин басма сөз кызматы билдирди. Мекеменин маалыматына караганда, 7-октябрда министрдин биринчи орун басары Нуран Ниязалиев уюмга мүчө өлкөлөрдөгү кесиптештеринин Армениянын борбор шаары Ереванда өткөн жыйынына катышты. Анда ал, кыргыз ТИМи билдиргендей, “Тажикстандын Кыргызстанга карата аскердик агрессиясынын кесепеттери тууралуу маалымат берип... Читать дальше...
