Бишкек шаарындагы “Орусия” бизнес борборунун ичинде жашыруун акча алмаштыруу бюросун жана криптовалюта сатып алуу жайын уюштурган Кыргызстандын жана Орусиянын жарандары кармалды. Бул тууралуу Улуттук коопсуздук боюнча мамлекеттик комитет (УКМК) кабарлады. Маалыматта айтылгандай, алар акча каражаттарын системалуу түрдө криптовалюталар аркылуу легалдаштарууга катышы бар деп шектелүүдө. Табылган фактылардын негизинде Кылмыш-жаза кодексинин 222-беренеси – “Кылмыштуу жол менен алынган кирешелерди... Читать дальше...
Иран Вашингтон менен Тегеран ортосунда туткундарды айырбаштоо жараяны «жакынкы келечекте» ишке ашарына үмүттөнөрүн өлкөнүн тышкы иштер министрлигин өкүлү Нассер Канаани 11-сентябрда билдирди. Ал ошондой эле Түштүк Кореядагы жалпы суммасы алты миллиард долларды түзгөн Тегерандын камактагы активдери жакын арада бошотуларын кошумчалады. Канаани бул эки маселенин бири-бирине байланышы жок экенин баса белгилеп өттү. «Рейтерс» агенттиги өз булактарына таянып, өткөн жумада кабарлагандай Ирандын активдери Катардагы банктарга ушул аптада которулат... Читать дальше...
Бишкектин Биринчи Май райондук соту 9-сентябрда активист Зарина Торокулованы 30-октябрга чейин камакка алганы белгилүү болду. Бул тууралуу "Азаттыкка" 11-сентябрда аталган соттун басма сөз кызматы кабарлады. Маалыматка караганда, Улуттук коопсуздук боюнча мамлекеттик комитеттин тергөөчүсү Торокулованы камакка алуу өтүнүчүн келтирген. Ал 30-октябрга чейин атайын кызматтын тергөө абак жайында болот. Буга чейин активистти атайын кызматтын өкүлдөрү кармап кеткени кабарланган. 24.kg басылмасынын маалыматына караганда... Читать дальше...
Жогорку Кеңештеги Эл аралык иштер, коргоо, коопсуздук жана миграция комитети Кыргызстандын Орусиядагы элчиси Гүлнара-Клара Саматтын отчетун угууну кийинкиге жылдырды. Буга элчинин ооруп калганы себеп болгону айтылды. Жыйында депутат Улан Бакасов Гүлнара-Клара Самат буга чейинки жыйынга дагы келбей койгонун айтып, анын кызмат ордун кароо маселесин көтөрдү. Комитеттин төрагасы, депутат Улан Пиримов буга байланыштуу фракциянын чечимин чыгарууну сунуштады. Дагы бир депутат Шайлообек Атазов бул маселени элчи отчет... Читать дальше...
Марокконун бийлиги Испания, Катар, Бириккен Араб Эмираттары жана Британиянын жардамын кабыл алды. Бул тууралуу өлкөнүн Ички иштер министрлиги 10-сентябрдын кечинде билдирди. Маалыматка караганда аталган төрт өлкө куткаруучуларды жана гуманитардык жардам жөнөттү. Жардам берүү ниетин билдиргендердин арасында Франция, АКШ, Израиль сыяктуу мамлекеттер дагы бар. Зилзаладан набыт болгондордун саны 2200гө чамалады. Учурда урандылдардын алдынан аман калгандарды издеп, куткаруу иштери уланууда. Мароккодо үч күндүк аза күтүү жарыяланды. Читать дальше...
Кыргызстанда автожол аркылуу сыртка көмүр ташып чыгып экспорттоого убактылуу тыюу салынды. Өкмөттүн 8-сентябрдагы “Көмүр ташуунун айрым маселелери жөнүндө” токтомуна ылайык, мындай чектөө алты айлык мөөнөткө киргизилди. Токтомдо айтылгандай, алты ай бою Кыргызстандын аймагынан Евразия экономикалык биримдигинин алкагында 2701 жана 2702 деген товардык код коюлган көмүрдү автомобиль транспорту менен ташып чыгууга уруксат жок болот. Мындай чектөөнүн “Эркеч-Там” жана “Торугарт” автомобилдик өткөрүү... Читать дальше...
Энергетика министри Таалайбек Ибраев 11-сентябрда электр энергиясын пайдаланууга киргизилген 5 кВт/саат чектөөгө түшүндүрмө берип, мындай норма мурдатан эле бар экенин билдирди. Министр бул чек электр көп колдонулган кечки сааттарда гана маанилүү экенин, андан башка маалда катардагы керектөөчү мынчалык ток колдонбой турганын тактады. “5 кВт/саат деп айтса эле айрымдар муну чектөө деп ойлоп жатат. Азыр бизде эч ким 10 кВт/саатка чейин электр энергиясын колдонбойт. Биздеги бир фазалуу линиялардын баары 5 кВт/саатка гана ылайыкташкан... Читать дальше...
Тышкы иштер министри Жээнбек Кулубаев 11-сентябрда АКШнын Кыргызстандагы элчиси Лесли Вигери менен жолукту. Анда тараптар эки өлкөнүн алака-катышын, алдыдагы Нью-Йорк шаарындагы Бириккен Улуттар Уюмунун Башкы Ассамблеясынын 78-сессиясы жана "С5+1" форматындагы АКШ- Борбор Азия саммитин талкуулады. Буга чейин президент Садыр Жапаров ушул айда БУУнун Башкы Ассамблеясынын жыйынына жана анын алкагында Борбор Азия лидерлеринин АКШ президенти Жо Байден менен чогуу өткөрүлгөн саммитине катышары белгилүү болгон. Читать дальше...
Жогорку Кеңештин Агрардык саясат, суу ресурстары, экология жана регионалдык өнүктүрүү комитети 11-сентябрдагы жыйынында Жалал-Абад облусуна караштуу Чаткал, Ала-Бука райондорундагы алтын казуудан келип чыккан көйгөйлөрдү талкуулады. Анда Экологиялык жана техникалык көзөмөл кызматынын өкүлү депутаттардын суроосуна жооп берип жатып, Чаткалда кен казууга уруксат алган "Аташ-Чапкан" компаниясынын документтерин текшерүү аяктай электигин билдирди. "Бизге "Аташ-Чапкан" тууралуу арыз дагы түшкөн, биз жеринен барып карап чыктык. Читать дальше...
Телеграмда "педофилдерди жазалайбыз" деген топ түзүлүп, бирөөлөрдү ур-токмокко алып, опузалаган видеолору тарады. Интернеттеги кооптуу топтун мыйзамсыз жоругу кыргыз коомунда кызуу талкууланып жатат. Өзүнө жазалоочунун ролун ыйгарып алгандар боюнча милиция териштирүү баштаганын билдирди. Быйыл 20-майда Телеграмда пайда болгон каналдын негиздөөчүлөрү жашы жете элек кыздардын сүрөттөрүн колдонуп, социалдык тармактарда фейк-аккаунттар аркылуу эркектер менен кат алышат. Эгер кимдик бирөө кайырмакка илинсе... Читать дальше...
Энергетика министри Таалайбек Ибраев быйыл кышта Бишкек шаарында Кара-Кече кенинин көмүрүн сатууга жана жагууга салынган тыюу кайрадан алынып, уруксат берилгенин билдирди. Бул тууралуу 11-сентябрда “Кабар” маалымат агенттигинде өткөн басма сөз жыйынында айтты. Министр бул боюнча Бишкек мэриясы менен калаадагы ышты азайтуу боюнча талкууда гана сөз болгонун белгиледи: "Бишкек шаарында көмүрдү керектөө 1 млн 200 миң тонна колдонсо, анын баарын Казакстандан алып келе албайбыз. Казакстандын көмүрү мунун 30-35% гана камсыз кыла алат... Читать дальше...
Кыргызстандын Сейсмология институтунун билдиришинче, 11-сентябрда таңкы саат 7:54тө Кыргызстан менен Өзбекстандын чектешкен аймагында очогунда күчү төрт баллга жеткен жер титирөө катталды. Анда жердин силкинүүсү Баткен облусунун Кадамжай районунун Кадамжай шаарында жана Пүлгөн айылында 3,5 баллга чейин сезилген. Алдын ала маалыматка ылайык, жер титирөөдөн жабыркагандар жана кыйроолор катталган жок. Кыргызстанда 12 район сейсмикалык кооптуу зонада жайгашкан. Чүй облусунда сейсмикалык кооптуулугу жогору болгон зонага - Бишкек шаары... Читать дальше...
Жогорку Кеңештин Социалдык саясат комитети 11-сентябрдагы жыйынында саламаттык сактоо министри кызматына Алымкадыр Бейшеналиевдин, ал эми эмгек, социалдык камсыздоо жана миграция министри кызматына Гүлнара Баатырованын талапкерлигин жактырды. Бейшеналиев депутаттардын суроолоруна жооп берип жатып ага каршы козголгон жети кылмыш иши токтотулганын билдирди. Ага кылмыш иштерин козгогондорго каршы даттанбай турганын айтты. Бейшеналиев ушул жылы июнда кармалган да, көп өтпөй үй камагына чыккан. Башкы... Читать дальше...
Жогорку Кеңештин Агрардык саясат, суу ресурстары, экология жана регионалдык өнүктүрүү комитетинин жыйынында депутат Султанбай Айжигитов Баткендеги сугат суу маселесин чечүүгө багытталган "Теке секирик" долбоору 2006-жылдан бери ишке ашпай жатканын сынга алды. Айыл чарба министринин орун басары Мурат Раматов анда өкмөт долбоорун даярдоого байланыштуу кытайлык компанияга кайрылганын, учурда жообун күтүп жатканын айтты. "Мындай долбоорлорду даярдаган ишканалар бизде жок болгону үчүн чет өлкөлүк ишканалар менен иштешүүгө туура келип жатат. Читать дальше...
Испаниянын Футбол федерациясынын башчысы Луис Рубиалес отставкага кетти. Мунун алдында кыз-келиндер командасынын мүчөсү Женни Эрмосону күчтөп өпкөнүнө байланыштуу ага карата прокуратура териштирүү баштаганы белгилүү болгон. Улуттук прокуратура Эрмосо Рубиалеске каршы даттанганын, өзү 5-сентябрда көрсөтмө бергенин билдирген. Буга чейин Рубиалестин "осол жүрүм-турумун" Испаниянын Жогорку спорт соту, Эл аралык футбол федерациясы да териштирип жатканы, эми Эрмосонун даттануусу менен ага кылмыш иши... Читать дальше...
Кыргызстанда дүйнөлүк онлайн соода аянтчалары, же маркетплейстер аркылуу товар алып-сатуу соңку жылдары кескин жанданды. Өлкөдө чет элдик Amazon, Etsy, eBay, Alibaba, AliExpress, JD.com, Taobao, Pinduoduo, Trendyol, Wildberries, Ozon жана "Яндекс.Маркет" сыяктуу платформалар менен иштегендер бар.
Орусия менен АКШ абактагы адамдарды айырбаштоо тууралуу сүйлөшүүлөрдү улантып жатат жана тизмеде орусиялык оппозициячыл саясатчы Алексей Навальный дагы болушу мүмкүн. Бул тууралуу Wall Street Journal (WSJ) басылмасы атын атабаган Батыштагы бийлик өкүлдөрүнө шилтеме кылып жазды. Макалада айтылгандай, Москва Орусиянын атайын кызматынын өкүлү болушу ыктымал деген Вадим Красиковдун бошотулушун талап кылып жатат. Ал Германияда кезинде чечен жикчилдеринин командири болгон Зелимхан Хангошвилини өлтүрүүгө шек саналып кармалган. Читать дальше...
