Бенну астероидинин кыртышынан алынган бир чөйчөктөй кум-шагыл салынган капсула Жерге ийгиликтүү конду. Окумуштуулардын айтымында, бул үлгүлөр Күн системасынын жана Жердин кантип жаралганын түшүнүүгө жардам бере алышы мүмкүн. АКШнын космостук агенттиги НАСА Бенну астероидинин кыртышынан алынган үлгүлөр салынган капсула 24-сентябрда АКШнын Юта штатындагы Солт-Лейк-Сити шаарынын батышындагы чөлдүү аймакка кантип конгонун түз эфирде көрсөттү. Капсуланы Жерге OSIRIS-REx робот-космостук аппараты 100... Читать дальше...
Тоолуу Карабактын жикчил аймагынан Арменияга жер которгондор 6650 адамга жеткенин армян өкмөтү 25-сентябрда кечке жуук билдирди. Министрлер кабинети алардын 5600гө жакынына баш калкалоочу жерлер бөлүштүрүлүп, калгандардын муктаждыктары такталып жатканын билдирди. Маалымат каражаттары бозгундардын саны өсүп жатканын жазышты. Дүйшөмбү күнү Азербайжандын Нахичеван автоном республикасында азери президенти Илхам Алиев Түркиянын мамлекет башчысы Режеп Тайып Эрдоганды кабыл алганда, Карабактагы армяндардын коопсуздугу сакталарын билдирген. Читать дальше...
Орусиянын Тышкы иштер министрлиги Армениянын премьер-министри Никол Пашиняндын 24-сентябрдагы кайрылуусун "Москвага каршы кабыл алынгыс чабуул" деп сыпаттады. Министрлик дүйшөмбү күнү жарыялаган билдирүүдө Пашинян акыркы кырдаалга байланыштуу "күнөөнү Москвага оодарып, ички жана тышкы саясаттагы мүчүлүштүктөр үчүн жоопкерчиликтен арылуу аракетин көрүп жатканы" белгиленген. Кремль Пашиняндын акыркы кадамдарын "Батышка ыктоо" катары мүнөздөп, Москва дайыма ишенимдүү союздаш болгонун, Ереван ката кетирип жатканын билдирди. Читать дальше...
Бишкектин Биринчи Май райондук соту "Бүтүн Кыргызстан" партиясынын мүчөсү Замирбек Шамшидин уулун 20-октябрга чейин камакка алды. Аны 21-сентябрда Улуттук коопсуздук боюнча комитеттин кызматкерлери кармаган. Активист "мамлекеттик чыккынчылык" айыбы менен кармалган депутат Адахан Мадумаровду коргогон митингдерге катышып жүргөн. Ал тапта Бишкекте “Бардык маселелерди диалог аркылуу чечели” деген чакырык алдында жыйын өтүп, анда оппозициялык көз караштагы саясатчылардын, алардын тарапташтарынын кармалышы талкууланды. Читать дальше...
Кыргызстандагы Кулун-Ата жана Ажыдаар-Таш мазарлары жөнүндө элдик уламышка негизделген эки анимациялык тасма тартылды. Мультфильмдерди "Айгине" маданий-изилдөө борборунун жана "Солтек" уюмунун "Заманбап технологиялар менен маданий мурастардын жолугушу” долбоорунун алкагында, "Тентек" чыгармачыл тобу тарткан. Анимациялык тасмалар "Айгине" борборунун "Аялдыктан асылзаадалыкка жол" аттуу кечесинде көрсөтүлдү. Көрүүчүлөр кечеде ийик ийрүү, сайма саюу, чийден куурчак жасоо жана жаргылчак тартуу... Читать дальше...
“Унаа” мамлекеттик мекемеси агенттик болуп өзгөртүлөт. Тиешелүү жарлыкка президент Садыр Жапаров 25-сентябрда кол койгонун президенттик администрациянын маалыматтык саясат кызматынын башчысы Дайырбек Орунбеков Фейсбуктагы баракчасына жазды. Анын маалыматына караганда, “Унаа” мамлекеттик ишканасы агенттик болуп өзгөртүлгөндөн кийин Бишкек, Ош шаарларында жана 40 райондо анын өзүнүн автомектептери ачылып, машинанын түрлөрүн айдоону окутуп үйрөтөт. “Жер-жерлерде мектеп ачуу зарылдыгы биринчи кезекте жол кырсыктарынын көбөйүшүнөн... Читать дальше...
“Бүтүн Кыргызстан” партиясынын мүчөсү Замирбек Шамшидин уулу 20-октябрга чейин камакка алынды. Партиянын лидери Адахан Мадумаровду колдоп митингге чыккан активистке “Массалык баш аламандыктар” беренеси менен айып тагылды. Түркиянын президенти Режеп Тайип Эрдоган Азербайжанга барып, анын лидери Илхам Алиев менен жолукту. Төрт-беш күн мурун Азербайжан армян жикчилдери жашаган Тоолуу Карабакты толук өзүнө караткан. Кыргыз-казак өкмөттөрү дан, май, кант жана күйүүчү-майлоочу майды үзгүлтүксүз жеткирүүнү макулдашты. Читать дальше...
Жогорку Кеңештин депутаты Марлен Маматалиев Кыргызстанда электр чыгырыгын (электросамокат) айдоо эрежесин киргизүү боюнча мыйзам долбоорун иштеп чыгып, коомдук талкууга койду. Жогорку Кеңештин сайтына жарыяланган документте расмий эмес маалымат боюнча, Бишкекте 30 миңдей электр чыгырыгы бар экени, жолдор жана тротуарлар электросамокаттарга ылайык жасалбагандыктан кырсыктар болуп жатканы жазылган. Ушундан улам электр чыгырыгын айдагандар үчүн төмөнкүдөй эреже киргизүү сунушу берилди: атайын бөлүнгөн тилкеде... Читать дальше...
Жогорку Кеңештеги “Альянс” фракциясынын лидери Жанарбек Акаев “Азаттыкка” келип, оппозициялык саясатчы Мадумаровдун камалышы, Кемпир-Абад иши, депутат Алимжановдун мандаты, парламент -бийлик мамилеси тууралуу суроолорго жооп берди. Мындан тышкары Акаев журналисттик иликтөөлөрдө айтылган президенттин жакындары боюнча да өз пикирин айтты.
Түркиянын президенти Режеп Тайып Эрдоган 25-сентябрда Азербайжандын Нахичеван автоном республикасына барды. Аны азери президенти Илхам Алиев тосуп алды. Сүйлөшүүнүн өзөгүн эки тараптуу кызматташтык, анын ичинде Тоолуу Карабактагы акыркы кырдаал түзөрү мурда кабарланган. Эки президенттин жолугушуусу Тоолуу Карабактын жикчил аймагынан миңдеген армяндар Арменияга көчүп кетип жаткан учурга туш келди. Баку Тоолуу Карабакты толук көзөмөлгө алганы жарыяланган бир аптадай убакыттан бери Арменияга ал жактан беш миңдей армян жер которду. Читать дальше...
Бишкектин Биринчи Май райондук соту милициянын кыйноосунан кийин майып болгонун айтып, кенемте талап кылган жарандын өтүнүчүн четке какты. Жабырлануучу жана анын адвокаты жогорку инстанцияга даттанарын билдиришти. Кыргызстанда күч кызматкерлеринин кыйноосуна кабылганын билдирип, кенемте талап кылган адамдардын көпчүлүгүнүн өтүнүчү аткарылган эмес. Суралган кенемте, четке кагылган өтүнүч 29-август күнү Бишкектин Биринчи Май райондук соту Курманбек Чыныбековдун даттануусун четке кагып, анын кенемте... Читать дальше...
Балыкчы шаарына эки жыл мурун "Бактылуу эне" кризисттик борбору ачылган. Бул маалда 80ден ашык аялга ар кандай жардам көрсөткөн. Азыр дагы зомбулуктан улам кайрылган аялдардын саны аз эмес. Балыкчыда психолог адистер жок. Ал эми борбор мындай адистерге абдан муктаж.
Армения бийлигинин билдирүүсүнө Москва жакында жооп бере турганын Орусиянын Тышкы иштер министрлигинин өкүлү Мария Захарова айтты. Ал Армениянын премьер-министри Никол Пашиняндын сөздөрүн "чындыкка дал келбеген жана эки тараптуу мамиленин өнүгүшүнө карама-каршы билдирүү" деп сыпаттаганын 25-сентябрда "Россия-24" телеканалында маалымдады. Пашинян жекшембидеги телекайрылуусунда армян-орус аскердик кызматташтыгын сындап: "Жамааттык коопсуздук келишим уюму жана армян-орус аскердик-саясий кызматташтыгынын... Читать дальше...
“Бүтүн Кыргызстан” партиясынын мүчөсү Замирбек Шамшидин уулу Бишкектин Биринчи Май райондук сотунун чечими менен 20-октябрга чейин камакка алынды. Сот анын бөгөт чарасын 25-сентябрда карады. Жактоочусу Алманбет Бексултановдун айтымында, Кылмыш жаза кодексинин 327-беренеси (“Бийликти күч менен басып алууга ачык чакырыктар”) менен кылмыш иши 8-сентябрда козголгон. 13-сентябрдагы Бишкек шаардык сотунун имаратынын алдындагы митингден кийин ал 278-беренеге (“Массалык баш аламандыктар”) алмаштырылган. Читать дальше...
Кыргызгидромет борбору кабарлагандай, 26-сентябрда күндүз Ош, Жалал-Абад, Баткен облустарынын тоолуу райондорунда жаан жаап, күн күркүрөйт. Калган аймактарда жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 6…11, күндүз 20…25, Талас жергесинде түнкүсүн 3…8, күндүз 17…22, Баткен, Ош, Жалал-Абад аймактарында түнкүсүн 8…13, күндүз 23…28, Ысык-Көл дубанында түнкүсүн 4…9, күндүз 15…20, Нарын облусунда түнкүсүн 1…6... Читать дальше...
Гапар Айтиев атындагы көркөм сүрөт музейинин дубалдарынын бирине тартылган Kyz Power деп аталган мурал “Бишкекбашкыархитектура” ишканасынын буйругу менен өчүрүлгөн. Бул тууралуу музейдин түшүндүрмөсүндө айтылат. Түшүндүрмөдө архитектуралык эстеликтерди коргоо эрежесине ылайык, оңдоп түзөөгө байланышкан бардык иштер тийиштүү мамлекеттик органдардын макулдугу менен жүргүзүлөөрү айтылат. Мекеме аталган мурал тийиштүү органдардын уруксаты жок, музейдин жетекчилигинин гана чечими менен тартылганын белгилейт. Читать дальше...
Аялдарга карата зордук-зомбулукту кантип токтотсо болору жөнүндөгү сунуштарын 25-сентябрда “Реформа жана жыйынтык үчүн” жарандык бирикмеси жарыялады. Сокулуктун Селекция айылындагы окуяга байланыштуу коомчулук милициянын жана соттордун дарегине туура сын айтып жатканын белгилеген бирикме мамлекеттик система келиндин коопсуздунун камсыз кыла албай калганын, демек, ар бир аял өзүн коопсуз сезиши үчүн системалуу чечимдер жана чаралар керек экенин кошумчалады. Биринчиден, бирикменин пикиринде, аялдын артынан түшүп... Читать дальше...
Тажикстанда шаардык жана райондук башкармалыктардын балансындагы бир нече аэропорт Коргоо министрлигинин карамагына өткөрүлдү. Президент Эмомали Рахмон 31-августта кол койгон тиешелүү жарлыктын көчүрмөсүн "Озоди" радиосу 25-сентябрда жарыялады. Ага ылайык, Кыргызстандын чек арасына жакын жайгашкан Исфара шаарындагы аэропорт Кожент эл аралык аэропортунун балансынан чыгарылып, Коргоо министрлигине өткөрүлдү. Ооганстанга жакын жердеги Фархор жана Хамадани райондорундагы аэропорттор да Коргоо министрлигинин карамагына берилет. Читать дальше...
Биргелешкен күрөш дүйнөсү уюмунун (UWW) жаңы рейтингинде кыргызстандык үч балбан – Акжол Махмудов, Жоламан Шаршенбеков жана Айсулуу Тыныбекова өзүнүн салмагында дүйнөдө биринчи орунга чыкты. Бул тууралуу маалымат уюмдун сайтына жарыяланды. 16-24-сентябрь күндөрү Сербиянын Белград шаарында өткөн күрөш боюнча Дүйнө чемпионатында Акжол Махмудов грек-рим күрөшүнөн 77 кг салмакта, Жоламан Шаршенбеков күрөштүн ушул эле түрүнөн 60 кг салмак ченинде, Айсулуу Тыныбекова кыз-келиндер күрөшүнөн 62 кг салмакта алтын медал алды. Читать дальше...
Астанадагы ЭКСПО аянтында ачылган INNOPROM.QAZAQSTAN көргөзмөсү башталар алдында полиция кызматкерлери “Азаттыктын” казак кызматынын кабарчысы Сания Тойкенди кармап, эки сааттан кийин бошотту. Редакция ал эч кандай себепиз кармалып, Есил райондук полиция бөлүмүнө жеткирилгенин жазды. Маалыматка ылайык, көргөзмөдөгү жабдууларды тартып жүргөн кабарчыга адегенде өзүн тааныштырбаган аял тоскоолдук жараткан. Андан соң Жолдасбек Ибрагимов аттуу полиция кызматкери менен Алмас деген жарандык кийимчен... Читать дальше...
Ташкент 1-октябрдан тарта орус газын импорттой турганын ТАСС агенттиги Өзбекстандын Энергетика министрлигине шилтеме жасап кабарлады. "Бардык керектүү инфраструктура жана газ куурлары жогорку басымдагы газды алууга даярдалды", - - деди министрликтин басма сөз катчысы Хасан Ташхожаев. Буга чейин Санкт-Петербург эл аралык экономикалык форумунун алкагында Өзбекстандын өкмөтү "Газпром" компаниясы менен өлкөгө жаратылыш газын жеткирүү боюнча эки жылдык келишимге кол койгон. Анда бир жылда 2,8 миллиард куб метр көгүлтүр отун жеткирүү каралган.
Жумгалдын Кызарт айылында 20дан ашуун конок үйү бар. Соң-Көлдөн анча алыс эмес жайгашкан бул айылдын эли он жылдан бери айылда чет элдик туристтерди тосуп келет. Соңку жылдары Соң-Көлдөн тышкары, Көл-Суу туристтердин кызыгуусун арттырып, аймакта заманбап конок үйлөр курула баштады.
Эл аралык коомчулук тааныбаган Тоолуу Карабактандан Арменияга жер которгондор 4850 адамга жеткенин армян өкмөтү 25-сентябрда эртең менен билдирди. Министрлер кабинетинин саат 12:00дөгү маалыматына ылайык, алардын 3900үнө баш калкалоочу жерлер бөлүштүрүлдү, дагы миңге чукул кишинин муктаждыктары такталууда. Каттоо уланып жатат. Ал арада Ереванда оппозициянын нааразылык акциялары уланууда. Маалымат каражаттары полицияга баш ийбеген ондогон демонстранттар кармалганын жазышты. Тоолуу Карабак Азербайжандын... Читать дальше...
Кытайдын Ханчжоу шаарында өтүп жаткан Азия оюндарында Кыргызстандын футбол боюнча олимпиадалык курама командасы 1/8 финалына чыкты. Курама команда F тайпасынын жыйынтыктоочу беттешинде Кытай Тайбэйи менен ойноп, 4:1 эсебинде жеңди. Дзюдо боюнча мелдеште кыргызстандык Адина Көчкөнбаева коло байге үчүн күрөшөт. Азия оюндарынын алкагында заманбап спорттун түрү боюнча беттештерде кыргызстандык команда финалга чыкканын Дене тарбия жана спорт агенттиги билдирди. Бул спорттун түрүнөн Кыргызстандын намысын Родион Хрипченко... Читать дальше...
Meta, Apple, Bloomberg, Google, Яндекс сыяктуу электрондук кызмат көрсөткөн дүйнөлүк 48 компания Кыргызстанга 2022-жылы 410 млн. сом салык төктү. Бул тууралуу экономика жана коммерция министринин орун басары Искендер Асылкулов 25-сентябрда парламенттин тармактын комитетинде билдирди. Анын айтымында, чет өлкөлүк 48 компания Кыргызстандын Салык кызматында онлайн катталып, өлкөдөн тапкан кирешесинин 12% нарк салыгы катары төлөйт. 2022-жылы июнь айында Мамлекеттик салык кызматы жаңы Салык кодексине ылайык... Читать дальше...
