Өмүрүн адилеттик үчүн күрөшкө арнаган Азиза Абдирасулова “Азаттык” радиосунун адам укуктарына арналган жаңы подкастын сунуштайт. Укугу бузулган, чындык издеген жарандарга ар аптанын шаршемби күнү микрофон сунабыз. Бул подкастта жабык жайлардын абалы тууралуу кеп кылабыз.
"Бүтүн Кыргызстан" партиясынын лидери, Жогорку Кеңештин депутаты Адахан Мадумаров Улуттук коопсуздук комитетинин тергөө абагына 24-октябрга чейин камалды.
Ички иштер министрлиги (ИИМ) социалдык тармакта улут аралык кастыкты козуткан жаран кармалганын билдирди. Аталган мекеме тараткан маалыматка караганда, 2-сентябрда белгисиз жарандын аймак аралык кастыкты козутуучу сөздөрдү айткан видеокайрылуусу социалдык тармактарда тараган. Аталган факты милициянын бирдиктүү реестрине катталып, Кылмыш-жаза кодексинин 330-беренесинин ("Расалык, этностук, улуттук, диний же региондор аралык кастыкты (араздашууну) козутуу") боюнча кылмыш иши козголгон. Жүргүзүлгөн... Читать дальше...
Германияда аял укуктары үчүн күрөшкөн ооган аялдарынын тобу «Талибан» бийлигинин кыз-келдиндердин эркиндигин чектеген саясатына каршы ачкачылык жарыялашты. Кельн шаарынын борбордук аянтында чатырчаларды тиккен ачкачылыктын катышуучулары талибдердин аялдарга карата саясатын эл аралык деңгээлде «гендердик апартеид» катары таанууну талап кылышты. Алардын биринин айтымында, аялдар Ооганстанда жана чет жактардагы нааразылык акциялары жыйынтык бербеген соң, 1-сентябрдан баштап ачкачылык кармоого киришкен. Читать дальше...
Иран уран байытуунун ыргагын кыйла жайлатканын Бириккен Улуттар уюмуна караштуу Атомдук энергетика боюнча эл аралык агенттик өз баяндамасында жарыялаган. Ал жашыруун документ менен Associated Press агенттигинин журналисттери таанышкан. Адистердин айтымында, бул Тегеран Иран менен АКШнын ортосундагы чыңалууну жайгарууга карай жасаган кадамдарынын бири. Ушул тапта Иран менен АКШ туткундарды айырбаштоо жана Түштүк Кореяда камакка алынган миллиард долларлык ирандык активдерди бошотуу тууралуу сүйлөшүп жатышат. Читать дальше...
4-сентябрда Бишкектин четиндеги “Жунхай” базарынын соодагерлери нааразылыкка чыгып, жабык турган кампаларды ачууну талап кылышты. Соодагерлер салыкчылар миллиондогон салык төлөөгө мажбурлап жатканын айтышса, аталган кызмат мыйзамсыз соодага каршы күрөш жүрүп жатканын билдирет.
Президент Садыр Жапаров 4-сентябрда Улуттук телерадио корпорациясынын башкы директору Болотбек Тиллебаевге сөгүш берди. Тийиштүү тескемеге мамлекет башчы кол койду. Президенттин басма сөз кызматы тараткан маалыматта, ал мындай жазаны "жүктөлгөн эмгек милдеттерин жетиштүү деңгээлде аткарбаганы үчүн" алганы жазылган. Тиллебаев президенттин жарлыгы менен УТРКнын башчысы болуп ушул жылдын март айында дайындалган. Былтыр май айында Садыр Жапаров “Улуттук телерадиоберүү корпорациясы жөнүндө” мыйзамга кол коюп... Читать дальше...
"Бүтүн Кыргызстан" партиясынын саясий кеңеши Жогорку Кеңештин депутаты, партиянын лидери Адахан Мадумаровдун камалышына байланыштуу кайрылуу жолдоду. Кайрылуу кыргыз элине, Конституциянын кепили катары президентке жана парламент депутаттарына жолдонгон. Анда "Бүтүн Кыргызстан" партиясы оор күндөрдү баштан кечирип жатканын, соңку үч жылдан бери партиянын мүчөлөрү коркутууларга, психологиялык басымга, кылмыштуу куугунтукка кабылып жатканы белгиленген. "Мунун баарынын себеби - Кыргызстанда чындыкты айтпаш керек... Читать дальше...
Жалал-Абад облустук Ички иштер башкармалыгы Ноокен районунун 43 жаштагы тургуну айылдашын мылтык менен атып салганын билдирди. Окуя 26-августка караган түнү Шайдан айылында болгон. 4-сентябрда таратылган расмий маалыматта айтылгандай, шектүү түн жарымда көчөдө отурган өспүрүмдөрдү көздөй мергенчилик мылтыгынан аткан, ок 15 жаштагы балага тийип, ал ооруканада каза болгон. Ноокен райондук милициясы Кылмыш-жаза кодексинин 122-беренеси ("Адам өлтүрүү") менен кылмыш ишин козгоду. Шектүү эки айга убактылуу кармоочу жайга киргизилди. Читать дальше...
Алты эл аралык уюм кыргыз бийлигинин "Клооп Медиа" мекемесин жабуу аракети боюнча тынчсыздануусун билдиришти. Алар Кыргызстандын бийлигин медианы жоюу тууралуу арызын артка кайтарып, көз карандысыз репортаждары жана иликтөөлөрү үчүн куугунтуктоону токтотууга чакырышты. 4-сентябрда жарык көргөн билдирүүгө кол койгон алты уюм Евробиримдикти жана Кыргызстандын башка эл аралык өнөктөштөрүн бул кайрылууну колдоп, Кыргызстанга сөз эркиндиги жаатында алган эл аралык милдеттенмелерин сактоону эскертип коюуга чакырышкан. Читать дальше...
Жогорку Кеңеш жайкы тыныгуудан кийин, 1-сентябрдан тартып ишин расмий баштады. Комитеттерде биринчи карала турган маселелердин арасында президент Садыр Жапаров сунуштаган "Конституциялык сот тууралуу" талаштуу мыйзам долбоору бар. Парламенттин азыркы чакырылышы коомдо кыйла талкуу жараткан бир катар мыйзамдарды кабыл алды жана мындан улам президенттик башкаруудагы парламент сынга кабылды. "Парламент позициясын так көрсөтө албай жүрөт" Жогорку Кеңештин төрагасы Нурланбек Шакиев 1-сентябрда парламенттин ишин баштап жатып... Читать дальше...
Кемпир-Абад иши боюнча абакта жаткан саясатчы Азимбек Бекназаровдун Бишкектеги тергөө абагында моралдык басымга туш болуп жатышканы тууралуу билдирүүсү анын Фейсбуктагы баракчасына жарыяланды. Саясатчы өзү менен чогуу жарым подвалга Кубанычбек Кадыров, Жеңиш Молдокматов дагы которулганын айткан. Жогорку Кеңештин эркин депутаттарын, Кыйноого каршы улуттук борбордун кызматкерлерин тергөө абагына кирип, алар отурган камераларды көрүп кетүүсүн суранган. "Үч кемпирабадчы түшүрүлгөн 1-кабаттагы жарым подвал камералар ремонттон өтпөгөн... Читать дальше...
Бишкек мэриясы менен Түштүк Кореянын Кыргызстандагы элчилиги өз ара түшүнүшүү жөнүндө меморандумга кол койду. Бул тууралуу калаа мэриясынын басма сөз кызматы кабарлады. Мэр Эмилбек Абдыкадыров жана элчи Ли Вонжэ кол койгон документке ылайык, Түштүк Корея шаардык муниципалитетке кайтарымсыз негизде мэриянын административдик потенциалын жогорулатуу максатында автоунаа жана техникалык жабдууларды берет. Мекеме Корея бере турган техникалык жабдык жана автоунаанын санын, алар кайсы тармакта пайдаланыла турганын кабарлаган жок. Читать дальше...
Америкалык миллиардер Илон Масктын X (мурдагы Твиттер) социалдык түйүнүнүн башчылык кызматындагы аракеттери орус пропагандасын жайылтууга жардам берип жатат. Бул тууралуу Европа комиссиясы жарыялаган баяндамада жазылат. Ага ылайык, 2022-жылы Европада Кремль колдогон аккаунттардын аудиториясы өсүп, алардын таасиринин жайылышы кеңейген. Эгер убагында Евробиримдик санарип коопсуздугу тууралуу мыйзамды кабыл албаса, 2023-жылы Маск киргизген өзгөртүүлөрдөн улам алардын саны дагы өсмөк экени белгиленген. Читать дальше...
Мамлекеттик салык кызматы “Чек талап кылып, байге утуп ал!” лотереясынын жеңүүчүлөрүнүн белектерин берүүнүн кечигип жатканы боюнча түшүндүрмө берди. Мекеме билдиргендей, лотереянын 1132 жеңүүчүсү болсо, алардын 46сы менен байланышууга мүмкүн болбой жатат. “Эми биз байланыша албай жаткан адамдардын аты-жөнүн жарыялап, кабарлашканга аракет кылабыз. Мыйзамда көрсөтүлгөн талаптар бузулган жок. Биз болжол менен октябрь айынын аягына чейин белектерди берип бүтөбүз деп ойлоп жатабыз. Белектер ээлерине сөзсүз берилет”... Читать дальше...
4-сентябрда Бишкек шаардык сотунда "Вечерний Бишкек" гезитинин Kaktus.media сайтына каршы доо арызы боюнча тараптардын арызы каралып, чечим чыкты. Судья Биринчи Май райондук сотунун чечимин күчүндө калтырганын Kaktus.media басылмасынын адвокаты Нурбек Сыдыков "Азаттыкка" билдирди. Былтыр декабрда Kaktus.media сайтына "Вечерний Бишкек" гезитинин жабылышы жана кызматкерлердин иштен алынышы тууралуу макала чыккан. “Вечерний Бишкек” бул макалада туура эмес маалымат жазылган деген жүйө менен сотко кайрылып, 50 миллион сомдук доо койгон. Читать дальше...
Ош-Эркечтам жолундагы төрт кишинин өмүрүн алган кырсык 3-сентябрда болгонун Ош облустук Жол кыймылынын коопсуздугун камсыздоо башкармалыгы (ЖКККБ) билдирди. Маалыматка караганда, Оштон Алай районун көздөй багыт алган "Honda Accord" үлгүсүндөгү унаа менен оор жүк ташуучу машине кагышкан. Оор жүк ташуучу унаадагы эки адам алган жараатынан ооруканага түшсө, жеңил машинедеги төрт жаран көз жумган. Алардын арасында өспүрүм кыз бар экенин облустук жол кайгуул кызматынан "Азаттыкка" билдиришти. Кырсыктын себептери так айтылган жок. Читать дальше...
Испаниянын бир катар аймактарында эки күндөн бери катуу шамал менен коштолгон катуу жаан токтобой жатат. 4-сентябрда бийлик суу ташкын коркунучу тууралуу эскертти. Көп жолдор суу алдында калганына байланыштуу Жол кыймылы башкармалыгы жарандарды «жолго чыкпай, мүмкүн болушунча үйдө калууга чакырды». 10 миңдей калкы бар Альканар шаарынын бийлиги тургундарга көчөгө чыгууга тыюу салды. Валенсия менен Барселона шаарларынын ортосунда темир жол каттамы токтотулду. 2-сентябрда Сарагоса аймагында катуу... Читать дальше...
Өзгөчө кырдаалдар министрлиги сел жүрүү коркунучуна байланыштуу чукул билдирүү таратты. Мекеменин Кыргызгидромет кызматынын маалыматына таянып билдиришинче, 4-5-сентябрда туруксуз аба ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн. 27-августтагы кыска мөөнөттөгү нөшөрлөп жааган жаандан улам Ысык-Көлдүн Тоң районуна караштуу Көк-Мойнок-1 айылында кокту-колоттон келген топон суу 30дай үйдү, короо-жайды, жер төлөлөрдү каптап, ички чарбалык жолдор бузулган.
Кыргызгидромет борбору билдиргендей, 5-сентябрда Чүй, Ысык-Көл, Нарын облустарынын айрым жерлеринде, Ош облусунун тоо этектеринде жана тоолуу райондорунда жаан жаап, күн күркүрөйт. Ош облусунун өрөөндөрүндө жана Талас, Жалал-Абад, Баткен облустарында жаан-чачын болбойт. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын айрым жерлеринде 15-20 метрге жетет. Абанын температурасы: Чүй өрөөнүндө түнкүсүн 8…13, күндүз 19…24, Талас жергесинде түнкүсүн 5…10... Читать дальше...
Казакстандын президенти Касым-Жомарт Токаев 4-сентябрда Алматы облусунун мурдагы башчысы Канат Бозумбаевди өзүнө кеңешчи кылып дайындады. Бозумбаев Январь окуялары маалындагы жүрүм-туруму менен элдин эсинде калган. Ал 2022-жылдын башындагы толкундоолор маалында Талдыкоргондо эл алдында сүйлөп жатып, сөгүнүп жиберген. Бул чогулгандардын ого бетер кыжырдануусуна түрткү болгон. Бозумбаев 2019-2021-жылдары президенттин жардамчысы, 2016-2019-жылдары энергетика министри болуп иштеген. 4-сентябрда... Читать дальше...
Улуттук коопсуздук боюнча мамлекеттик комитеттин (УКМК) басма сөз кызматы Алина Жумагулова аттуу блогер акча талап кылууга шек саналып кармалганын билдирди. Атайын кызмат 4-сентябрда тараткан маалыматка караганда, ал Сокулук айылындагы мейманканалардын биринин аймагында кызматтык машина жүргөнү тууралуу видеону таратам деп коркутуп, Чүй облусунун Жол кыймылынын коопсуздугун камсыздоо башкармалыгынын кызматкеринен 60 миң сом талап кылган. Бул факты боюнча Кылмыш-жаза кодексинин “Опузалап пара талап кылуу” беренеси менен кылмыш иши козголуп... Читать дальше...
Экологияга зыяны аз транспорт каражаттарына "жашыл номур" берилип, айрым жеңилдиктер каралууда. Жогорку Кеңештин тармактык комитети 4-сентябрда "Кыргыз Ресбуликасынын айрым мыйзам актыларына жашыл экология маселелери боюнча өзгөртүүлөрдү киргизүү тууралуу" мыйзам долбоорун биринчи окууда карап, жактырды. Демилгечи депутаттардын бири Марлен Маматалиев мыйзам долбоору коомдун жашыл жана туруктуу өнүгүүсүнө көмөктөшүү максатында иштелип чыкканын айтты. "Жашыл номур алгандарга транспорт салыгы 10% чейин төмөндөтүлөт. Читать дальше...
4-сентябрда Ош шаарынын Алиев көчөсүндө жайгашкан ресторандан өрт чыкты. Өзгөчө кырдаалдар министрлигинин басма сөз кызматы билдиргендей, саат 11:00дө үч өрт өчүрүүчү күжүрмөн топ тартылган. Саат 12:05те өрт чектөөгө алынган. Учурда толук өчүрүү иштери жүрүп жатат. Ушул эле күнү түнкүсүн Кара-Суу районундагы Кашкар-Кыштак айылындагы турак үйдөн өрт чыккан. Өрт өчүрүүчүлөр саат 02:02де жетип келип, саат 3тө чектөөгө алышкан. Өрттөн 1 миң чарчы метр турак үйдүн чатыры, үй буюмдары жана Toyota Land Cruiser унаасы күйүп кеткен. Читать дальше...
Аңчылык жана мергенчилик чөйрөсүндөгү мыйзам бузууларды аныктап, бөгөт койгон аңчы, егер жана инспекторлорго дем берип, айлыгын көбөйтүү сунушталууда. Буга байланыштуу мыйзам долбоору 4-сентябрда Жогорку Кеңештин Агрардык саясат, суу ресурстары, экология жана аймактык өнүктүрүү боюнча комитетинин жыйынында экинчи окууда каралды. Бул тууралуу парламенттин басма сөз кызматы кабарлады. Демилгечилердин бири, депутат Жалолидин Нурбаев мыйзам долбоору жаратылышты коргоо мыйзамдарын бузуу фактыларын... Читать дальше...
