Ооганстанда америкалык аскерлер жана дипломаттар менен кызматташкан ооган жарандары өлкөдөн чыгарылып, коопсуз жерге жеткирилди. Алгачкылардан болуп Ооганстандагы америкалык аскер базалары менен дипломатиялык миссияда мурда котормочу болуп иштеген оогандар АКШга үй-бүлөлөрү менен алып келинди. Алар буга чейин “Талибан” кыймылынын кол салуусунан коркуп, өлкөдөн чыгарып кетүүнүн суранып, Вашингтонго кайрылышкан. Учуп келген бардык оогандыктар АКШнын Вирджиния штатындагы Форт-Ли аскер базасына жөнөтүлдү. Читать дальше...
Кытайдын чыгышындагы Нанкин шаарынын бийлиги Москвадан учуп келген Air China компаниясына таандык жүргүнчү ташыган учакты COVID-19 пандемиясы башталгандан берки вирусту жугузуучу эң ири булак деп атады. Бул шаарда вирус чыккандан бери аталган учакта учуп келгендердин арасынан ооруну жугузуган 200дөн ашуун учур аныкталды. Алар аркылуу Кытайдын аталган шаарынын калкына жана 15 провинциясындагы 26 калктуу конушуна тараган. Бул тууралуу Гонконгдогу South China Morning Post гезити жазып чыкты. Мамлекеттик... Читать дальше...
30-июлда коронавируска каршы эмдөө жүргүзүү үчүн 3 млн 60 доза Moderna вакцинасы жүктөлгөн учак АКШдан Өзбекстанга келип конду. АКШда өндүрүлгөн Moderna вакцинасы эл аралык COVAX программасынын алкагында Өзбекстанга жардам иретинде акысыз берилди. Гуманитардык жардамды Ташкендин аба майданынан Өзбекстандын Саламаттык сактоо тармагынын жетекчилери кабыл алды. АКШнын адистери аталган вакцинаны коронавируска каршы 94 пайыз натыйжалуу деп сыпатташкан. Аны 18 жаштан өткөндөр эки дозада бир ай аралык менен алат. Читать дальше...
"Азаттык" радиосунун "Эгемендикти эмне бекемдейт?" аттуу сынагына Ырысбай Абдыраимовдон келген материалды сунуштайбыз. Кыргызстанды дүйнөдөгү ондогон өлкөлөр жана эл аралык уюмдар эркин өлкө катары тааныгандыгына нечен жыл өткөнүнө карабай, ал толук эркиндикке жетише элек. 1991-жылдын 31-августунан бүгүнкү күнгө дейре деле каз-каз басып, тай-тайлаган учуру. Ошо күнү төрөлгөн уул-кыздарыбыз Алыкулдун “боз ат минген” отуз жашына толуп, беш манжадай баары болбосо да, алардын арасындагылар мыкты билим... Читать дальше...
Бразилиянын өкмөтү Орусиядан 10 млн. доза "Спутник V" вакцинасын алуу боюнча быйыл мартта кол коюлган макулдашууну жокко чыгарды. Бул тууралуу Бразилиянын Саламаттык сактоо министрлиги кабарлады. Бул чечим Бразилиянын Дары-дармектерди каттоо агенттиги орусиялык вакцинаны колдонууга уруксат берүүнү кечеңдеткени себеп болду. Ошондуктан министрлик өлкөдө коронавируска каршы эмдөө программасы эми Орусиянын вакцинасыз жүргүзүлөрүн билдирди. Бирок эгерде аталган агенттик "Спутник V" вакцинасын колдонууга уруксат берсе... Читать дальше...
Өзбекстандын жарандары Кыргызстандын чек арасынан өтүүдө мыйзамсыз текшерүүлөргө, акча талап кылууга кабылып жатканын айтып, президент Садыр Жапаровго кайрылды. Талкууга түшкөн өзбек блогеринин кайрылуусу “Урматтуу президент Садыр Жапаров, учурда билесиз "Достук" чек ара бекетинен өзбек жарандары өтүп, Казакстандын бир топ шаарларына "Ош" аэропорту аркылуу учушат. Бирок ал жерде адамдын ачуусун келтирип, Кыргызстан мамлекетин шерменде кыла турган окуялар болууда”, - деген блогер Исраилдин видеосу... Читать дальше...
Соңку суткада Жапонияда вирусту жуктуруп алгандардын рекорддук саны (10 миңге чукул) катталды. Бирок Токиодогу Олимп оюндарынын уюштуруучулары кырдаал көзөмөлдө деп ишендирүүдө. Эл аралык олимпиада комитетинин басма сөз катчысы Марк Адамс журналисттерге маалымат берип жатып, азыркы учурда дүйнөдөгү коронавируска каршы эң катаал чаралар олимпиадалык объектилерде көрүлүп жатканын айтты. Ушул кезге чейин Олимпиада айылынан 193 кишиден вирус табылган. Анын жыйырмасы спортчулар. Пандемиянын оор шартында... Читать дальше...
Израилде коронавируска каршы вакцинанын үчүнчү дозасын сайып башташты. Жапонияда COVID-19 күчөп жатканына байланыштуу өзгөчө кырдаал режими узартылмай болду. Казакстанда бул илдеттен бир суткада көз жумгандардын саны 100дөн ашты. Израил коронавируска каршы вакцинанын үчүнчү дозасын сайып баштаган дүйнөдөгү биринчи мамлекет. Pfizer/BioNTech вакцинасынын үчүнчү дозасы бери дегенде беш ай мурда эмделген 60 жаштан жогоруларга сайылат. Бул тууралуу 29-июлда Израилдин өкмөт башчысы Нафтали Беннет билдирди... Читать дальше...
Адилет Дюшембиев орусиялык мыкты сүрөтчү-дизайнерлерден онлайн сабак алып, Кыргызстанда жаңыдан өнүгүп келе жаткан декорду этно-стиль менен айкалыштырууда. Жаш декоратордун эмгектерине дубайлыктар, орусиялыктар кызыгып, жумушка чакырган. Бирок андан баш тарткан. Ал акыркы бир жылдан бери Каракол шаарында чоң эмгегин жаратууда. Адилет атактуу сүрөтчү, скульпторлор менен биригип этно-ресторанды жасалгалап жатыптыр.
Чүй облустук милициясы үйлөрдү тоноп жүргөн ууру балдарды кармады. Бул тууралуу Чүй облустук милициясынын басма сөз кызматы билдирди. Милиция тараткан маалыматта кармалган балдар буга чейин да уурулук кылып жүргөн. Маалым болгондой, кармалгандар Аламүдүн районундагы Лебединовка, Кырман айылдарындагы үйлөргө ууруга кирип, колуна тийгендин баарын уурдап келишкен. Бул боюнча райондук ички иштер бөлүмүнө беш арыз түшкөн. Ыкчам издөө иштеринин алкагында шектүү катары 2001, 2003, 2004 жана 1998-жылы туулган балдар кармалды. Читать дальше...
Талас шаарынын 31 жаштагы тургуну Гүлзат Кубеева ушул күндөрү ооруканада дарыланып жатат. Ал кичинекей балдардын оюнунан келип чыккан чырга арачы болгон маалда сабалганын айтууда. Ал арада милиция кызматкеринин жубайы да колу сынганын билдирип, милицияга арыз жазган.
Жогорку сот Ош шаардык кеңешине кайра шайлоого катышып, экинчи орунга чыккан “Биздин Кыргызстан” саясий партиясын колдогон чечим чыгарды. Соттун 30-июлдагы токтомун партиянын лидери, Жогорку Кеңештин депутаты Айбек Осмонов жарыялады. Токтомдо Бишкектин Административдик сотунун чечими күчүндө калтырылганы жазылган. Жергиликтүү кеңештерге шайлоо быйыл 11-апрелде өтүп, жыйынтыгында Бишкек, Ош жана Токмок шаарларындагы добуш берүүнүн жыйынтыгы жокко чыгарылган. Кайра шайлоо 11-июлда өткөн. Ош шаарынын... Читать дальше...
Кыргыз-казак чек арасындагы “Ак-Тилек” өткөрмө бекетинде машиналар кадимки тартипте өтүп жатат, кезек маал-маалы менен гана пайда болуп калууда. Бул тууралуу 30-июлда “Азаттык” радиосуна Улуттук коопсуздук боюнча мамлекеттик комитеттин (УКМК) Чек ара кызматынын басма сөз катчысы Гүлмира Бөрүбаева билдирди. “Өтүп жатат. Бирок, маселен, түндө 10-20дай эле машина өткөн болсо, саат 11де 120 машина топтолду. Анан азая түшүп, мына, саат 17ге карата кайра көбөйдү, 120дай машина турат”. Чек ара кызматы... Читать дальше...
Жогорку Кеңеш "Мегаком" бренди менен таанымал "Альфа Телеком" мамлекеттик компаниясын толугу менен сатуу тууралуу Министрлер кабинетинин токтомунун долбоорун колдоду. Эми компания кандай шартта сатылары, баасы аныкталмакчы. Жогорку Кеңеш өткөн айда жакынкы эки жылда толугу менен, же кайсы бир үлүшү сатылчу 25 мамлекеттик объекти тууралуу программаны бекитип, токтом кабыл алган. Министрлер кабинети эми ага кошуп дагы төрт объектини, тактап айтканда, "Мегакомду" (100%), Кепилдик фонддун (14,9%),... Читать дальше...
"Проект" басылмасынын баш редактору Роман Баданин Орусиядан чыгып кеткенин өзү Reuters маалымат агенттигине кабарлады. Орусияда "Проект" басылмасы "жагымсыз уюмдардын" тизмесине киргизилген. Ал эми анын башкы редактору Роман Баданин болсо "чет элдик агенттердин" реестрине кошулган. Журналист мекенине кайтпай турганын, анткени аны "Проект" басылмасындагы ишмердиги үчүн кылмыш жоопкерчилиги күтүп турганын билдирди. Ал 2015-жылы кабыл алынган мыйзам боюнча "жагымсыз уюмдардын" тизмесине киргизилген... Читать дальше...
Акыркы үч күндөн бери Түркиянын 21 облусунда 71 токойдо өрт чыкты. Алардын үчтөн бири өчүрүлө элек. Тилсиз жоо төрт адамдын өмүрүн алып, миңдеген тургун коопсуз жайга көчүрүлгөнү кабарланды. Өлкөнүн айыл-чарба министри Бекир Пакдемирли бейшембиде "Твиттер" баракчасына чыккан өрттөрдүн айрымдары ээ-жаа бербей жатканын, абалды согуш менен салыштырган билдирүү жазды. "Бул согушта токойчулар, мамлекеттик кызматкерлер жана калкыбыз менен болгон күчүбүздү колдонуп, согушуп жатабыз", - деп жазды министр. Читать дальше...
Токиодо өтүп жаткан Олимп оюндарында орусиялык суучул Евгений Рылов 200 метр аралыкка аркасы менен сүзүүдө алтын медал алды. Спортчу олимпиадалык жаңы рекорд койду. Бул Рыловдун Олимпиададагы экинчи алтыны. Экинчи орунду америкалык Райан Мёрфи алса, үчүнчү орунга британиялык Люк Гринбэнк татыды. Мындан сырткары Токиодогу оюндарда дагы бир орусиялык спортчу Виталина Бацарашкина Олимпиаданын эки жолку чемпиону болду. Ал 10 жана 25 метрлик аралыкка пневматикалык тапанчадан атуу боюнча мелдештен алтын алды. Читать дальше...
Кыргызстанда быйыл кылмыштуулуктун деңгээли былтыркыга салыштырганда бир катар көрсөткүчтөр боюнча кыйла жогорулаганы байкалууда. Бул тууралуу Улуттук статистика комитети билдирди. Мекеме Башкы прокуратуранын маалыматына таянып жазгандай, январь-июнь айларында жалпысынан өлкө аймагында 23,5 миң кылмыш, 12 миң жорук катталды, алардын көбү Бишкекте жана Чүй аймагында жасалды. Былтыркы жылдын биринчи жарымына салыштырганда кылмыштар 1,5 эсе, жоруктар 30% көбөйдү. Адам өлтүрүү 26%, зордуктоо фактылары 34% көп катталды. Читать дальше...
Укук коргоочулар тобу Форугхини террордук уюмга мүчө деп айтышууда. Уюм ага алтын медаль ыйгаруу башка спортчуларды мазактаганга барабар деп эсептейт.
Кыргызстанда коронавируска каршы эмдөөдөн өткөндөрдүн саны 30-июлга карата 528 миңден ашты. COVID-19 боюнча республикалык ыкчам штабдын маалыматына караганда, алардын 115 миңи вакцинанын эки дозасын тең алгандар. Соңку бир күндө вакцинаны 19 миңге жакын адам алды. Өлкөдө коронавирус жугузуп алгандардын расмий катталган саны 162 миңге, каза болгондор 2311 адамга жетти. Учурда республиканын бардык аймактарында "Спутник V", Sinopharm жана AstraZeneca вакциналарын алууга шарт бар. Президент Садыр Жапаров 23-июлда Sinopharm вакцинасын алды. Читать дальше...
Интернет желесине Беларустан чет өлкөлөргө кетип жаткан бизнесмендердин жеке маалыматтары чыгып кетти. Алар өлкөдө калган жакындары жана кесиптештери үчүн коркушарын айтышууда. Беларустагы бир канча бийликчил телеграм-каналдар чет өлкөлөргө кетип жаткан ишкерлердин тизмесин жарыялады. Анда ишкерлер өзү менен кошо бизнесин Латвияга жана Литвага көчүрүү боюнча сүйлөшүүлөрдү жүргүзгөнү айтылат. Минскидеги бийликчил телеграм-каналдар өлкөдөн кеткен жана кетүүгө камданып жаткан ишкерлердин жана алардын... Читать дальше...
Ростов-на Дону шаарында сот "Жахабанын күбөлөрү" диний уюмунун үч мүчөсүн алты жылдан алты жарым жылга чейин абакка кести. Ишти караган сот "диний-экстремисттик уюмдун ишмердигин уюштурган" деген негизде айыпкерлерди күнөөлүү деп тапты. Бир тууган Вилен менен Арсен Аванесовдор жана Александр Парков 2019-жылы жазында полиция тарабынан кармалган. Алар Орусияда тыюу салынган диний уюмдун ишин жүргүзүүгө айыпталган. Сотто күнөөсүн моюнга алышкан эмес. Алар Библияны окуп үйрөнүп, Кудайга сыйынуу үчүн гана жолугушуп жүрүшкөнүн айтып... Читать дальше...
Токиодо өтүп жаткан жайкы Олимп оюндары жетинчи күнгө карады. 30-июль, ушул сааттарга карата алтын медалдар саны боюнча Жапония менен Кытайдын курамалары алдыда келе жатат. Кытай 18 алтын алса, Жапония 15, АКШ 14, ал эми Орусиянын Олимпиада комитети 10 алтын медалга ээ болду. Ал эми жалпы медалдардын саны боюнча АКШнын спортчулары 42 медал утуп алды, Кытай - 38, Орусиянын Олимпиада комитети - 32, Жапония курама командасы 26 медал утту. XXXII жайкы Олимпиада оюндары жапон башкалаасында 23-июлдан 8-августка чейин өтөт. Читать дальше...
"Түндүк" темир жол бажысында айрым логистикалык компаниялар менен сүйлөшүп алып, интернеттен буйрутма берилген товарлардан бажы төлөмүн албай иштеген схема аныкталды. Бул тууралуу Улуттук коопсуздук мамлекеттик комитетинин (УКМК) басма сөз кызматы билдирди. Атайын кызмат тараткан маалыматка ылайык, 29-июлда тиешелүү бажы төлөмдөрүн төлөбөстөн, жүктү мыйзамсыз өткөрүү үчүн акча алып жаткан жеринен “Түндүк” темир жолунун бажы тариздөө борборунун инспектору кармалган. Учурда ал УКМКнын убактылуу кармоочу жайына киргизилди. Читать дальше...
Жерүйдө быйыл жыл аягына чейин 2300 кг алтын өндүрүү пландалууда. Бул тууралуу 30-июлда Министрлер кабинетинин төрагасы Улукбек Марипов ишканага барганда айтылды. Бүгүнкү күнгө карата «Алтын Альянс» компаниясы 1086 кг алтын өндүргөнү, Улуттук банк кымбат баалуу металлдарды сатып алуу боюнча артыкчылыктуу укугунун негизинде 940 кг тазаланган алтынты сатканы маалымдалды. Башкы министр Марипов ишкананын калдык сактоочу жайын текшерип, экологиялык коопсуздук өкмөттүн өзгөчө көзөмөлүндө экенин белгиледи. Читать дальше...
