Бишкек, Ош жана Токмок шаарларындагы кайра шайлоонун жыйынтыгы 24-июлга чейин чыгып, мандаттар бөлүштүрүлүп берилиши керек. Бишкек менен Ошто шайлоо жыйынтыгы чыкса, Токмокто кайра санак болору айтылып, бирок БШК ал чечимди жокко чыгарды. Үч шаардын шайланган депутаттарынын биринчи милдети шаар мэрлерин шайлоо. Он айдан бери башчысыз отурган Бишкек шаарында ким мэр болору белгисиз. Ал эми Ош менен Токмок шаарынын учурдагы калаа башчылары кайрадан мэр болуу ниетин жашырбайт. Оштун мэри ким болот? Читать дальше...
Европадагы суу ташкындын кесепетинен өлгөн адамдардын саны 183кө жеткени кабарланды. Ондогон адамдар дайынсыз. Булардын ичинен кеминде 156 адам Германияда катталды. Баварияда 17-июлдан 18ине караган түнкү нөшөрдө дагы бир адам өлгөнү маалым болду. Белгияда 27 адам көз жумган. Дайынсыз жоголгондор да бар. Учурда издөө-куткаруу иштери уланууда. Куткаруу иштерине атайын техникадан тышкары полиция, аскер кызматкерлери жана жергиликтүү элден жүздөгөн ыктыярчылар тартылган. Европанын батышындагы бир... Читать дальше...
19-июлда түнкүсүн Ош, Баткен, Ысык-Көл, Нарын облустарынын көпчүлүк аймактарында, Жалал-Абад, Чүй облустарынын тоолуу райондорунда өткүн өтөт. Күндүз Ош, Баткен, Ысык-Көл, Нарын облустарында өткүн өтүп, жаан жаайт. Жалал-Абад жана Талас облустарынын өрөөндөрүндө күн ачык болот. Ош жана Баткен облустарында жамгыр мол жаайт. Батыштан соккоy шамалдын ылдамдыгы секундуна 4-9, Ысык-Көл, Нарында 15-20 метрге чейин жетет. Абанын температурасы: Чүй өрөөнүндө түнкүсүн 15…20, күндүз 30…35; Талас облусунда түнкүсүн 12…17... Читать дальше...
18-июлда Токидогу Олимп оюндарынын уюштуруучулары дагы он адамдан коронавирус аныкталганын маалымдашты. Маалыматка караганда, алар негизинен уюштуруу жана башка иштер менен алектенгендер. 17-июлда үч спортчудан коронавирус табылган, алардын экөө Олимп айылында жашайт. Экөө тең айылдан чыгарылып, обочолонгон. Булардан тышкары дагы бир журналисттен жана оюнду уюштурууга катышкан алты кишиден вирус аныкталган. Июль айынын башынан бери Олимп оюндарына катыша турган 55 адамдан коронавирус табылган. Читать дальше...
Ирактагы согуш аймактарынан алып келинген балдарга туугандары менен жолугууга убактылуу тыюу салынды. Бул тууралуу Тажикстандын балдар акыйкатчысы Мижгоан Бобожонзода маалымат жыйында билдирди. Анын сөзүнө караганда, эки жыл мурун Ирактан алып келинген балдар учурда мектеп-интернаттарда. Акыйкатчы "Озоди" радиосунун кабарчысынын балдар качан туугандарынын колуна берилери тууралуу суроосуна жоопсуз калтырды. "Азыр тиешелүү мекемелер бул маселени карап жатышат. Акыркы чечим кабыл алынганда силерге маалымдайбыз", - деп жооп кайтарды. Читать дальше...
Ооганстандын Tolo news агенттигинин ишембидеги маалыматы боюнча, ооган өкмөтүнүн өкүлү Абдулла Абдулла жана "Талибан" кыймылынын Абдел ганы Барадар баштаган делегацияларынын жолугушуусу Дохада башталды. Сүйлөшүү учурунда талибдердин өкүлү Ооганстан бардык ооганстандыктардын мекени экенин белгиледи. Барадар өнүгүү үчүн борбордук, көз карандысыз ислам системасы зарылдыгын айтты. Ал эми Абдулла Абдулла Ооганстанга тынчтык орнотуу үчүн согушту токтотууга чакырды. "Азыр ооган эли оор заманда жашап жатат. Читать дальше...
21 жаштагы Каныкей Кубанычбекова кыргыз спортунун тарыхында ок атуу спорту боюнча кыздар арасынан биринчи жолу Токиодогу Олимпиадага жолдомо алды. Каныкей учурда оюндарга даярдык көрүп, тыным албай машыгып жатат.
Германиянын батышындагы суу ташкындан каза болгондордун саны 133 адамга жетти. Полиция Рейнланд-Пфальц аймагында 90дон ашуун киши өлгөнүн, 620 адам түрдүү жаракат алганын билдирди. "Немис толкуну" маалымдагандай, Түндүк Рейн-Вестфалия аймагында 43 адам көз жумган. Бийлик каза болгондор дагы көбөйүшү ыктымалдыгын кабарлады. Кырсыктан эки күн өтсө да дайынсыз жоголгондор катталып жатат. Учурда издөө-куткаруу иштери уланууда. Куткаруу иштерине атайын техникадан тышкары полиция, аскер кызматкерлери... Читать дальше...
Кыргызстанда коронавирустун жайылышы басаңдай элек. Бир апта ичинде вирус 80ден ашык кишинин өмүрүн алды. Өлкөдө вируска каршы эмдөө мажбурлоо жолу менен жүргүзүлүп жатат деген нааразылык чыкты. Коронавируска каршы күрөшүү боюнча ыкчам штабдын 18-июлга карата берген маалыматына ылайык, акыркы бир күн аралыгында оорудан дагы 10 адам көз жумду. Алардын алтоо Чүй, экөө Ысык-Көл, бирөө Баткен, дагы бири Нарын облусундагы ооруканада жаткан. Расмий маалыматка таянсак, вирус күн сайын 10-11 кишинин өмүрүн алууда. Читать дальше...
Лас-Вегаста (АКШ) UFC on ESPN 26 турнири болуп өттү. Уюмдун YouTube каналына спорттук иш-чаранын урунттуу учурлары жарыяланды.
Акыйкатчы мамлекеттик жана муниципалдык мекемелердин жетекчилерин коронавируска каршы эмдөөнү мажбурлоо же коркутуу менен жүргүзүүдөн алыс болууга чакырды. Омбудсмен институту тараткан маалыматка караганда, вакцинаны милдеттүү түрдө алууга мажбурлап жатышканы тууралуу арыз-дооматтар укук коргоо уюмунун "115" шыр байланыш кызматына келип түшүүдө. Кайрылгандардын көпчүлүгү жетекчилик эмделбегендерди иштен кетирүү же айлык акысын азайтуу менен коркутуп жатканын билдиришкен. Акыйкатчы институту учурда кайрылуулар иликтенип жатканын маалымдап... Читать дальше...
Тажикстандын Файзабад райондук прокуратурасы денесинин 26 жерине бычак сайылган Манора Абдуфаттоктун өлүмүн "өзүн-өзү өлтүрүү" деп атап, "Өзүн өлтүрүүгө жеткирүү" беренеси боюнча кылмыш ишин козгоду. "Озоди" радиосу маалымдагандай, келиндин сөөгү 22-июнда ал жашаган батирден табылган. Прокуратура өкүлү билдиргендей, суицид тууралуу корутунду экспертизанын жыйынтыгынан улам чыгарылган. "Иш факты боюнча козголду. Эгер аны өзүн өлтүрүүгө кимдир-бирөө жеткирген болсо, ал да жоопко тартылат. Азырынча шектүүлөр бар... Читать дальше...
Эл аралык Канн кинофестивалында эң улук байге - "Алтын пальма бутагын" франциялык кинорежиссер Жулия Дюкурно тарткан "Титан" аттуу боди-хоррор жанрындагы тасма утуп алды. Жалпысынан сынакка 24 тасма катышкан. Калыстар тобун америкалык кинорежиссер, продюсер, сценарист жана актер Спайк Ли жетектеди. Ал эми баш байгени (Гран при) Ирандын кинорежиссеру Асгар Фархади тарткан "Баатыр" (A Heros) тасмасы менен Финляндиянын "Номур алтынчы купе" (Hytti Nro 6 / Compartment No 6) тасмасы, режиссеру - Юхо Куосманена, бөлүп алды. Читать дальше...
Жадыбал боюнча спорттук күрөштөр 1-августта башталып, 7-августка чейин созулат. 1-3-августта грек-рим жана кыздар күрөшү болсо, 4-августта эркин күрөш башталат.
Токмок аймактык шайлоо комиссиясы (АШК) шаардык кеңешке добуш берилген бардык тилкелердин жыйынтыгын кайра карап чыгууну чечти. Бул тууралуу Борбордук шайлоо комиссиясы (БШК) маалымдады. Добуштарды кайра саноого "Эмгек" жана "Асыл Мурас-Жаштар" партиясынын арызы негиз болгон. Аталган партиялардын дооматына ылайык, бардык тилкелерде добуштар кол менен саналган эмес. Шайлоо мыйзамдарына ылайык, добуштарды кайра эсептөө БШК мүчөсүнүн катышуусунда ишке ашууга тийиш. Учурда Боршайком Токмок АШКнын бул чечимин карап жатат. Читать дальше...
Коронавируска каршы штабдын 18-июлга карата берген маалыматы боюнча, 1373 адам вирус жуктуруп алганы лабораториялык жактан тастыкталды. Басымдуу бөлүгү борбор калаада. Бишкек - 832 Ош шаары - 45 Чүй облусу – 163 Ош облусу – 57 Талас облусу - 25 Нарын облусу - 23 Ысык-Көл облусу – 52 Жалал-Абад облусу – 57 Баткен облусу - 119. Ал эми бир сутка ичинде 1103 адам сакайды. Акыркы суткада коронавирус илдетинин кесепетинен 10 киши көз жумду. Алардын алтоо Бишкекте, экөө Ысык-Көлдө, Баткен жана Нарында бирден адам катталды. Читать дальше...
Трассанын узундугу 270 чакырым. Иш-чара кыргыз аргымактарын жана спорттун улуттук түрлөрүн колдоо максатында уюштурулууда.
