Уланбек Тотуяев Кыргызстандын Пакистандагы элчиси болуп дайындалды. Тиешелүү жарлыкка президент Садыр Жапаров кол койду. Анын алдында президент өлкөнүн Пакистандагы мурдагы элчиси Эрик Бейшембиевди кызматтан бошотуу тууралуу жарлыкка кол койгон. 41 жаштагы Уланбек Тотуяев буга чейин Тышкы иштер министрлигинин Биринчи саясат департаментинин директору болуп иштеп келген.
Жакында эле Бишкекте "Дүйнөдөгү кыргызстандык билимдүү жаш адистердин өлкөгө салымы" деген аталышта форум өттү. Аны Kyrgyz Network академиялык уюму уюштурду. "Арай көз чарай" талкуусунда аталган уюмдун негиздөөчүлөрү менен "чет жакта жакшы окуу жайларды бүткөн мекендештер өз өлкөсүнө кандай салым кошо алат?" деген суроого жооп издедик. Талкуунун катышуучулары: Азамат Арпачиев - Кыргыз-Түрк "Манас" университетин, кийин Түркиядагы Селчук университетинин магистратурасын аяктаган. Учурда ошол эле окуу жайда докторантураны окуп жатат. Читать дальше...
"Боинг-737" үлгүсүндөгү жүк ташыган учак Тынч океанга кулады. Учак АКШнын Гавайи штатындагы Гонолулу аэродромунан учуп чыккандан көп өтпөй кырсыкка учураган. Маалымат каражаттары учактын кыймылдаткычтары иштебей калганын жазышууда. Учактын эки учкучу сууга түшүп, аман калганы кабарланды. АКШнын авиациялык мекемеси учкучтар Гонолулудагы аэродромго кайтууга аракет кылып, бирок сууга авариялык конууга аргасыз болгонун билдирди. Учкучтарды суудагы куткаруучулар аман алып чыгышкан. Кырсыктын чоо-жайы такталууда.
“Сапат” билим берүү мекемесинин президенти, Кыргызстандын жарандыгын алган теги түркиялык Орхан Инанды бир айдан бери дайынсыз. Жубайы Рейхан Инанды күйөөсүн издөөгө жардам сурап үчүнчү жолу президентке кайрылды. Өткөн айда президент Садыр Жапаров тийиштүү мекемелерге аны издөө иштерин күчөтүүнү жана кошумча күч тартууну тапшырган. Инандынын тарапташтары бийликке кайрылуу жасап, анын табылышын талап кылып акцияларды өткөрүп жатышат. Орхан Инандынын жоголушу боюнча Коопсуздук кеңеши чукул кеңешме да өткөргөн. Читать дальше...
Миграцияда жүргөн төрөт курагындагы кыз-келиндердин 70 пайызы ден соолугун жоготту. Мындай пикирин “Кыргызстан-Екатеринбург” диаспорасынын жетекчиси, дарыгер Гүлшан Долонбаева “Азаттыктын” “сыябан-маегинде” билдирди. Маекте кыргызстандык эмгек мигранттарынын жашоо-тиричилиги, көйгөйлөрү, “мигранттардын балдары” деп аталган муундун өзгөчөлүгү тууралуу да сөз болду.
Казакстандын мурдагы президенти Нурсултан Назарбаев Орусиянын президенти Владимир Путин менен 30-июндагы жолугушуусунда Кенесары хандын сөөгүнүн калдыктарын кайтаруу маселесин талкууланды. Бул тууралуу Назарбаевдин маалымат катчысы Айдос Укибай билдирди. Анда мурдагы казак президенти Путинден "казак элинин ыйык артефакты" болгон Кенесары хандык сөөгүнүн калдыгын таап, кайтарууну суранган. "Элбашы акыркы хандын сөөгү өз мекенине коюлушу казактар үчүн абдан маанилүү экенин белгиледи. Владимир Путин... Читать дальше...
- Оппозициялык саясатчы Жеңиш Молдокматов 6-сентябрга чейин камакта калды. Ал президент Садыр Жапаровдун саясатын кескин сындап келген. Бул арада бюджетке 1,5 млрд. сом зыян келтирген “Кыргыз темир жолу” ишканасынын мурдагы жетекчиси Василий Дашков камактан ооруканага которулду. - "Финансалык пирамиданын" кезектеги курмандыктары. Таласта "Авто касса" долбооруна 5 миңден 200 миң сомго чейин акча салып, алданып калгандар милицияга кайрылышты. Шылуундарга кабылгандардын саны 500дөн ашты. - Индияда... Читать дальше...
Азыр көп жаштар карьера жасагысы келет. Ошол эле учурда алардын жоопкерчилигинде бактылуу үй-бүлө куруу милдети да бар. Канткенде жаштар үй-бүлөнү да, карьераны да бирге алып кете алат? Аларды эмнелер чектейт жана мындай түшүнүктөрдү кантип талкалашат? "Азаттык плюс" ушул теманы талкуулады.
АКШнын мамлекеттик катчысы Энтони Блинкен Вашингтондо Өзбекстан жана Тажикстандын тышкы иштер министрлери менен жолукту. Бул жолугушуу АКШ Ооганстандан аскерин чыгарып, кырдаалды көзөмөлдөө үчүн Борбор Азиядан өнөктөш издеп жаткан маалга туура келди.
АКШнын юстиция министри Меррик Гарланд өлүм жазасын ишке ашырууга убактылуу мораторий киргизди. Мораторий министрлик эң жогорку жазаны аткаруу жол-жобосун карап чыкканга чейин күчүндө болот. Гарланд мекеме мурдагы президент Дональд Трамптын администрациясы кабыл алган протоколдорду кайрадан карап чыгарын билдирди. АКШда федералдык деңгээлде өлүм жазасына мораторий 2003-жылы киргизилген. Аны 2019-жылы Трамп президент болгон соң жокко чыгарган. Ал бийликте турган акыркы айларда 13 адам өлүм жазасына тартылды. Читать дальше...
Абакта отурган оппозициялык саясатчы Жеңиш Молдокматов дагы эки ай камакта калтырылды. Ага октябрь окуялары боюнча “массалык башаламандык уюштуруу” беренеси менен айып тагылууда. Ошол эле маалда октябрь окуяларынын башка активдүү эки катышуучусу Евразия экономикалык комиссиясына министр болду. Бишкектин Биринчи май райондук соту Жеңиш Молдокматовду 6-сентябрга чейин абакта калтырды. Ал 6-майда Ички иштер министрлигине суракка чакырылып, камакка алынган. Ага октябрь окуяларында атайын кызматтын имаратын басып алуу тууралуу айып тагылып... Читать дальше...
Кыргызстандын Австриядагы элчилиги Чехияда каза болгон 32 жаштагы кыргызстандык Адилет Сейитбековдун туугандары менен байланышты. Тышкы иштер министрлиги маалымдагандай, элчиликтин кызматкери маркумдун өлүмүнүн чоо-жайын иликтөө жана анын сөөгүн мекенине жеткирүү иштерин уюштуруу үчүн Чехияга жөнөп кетти. 20-июндан 21-июнга караган түнү Чехиянын борбору Прага шаарында кыргызстандык Адилет Сейитбеков киши колдуу болгон. Ал 3,5 жыл мурун Чехияга иштегени келген. Такталбаган маалыматтарга караганда... Читать дальше...
Борбордук шайлоо комиссиясынын жаңы курамы 2-июлда алгачкы олтурумун өткөрүп, беш жылдан бери төрайым болуп келаткан Нуржан Шайлдабекованы кайрадан жетекчи кылып шайлады. Отурумду мүчөлөрдүн эң улуусу катары Анар Дубанбаева алып барды. Жетекчиликке Шайлдабекова менен анын буга чейинки орун басары Абдыжапар Бекматовдун талапкерлиги сунушталды. Бекматов жаштар келишине тилектештигин билдирип, талапкерлигин өзү алып салды. Шайлдабекова 12 мүчөнүн 11инин добушун алды. Анын орун басарлыгына Тынчтык Шайназаров менен Нурлан Койчукеев бекиди. Читать дальше...
1-июлда АКШнын Мамлекеттик департаменти 2020-жылдагы Адам сатууга каршы күрөш боюнча баяндамасын жарыялды. Ага ылайык, Кыргызстан былтыр адам сатуу маселесин чечүүгө багытталган аракеттеринин натыйжасында 2 баскычка көтөрүлгөн. Баяндамада жазылгандай, Кыргызстанда адам сатууга каршы "Улуттук иш-аракеттер планынын" долбоору иштелип чыкты. Бул багытта иштөөгө 13 мамлекеттик мекеме жана бейөкмөт уюмдар тартылды. Жүздөгөн кылмыш иштери кайра каралып, натыйжада адам сатууга байланыштуу тергөө иштери жанданган. Читать дальше...
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев дарылануу үчүн кыска мөөнөттүү эмгек өргүүсүн алып, чет өлкөгө чыгып кетти. Бул тууралуу маалыматты "Азаттыка" аталган мекеменин басма сөз кызматкери Назгүл Кыдыралиева ырастады. Ал Ташиевдин кайсы дартка чалдыкканын айткан жок, башкы чекист аз күндө кайтып келерин гана белгиледи. Мунун алдында бир катар басылмалар атайын кызматтын башчысы азыр Кыргызстанда эмес экенин жазып жатышкан. Камчыбек Ташиев ден соолугуна... Читать дальше...
Бейшембиде миңдеген түркиялыктар өлкөнүн ири шаарларында нааразылык акция өткөрдү. Алар Түркиянын аялдарды зомбулуктан коргоо келишиминен чыгуусун катуу сынга алып, келишим кайра кабыл алынсын деген талап койду. "Биз унчукпайбыз, коркпойбуз, баш ийбейбиз" 1-июлда Стамбул шаарынын чок ортосундагы Таксим аянтында миңдеген кишилер митингге чыгып, аялдарды зомбулуктан коргоо келишими, башкача айтканда "Стамбул конвенциясынан" расмий түрдө чыкканына нааразылыгын билдирди. Митингге чечимге нааразы болгон аялдардын коомдук бирикмелери... Читать дальше...
Коронавирус алгач аныкталган былтыр март айынан бери Кыргызстанда 108 медицина кызматкери илдеттен көз жумду. Бул тууралуу Саламаттык сактоо жана социалдык өнүктүрүү министрлиги маалымдады. Бүгүнкү күнгө чейин 33 маркумдун үй-бүлөсүнө гана мамлекет тарабынан убада кылынган 1 млн. сом кенемте берилген. Калгандары ала элек. Маалым болгондой, 2020-жылы кыргыз өкмөтү иш учурунда коронавирус жуктуруп, каза болгон медицина кызматкерлеринин үй-бүлөсүнө 1 млн. сом кенемте берилерин убада кылган. Быйыл 11-январда бул сумма өзгөрүп, 2,8 млн. Читать дальше...
Журналист Станбек Усупов 88 жаш курагында дүйнөдөн кайтты. Бул тууралуу Маданият, маалымат, спорт жана жаштар министрлиги кабарлады. Станбек Усупов 1934-жылдын 5-майында Жети-Өгүз районунун Боз-Бешик айылында туулган. 1958-жылы Казак мамлекеттик университетинин журналистика бөлүмүн аяктаган. С.Усупов эмгек жолун “Ленинчил жаш” гезитинде адабий кызматкер катары баштап, бөлүм башчы, редактордун орун басары, редактор болуп иштеген. 1967–1970-жылдары КПСС БК алдындагы Коомдук илимдер академиясынын журналистика боюнча аспирантурасында окуп... Читать дальше...
Президент Садыр Жапаров кол койгон жарлыкка ылайык Чолпонбек Абыкеев Кыргызстандын Мамлекеттик катчысы болуп дайындалды. Бул тууралуу президенттин сайтында кабарланды. 65 жаштагы Чолпонбек Абыкеев жазуучу жана журналист катары белгилүү. Буга чейин ал Министрлер кабинетинин төрагасынын кеңешчиси болуп турган. Абыкеев “Аалам” гезитинин негиздөөчүсү жана башкы редактору болгон. Курманбек Бакиевдин башкаруусу учурунда президенттик администрациянын коомчулук менен байланыш бөлүмүн жетектеп, кийин Мамлекеттик архивди башкарган. Читать дальше...
Түркия 1-июлдан тарта Стамбул конвенциясы деп аталган аялдарга зордук-зомбулукту токтотуу боюнча эл аралык документтен расмий түрдө чыкты. Мындай чечимди быйыл жазында түрк президенти Режеп Тайып Эрдоган кабыл алган. Расмий Анкаранын мындай кадамы эл аралык коомчулуктун сынына кабылып, өлкөдө нааразылык акциялары өткөн. 1-июлда президент Эрдоган аялдарга карата зомбулукка каршы күрөшүү боюнча жаңы улуттук план иштелип чыкканын жарыялады. Ал 2021-2025-жылдарда зордук-зомбулукка каршы мыйзамдарды... Читать дальше...
Кыргыз-орус өнүктүрүү фонду июль айынын башынан тартып Кыргызстандагы бизнес долбоорлорду каржылоосун жандантты. Бул тууралуу аталган фонддун сайтында кабарланды. Мекемеден билдиришкендей, мындай чечим Кыргыз-орус өнүктүрүү фондунун төрагасы Артем Новиков менен Орусия Федерациясынын Финансы министрлигинин орун басары, Кыргыз-орус өнүктүрүү фондунун Кеңешинин төрагасы Тимур Максимовдун Москвадагы жолугушуусунан кийин кабыл алынды. Кыргыз-орус өнүктүрүү фонду Кыргызстандын экономикасын колдоо максатында 2014-жылы түзүлгөн. Читать дальше...
Кумтөрдөн алтын казган “Центерра Голд” (“Centerra Gold”) компаниясынын бир акциясы 2-июлга карата Нью-Йорк биржасында 7,76 АКШ долларына түштү. Натыйжада аталган компаниядагы “Кыргызалтындын” 77 401 766 акциясынын наркы 600 миллион доллардын тегерегинде бааланып жатат. “Центерра Голддун” акциясы 2020-жылдын июнь айында 11-12 доллардан, июль-август айларында 12-14 доллардан бааланып турган. Анда ишканадагы Кыргызстандын үлүшүнүн наркы алгач 900 млн. долларга, кийин 1,1 млрд. долларга чейин чыккан. Читать дальше...
Казак полициясы 1- июлда эртең менен кармап кеткен активисттерди ошол күнү кечинде бошотту. Бул тууралуу кармалгандардын бири активист Байболат Күнболатулы жана анын энеси Зауатхан Турсын билдирди. Анын айтымында, полиция аларды эртең менен эч себепсиз үйүнөн алып кетип, 12 сааттан ашык бөлүмдө кармап турган. Күнболатулы "1-июлда Бээжинде Коммунисттик партиянын 100 жылдыгын белгилеп жатканда казак бийлиги Алматыдагы Кытайдын консулдугунун алдындагы акцияга чыкпасын" деп, ушундай кадамга барышы мүмкүн дейт. Читать дальше...
“Кыргызгидромет” борбору кабарлагандай, 3-июлда түнкүсүн Нарын облусунун кээ бир райондорунда, Чүй облусунун тоолуу райондорунда, Жалал-Абад облусунун тоо этектеринде жана тоолуу райондорунда өткүн өтөт, калган аймактарда жаан-чачын күтүлбөйт. Күндүз Ысык-Көл, Нарын облусунун көпчүлүк аймактарында, Ош, Жалал-Абад, Баткен облустарынын тоо этектеринде жана тоолуу райондорунда, Чүй, Талас облусунун тоолуу райондорунда жамгыр себелейт. Ош, Жалал-Абад, Баткен облустарынын өрөөндөрүндө, Чүй, Талас облусунун... Читать дальше...
Жогорку Кеңештин депутаты Жанарбек Акаев 2-июлда Аскер прокуратурасына суракка чакырылды. Бул маалыматты эл өкүлү "Азаттыка" ырастап, чакырууну Улуттук коопсуздук боюнча мамлекеттик комитети (УКМК) жибергенин, бирок суракка Аскер прокуратурасына барышы керектигин айтышканын билдирди: “Мага чакырууну УКМКдан жиберишкен. Мен учурда шаарда болбогонума байланыштуу, суракты 7-июлга жылдырышты. Азырынча кайсы иш боюнча чакырылып жатканымды ачык айтышкан жок. Кумтөр иши боюнча окшойт деп боолголоп турам”. Читать дальше...
