21-июлда президент Садыр Жапаров Жогорку Кеңештин депутаттары менен шайлоо мыйзамын талкуулаганын “Азаттыкка” депутат Сайдулла Нышанов билдирди. Толук пропорционалдык системадан аралаш системага өтүүгө багытталган долбоор Жогорку Кеңеште биринчи окууда каралганда көпчүлүк депутаттын сынына кабылган.
Токиодогу жайкы Олимпиада оюндарына Кыргызстандын атынан 16 спортчу катышууда. Жаштар иштери, дене тарбия жана спорт агенттиги кыргыз спортчулары бир алтын, эки күмүш жана эки коло медал утат деп божомолдоп турат. Олимпиада оюндарына лицензия алган спортчулар: Айсулуу Тыныбекова, Айпери Медет кызы, Мээрим Жуманазарова, Атабек Азисбеков, Жоламан Шаршенбеков, Акжол Махмудов, Үзүр Жузупбеков, Эрназар Акматалиев, Владимир Золоев, Дарья Маслова, Нурсултан Кеңешбеков, Роман Петров, Бакдөөлөт Расулбеков... Читать дальше...
Токиодогу жайкы Олимп оюндарынын уюштуруучулары коронавирус жуктургандар кескин көбөйсө спорттук мелдешти токтотууга туура келерин четке кагышпайт. Токиодогу Олимп оюндары башталарга эки күн калганда коронавирус жуктурган адамдардын көбөйүшү тынчсыздануу жаратууда. Буга спорттук мелдешти уюштуруу комитетинин башчысы Тоширо Мутонун соңку билдирүүлөрү себеп болду. Ал 20-июлдагы маалымат жыйынында эгер Олимпиадага келген спортчулар арасында вирусту жугузгандар кескин көбөйсө оюндарды токтотууга туура келерин четке каккан жок... Читать дальше...
Тажикстан менен чек арадагы Ак-Сай айылына өткөн жылы өкмөт казынасынан каражат бөлүнүп, айылдын ортосуна көпүрө куруу жана 500 гектардай жаңы жер өздөштүрүү үчүн насостук станция салуу иши башталган. Курулуш иштери ушул мезгилде аякташы керек болчу. Бирок белгисиз себептерден токтоп турат. Ак-Сай айылы менен Капчыгай конушунун ортосун Ак-Суу дарыясы бөлүп турат. Дарыянын үстүнө салынып жаткан көпүрөнүн курулушу быйыл жыл башынан бери токтоп калды. Капчыгайлыктар көпүрөнүн курулушуна Тажикстан тоскоолдук жаратып жатат деген пикирде. Читать дальше...
Акыркы эки күндө суу ташкыны Сузак районунда алты жашар наристенин, Лейлекте 16 жаштагы өспүрүмдүн өмүрүн алды. Өткөн жумада Аксы районунда сегиз кишини сел агызып кеткен. Өзгөчө кырдаалдар министрлиги аймактарда сел коркунучу сакталып жатканын эскертүүдө.
Чуу жараткан Pegasus тыңчылык программасы дүйнөлүк лидерлерди да бутага алганы белгилүү болду. Алардын арасында Казакстандын жана Франциянын президенттери бар. Бул программа тууралуу маалымат дүйнөнүн бир топ өлкөсүндө чоң талкууга жем таштады.
Ош шаардык кеңешине кайра шайлоодо экинчи орунга чыккан "Биздин Кыргызстан" саясий партиясында мандат бөлүштүрүүдө ич ара түшүнбөстүктөр чыкты. Партиянын тизмесинде 9-болуп катталган Жамал Ормонова шайлоодон кийин артка жылып кеткенин билип, укук коргоочуга кайрылган. Укук коргоочу Гүлгаакы Мамасалиеванын айтымында, ага “Биздин Кыргызстан” саясий партиясынан 9-тизмеде шайлоого катышкан талапкер Жамал Ормонова кайрылган. Ал партия өзүм билемдик менен аны артка жылдырганын айтып арызданган. Бул... Читать дальше...
Ак-Талаа районунун Баетов айылынын тургуну Черикбай Баялиев күн алыс жайлоого жөө барып келет. Айыл менен жайлоонун аралыгы 100 чакырым. 60ка чыккан аксакалдын Бишкекке чейин жөө барсам деген тилеги да бар.
"Азаттык" радиосунун "Эгемендикти эмне бекемдейт?" аттуу сынагына Болот Исаевден келген материалды сунуштайбыз. Эң оболу “эгемендүүлүк” деген сөз эмнени түшүндүрөрүн тактап алалы. Адабияттарда эгемендүүлүк жөнүндө төмөндөгүдөй аныктама берилген: “Мамлекет өзүнүн ички ишмердүүлүгүн жана тышкы саясатын жүргүзүүдө толук көз карандысыздыкка ээ болушу, мамлекеттин эгемендиги”. Талаш жок, эгемендик – мамлекеттин эркин, көз карандысыз болуусун тастыктап жатат. Биз мындан 30 жыл мурун өзүбүзчө көз каранды эмес... Читать дальше...
КРдин эмгек сиңирген машыктыруучусу, улуттук ат оюндары боюнча СССРдин жети жолку чемпиону Төлөндү Раимкулов советтик мезгилде ат оюндары боюнча алдыга эч кимди салбагандыгын айтты.
Спорт агенттигинин билдиришинче, чечим атлеттер Токиого ар кандай убакытта учуп жаткандыктан кабыл алынды. Тууну көтөрчү Атабек Азисбеков башкалардан кечирээк барат.
Токиодогу Олимпиадага Борбор Азиядан 200дөн ашуун спортчу катышканы турат. Эл аралык компаниянын прогнозуна ылайык, чөлкөмдөн эң көп алтынды Өзбекстан алышы мүмкүн. Кыргызстандын эки спортчусу медал менен кайтышы ыктымал. "Азаттык" беш өлкөнүн спортчуларынын мүмкүнчүлүктөрүн талдап көрдү.
Кыргыз бийлиги Ысык-Көлдүн боюна “Асман” деген экологиялык шаар куруу тууралуу дымактуу планын жарыялады. Долбоор Бишкекке жүк келтирбөө, туризмди өнүктүрүүнү көздөйт. Бирок айрым адистер көлдүн экологиясы кандай болот, андан көрө бар шаарларды оңдоп, өндүрүштү жандантуу керек деп айтууда. "Шаарда жалаң электромобилдер менен жүрүүгө болот. Акылдуу шаар. Акылдуу үй. Бала бакчалар, мектептер менен университеттер. Эң заманбап ооруканалар. Ден соолукту чыңдоо комплекстери. Бизнес борборлору, соода борборлору. Читать дальше...
Токиодо 1-июлдан тарта олимпиада оюндарына тиешеси бар чет элдиктер жана япондордон коронавирустун 67 учуру катталган.
"Кыргыз" каймана аты бар Самат Абдырахманов буга чейин башкыртстандык Вячеслав Орловду нокаутка кетирип утса, андан кийин Анатолий Скрыпникти эсинен тандырып жеңген.
Президент Садыр Жапаров 16-июлда “Президенттин облустагы ыйгарым укуктуу өкүлү жөнүндө” жарлыкка кол койду. Ага ылайык, эми облус жетекчилери президентке түз баш ийет. Буга чейин алар "өкмөттүн облустагы ыйгарым укуктуу өкүлү" болуп келген. Облустагы өкүлдүн укуктары көбөйдү Документке ылайык, президенттин облустагы ыйгарым укуктуу өкүлү өзү жетектеген аймакта президент аныктаган мамлекеттин ички жана тышкы саясатын ишке ашырат. Атап айтканда, жергиликтүү өз алдынча башкаруу жана укук коргоо органдарынын ишин тескейт. Читать дальше...
Жалал-Абад облусунун Сузак районунда алты жаштагы кызды 20-июлда сел агызып кетти. Анын сөөгү түн жарымда табылды. "Азаттыктын" кабарчысы апаат болгон жерге барып, Чаңгыр-Таш айылында кырсыктан кийинки көрүнүштү сүрөткө тартты.
Бүгүн Япониянын кыз-келиндер курама командасы софтболдон Австралияны 8:1 эсебинде утуп алды. Беттеш Фукусимо шаарында өттү. Ал эми Олимпиаданын расмий ачылышы 23-июлда өтөт.
Курман айт күнү Кабулдагы президенттик сарайга жакын жерге үч ракета түштү. Бул окуя ооган президенти Ашраф Гани катышкан айт намазы окулуп жатканда болду. Президент Гани "бул өлкөнү ракеталар эмес, жүрөк менен гана багындырууга мүмкүн" деп айтты. Орусия Тажикстан жана Өзбекстан менен бирге Ооганстан менен чек араны чыңдоого киришкенин жарыялады. Бул арада Ооганстага чектеш жерде 18 түркмөн аскери белгисиз жагдайда кайтыш болгону кабарланды. Курман айт намазындагы ракеталык чабуул Ооган коопсуздук күчтөрүнүн маалыматында... Читать дальше...
Кыргызстанда коронавирустун жайылышы басаңдай элек. Бир апта ичинде вирус 80ден ашык кишинин өмүрүн алды. Өлкөдө вируска каршы эмдөө мажбурлоо жолу менен жүргүзүлүп жатат деген нааразылык чыкты. Кыргызстандын Акыйкатчы институту 18-июлда билдирүү таратып, мажбурлоо менен эмдөө туура эместигин жарыялады. Өкмөт, Коронавируска каршы республикалык штаб жана Саламаттык сактоо министрлиги жарандардын нааразылыгы тууралуу комментарий бере элек. (“Азаттыктын” маалымат кабарынан). Пандемия-паника Көлдүн жээги - көлдөлөңдүү кумайда... Читать дальше...
Кыргызстандык мушкер алгачкы ирет чемпиондук курун коргоо үчүн беттешке чыгат. Анын атаандашы АКШлык атлет болмокчу.
