23-февралда Түндүк Казакстан облусунда кырсыкка учураган Ми-8 тик учакта төрт киши каза таап, экөө жараат алды. Бул тууралуу кошуна өлкөнүн Жарандык авиация комитети Телеграм каналына жазды. Тик учак «Казтрансойл» компаниясынын заказы менен мунай куурун айланып учуп жүргөн. Маалыматка караганда, Чукул кырдаалдар министрлигинин тобу кырсык болгон жерге барды. Буга чейин казак маалымат каражаттары министрликтин расмий өкүлүнө шилтеме менен «борттогулардын бардыгы аман» деп жазышкан. Тик учакта экипаждын... Читать дальше...
Нижний Новгороддон Өзбекстанга бараткан жүргүнчү автобус Оренбург-Казан трассасында оодарылып кетти. Бул тууралуу Орусиянын регионалдык полиция башкармалыгы маалымдады. Кабарга караганда, айдоочу рулду башкара албай калып, 29 киши бараткан автобус жолдон чыгып кеткен. Жабыркагандар жок, жүргүнчүлөр, балдар медициналык текшерүүдөн өттү. Оренбург облусунун Чукул кырдаалдар бөлүмү алар жергиликтүү маданият үйүнө жайгаштырылып, кийин башка автобус менен сапарын улантышканын билдирди. 2020-жылдын... Читать дальше...
Бириккен Улуттар Уюмунун укук коргоочулар боюнча атайын баяндамачысы Мэри Лоулор иликтөөчү журналист Болот Темировдун Кыргызстандын аймагынан чыгарылышына тынчсызданып 19-декабрда бийликке кайрылганын, бирок жооп болбогонун Твиттерге жазды. Кайрылуунун толук тексти уюмдун укук коргоочулар боюнча атайын баяндамачысынын расмий сайтына жарыяланды. Анда укук коргоочулар "Болот Темировдун кылмыш жоопкерчилигине тартылып, жарандыгынан ажыратылышы жана Кыргызстандын аймагынан депортацияланышы анын... Читать дальше...
Чымкент шаарындагы атышуудан кийин жүргүзүлгөн рейдге байланыштуу Казакстандагы кыргызстандык мигранттар менен жолугушуулар өткөрүлүп жатат. Бул тууралуу Кыргызстандын Алматы аймагындагы башкы консулу Назарали Арипов "Азаттыкка" билдирди. Анын айтымында, жолугушууларда түшүндүрүү иштери жүргүзүлүп жатат. "Ошол рейдге байланыштуу биз мекендеш-мигранттарыбызга түшүндүрүү иштерин жүргүзүү үчүн бүгүн Тараз шаарына келдик. Андан тышкары жергиликтүү миграция кызматынын жетекчилери менен да жолугабыз. Читать дальше...
Талибдер 23-февралда Пакистан менен чек арадагы Торхам өткөөлүн ачты. Төрт күн бою жабык турган бекетте жүк ташыган миңдеген машине топтолуп калган. «Машаал» радиосу маалымдагандай, өткөөл Пакистандын коргоо министри Хаважа Мухаммад Асиф Кабулга барып кеткендин эртеси ачылды. «Талибан» бийлигинин расмий адамдары жана Ооганстандын Исламабаддагы элчилиги чек аранын сөз болгон тилкесинде жол кыймылы калыбына келгенин бышыкташты. Маалыматка караганда, "Талибандын" бийлиги Торхам пунктун жекшембиде жаап койгон. Читать дальше...
Кытайдын Ички Монголия аймагында көмүр кенинде болгон кырсыкта кеминде төрт киши каза тапты, алтоо жараат алды, 50 чакты кенчи дайынсыз. Бул тууралуу Кытайдын расмий маалымат каражаттары жазды. Жабыркаган жумушчулардын бири эвакуация уюштурулганын, бирок кеч болуп калганын, тоо кулаганын айтып берди. Окуя шаршемби күнү “Алкса Лиг” карьеринде болду. Жергиликтүү маалымат каражаттары президент Си Цзинпиндин буйругу менен башталган куткаруу иштери жер көчкүдөн улам убактылуу токтотулганын кабарлашты. Читать дальше...
24-февралда Кыргызстандын аймагында жаан-чачын жаабайт. Түштүк-чыгыш тараптан келген шамалдын ылдамдыгы секундасына 5-10 метрге жетет. Абанын температурасы: Чүй облусунда түнкүсүн 2...7, күндүз 16…21; Талас жергесинде түнкүсүн 0...5, күндүз 14…19; Баткен, Ош, Жалал-Абад дубандарында түнкүсүн 2…7, күндүз 15…20; Ысык-Көл облусунда түнкүсүн -3...+2, күндүз 8...13; Нарын облусунда түнкүсүн -12…-17, күндүз -1…-6; Бийик тоолуу райондордо түнкүсүн -19...-24, күндүз -3...+2. Бишкекте жаан-чачын болбойт. Читать дальше...
Кыргызстандыктар 23-февраль - Мекенди коргоочулар күнүн майрамдап жатат. Совет мезгилинде Кызыл Армиянын жана флоттун күнү деп аталган бул майрамдын кайра белгилене баштаганына 20 жыл болду. Мындай майрамдарда окуучуларга аскердик кийим кийгизүү адаты жайылууда.
Быйыл январда Өзбекстандын тышкы соода жүгүртүүсү былтыркы ушул мезгилге салыштырганда 42 % же бир жарым млрд. долларга өсүп, 5,04 млрд. долларды түздү. Бул тууралуу өлкөнүн Cтатистика агенттигинин докладында айтылат. Маалыматка ылайык, экспорт 45,1%, импорт 39,1 % өстү. Тышкы сооданын таңсыктыгы былтыркы январга салыштырмалуу дээрлик 50% жогору болду. Январда кошуна өлкө 1,18 млрд. долларга алтын сатты. Бул 2021-жылдын январына караганда эки эсе көп. Экспорттун жарымынан көбү (дээрлик 57%) алтынга туура келет. Читать дальше...
Бишкектин Биринчи май райондук соту “Алдамчылыкка” шектелип кармалган мурдагы вице-премьер-министр Жеңиш Разаковдун бөгөт чарасын карап, анын абактагы мөөнөтүн эки айга узартты. Соттун чечимине ылайык, Разаков 24-апрелге чейин №1 тергөө абагында болот. Бул тууралуу адвокат Айбек Өмүров "Азаттыкка" билдирди. Ички иштер министрлиги мурдагы вице-премьерди 24-январда кармаган. Ага Кылмыш-жаза кодексинин 209-беренесинин 4-бөлүгү (“Алдамчылык”) жана 337-беренесинин 4-бөлүгү (“Кызмат абалын кыянаттык... Читать дальше...
Орусиянын президенти Владимир Путин Мекенди коргоо күнүнө арналган куттуктоосунда өлкө 2023-жылы өзөктү куралды өнүктүрөрүн билдирди. Путиндин видеокайрылуусу Кремлдин сайтында жарык көрдү. Орус лидери куралдуу күчтөр «Сармат» ракета комплекси менен камсыздалганын, дагы бир нече алдыңкы оор курал өндүрүлөрүн, флот үч атомдук крейсер менен толуктарын убада кылды. 21-февралда Федералдык кеңешке жасаган кайрылуусунда Путин стратегиялык күчтөргө көп көңүл бурганы менен бир күн мурда континент аралык... Читать дальше...
“Бүтүн Кыргызстан” партиясынын саясий кеңешинин мүчөсү Акыл Айтбаев абактан кат жолдоду. Анда төрт айдан бери Кемпир-Абад иши боюнча тергөө жүрбөй жатканы жазылган. Жакындары "Азаттыкка" жиберген катта Айтбаев кармалгандан бери бир эле жолу суралганын айткан. "Анда да биринчи кармалган кезде берген суроолорду кайра беришти. Андан кийин 22-декабрда тергөөчүнүн экспертиза дайындоосуна байланыштуу, 10-февралда экспертизанын жыйынтыгы менен таанышууга алып барышты. Ошол төрт айда тергөөчү өзү токуган жомогуна бир да далил келтире алган жок. Читать дальше...
Кыргызстанда 2022-жылы жер басып алууга байланышкан 168 факт катталды. Бул тууралуу 22-февралда Жогорку Кеңеште жер боюнча мыйзам бузгандарды жазалоо сунушу талкууланып жатканда ички иштер министринин биринчи орун басары Адылбек Бийбосунов билдирди. Анын айтымында, ар бир факт боюнча тергөө уланууда. Юстиция министрлиги депутаттарга “Кылмыш-жаза кодексин” жана “Укук бузуулар жөнүндө кодексти” өзгөртүү тууралуу мыйзам долбоорун сунуштап, ал биринчи окууда кабыл алынды. Эгер сунуш колдоо таап, мыйзам... Читать дальше...
Кыргызстанда жер тилкесинин категориясын атайылап өзгөрткөн кызматкерлердин жаза чарасын катуулатуу сунушталууда. Жогорку Кеңештин 22-февралдагы отурумунда “Кылмыш-жаза кодексин” жана “Укук бузуулар жөнүндө кодексти” өзгөртүү тууралуу мыйзам долбоору талкууланып, биринчи окууда кабыл алынды. Юстиция министринин орун басары Орозбек Сыдыков эгер мыйзам колдоо таап, кабыл алынса, курулуш баштоо үчүн сугат жерлерди жараксыз деген бүтүм чыгарып бергендер эркинен ажыратылат: “Ошондуктан “Жерлерди айыл... Читать дальше...
Бишкекте чет элдик жаранга тийишип, тамашага салган (пранк) адам кармалды. Бул тууралуу Биринчи май райондук милициясынын басма сөз кызматы "Азаттыкка" кабарлады. Маалыматка караганда, О.А. атуу жарандын аракетине байланыштуу тергөөгө чейинки текшерүү иштери жүргүзүлүүдө. Анын жыйынтыгында кармалган адамдын аракетине укуктук баа берилет. Буга чейин Бишкектеги жер төлөлөрдүн биринде белгисиз адам чет элдик жаранга тийишип, тамашага салганы тартылган видео Интернетке тараган. Социалдык тармактардын колдонуучулары муну чагым деп мүнөздөп... Читать дальше...
Кыргызстанда былтыр жарыяланган жер мунапысы алкагында бүгүнкү күнгө карата 546 гектар жер трансформация болду. Бул тууралуу 22-февралда Жогорку Кеңеште маалымат берип жатып айыл чарба министринин орун басары Мурат Раматов билдирди. Анын айтымында, жалпысынан 89 миңден ашуун арыз түшкөн, аларды райондук акимчиликтерде түзүлгөн атайын комиссиялар карап жатышат. Соңку маалымат боюнча, 12 миң 441 техникалык паспорт берилди. 2021-жылдын 18-ноябрында Бишкектин четиндеги конуштардын биринде жашаган тургундар Өкмөт үйүнүн алдына митингге чыгып... Читать дальше...
Шаршемби күнү Гаагадагы эл аралык сот Азербайжанды Лачин коридору боюнча кыймылды үзгүлтүксүз камсыздоого милдеттендирди. Коридор Тоолуу Карабактын этникалык армяндар жашаган аймактарын Армения менен байланыштырган жалгыз жол. Аны дээрлик эки айдан бери өздөрүн “азербайжандык экоактивисттер” деп атаган адамдар жаап турат. Гаагадагы сотко эки тарап тең бири-бирине каршы даттанган. Сот Азербайжандын Арменияга каршы доо арызын карган жок. Армения арызында Лачин коридорун ачууну камсыздоону суранган. Читать дальше...
Бишкекте кыргыз айымынын нукура образын ачып берүүгө арналган көргөзмө өтүүдө. “Эсимде” изилдөө аянтчысы уюштурган көргөзмө “12” деп аталат. Уюштуруучулардын айтымында, анда кызыктуу тагдырды башынан өткөргөн манасчы, изилдөөчү, сүрөтчү, айкелчи, теле алып баруучу, спортчу, саясатчы, судья жана режиссер айымдар тууралуу баяндалат. “Көргөзмө Кыргызстандын жашоодогу өз жолун издеп, шектенип, ката кетирип, ошого карабастан алдыга умтулуп, кандай гана тоскоолдук болбосун, кыялын орундатууга аракет кылган бардык кыздарына арналат. Читать дальше...
Түркиядагы жер титирөөдөн жабыркаган жарандар үчүн ачылган атайын эсепке 61 млн. 50 миң 775 сом жана 15,2 миң рубль түштү. Бул тууралуу Кыргызстандын Финансы министрлиги кабарлады. Жабыркагандар үчүн министрликтин Борбордук казыналыгында атайын бирдиктүү депозиттик эсеп ачылган. Жарандар үчүн жардам берүүнү каалагандар эсептин реквизиттерине сом, доллар, рубль жана евро валютасында каражат которо алат. Андан сырткары Кыргызстанда өз алдынча акчалай жана гуманитардык жардам чогулткандар бар. ... Читать дальше...
Американын Лос-Анжелес шаарында өткөн аял режиссерлордун онунчу фестивалында кыргызстандык режиссер Гүзел Дүйшөнкулованын "Келин таш" тасмасы мыкты деп табылды. Бул тууралуу "Кинематографты өнүктүрүү фондунун" расмий сайтына жарыяланды. Маалыматка караганда, тасма "Мыкты көркөм кыска метраждуу тасма" жана "Мыкты аял режиссер" номинациялары боюнча жеңүүчу болгон. Тасма жазуучу Топчүгүл Шайдуллаеванын "Келин таш" аңгемесинин негизинде Төлөмүш Океев атындагы "Кыргызфильм" киностудиясынын колдоосу менен тартылган. Читать дальше...
Бишкек шаардык кеңешинин Муниципалдык менчик, жер маселелери, шаар куруу жана архитектура боюнча туруктуу комиссиясы келерки отурумунда уруксатсыз курулган кабат үйлөрдү мыйзамдаштыруу демилгесине байланыштуу маселени карайт. Мындай чечим комиссиянын 22-февралдагы отурумунда кабыл алынды. “Элдин коопсуздугу биз үчүн биринчи орунда турат. Канча мыйзамсыз объект бар, канчасына уруксат документтери берилди, мунапыс канчасына жана эмне себептен берилгени жатат, кийинки комиссияга киргизип коюңуздар”, - деди комиссиянын төрагасы Бекжан Үсөналиев. Читать дальше...
23-февраль Кыргызстанда 2003-жылдан бери Мекенди коргоочулардын күнү катары белгиленип келет. Бул майрам Совет доорунан калганын, Кыргызстан эгемендикке жетишкенден кийин маанисин жоготконун айтып, аны майрамдоодон баш тартууга чакыргандар да бар. 23-февралда өлкө боюнча дем алыш жарыяланып, майрамды утурлай мамлекеттик деңгээлде ар кандай иш-чаралар уюштурулуп турат. Бала бакчадан баштап, окуу жайларда жана дээрлик бардык тармакта эмгек жамааттарда мырзалардын майрамы катары кабыл алынып, белгилөө адатка айланган. Читать дальше...
Бекжан Базарбаев 8 жашта. Тили чыккандан бери эле "Манас" эпосун айтып келе жатат. Наристенин жөндөмүн байкаган Улуттук “Манас” театрынын жамааты аны өз кызматкерлеринин катарына кошуп алган.
Түркияда иштеп жаткан кыргызстандык куткаруучулардын экинчи тобу миссиясын аяктап, Бишкекке кайтып келди. Бул тууралуу 23-февралда Өзгөчө кырдаалдар министрлигинин (ӨКМ) басма сөз кызматы кабарлады. Куткаруучуларды “Манас” эл аралык аэропортунан ӨКМ өкүлдөрү, жакындары тосуп алышты. Алар Түркиянын зилзаладан катуу жабыр тарткан Кахраманмараш жана Хатай провинцияларында иштеп, жалпысынан уранды алдында калган сегиз адамды аман куткарып, 182 адамдын сөөгүн алып чыгышты. Кыргызстандан Түркияга 187 адам барган... Читать дальше...
