Бишкектин Биринчи Май райондук соту Кемпир-Абад ишине катышы бар деп кармалгандардын бөгөт чарасын кароону 16-декабрда да түн жарымына чейин улантып, чечим чыгарды. Айданбек Акматов, Атай Бейшенбек, Айбек Бусурманкулов, Кубаныч Кадыров, Марат Баязов жана Эрлан Бекчоро 20-апрелге чейин камакта калды. Мамбетжунус Абылов ооруканада жаткандыктан анын бөгөт чарасы сырттан каралып, ал дагы эки айга тергөө абагында калтырылды. Ден соолугуна байланыштуу Талантбек Эшалиевдин үй камагы эки айга узартылды. Читать дальше...
Кыргызстандан Түркияга барган куткаруучулар жумушун зилзалада катуу кыйраган Хатай провинциясында улантат. Бул тууралуу кыргыз өкмөтүнүн басма сөз кызматы 16-февралда кабарлады. Аптанын башында Түркияга Кыргызстандан барган 200гө жакын адис буга чейин Кахраманмараш шаарында иштешти. Алар урандылардын астынан беш адамды аман алып чыгышты. 6-февралда Түркия менен Сирияда катуу зилзала болгондо көп сандагы шаар-кышактарда турак-жайлар кыйрады. 16-февралдагы маалыматтарга караганда, өлгөндөрдүн саны 41 минден ашты. Читать дальше...
Сириядан кыргызстандык 18 аял жана 41 бала атайын борт менен Кыргызстанга жеткирилди. Буга чейин Сирияда оор абалда калган жакындарын мекенине кайтарууну сурангандар бир нече жолу бийликке кайрылуу жасаган. Алып келинген аялдар "Ислам мамлекети" террордук тобуна күйөөлөрү менен кошо кеткен же азгырылып барып калгандар. Улуттук коопсуздук боюнча мамлекеттик комитеттин (УКМК) 2018-жылдагы маалыматына караганда, Сириянын согуш болуп жаткан аймактарына Кыргызстандан 850 жаран кетип, анын 150ү ошол жакта набыт болгон. Читать дальше...
Ооганстанда бийликтеги "Талибан" кыймылынын өкүлдөрү Балх облусунда атактуу ойчул, өзбек акыны Алишер Навоинин эстелиги бузулганы тууралуу маалыматты бышыктап, бул жорукту "вандализм" атады. Өзбекстандын Тышкы иштер министрлигинин басма сөз катчысы Ахрор Бурханов билдиргендей, өзбек дипломаттары “Талибандын” өкүлдөрү менен байланышканда алар "белгисиз кишилердин жоругу талибдер түзгөн өкмөттүн саясатын чагылдырбай турганын" айтышкан. Алар эстеликти оңдоп-түзөп, жалпы мураска урмат менен мамиле кылышарын кошумчалашкан. Читать дальше...
Түштүк Каролина штатынын мурдагы губернатору жана АКШнын БУУдагы элчиси Никки Хейли келерки жылдын ноябрь айында өтө турган президенттик шайлоого талапкерлигин көрсөтөрүн расмий түрдө жарыялады. Хейлинин шайлоо алдындагы биринчи жолугушуусу Түштүк Каролина штатынын Чарлстон шаарында өттү. Ал Америка бийлигине саясатчылардын жаңы мууну келиши керектигин белгиледи. 51 жаштагы Хейли Республикалык партиядан президенттикке көрсөтүлгөн экинчи саясатчы болуп калды. Ага чейин партиянын атынан экс-президент Дональд Трамп да өзүн көрсөтүп... Читать дальше...
Биринчи Май райондук соту мурдагы президент Алмазбек Атамбаевдин өлкөдөн чыгып кетиши боюнча билдирүү таратты. Сот ЖМКда жана социалдык тармактарда суроо көп болуп жаткандыктан маалымат берүүнү чечкен. Билдирүүдө райондук соттун өндүрүшүндө Алмазбек Атамбаев айыптуу катары өтүп жаткан эки кылмыш иши бар экени айтылат. Бири - 2019-жылдагы Кой-Таш окуясы боюнча, экинчиси - 2010-жылдагы Июнь окуясы. "Кой-Таш окуясы боюнча кылмыш ишинде Атамбаевдин Кылмыш-жаза процессуалдык кодексинде белгиленген бир жылдык камакка алуу мөөнөтү аяктаган. Читать дальше...
Кемпир-Абад иши боюнча кармалып, ден соолугуна байланыштуу үй камагына чыгарылган Талантбек Эшалиевдин бөгөт чарасын Биринчи Май райондук соту 16-февралда карап, дагы эки айга узартты. Үй камагы 20-апрелге чейин узартылгандардын ичинде Нурланбек Асанбеков менен жарандык активист Орозайым Нарматова да бар. Аларга сот чечими 15-февралда чыккан. 16-февралда Биринчи Май райондук соту жарандык активист Айбек Бузурманкуловдун бөгөт чарасын эки айга узартты. Ушундай эле чечим учурда ооруканада жаткан... Читать дальше...
Министрлер кабинетинин төрагасынын орун басары Эдил Байсалов Кыргызстан "мамлекет болуп калыптана албаган, арабөк өлкөлөрдүн сабынан чыкты" деп эсептей турганын Лондондогу Emerging Europe басылмасы менен болгон маегинде айтты. Ал Кыргызстан соңку жылда Чыгыш Европа жана Борбор Азия өлкөлөрүнүн ичинен эң жогорку экономикалык өсүштү көрсөтөнүн белгилеп, Кумтөр алтын кенинин мамлекетке өткөнүн маанилүү учур болду деп сыпаттады. “Жапаровдун башкаруусу менен мамлекетте биригүү, тартип орноп, Кыргызстан арабөк өлкөлөрдүн катарынан чыкты... Читать дальше...
6-февралдагы зилзаланын очогуна айланган Түркиянын Кахраманмараш шаарында Кыргызстандан жөнөтүлгөн ондогон боз үй тигилди. Тиешелүү шарт түзүлгөндөн кийин бул боз үйлөрдө жер титирөөдөн улам үй-жайсыз калгандар баш калкалайт. Боз үй тигүүгө Түркиянын туш тарабындагы кыргыздар кол кабыш кылды. Cтамбулда котормочу болуп иштеген кыргызстандык Нурлан Усубакун Түркиянын түштүгүндөгү Кахраманмараш шаарына жер титирөөдөн жабыркагандарга жардам көрсөтүү үчүн жана Кыргызстандан жөнөтүлгөн боз үйлөрдү тигүү үчүн келген. Читать дальше...
Кемпир-Абад иши боюнча камалгандардын бири - блогер Атай Бейшенбектин бөгөт чарасын бүгүн, 16-февралда Биринчи Май райондук соту карап, дагы эки айга узартты. Учурда жарандык активист Айбек Бузурманкуловдун бөгөт чарасы каралууда. Аталган сот 16-февралда журналист Айданбек Акматовду да 20-апрелге чейин абакта калтырды. 15-февралда Биринчи Май райондук соту Кемпир-Абад иши боюнча кармалган 11 адамды дагы эки айга тергөө абагында калтырып, экөөнүн (Нурлан Асанбеков, Орозайым Нарматова) үй камагындагы мөөнөтүн узартты. Читать дальше...
Минск облустук соту Польшада катталган NEXTA каналынын журналисттери Роман Протасевич, Степан Путило жана Ян Рудиктин ишин карай баштады. Сот залында Протасевич эле отурат, калган эки айыпталуучу чет өлкөгө чыгып кеткен. Мамлекеттик БелТА агенттиги кабарлагандай, үч журналист кеминде 1586 кылмышка айыпталууда. Алардын ичинде "социалдык жек көрүүнү тутандыруу", "массалык башаламандыкты уюштуруу", "мамлекеттик бийликти кулатууга, террористтик чабуул коюуга ачык чакырык", "экстремисттик коом түзүп... Читать дальше...
Жогорку Кеңеште эки күндөн бери Конституциянын 44-беренесинин аткарылышы боюнча маселе көтөрүлүүдө. Айрым депутаттар бийлик Баш мыйзамдагы пенсия, жөлөк пул жашоо минимумунан төмөн болбошу керек деген талапты аткарбай жатканын айтып, өкмөттүн отставкасын талап кылды. Мунун алдында Министрлер кабинети бул беренени чечмелеп берүү өтүнүчү менен Конституциялык сотко кайрылган. 16-февралда Жогорку Кеңеште өкмөттүн жазгы талаа жумуштарына даярдыгы каралып жатканда депутат Адахан Мадумаров Конституциянын аткарылышы боюнча маселе көтөрдү. Читать дальше...
10 күн мурун Түркия менен Сирияда болгон катуу зилзалада өлгөндөрдүн саны 41 миңден ашты. Миллиондогон киши гуманитардык жардамга муктаж. Алардын көбү башкалкасы жок, көчөдө калды. Эми эки өлкөдө тең бийлик менен дарыгерлерге жүктөлгөн башкы милдет – ар кандай жугуштуу илдеттердин алдын алуу. Жет титирөөдөн жабыркаган аймактарда ооруканалар жана башка инфраструктура талкаланган, таза суу тартыш. Мисалы, Кахраманмараш шаарындагы чатыр шаарчада болгону алты ажаткана бар. Согуштун, жакырчылыктын каарын тарктан Сирияда кырдаал өтө кооптуу. Читать дальше...
Кыргызстанда өкмөт электр энергиясынын катардагы абоненттер үчүн тарифин дээрлик 30% жогорулатууну сунуш кылды. Талдоочулар кризистик абалда турган энергетика тармагынын көйгөйүн бир гана элдин эсебинен чечүү мүмкүн эместигин белгилеп жатышат. Энергетика министрлиги тарифти жогорулатуу сунушун электр энергиясы жетишпей жаткан шартта элди жарык менен туруктуу камсыз кылуу, анын баасын реалдуу наркына теңдөө аракети менен негиздеп жатат. Министрликтин Отун-энергетика комплексин жөнгө салуу департаментинин... Читать дальше...
Журналист Шохрух Саипов кыргыз-өзбек чек арасындагы "Достук" өткөрмө бекетиндеги "коррупция" тууралуу материалына байланыштуу Аскер прокуратурасына чакырылды. Бул маалыматты журналист "Азаттыкка" ырастап, аны видео материалдагы фактылар боюнча көрсөтмө берүү үчүн чакырышканын билдирди. Учурда Саипов Берлинде стажировкада болгондуктан суракка бара алган эмес жана онлайн көрсөтмө берүүгө даяр экенин билдирген. Ушундан кийин прокуратура кызматкерлери опузалоого кабылган өзбекстандык балдардын телефонун сураганын кошумчалады. Читать дальше...
Кыргызча Брайл шрифтинин стандарты бекитилди. Бул тууралуу 15-февралда “Бирдей мүмкүнчүлүктөр” социалдык борбору кабарлады. "Көптөн бери күткөн жакшы жаңылыгыбыз менен бөлүшүүгө кубанычтабыз. “Кыргызстандарт” мекемеси Брайлдын кыргызча шрифтинин стандартын бекитти. Буга чейин Кыргызстан Орусиянын стандартын колдонуп келген. Басылмалар кыргызча ө, ү, ң тамгаларын түрдүү символдор менен белгилешчү" деп айтылат борбордун маалыматында. Стандарттарды “Майыптардын укуктары жөнүндөгү конвенцияны ишке... Читать дальше...
Кемпир-Абад иши боюнча кармалып, Бишкектеги №1 тергөө абагына камалган журналист Айданбек Акматовду Биринчи Май райондук соту бүгүн, 16-февралда 20-апрелге чейин камакта калтырды. 15-февралда райондук соттун чечими менен саясатчылар: Азимбек Бекназаров, Кеңешбек Дүйшөбаев, Равшан Жээнбеков, Бектур Асанов, Акыл Айтбаев жана жарандык активисттер Али Шабдан, Илгиз Шаменов, Таалай Мадеминов, Улукбек Маматаев, Жеңиш Молдокматов жана Чыңгыз Капаровдун иши каралып, алар дагы 20-апрелге чейин тергөө абагында калтырылган. Читать дальше...
Кадамжай районундагы №5 Бабажан Айтматов атындагы 4-класстын окуучусун класска күчүк алып келгени үчүн тилдеп, мектептен чыгарып жиберерин айткан мугалимге Билим берүү жана илим министрлиги сөгүш берди. Мекеменин басма сөз кызматы кабарлагандай, мектептин директору жана социалдык педагог эскертүү алды. Райондук администрация бул окуяны териштирип жатканы кабарланды. 15-февралда социалдык тармактарда мектеп окуучусу класска күчүк алып келгенин көргөн мугалим баланы тилдеген. Кийинчерээк соцпедагогдун... Читать дальше...
Тажикстандын Тоолуу Бадахшан автоном облусунун борбору Хорог шаарында кар көчкү алдында калгандар арасында этникалык кыргыздар дагы бар экени белгилүү болду. "Озоди" радиосу жергиликтүү бийлик өкүлдөрүнөн алган тизмеден кеминде мургабдык 11 кишинин аты-жөнү кыргызча экенин көрүүгө болот. Дагы эки мургабдык тургундун тек-жайы азырынча тактала элек. Маалыматтарга караганда, кырсыкта жараат алгандар, дайыны чыкпай жаткандар дагы бар. Тоолуу Бадахшандагы жергиликтүү бийлик 16-февралда Хорогдо кар... Читать дальше...
Жогорку Кеңеште 16-февралда өткөн өкмөттүк саатта депутат Адахан Мадумаров Министрлер кабинетинин пенсия, социалдык төлөмдөргө байланыштуу Баш мыйзамдагы берене боюнча Конституциялык сотко кайрылганын сынга алды. Конституциялык сот Министрлер кабинетинин Конституциянын 44-беренесинин 2-бөлүгүн расмий чечмелеп берүү жөнүндө сунуштамасы 10-февралда өндүрүшкө кабыл алынганын билдирген. Бул беренеде "пенсия, социалдык жөлөк пулдар жана башка социалдык жардам мыйзам менен белгиленген жашоо минимумунун... Читать дальше...
Кемпир-Абад ишине байланыштуу абакта отурган саясатчы Асия Сасыкбаева сотто "Азаттыктын" суроолоруна жооп берди. Ал өзүнө дагы кошумча кылмыш иши козголгону тууралуу укканын айтып, аны менен тааныша электигин билдирди. Азыркы соттук отурумду жашыруун деген макам алдында өткөрүүгө негиз жок экенин айтты. Бүгүн, 16-февралда Бишкектин Биринчи Май райондук соту ушул ишке катышы бар деп кармалган 13 кишинин бөгөт чарасын карайт. "Мында жашыруун сыр болушу мүмкүн эмес. Антени бүт эле, жолугушуулар... Читать дальше...
Кыргызгидромет борбору билдиргендей, 16-19-февралга чейин күтүлүп жаткан жаан-чачынга байланыштуу Кыргызстандын тоолуу райондорунда, Бишкек-Ош автоунаа жолунун айрым чакырымдарында, Төө-Ашуу, Долон, Өтмөк, Талдык, Көк-Бел ашууларында, Чычкан капчыгайында, Ала-Бука-Каныш-Кыя, Красная-Горка-Акташ, Мырза-Аке-Кара-Кулжа-Алайкуу, Казарман-Актал-Чат, Арал-Миң-Куш, Сары-Таш-Дароот-Коргон-Карамык автоунаа жолунда кар көчкү жана кар күрткүсү түшүүсү мүмкүн. Жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл. Читать дальше...
Тажикстандын Тоолуу Бадахшан автоном облусунун борбору Хорог шаарында кар көчкү алдында калгандар арасында мургабдык кыргыздар дагы бар экени белгилүү болду. Озоди радиосу жергиликтүү бийлик өкүлдөрүнөн алган тизмедеги 25 адамдын арасынан кеминде мургабдык алты кишинин аты-жөнү кыргызча жазылганын көрүүгө болот, жетинчи мургабдык тургундун тек-жайы азырынча тактала элек. Маалыматтарга караганда, кырсыкта жараат алгандар, дайыны чыкпай жаткандар дагы бар. Буга чейин Тажикстандан Кыргызстанга... Читать дальше...
Министрлер кабинетинин төрагасы Акылбек Жапаров өлкөдөгү көп кабаттуу үйлөрдүн сапаты текшерилип жатканын парламенттин 16-февралдагы жыйынында билдирди. Ал депутат Марлен Маматалиевдин суроосуна жооп берип жатып, буга чейин курулган имараттар да текшерилерин маалымдады. “Бетондун бекемдигин текшерген “Молоток Кашкарова” шайманын буйрутма бердик. Андан тышкары, рентген аппараты менен да текшеребиз. Эгерде имараттын кайсы бир жерин бекемдеш керек болсо, куруучусун таап чыгып тапшырма беребиз. Курулганына 10-15 жыл болгон болсо да табабыз. Читать дальше...
Жогорку Кеңештин депутаты Чыңгыз Ажибаев Баткенде жерди трансформациялоо маселесине токтолуп, чек арада аянты чакан үйлөр курулуп жатканына нааразылыгын билдирди. Архитектура, курулуш жана турак жай - коммуналдык чарба мамлекеттик агенттигинин жетекчиси Мырзабек Жыпаркулов бир үйдүн чарчы метри 103 чарчы метрди түзө турганын айтты. "103 чарчы метрге 16 адам батабы, жашай алабы? Жер трансформация болбогондуктан ушуга келдик", - деди Ажибаев. Эл өкүлү чек ара аймактарында элди кармап калуу үчүн... Читать дальше...
