"Клооп" (Kloop) басылмасы веб-сайты бөгөттөлүшү ыктымал экени тууралуу өкмөттөн эскертүү алды. Бул тууралуу 1-февралда басылма кабарлады. Маалыматка караганда, Маданият, маалымат, спорт жана жаштар саясаты министрлиги менен Байланыш тармагын жөнгө салуу жана көзөмөлдөө кызматы басылмага Коомчулукту өнүктүрүү жана инвестициялоо агенттигине (АРИС) байланыштуу макаланы веб-сайтынан өчүрүү талабы менен кат жолдогон. Расмий катта бул материалда «жалган маалымат» берилгени белгиленген. "Kлооп" бул... Читать дальше...
Адам укугу, сөз эркиндигин коргоо багытындагы эл аралык жети уюм президент Садыр Жапаровго кайрылып,"Азаттыктын" ишине тоскоолдук жаралганына тынчсыздануу билдирди. Алар өлкөдөгү сөз эркиндигинин абалына байланыштуу президент менен жолугууну өтүнүштү. Соңку кезде социалдык тармактарда көз карандысыз маалымат каражаттарын, анын ичинде "Азаттыкты" каралаган билдирүүлөр көп жарыяланып жатат. Bulak.kg сайты 31-январда фактчек жасап, "Азаттык" жабылсын" деп пикир жазгандардын көбү фейк-акаунттар экенин аныктап чыкты. Читать дальше...
“Кемпир-Абадды коргоо комитети” бул иш боюнча башкы прокурор Курманкул Зулушевдин басма сөз жыйынында айткандарына байланыштуу маалымат таратты. Комитет кылмыш ишине “жашыруун” грифин коюуга негиз болгон материалдар шектүүлөргө, алардын адвокаттарына берилбегенин билдирди. Катта аларды кармоодо жашы, ден соолугу жана мамлекетке жасаган эмгеги эске алынбаганы айтылат. Кайрылууда Башкы прокуратура тергөөдөгү мыйзам бузууларды текшерип, коомчулукка маалымат бериши керектиги жазылган. Курманкул Зулушев... Читать дальше...
Азербайжанда "Ирандын тыңчылары" деген шек менен 40ка жакын адам кармалганын жергиликтүү маалымат каражаттары жазышты. Алар кимдер экени азырынча белгисиз. Бир күн мурун жети адам колго түшкөнү кабарланган. Ички иштер министрлиги Бакуда жана аймактарда атайын операция жүргүзгөн. Колго түшкөндөр "динге жамынып, кутум уюштурганы, социалдык түйүндөрдү колдонуу менен Ирандын пайдасына үгүт иштерин жүргүзүшкөнү" айтылууда. Укук коргоо органдары бул маалыматты тастыктаган да, төгүндөгөн да жок. Тегеран да буга комментарий бере элек. Читать дальше...
Жети эл аралык уюм "Азаттык" радиосунун айланасындагы жагдайга байланыштуу президент Садыр Жапаровго кайрылуу жолдоду. Каракалпакстандагы жапырт башаламандыктарга айыпталган 22 жаранга сот өкүмү чыкты. Кыргызстан Беларустан “Печора-2 БМ” мобилдик зениттик-ракеталык комплексин сатып алды.
Талас облусундагы Кыргызстан менен Казакстандын чек арасында жайгашкан "Чоң-Капка" өткөрмө бекетинде 1-февраль, саат 17:30га карата алтымыштай жүк ташуучу автоунаа кезекте турат. Бул тууралуу "Азаттыкка" Улуттук коопсуздук боюнча мамлекеттик комитеттин алдындагы Чек ара кызматы билдирди. Маалыматка караганда, "узун кезекке жүк ташуучу автоунаалардын көп келип жатканы себеп". Өткөрмө бекети штаттык режимде иштеп жатат. Мекеме Кыргызстан тарапта кандайдыр бир техникалык мүчүлүштүк жок экенин маалымдады. Читать дальше...
Эки жашар кызын сабап жатканын видеого тартып, күйөөсүнө жөнөткөн келин бир айга камакка калды. Бул чечимге ал өзү жана анын жакындары нааразычылык билдиришти. Ушул тапта келиндин үч баласы балдар үйүнө жайгаштырылды.
Талас облусундагы Жерүй алтын кенинен эки жылда жети тоннадан ашык алтын өндүрүлдү. Бул тууралуу өкмөттүн басма сөз кызматы билдирди. Мекеме Министрлер кабинетинин төрагасынын орун басары Эдил Байсалов ишкананын ишмердүүлүгү менен таанышканын 1-февралда кабарлады. Маалымат боюнча, “Жерүй” алтын кен комбинаты 2022-жылы 23 млрд. сомдук продукция өндүргөн. Комбинатта 1400 адам иштейт. Ишкана облустук фондго 407 млн. сом которгон. Кыргызстанда көлөмү боюнча Кумтөрдөн кийинки орунда турган, мурдагы... Читать дальше...
Кыргызстанга модернизацияланган «Печора-2 БМ» мобилдик зениттик-ракеталык комплекси алынып келинди. Бул техниканы Кыргызстан Беларустан сатып алганын, ал Коргоо министрлигинин Абадан коргонуу күчтөрүнө берилерин президенттин басма сөз кызматы 1-февралда билдирди. Мекеме өлкө эгемендик алгандан бери биринчи жолу бюджеттик каражатка мындай көчмө комплекс сатып алып жатканын, аны каалаган убакта каалаган жерде жайгаштырса болорун белгилеп, жаңы техниканы президент Садыр Жапаров барып көргөнүн кабарлады. Читать дальше...
Баткенде эки жашар кызын сабаган деп шек саналган келин бир айга убактылуу кармоочу жайга камалды. Мындай чечимди 1-февралда Баткендин Кадамжай райондук соту чыгарды. Соттун чечиминен кийин шектүү “Турмуш” басылмасына комментарий берип, тергөөчү соттон аны камакка алууну суранганын, кызынын бетинде эч кандай көк-ала так болбогонун айтты. Баткен облустук ички иштер башкармалыгынын маалыматы боюнча, 27-январда келиндин күйөөсү милицияга арыз жазып, аялы кызын уруп, зомбулук көргөзүп келгенин билдирген. Читать дальше...
Майлуу-Суу шаарынын кыш чилдеде жылуулуксуз калып, үйүн электр менен жылытканы үчүн жарыктын акчасы бир нече эсе көп чыккан тургундарына жеңилдик берүү сунушун Жогорку Кеңештин 1-февралдагы жалпы жыйынында депутат Замирбек Мамасадыков көтөрдү. Ал адатта бир айга 500 сомдой төлөп жүргөн шаар тургундарына январь айына 2-2,5 миң сомдук эсептер келип жатканын билдирди: “Жылуулук өчкөндө алар электр жылыткычтарын сайып, 700 киловаттан өтүп кетишти. 77 тыйындан эмес, 2 сом 16 тыйындан айланып калды. Читать дальше...
Кыргыз-америкалык кызматташтык маселеси бүгүн 1-февралда тышкы иштер министри Жээнбек Кулубаевдин Америка Кошмо Штаттарынын Кыргызстандагы элчиси Лесли Вигери менен жолугушуусунда талкууланганын мекеменин басма сөз кызматы билдирди. “Жолугушууда эки тараптуу кызматташуунун актуалдуу маселелери, 2023-жылга карата биргелешкен пландар талкууланып, саясий, соода-экономикалык тармактардагы кызматташтыкты өнүктүрүүнүн маанилүүлүгү баса белгиленди”, - деп билдирди ТИМ. АКШнын Кыргызстандагы жаңы элчиси... Читать дальше...
Улуттук коопсуздук боюнча мамлекеттик комитет (УКМК) Чүй электр тармактар ишканасынын башкы инженери көп суммада пара берип жатканда кармалганын билдирди. Маалыматка караганда, шектүү Аламүдүн райондук электр тарматарынын башчысы кызматына дайындоо үчүн Энергетика министрлигинин кызмат адамдарына бир нече жолу пара сунуштаган. Ал 31-январда 350 миң сом которуп жатканда кармалган. Бул факты Кылмыш-жаза кодексинин “Пара берүү” беренеси менен кылмыштардын бирдиктүү системасында катталып, тергөө иштери жүрүп жатат. Читать дальше...
Депутат Чыңгыз Айдарбеков Жогорку Кеңештин 1-февралдагы жыйынында “Камбар-Ата-1” ГЭСин Казакстан жана Өзбекстан менен биргелешип куруу жана ГЭСти башкара турган ишканадагы акциялардын бөлүнүшү боюнча маселе көтөрдү. Ал акциянын көп бөлүгү коңшу өлкөлөргө берилип жатканын айтып, бул кооптуу экенин билдирди. “Кошуна мамлекеттерге 30% берип атасыңар. Алардын үлүшү 60% чыгат. Биз кантип башкарабыз анда? Бир да маселени чече албай калабыз. Улуттук кызыкчыкка туура келген чечимдерди кабыл ала албайбыз. Читать дальше...
Кыргызстан электр тармагына сырттан кезектеги насыя алганы жатат. Дүйнөлүк банк менен кыргыз өкмөтү ортосундагы “Электр энергетика секторун модернизациялоо жана туруктуу өнүктүрүү” долбоорун каржылоо жөнүндөгү келишимди ратификациялоо маселеси бүгүн 1-февралда Жогорку Кеңеште каралып жатат. Бул келишимге ылайык, энергетика министри Таалайбек Ибраевдин айтымында, Кыргызстан 50 миллион доллар алат: “Мунун 25 миллиону грант, 25 миллиону насыя. Буга “акылдуу эсептегичтен” 600дү сатып алууга пландаштырдык... Читать дальше...
Бишкектин четиндеги 14 жаңы конушта 19 миң үйгө газ бериле элек. Бул тууралуу "Газпром Кыргызстан" компаниясынын башкы директорунун орун басары Арзымат Алдаяров 1-февралдагы басма сөз жыйында билдирди. Анын айтымында, шаардын жаңы конуштарын толук газга өткөрүү үчүн 4 миллиард сом талап кылынат. 2023-жылы беш жаңы конушка газ киргизүү пландалууда. Натыйжада төрт миңдей үй газ менен камсыз болот. "Биз шаар жетекчилиги менен чогуу жаңы конуштарды газдаштыруунун жол картасын даярдап, кол койгону жатабыз. Читать дальше...
Гаагадагы Эл аралык сот Лачин коридорун ачуу боюнча Армениянын Азербайжанга каршы доо арызын карай баштады. Коридор Тоолуу Карабактын этникалык армяндар жашаган аймактарын Армения менен байланыштырган жалгыз жол. Аны дээрлик эки айдан бери өздөрүн “азербайжандык экоактивисттер” деп атаган адамдар жаап турат. Иш сотто 30-январда карала баштаганын армяндардын кызыкчылыгын коргогон юрист Егише Киракосянга таянып Reuters агенттиги жазды. Азербайжан да Арменияга каршы доо арыз менен Гаага сотуна кайрылган. Читать дальше...
Кыргызстан эгемендик жылдары электр тармагын реформалоо үчүн сырттан жалпысынан 137 миллиард 87 миллион сомдук (болжол менен 2 миллиард долларга жакын) насыя алган. Бул тууралуу бүгүн 1-февралда Жогорку Кеңеште депутаттарга маалымат берип жатып энергетика министри Таалайбек Ибраев билдирди: "Эң чоңдорун айтайын - "Датка-Кемин" линиясы, CASA-1000 долбоору, Бишкек ЖЭБин модернизациялоо долбоору. Калгандары - "Айгүл-Таш - Самат" линиясы, Баткен облусун электр менен жабдууну жакшыртуу, Бишкек жана Ош шаарларын электр менен камсыздоо... Читать дальше...
Пакистандын Пешавар шаарындагы мечитте жанкечтинин курмандыгы болгондор 100гө жетти, алардын көбү полиция кызматкерлери. Дагы 170тей адам жараат алган. Урандыларды тазалоо эки күндөн бери уланууда. 30-январда полиция бөлүмүнүн аймагында жайгашкан мечитке 260тан көп адам бешим намазына чогулганда жардыруу болгон. Күбөлөрдүн айтымында, имамдын артында биринчи катарда турган жанкечти өзүн жардырган. Премьер-министр Шахбаз Шариф кол салган адамдын имараттын ичине кантип кирип кеткенин иликтөөнү тапшырган. Читать дальше...
Бакен Кыдыкеева атындагы жаш көрүүчүлөр театрынын эмгек жамааты татарстандык жазуучу Аяз Гилязовдун “Үч карыш жер” драмасынын негизинде сахналаштырылган "Жат эмесмин" аттуу спектаклди тартуулашты. Чыгарма Советтик репрессияга кабылып, мекенине кайтпай калган адамдардын жаркын элесине арналган.
Каракол шаарында адамды жүзүнөн таануучу 118 камера орнотулду. Бул тууралуу Каракол мэриясынын басма сөз кызматы кабарлады. Шаарга камера орнотуу иштери 2021-жылы башталган. Коопсуздук системасын Караколдун ички иштер башкармалыгы көзөмөлдөйт. "Видеокамералар адамдын жүзүн тааныйт, кылмыштуулукту азайтуу максатында коюлду. Кандайдыр бир өзгөчө кырдаал жаралса, тийиштүү кызматтарды тез арада окуя болгон жерге жиберүүгө шарт түзүлөт", - деп билдирди шаар башкармалыгы. Ички иштер министрлиги Бишкекте... Читать дальше...
Кыргызгидромет борбору кабарлагандай, 2-февралда Жалал-Абад, Баткен облустарынын көпчүлүк аймактарында, Чүй, Талас, Ош, Ысык-Көл, Нарын облустарынын айрым жерлеринде жаан, кар, тоо этектеринде жана тоолуу райондорунда кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метре жетет. 2-февралдан 6-февралга чейин күтүлүп жаткан жаан-чачынга байланыштуу Кыргызстандын тоолуу райондорунда, Ала-Бука-Каныш-Кыя автоунаа жолунун 68-113 чакырымдарында (Чапчыма ашуусу)... Читать дальше...
Президент Садыр Жапаров Министрлер кабинетинин төрагасы Акылбек Жапаров кызматтан кетпей турганын билдирди. Бул тууралуу ал 1-февралда “Кабар” маалымат агенттигине берген чакан маегинде айтты. Ал президент катары Акылбек Жапаровдун ар бир ишине көз салып жатканын, өкмөт туура эмес иштесе эскертип турарын кошумчалады. “Ооба, туура. “Акылбек кетсин!” дегендер карапайым калктын арасында да бар. Ким эле салыктын түрлөрүн көбөйтөм деген кишини жакшы көрсүн. Бирок Акылбек Жапаровго асылгандардын арасында “ал кетсе... Читать дальше...
Президент Садыр Жапаров 1-февралда улуттук "Кабар" агенттигине маек куруп, Баткендеги курулуш иштериндеги коррупциялык схемалар тууралуу сын-пикирлерге жооп берди. Ал жемкорлук тууралуу маалыматтарды "акчадан куру калгандардын маалыматтык чабуулу" деп сыпаттады. "Былтыр сентябрь айында Баткендеги жабыркаган үйлөрдү жаңыдан куруу жаатында долбоорлорду даярдоо боюнча Мамлекеттик курулуш жана турак жай агенттигине тапшырма бердим. Бир аптадан кийин долбоорду алып келишти. Алардын сметасы боюнча ар бир үйдү 5 млн. Читать дальше...
Президент Садыр Жапаров 1-февралда Өзгөчө кырдаалдар министрлигине (ӨКМ) өрт өчүрүүчү 100 техниканы тапшырды. Анын 85и өрт өчүрүүчү автоунаалар. Куткаруучу 10 машине, өрткө каршы үгүт иштерине колдонуучу эки автобус, 50 метрлик үч автошаты жана 10 куткаруу жаздыгы, тик учакка илинүүчү 2-3,5 тонналык беш суу челеги бар. Алар өлкөнүн бардык аймактарына бөлүштүрүлүп берилет. Президенттин басма сөз кызматы техника буга чейин Садыр Жапаровдун Кытайдын төрагасы Си Цзинпин менен сүйлөшүүлөрүнүн негизинде грант катары алынганын билдирди. Читать дальше...
