10-февралда Казакстандын түштүгүндөгү Талды-Коргон шаардык соту 2022-жылы январдагы кандуу окуяда кармалгандарды кыйнаган полициянын беш кызматкерин үч жылдан беш жылга чейин кести. Айдын Кенжебаев менен Нуртаз Жанбакыт уулуна төрт жыл, Сапарамурат Токташка үч жарым жыл, Ермек Жумашев менен Алмас Бокановго үч жыл абак жазасы чегерилди. Сот аларды аскердик наамынан ажыратып, жазасын өтөп бүткөндөн кийин укук коргоо органдарында иштөөгө үч жылга тыюу салды. Тергөөдө алардын колунан 23 киши запкы жегени аныкталган. Читать дальше...
Аскар Бешимов Кыргызстандын Индиядагы элчиси болуп дайындалды. Бул тууралуу жарлыкка президент Садыр Жапаров кол койгонун мамлекет башчынын басма сөз кызматы 10-февралда билдирди. Бешимов буга чейин президенттин администрациясынын изилдөөлөр, саясатты иштеп чыгуу жана реформаларды ишке ашыруу бөлүмүнүн башчысы болуп турган. Кыргызстандын Индиядагы мурдагы элчиси Асеин Исаев былтыр 31-октябрда кызматтан кеткен. 11-ноябрда тышкы иштер министринин биринчи орун басары болуп дайындалган. Бешимов... Читать дальше...
8-9-февралда «Эркин Европа/Азаттык» радиосунун президенти Жейми Флай Бишкекте кыргыз бийлиги жана жарандык коомдун өкүлдөрү, бир катар элчилер менен жолугуп, «Азаттыктын» айланасындагы маселелерди жана өлкөдөгү сөз эркиндигинин абалын талкуулады. Жейми Флай «Азаттыктын» кыргыз элине так жана калыс маалымат таратуудагы ролу жөнүндө натыйжалуу сүйлөшүү үчүн Кыргызстандын президенти Садыр Жапаров менен жолукту. Эл аралык медианын президенти Жогорку Кеңештин депутаттары, АКШнын Кыргызстандагы элчиси Лесли Вигери... Читать дальше...
Учурда жерине жеткирип берүү кызматтарында жүздөгөн адам курьер болуп иштейт. Алардын басымдуусу жаштар. Курьерлердин биз билбеген түйшүгүн, тооруган тобокелдиктерин, максат-тилегин “Азаттык+” программасынан көрүңүз.
Башкы прокуратуранын басма сөз кызматы “Көз микрохирургиясы” госпиталынын жетекчиси Алмазбек Исманов менен Бишкек шаарынын мэриясынын бир нече кызмат адамдары мамлекетке 93 миллион 162 миң 576 сомдук зыян келтиргени аныкталганын 10-февралда билдирди. Маалыматта Бишкектеги №6 клиникалык оорукананын 2-корпусунун имараты бейтаптар үчүн орун жетишсиздигине карабай арзан баага ижарага мыйзамсыз берилгени айтылат. Бул факты боюнча Кылмыш-жаза кодексинин 336-беренеси (коррупция) менен кылмыш иши козголуп, учурда тергөө аракеттери жүрүп жатат. Читать дальше...
“Эркин Европа/Азаттык” радиосунун өзбек кызматынын (“Озодлик” радиосу) журналисттери Өзбекстандын энергетика тармагындагы каатчылыктын себептерин жана ага Орусиянын катыштыгын иликтешти. Анда тармактагы коррупция, орусиялык бизнесмендер, анын ичинде президент Владимир Путиндин жакын адамы делген Геннадий Тимченко менен байланышкан жемкорлук, Өзбекстанды каатчылыкка кептеген жашыруун келишимдер тууралуу айтылат. Журналисттер талдаган миңдеген барак документтерде жашыруун отчеттор, коммерциялык келишимдер... Читать дальше...
Токтоболот Абдымомунов атындагы Кыргыз улуттук академиялык драма театрында соңку жылдары таскак салган жаңы муун өсүп жетилди. Алардын катарында театрда 20 жылдан бери эмгектенип келе жаткан актёр Данияр Жанжигитов да бар. Жанжигитов өткөн жылы Токтогул Сатылганов атындагы мамлекеттик сыйлыкка татыды. "Азаттык" актер менен театрдагы турмуш, муундардын алмашуусу, өзгөрүүлөр тууралуу маек курду. - Данияр мырза, дем алыш күн болгонуна карабай театрда жаңы спектаклге даярдык күч экен... - Ооба. Читать дальше...
Чүйдө төрт эм төрөлгөнүн бүгүн 10-февралда “Азаттык” радиосуна Саламаттык сактоо министрлигинен билдиришти. Мекеменин маалыматына караганда, 29 жаштагы келин үч кыздын жана бир уулдун энеси болду. Кесардык операция болгон келиндин да, ымыркайлардын да абалы канааттандырарлык экени кабарланды. Кыргызстанда жыл сайын эм бала төрөгөн 1,5 миңдей эне катталат, алардын дээрлик көбү эки эм төрөгөндөр. Төрт эм соңку беш жыл аралыгында былтыр жана 2019-жылы төрөлгөн болчу. (RK)
10-февралда Түркиянын Газиентеп шаарынан 22 кыргызстандык Бишкекке жеткирилди. Алар алгач Казакстандын Астана шаарына конуп, андан кийин автоунаа менен Кыргызстанга келди. Аларды чек арадан Кыргызстандын Өзгөчө кырдаалдар министрлигинин өкүлдөрү тосуп алышкан.
Кыргызстанда авариялык абалдагы мектептердин жаңы тизмесине 301 мектеп киргенин бүгүн 10-февралда Жогорку Кеңештин “Мекенчил” депутаттык тобунун отурумунда Курулуш жана инженердик инфраструктура департаментинин директору Гүлмира Жумабекова билдирди: “2019-жылдан берки мекеме аралык комиссиянын тизмесинде 108 объект калган. Быйыл аларды бүтүргөнгө аракет кылабыз. Жаңы комиссия менен 2023-жылга тизмеге 301 мектеп кирди”. Кыргызстанда айрым айылдарда балдар эскилиги жеткен имараттарда окуп жатканы тууралуу маселе көптөн бери көтөрүлүп келет. Читать дальше...
Кыргызгидромет борбору билдиргендей, 10-11-февралдагы жаан-чачынга байланыштуу тоолуу райондордо, Төө-Ашуу, Ала-Бел, Өтмөк жана Чапчыма ашууларында, Чычкан капчыгайында, Мырза-Аке-Кара-Кулжа-Алайкуу автоунаа жолунун 70-107 чакырымдарында, Красная-Горка-Акташ автоунаа жолунун 0-2 чакырымдарында кар көчкү түшүп, күрткү пайда болот. Жолдор тайгак болуп муз тоңот. Автоунаалардын ортосундагы 500 метр аралык кыймыл чектелиши зарыл. 10-февралда түнкүсүн Жалал-Абад облусунун көпчүлүк аймактарында, Чүй... Читать дальше...
Арабызда илимге умтулуп, келечекте адамзатка пайдалуу ачылыштарды жасагысы келген окуучу кыздар кездешет. Эксперттер соңку жылдары алардын катары калыңдап баратканын белгилешүүдө. ЮНЕСКОнун изилдөөсүнө ылайык, коомдогу стереотиптер алар үчүн негизги тоскоолдук болуп саналат.
“Азаттыктын” изилдөөчү журналисти Улан Эгизбаевдин көзү өткөнүнө быйыл беш жыл болот. Ал 12-февралда 33 жашка чыкмак.Улан Эгизбаев 2013-жылы "Азаттыкка" кабыл алынып, өмүрүнүн акыркы күндөрүнө чейин берилип иштеди. Чындыкка болгон ишеним аны бийиктиктерге жетелеп, журналистикада өчпөгөн жылдызга айлантты.
Бүгүнкү күндө Кыргызстандын аймагында уруксат кагазы жок салынган 87 курулуш боюнча соттук териштирүү жүрүп жатканын 10-февралда Жогорку Кеңештин “Мекенчил” депутаттык тобунун отурумунда Архитектура, курулуш көзөмөлдөө департаментинин директору Талантбек Иманакун уулу билдирди. Анын айтымында, 87 курулуштун 36сы Бишкекте. Иманакун уулу курулуш компаниялары жерди каза баштаганда эле аларга эскертүү берилгенин, бирок көбү өзүм билемдик менен ишин улантып жатканын, департамент эскертүү гана бере аларын... Читать дальше...
Түркиянын түштүгүндө 121 миңден ашуун куткаруучу издөө иштерине тартылды. Түркия менен Сириянын аймагында күчү 7,8 баллга жеткен жер титирөө болгон 6-февралдан бери 1509 жер титирөө катталган. Түркияда апта башындагы катуу жер титирөөдөн набыт болгондордун саны 18 миң 342 кишиге, жараат алгандар 74 миң 242ге жеткенин өлкөнүн Табигый кырсыктар жана өзгөчө кырдаалдар башкармалыгы 10-февралда билдирди. Зилзаладан жабыркаган 75 миң 780 адам эвакуацияланды. Он миңдеген киши жараат алды. Сирияда... Читать дальше...
Кыргызстандын борбордук мечитинде бүгүн 10-февралдагы жума намазда Түркияда жана Сирияда жер титирөөдөн каза болгондор эскерилип, куран окулду. Жума намазга Түркиянын Кыргызстандагы элчиси Ахмет Садык Доган, Дин иштери боюнча мамлекеттик комиссиянын жетекчилиги катышты. 6-февралда Түркия менен Сирия чектешкен аймакта жер эки жолу катуу силкинип, күчү 7,5-7,8 баллга жеткен. Түркияда жердин титиреши 11 аймакта катталды. Каза болгондор 10-февралга карата 20 миңден ашты. Бул өлкөдө расмий эсепте 25 миңдей кыргыз жараны бар. Читать дальше...
Улуттук коопсуздук комитетинин (УКМК) Чек ара кызматы Ошто Кыргызстан менен Өзбекстанды байланыштырган жашыруун тоннел табылганын билдирди. "Мыйзамсыз иш-аракеттерге каршы чаралардын алкагында Ош облусундагы Кара-Суу районунда чек арага жакын аймактагы үйлөрдүн биринен тоннел табылды. Анын эни 1,5 метр, туурасы 80 сантиметр, ал эми жалпы узундугу 200 метр болгон жана ичинде тепкичтер курулган. Бул фактыны тергеп-иликтөө уланып жатат",-деп жазылган маалыматта. УКМК былтыр жаз-жай айларында Кара-Сууда... Читать дальше...
Түркиядагы мекендештер жер титирөөдөн жабыркаган аймактага гуманитардык жардам жөнөткөнүн Кыргызстандын Стамбулдагы Башкы консулдугу билдирди. "Кыргызстан Достук жана Маданият" коому Кыргыз Республикасынын Стамбул шаарындагы Башкы консулдугу менен биргеликте жер титирөөдөн жабыркагандарга гуманитардык жардам: жылуу кийим, азык-түлүк, күнүмдүк колдонуучу буюмдарды Стамбул шаардык мэриясынын социалдык кызматтар башкармалыгынын гуманитардык жардам чогултуу пунктуна тапшырганын билдиребиз", - деп жазылган консулдуктун Фейсбук баракчасында. Читать дальше...
Кыргызстанда кабат үйлөр 9 баллга чейинки жер титирөөгө туруштук бере алат. Бул тууралуу 10-январда Жогорку Кеңештин “Мекенчил” депутаттык тобунун отурумунда Архитектура, курулуш көзөмөлдөө департаментинин директору Талантбек Иманакун уулу билдирди. Ал баары жер кыртышына жараша болорун, курулуш иштерин баштарда экспертиза жүргүзүлөрүн айтты: “Сейсмикалык эсеп 8-9 баллга чейин деп алынат. Конструкциялар ошонун негизинде эсептелет, курулуш макулдашылган экспертизалык корутунду боюнча башталат”. Читать дальше...
Кыргызстанда быйыл жыл башынан бери цефтриаксон дарысын сайгандан кийин аллергиялык реакциянын айынан анафилактикалык шок болгон тогуз адам катталган. Саламаттык сактоо министрлигинин маалыматында, алардын бири өзүнө келе албай каза болгон. Териштирүү маалында цефтриаксон дарысы өлкөгө Индия, Өзбекстан, Британия, Кытай, Египет, Түркия, Орусиядан киргени аныкталган. Анафилактикалык шок болгондордун көпчүлүгү ийнени үй шартында сайдырган. "Тесттен өтмөйүнчө ичпеш керек" Нарын шаарынын тургуну... Читать дальше...
Министрлер кабинетинин төрагасынын орун басары Бакыт Төрөбаев 10-февралда Бишкектеги ыш маселесине байланыштуу тиешелүү министрлик-мекемелердин өкүлдөрү менен жыйын өткөрдү. Өкмөттүн басма сөз кызматынын билдиришинче, анда бул көйгөйдү чечүүнүн Ужол картасыУ талкууланды. Ошондой эле мамлекеттик мекеме-органдардын өкүлдөрүнөн турган жумушчу топ түзүү, бул багытта ишти активдештирип, абанын сапатын жакшыртуу долбоорлоуна каражат табуу тууралуу сөз болду. "Жылытуу мезгилин ойдогудай өткөрүп алуу... Читать дальше...
Түркиядагы жер титирөөдө кыргызстандык келин каза болгону тууралуу маалымат 10-февралдын күндүзгү саат 12сине карата расмий тастыктала электигин Кыргызстандын Тышкы иштер министрлиги (ТИМ) билдирди. Мекеменин маалыматына караганда, ушу тапта ал келин жашаган аймакта куткаруу иштери уланып жатат, аны менен байланыш жок болууда, Антальядагы Башкы консулдуктун жетекчилиги жана кызматкерлери азыр ошол жерде жүрүшөт. Түркиянын Сирия менен чектеш Хатай провинциясында Кыргызстандын бир жараны каза тапканы... Читать дальше...
Бүгүн, 10-февралда Түркиянын Газиантеп шаарынан 22 кыргызстандык Бишкекке алып келинди. Алар алгач Казакстандын Астана шаарына учуп келген. Аларды элчиликтин жана диаспоранын өкүлдөрү тосуп алган. Андан кийин автоунаа менен Кыргызстанга жеткирилген. Эвакуациялангандарды чек арадан Кыргызстандын Өзгөчө кырдаалдар министрлигинин өкүлдөрү тосуп алышкан. Буга чейин 8-февралда Астана аэропорту аркылуу Кыргызстандын 17 жараны эвакуацияланган. Түркия менен Сирия чектешкен аймакта 6-февралда эки жолу... Читать дальше...
Жалал-Абадда балдардын сыртка чыгуусуна жасалма документ жасап берип жүргөн адам кармалганын бүгүн 10-февралда Улуттук коопсуздук боюнча мамлекеттик комитет (УКМК) билдирди. Мекеменин маалыматына караганда, Базар-Коргон районунда мурда жеке нотариус болуп иштеп жүргөн адам кармалып, кылмыштуу схемага авиакассалардын, адвокатуранын жана айрым жеке нотариустардын кызматкерлеринин тиешеси бар экени аныкталды. Кылмыш иши Кылмыш-жаза кодексинин “Документтердин жасалмасын жасоо” деген 379-беренесинин негизинде козголгону... Читать дальше...
Кемпир-Абад ишине байланыштуу тергөө абагында отурган Конституциялык палатанын мурдагы судьясы Клара Сооронкуловага жаңы айып коюлду. Бул тууралуу анын адвокаты Чынара Жакупбекова Фейсбуктагы баракчасына жазды. Анын ырасташынча, жаңы айып мындан бир жыл мурда Сооронкулованын активист Мирлан Ураимовды колдогон Фейсбуктагы билдирүүсү үчүн коюлду. "Ал билдирүү Ураимовду коргоо максатында "Камасаңар баарыбызды камагыла" деген аталыштагы флеш-моб акциясы алкагында жасалган. Ал дээрлик бир жыл мурда... Читать дальше...
