Жалал-Абад облусунда 11-апрелде өтүп жаткан шайлоодо үгүт иштери жана добуш сатып алуу боюнча милицияга төрт маалымат түшкөн. Бул тууралуу Жалал-Абад облустук ички иштер башкармалыгынын (ОИИБ) басма сөз кызматынын башчысы Нурдинбек Жээнтаев маалымдады. "Саат 18:00го карата Жалал-Абад облусунун аймагында шайлоону өткөрүү, үгүт иштерине байланыштуу - 3, добуш сатып алуу боюнча – 1 маалымат келип түшкөн. Бардык учур боюнча текшерүү жүрүп, натыйжада маалыматтар такталган жок", - деди Жээнтаев. Бүгүн... Читать дальше...
"Нефтчи" жана "Кара-Балта" командалары бир оюнун аялдарга зомбулукту токтотууга арнашты. Кыргызстандын чемпионатынын 5-турунда - 10-апрелдеги беттеште команда мүчөлөрү оюн талаасына беттерине кызыл сызык тартып чыгышты. Кыргызстандын адис футболчулар ассоциациясынын президенти Рустам Жаныбаевдин "Азаттыкка" билдиргенине караганда, беттеги кызыл сызык аялдарга зомбулукту токтотууга коомчулуктун көңүлүн бурдуруу максатын көздөйт. 2018-жылы Италиянын футбол лигасынын футболчулары ушундай акция уюштурган. Читать дальше...
Борбордук шайлоо комиссиясынын Ыкчам чара көрүү боюнча координациялык тобуна саат 18.00гө карата 43 кайрылуу келди. Бул тууралуу БШК мүчөсү, аталган жумушчу топтун өкүлү Тынчтык Шайназаров 11-апрелдеги брифингде билдирди. Анын айтымында, түшкөн арыздар административдик ресурс колдонуу, үгүт шарттарын бузуу, шайлоо жараянынын катышуучуларынын укуктарын тепсөө, аймактык, участкалык шайлоо комиссияларынын кызматкерлеринин аракеттерине даттануулар, добуш сатып алуу, автоматташтырылган эсептөө... Читать дальше...
«Улуттар биримдиги» саясий партиясынын лидери Мелис Мырзакматов Ош шаардык кеңешине шайлоо мыйзам бузуулар менен өтүп жатканын айтып, президент Садыр Жапаровго кайрылды. Мырзакматов мыйзамды сактоого эмес, бузууга шарт түзүп жатат деп жергиликтүү бийликти айыптады. Экс-мэр бул тууралуу “Фейсбуктагы” баракчасына жазды. «Социалдык тармактарда, массалык маалымат каражаттарындагы журналисттердин материалдарында добуш сатып алуу, административдик ресурс колдонулуп жатканы жөнүндө маалыматтар жайнады. Читать дальше...
40 жаштагы Н. К. 6-апрелде саат 04:30 чамасында автоунаасы менен үйүнөн чыгып кеткен боюнча дайынсыз болуп жатканын тууганы милицияга билдирген. Аламүдүн райондук ички иштер бөлүмүнүн (РИИБ) кызматкерлери издөө иштеринин натыйжасында аял Кант шаарынан табылган. Чүй облустук ички иштер башкармалыгынын (ОИИБ) маалымат кызматы билдиргендей, изделип жаткан аял 6-апрель күнү саат 18:35 чамасында унаасын мас абалда айдап баратканы аныкталып, Жол кыймылынын коопсуздугун камсыздоо кызматкерлери тарабынан кармалганы белгилүү болгон. Читать дальше...
Балбан квалификациялык мелдештин финалына чыгып, жолдомого ээ болгон. Финалда эми ирандык спортчу менен таймашат.
"Реформа" партиясы Бишкек шаардык кеңешине көчмө добуш берүү учурундагы мыйзам бузуулар боюнча билдирүү таратты. Аталган партия көчмө добуш берүүдө үй жана квартал комитеттеринин төрагаларынын шайлоочулардын атынан арыз беришин – административдик ресурс катары баалап жатат. Мындан сырткары, сырттан добуш берген шайлоочулардын арызы мыйзамга шайкеш келер-келбесин текшерүүнү, аны текшерген топко саясий партиялардын өкүлдөрүн кошууну суранды. Көчмө шайлоодо Бишкектеги бир нече добушканалардагы... Читать дальше...
Кыргызстанда шайлоо жана референдум өтүп жатат. Президент Конституция биринчи жолу көчүрүлбөй жазылганын айтты. Референдумдун бюллетенине байланыштуу шайлоочулардын арасында түшүнбөстүктөр чыкты.
Борбордук шайлоо комиссиясынын маалыматы боюнча 11-апрелде саат 16:00гө карата 800 миңден ашык адам добуш берүүгө катышты. Жергиликтүү кеңешке 856 404, референдумга 888 331 киши келди. Шаардык кеңештерге 254 732 шайлоочу добуш берип, жалпы шайлоочулардын 24,27% түздү. Ал эми айылдык кеңештер үчүн 601 672 адам добуш берип, жалпы шайлоочулардын 26,52 пайызына барабар болду. Конституциянын жаңы редакциясына байланыштуу жалпы элдик референдумга добуш бергендер 24,63% жетти. Башкача айтканда, 888 331 киши добуш берүүгө келди. Читать дальше...
Улуу Британиянын тышкы иштер министри Доминик Рааб расмий Лондон АКШ менен бирге «Орусиянын Украинадагы абалды туруксуздаштыруу аракетине каршы экенин» билдирди. Улуу Британиянын башкы дипломаты Орусияны кырдаалды курчутпоого чакырды. Соңку күндөрү Орусиянын куралдуу күчтөрү Украинанын чек араларына жакын аймактарга жана каартылып алынган Крым жарым аралынын ичине жайгаштырылып жатканы боюнча кабарлар эл аралык коомчулукту тынчсыздандырып жатат. Алар орус бийлиги чек арага жакын аскерлерди... Читать дальше...
Күчтүү президент, ага баш ийген министрлер кабинети жана саны да, салмагы да өзгөрүүгө учураган парламент. Конституциянын жаңы долбоору референдумда колдоо тапса, Кыргызстанда бийлик кандай бөлүштүрүлөт? "Азаттыктын" түшүндүрмө видеосун көрүңүз.
65 килограмм салмакта күч сынашкан Акматалиев жарым финалда өзбекстандык Ильяс Бекбулатовду жеңип алды.
Бирмада аскерлердин огунан 80ден ашык демонстрант мерт болду. Өлкөдөгү Баго шаарында 9-апрелде орун алган окуя тууралуу ишембиде гана тагыраак белгилүү болду. Анда аскердик хунтага каршы чыккан демонстранттарга коопсуздук күчтөрү ырайымсыздык менен ок ачкан. Бирмадагы "Саясий туткундарга көмөктөшүү" деп аталган уюм аскерлердин огунан мерт болгон демонстранттар мындан да көп болушу мүмкүн экенин билдирүүдө. Анткени аскерлер каза болгон демонстранттардын сөөгүн дароо унааларга жүктөп кетишкен. ... Читать дальше...
Франция бийлиги өлкөнүн «COVID-19» илдетине каршы эмдөө программасын тездетүү үчүн «Pfizer / BioNTech” жана «Moderna” компаниялары тарабынан чыгарылган вакциналардын биринчи жана экинчи ийнелеринин ортосундагы мезгилди узартат. Франциянын Саламаттык сактоо министри Оливье Веран 11-апрелде «JDD” гезитине билдиргендей, жогорудагы компаниялар чыгарган коронавируска каршы вакциналардын экинчи ийнеси эми төрт аптанын ордуна алты аптанын аралыгында сайылмакчы. "[Бул] бизге коргоону азайтпастан туруп... Читать дальше...
Алтынчы чакырылыштын депутаттары ишин баштаган 2015-жылдан бери парламенттин эркин сынап, алардын позициясын ачыктаган окуялар көп болду. Бул Жогорку Кеңеш үч президент, алты өкмөт башчы менен иштешип, Конституциянын эки жолу өзгөртүлүшүнө активдүү катышты. Бул аралыкта 120 орундуу парламентке 184 жаран депутат боло алды. “Азаттык” парламентаризмди алсыраткан 6-чакырылыштын депутаттарынын бейнесине байкоо салды.
11-апрелде Конституциянын жаңы редакциясына байланыштуу жалпы элдик референдумга добуш берүү үчүн Анкарадагы элчиликте жана Стамбулдагы Башкы консулдукта эки шайлоо тилкеси ачылды. Бул эки тилкеде жалпысынан 1532 шайлоочу бар. Алардын 701и Анкарада, 831и Стамбулдагы башкы консулдукта катталган. Коронавирус пандемиясындагы чектөөлөрдөн улам Түркияда дем алыш күндөрү коменданттык саат киргизилген. Ошондой эле кечки саат 21.00дөн таңкы саат 5.00гө чейин өлкө боюнча көчөгө чыгууга тыюу салынган. Бирок... Читать дальше...
11-апрелде жергиликтүү кеңештерге депутаттар шайланат. Мындан тышкары референдум да өтөт. "Азаттыктын" жер-жерлердеги кабарчылары Баш мыйзамдын жаңы долбоору боюнча сурамжылоо жүргүзүштү.
Кыргызстанда бүгүн референдум жана жергиликтүү кеңештерге шайлоо өтүп жатат.
Президент Садыр Жапаров Кыргызстандагы жергиликтүү кеңештердин депутаттарын шайлоо жана Конституциянын жаңы долбоору боюнча референдумга добуш берүү күнүндө кайрылуу таратты. Анда мамлекет башчы тийиштүү органдарга шайлоону таза өткөрүүнү талап кылганын билдирди. “Жергиликтүү кеңештерге депутаттарды шайлоо жана Конституциянын жаңы долбоору боюнча референдум административдик ресурстар колдонулбастан, адилеттүү, калыс өткөрүлүшү керек. Биз буга чейинки бийликтин кетирген кемчиликтерин кайталабай... Читать дальше...
Кыргызстанда 11-апрелде жаңы конституциянын долбоору референдумга коюлуп, жергиликтүү кеңештерге шайлоо өтүп жатат. Бул күнү өлкөдөгү 448 аймакта, же болбосо 28 шаардык жана 420 айылдык кеңештин депутаттары шайланат. Бул жолку айылдык кеңештеги мандаттардын 30% сөзсүз түрдө аялдар түзүш керек. Мындай норманы камтыган мыйзам алгач жолу колдонулууда.
Ноокат районунун Көк-Жар айыл өкмөтүндөгү №5413 шайлоо участкасында электрондук урна иштебей, бюллетендер коробкага салынган. Учурда урна оңдолуп, коробкага ташталган добуштарга акт түзүлдү. Бул тууралуу «Азаттыкка» Ноокат аймактык шайлоо комиссиясынын төрагасы Абдисалам Байдөөлөтов билдирди. «Техникалык топ барып оңдоп беришти. Урна оңдолгонго чейин күтүп туруш керек болчу. Коробкага салынбашы керек эле», - деди Байдөөлөтов. Ноокат районунда 103 шайлоо участкасы жана 150 миңге чукул шайлоочу бар. Читать дальше...
Мамлекет башчы Садыр Жапаров президент жана өкмөттүн аппараты тарабынан бир топ мыйзамдарды өзгөртүү үчүн мыйзам долбоорлору даярдалганын билдирди. Ал бул тууралуу жергиликтүү кеңешке шайлоо жана Баш мыйзам боюнча референдумга добуш бергенден кийин, “Азаттык” радиосунун суроосуна жооп берип жатып айтты. Жапаров учурда бири-бирине каршы келген мыйзамдар көп экенин белгилеп, референдумда Конституциянын жаңы долбоору кабыл алынса, бир топ мыйзамдарга өзгөртүүлөр киргизиле турганын айтты. “Акыркы отуз жылда кимдер гана мыйзам жазган жок. Читать дальше...
Президент Садыр Жапаров Чоң-Арыктагы №1053 шайлоо участкасында добуш берди. Ал жергиликтүү кеңешке шайлоо жана Баш мыйзам боюнча референдумга добуш берип жатып, кыргызстандыктарды референдумга активдүү катышууга чакырды.
Президент Садыр Жапаров жергиликтүү кеңешке шайлоо жана Баш мыйзам боюнча референдумга добуш берип жатып, “Кыргызстан буга чейин башка мамлекеттерден көчүрүлгөн Конституция менен жашап келген” деп билдирди. “Отуз жыл аралыгында Конституцияга көп жолу өзгөртүүлөр киргизилди. Бирок кайсы бир мамлекеттен же кайсы бир булактардан Конституциянын долбоорун көчүрүп жазып алып, ошону менен жашап келдик. Биринчи жолу Конституциянын долбоорун аксакалдар, академик, юридикалык докторлор болуп жүзгө жакын адамдын катышуусу менен өзүбүз иштеп чыгып... Читать дальше...
