Түркиянын ракета кыймылдаткычынын сыноолору Стамбулдун жанындагы Шиле (Şile) аймагында өткөнү жекшембиде расмий маалымдалды. Анкара Айга учуруу долбоорун эки баскычта (2023- жана 2028-жылдары) жүзөгө ашыраары күтүлүүдө. Түркия космостук иликтөөлөрдү жүргүзүү алкагында Айга учуруу долбоорун аткаруу үчүн гибрид ракета кыймылдаткычын ийгиликтүү сыноодон өткөрдү. Бул тууралуу 11-апрелде Түркиянын Өнөр жай жана технология министри Мустафа Варанк (Mustafa Varank) «Твиттердеги» барагында билдирди. ... Читать дальше...
Шайлоонун алгачкы жыйынтыгы чыкты. 11-апрелдеги саат 21.30дагы маалыматка ылайык Бишкек шаарында «Эмгек», «Ак бата», «НДПК», «Ата-Журт Кыргызстан», «Ынтымак» жана «Биздин эл» партиялары 7% босогону өттү. Ошто алдыга «Ата-Журт Кыргызстан», «Улуттар Биримдиги» жана «Ыйман Нуру» партиялары алдыга чыкты. Референдум өттү деп жарыяланды. //"Бүгүн Азаттыкта". 11.04.2021. Жыйынтыктоочу чыгарылыш. 21:30//
Интернетте көчөдө бир адамдын кызды кууп жүрүп, сабап жатканы тартылган тасма тараган. Тасма күндүз Бишкектин көчөлөрүнүн биринде тартылган. Анда 18-20 жаштардагы кыз эркектен качып, жолдогу кишилерден жардам сурап жатканын көрүүгө болот. Тасманы тартып жаткан адам милицияга маалымдап, окуя Бишкектин Дэн Сяопин жана Кустанай көчөлөрүнүн кесилишинде болуп жатканын түшүндүргөнү угулат. Бишкек шаардык милициясынын басма сөз кызматы тасмадагы окуя боюнча Биринчи май райондук милиция бөлүмү иш алып барып жатканын билдирди. Читать дальше...
11-апрелде 448 кеңештин, анын ичинде 28 шаардык жана 420 айылдык кеңештин депутаттарын шайлоо өттү. Ушул эле күнү президенттик башкарууга ыктаган Конституциянын жаңы долбоору референдумга коюлду. "Эксперттер талдайт" берүүсүнүн бүгүнкү чыгарылышында бул эки жараяндын жүрүшү жана кыргыз коому үчүн маанисин талкуулайбыз.
11-апрелде шайлоонун алгачкы жыйынтыгы жарыялангандан кийин Кыргызстан социал-демократтар партиясынын (КСДП ) бир нече мүчөсү Борбордук шайлоо комиссиясынын алдына нааразылык акциясына чыкты. Алар шайлоо таза өтпөгөнүн айтып, анын жыйынтыгын жокко чыгарууну талап кылышты. КСДП партиясынан Бишкек шаардык кеңешине талапкер болгон Темирлан Султанбеков «Эмгек», «Ынтымак», «Ак Бата» жана НДПК партияларын "добуш сатып алган" деп айыптады. Жаш саясатчы бул партиялардын добуштарын жокко чыгарып, калган... Читать дальше...
Ош шаардык кеңешине ат салышкан алты партия добуш берүүнүн жыйынтыгын жокко чыгарууну талап кылууда. "Улуттар Биримдиги", "Республика", "Бүтүн Кыргызстан", "Ишеним", "Улуу Журт" жана "Бир Бол" партияларынын өкүлдөрү биргелешкен билдирүүдө жергиликтүү шайлоону "эң ыплас өттү" деп сындап чыгышты. Партиялардын өкүлдөрү жергиликтүү бийлик административдик ресурс пайдаланды деп айыпташты. Алар шайлоонун жыйынтыгын тааныбай турганын белгилешип, БШКны кайра шайлоо дайындоого чакырышты. Эгер талаптары аткарылбаса... Читать дальше...
Борбордук шайлоо комиссиясынын төрайымы Нуржан Шайлдабекова жергиликтүү кеңештерге шайлоо жана конституциялык референдумдун алгачкы жыйынтыгы тууралуу маалымат берип жатат. Жергиликтүү убакыт боюнча 21.30га карай айтылган маалыматта шайлоо күнү 1 294 776 жаран добуш берди. Бул шайлоочулардын 35,30% түзөт. Бюллетендердин 1 204 946 жарактуу (93%), жараксызы 89 830 (6,94%) болду. Жалпы шайлоочулардын тизмесинде 3 606 225 жаран катталган. Жалпысынан Кыргызстанда жана чет мамлекеттердеги добуш берүүнүн... Читать дальше...
Жергиликтүү кеңештерге шайлоонун буга чейинки шайлоолордон айырмасы болгон жок деп эсептейт өнөктүккө "Реформа" партиясы менен биригип катышкан "Адилеттүү Кыргызстан” партиясынын теңтөрагасы Элдар Абакиров. "Бул жолу да бийликтин партиялары менен акча утту", - деп билдирди саясатчы. Шайлоодо добуштарды сатып алуу аракети, административдик ресурс тартылганын, акча таратуу жана башка мыйзам бузуулар болгонун добуш берүүгө көз салып турган байкоочулар да билдиришкен. ИИМ шайлоо учурунда одоно мыйзам бузуулар катталбаганын билдирүүдө. Читать дальше...
11-апрелдеги жергиликтүү кеңештердин шайлоонун баштапкы жыйынтыгы боюнча Жалал-Абад шаарында «Ата Журт Кыргызстан» партиясы алдыда келе жатат. «Шайлоо» автоматташтырылган системасындагы азыркы учурдагы эсеп боюнча, «Ата Журт Кыргызстан» партиясы 60,55 %, «Өнүгүү Прогресс» партиясы 13.67%, «Ыйман Нуру» 11,61% добуш менен алдыда келе жатат. Калган партиялар шаардык кеңешке өтүү босогосу болгон 7% чектен аша элек.
Добуш берүү башталгандан бери Борбордук шайлоо комиссиясынын ыкчам чара көрүү боюнча координациялык тобуна отузга чукул маалымат түштү. Бул тууралуу Боршайкомдун мүчөсү, жумушчу топтун мүчөсү Тынчтык Шайназаров билдирди. 12 маалымат текшерилди, калганы боюнча иш жүрүп жатат жана анын жыйынтыгында кошумча чара көрүлөт.
Бишкек шаардык кеңешине шайлоонун баштапкы жыйынтыгына караганда, алты партия 7% чектен өттү. Алар: "Эмгек" — 13.81% Ак Бата — 12,55% НДПК — 10,52% "Ата-Журт Кыргызстан" — 10,19% "Биздин Эл" — 7,87% "Ынтымак" — 7,46% партиялары. Борбордук шайлоо комиссиясынын маалыматына караганда, саат 20.31ге карата добуштардын 65,79% эсептелип бүттү. Добуш саноо уланып жатат. Шайлоо жыйынтыгы улам жаңыланып турат. (NT)
Ош шаардык кеңешине шайлоонун баштапкы жыйынтыгы жарыяланды. Борбордук шайлоо комиссиясынын автоматтык эсебине караганда, ушу тапта добуштардын 80,77% саналды. Анын жыйынтыгы боюнча төрт партиянын алган добуштары 7% чектен ашты. "Ата-Журт Кыргызстан" 48,82%, "Улуттар Биримдиги" 17,79%, "Ыйман Нуру" 8,38%, "Ынтымак" 7.03% добуш алганы белгилүү болду. Бул акыркы жыйынтык эмес. Добуштарды эсептөө уланып жатат. (NT)
Бүгүн, 11-апрелде Кыргызстанда жергиликтүү кеңештерге шайлоо жана Баш мыйзамдын жаңы долбоору боюнча референдумда административдик басым болбогонун вице-премьер-министр Улукбек Карымшаков брифингде билдирди: “Алдын ала маалыматтар боюнча бүгүнкү добуш бергендердин саны жалпы шайлоочулардын 30% көбүн түздү. Бул - референдум өттү дегенди билдирет. Шайлоочулар жүрөгүндөгү ойлорун ишке ашырышты. Бийлик тарабынан эч кандай административдик ресурс колдонуу фактылары болгон жок деп терең ишенем”. Карымшаков... Читать дальше...
БШКнын 11-апрель, саат 20:00ге карата берген баштапкы маалыматына ылайык, Конституциянын жаңы редакциясын колдоп 543 270 шайлоочу добуш берди. Ал эми 92 836 (12,95%) шайлоочу Баш мыйзамдын жаңы долбоорун колдогон эмес. Бүгүн, 11-апрелде Кыргызстанда жергиликтүү кеңештерге шайлоо жана Баш мыйзамдын жаңы долбоору боюнча референдумга добуш берүү болду. Борбордук шайлоо комиссиясынын маалыматына караганда, добуш берүү өлкөнүн бардык аймактарында, 2 435 шайлоо участогунда жүрдү. Ошондой эле өлкөдөн... Читать дальше...
Кыргызстандагы бардык добушканалар саат 20.00дө жабылды. Борбордук шайлоо комиссиясынын маалыматына караганда, саат 18:00гө карата 1 миллиондон ашык адам добуш берүүгө катышты. Жергиликтүү кеңештерге шайлоого 1 024 891, референдумга 1 061 591 киши келди. Шаардык кеңештерге 3 03 176 шайлоочу добуш берип, жалпы шайлоочулардын 28,89% түздү. Ал эми айылдык кеңештер үчүн 721 715 адам добуш берди. Бул - жалпы шайлоочулардын 31,81 пайызы. Конституциянын жаңы редакциясына байланыштуу жалпы элдик референдумга добуш бергендер 29,44% жетти. Читать дальше...
Борбордук шайлоо комиссиясынын 11-апрелде саат 16:00гө карата маалыматы боюнча 800 миңден ашык адам добуш берүүгө катышты. Жергиликтүү кеңешке 856 миңден ашык, референдумга 888 миңден ашык киши келди. Шаардык кеңештерге 254 миңден көп шайлоочу добуш берип, жалпы шайлоочулардын 24,27% түздү. Конституциянын жаңы долбооруна 24,63% добуш берилди.
65 килограмм салмакта ат салышкан спортчу квалификациялык мелдештин чейрек финалынан тарта күрөшүп, бардык атаандаштарын уткан.
Чүй облусунун Аламүдүн районунда жергиликтүү кеңешке депутаттыкка талапкер алдамчылыкка шектелүүдө. Бул тууралуу Ички иштер министрлигинин Тергөө кызматынын башчысы Султан Макилов 11-апрелдеги брифингде билдирди. Анын айтымында, талапкерге карата шайлоого чейин кылмыш иши козголгон. Ал 10-апрелде кармалып, кайра соттун чечими менен эч кайда кетпөө тууралуу тил кат менен бошотулган. Макилов милиция кызматкерлерине кармалган адам өзүнүн талапкер экенин айтпаганын жана ал катардагы жаран катары кылмышка шектелип кармалганын кошумчалады. Читать дальше...
11-апрелде 18:00гө карата Борбордук шайлоо комиссиясында (БШК) мыйзам бузууга байланыштуу 43 арыз түштү. Алардын көпчүлүгү добуш сатып алуу жана административдик ресурс боюнча кайрылуулар. Бул тууралуу БШКнын мүчөсү Тынчтык Шайназаров кабарлады. “18:00го 43 арыз болду, андан бери дагы түшүп жатат. 20:00го жетимишке чыгат деп ойлоп жатам”, - деди Шайназаров. Шайназаров Ички иштер министрлиги жана башка байкоочуларга дагы кайрылуу түшүп жатканын белгиледи. Мындан сырткары буга чейин Борбордук шайлоо... Читать дальше...
Конституциянын долбоору боюнча референдум Кыргызстандын 30дай мамлекеттеги дипломатиялык өкүлчүлүктөрүндө да өтүп жатат. Орусия баштаган бир топ өлкөлөрдө добуш берген шайлоочулардын саны мурдагыдан кыйла аз болууда.
Борбордук шайлоо комиссиясынын маалыматы боюнча 11-апрелде саат 18:00гө карата 1 миллиондон ашык адам добуш берүүгө катышты. Жергиликтүү кеңешке 1 024 891, референдумга 1 061 591 киши келди. Шаардык кеңештерге 303 176 шайлоочу добуш берип, жалпы шайлоочулардын 28,89% түздү. Ал эми айылдык кеңештер үчүн 721 715 адам добуш берди. Бул - жалпы шайлоочулардын 31,81 пайызы. Конституциянын жаңы редакциясына байланыштуу жалпы элдик референдумга добуш бергендер 29,44% жетти. Башкача айтканда, 1 061 591 киши добуш берүүгө келди. Читать дальше...
Саламаттык сактоо жана социалдык өнүгүү министрлигинин басма сөз кызматынын маалыматына ылайык, 11-апрелге карата 2 148 адам коронавируска каршы эмдөөдөн өттү. Маалыматта: "Коронавируска каршы эмделген адамдардын 9,46% башы ооруган; 3,28% дене табы көтөрүлгөн; 6,82% вакцина сайылган жери ооруган, 6,92% эмдөөдөн кийин өздөрүн алсыз сезишкен. Эмделгендердин 2,91% чыйрыкканын, 2,18% башы бир аз айланганын, 0,47% кан басымы көтөрүлгөнүн, ал эми 0,36% коркуу сезими болгонун билдиришкен", деп жазылган. Читать дальше...
Түштүк Кореянын баш калаасы Сеул шаарындагы кыргыз элчилигинде жайгашкан шайлоо участогу Бишкек сааты боюнча 17:00дө жабылды. Шайлоо комиссиясынын төрагасы, Түштүк Кореядагы кыргыз диаспорасынын активисти Эмилбек Калилов Конституциянын долбоору боюнча 11-апрелдеги референдумга мурдагыдан азыраак киши катышканын “Азаттыкка” айтты. “Бул жерде шайлоо жакшы өттү. 55тей шайлоочу келди. Алардын 50-51 пайызы Конституциянын долбоорун жакташты. 49 пайызы каршы болушту. Баш мыйзамды жактагандар 2 пайызга көбүрөөк болду. Читать дальше...
Талас шаарындагы №3 мектеп-гимназиясындагы №6107 шайлоо участогунда добуш сатып алуу фактысы боюнча милицияга кабар түшкөн. Талас облустук ички иштер башкармалыгынын басма сөз кызматынын маалыматына ылайык, акча таратуу фактысы аныкталган эмес. Облустук милициянын басма сөз кызматы “акча таратып жатканы айтылган аял “Асыл Мурас Жаштар” саясий партиясынын байкоочулары менен түшкү тамактанууга акча каражатын бөлүштүрүп жаткан. Бул тууралуу маалымат берген аял туура эмес түшүнүп алганын айтты" деп билдирди. Читать дальше...
11-апрелде жергиликтүү кеңештерге депутаттар шайланат. Мындан тышкары референдум да өтөт. "Азаттыктын" кабарчысы шаардык кеңешке шайлоонун жүрүшү жана Баш мыйзамдын жаңы долбоору боюнча Бишкек шаарынын тургундарынын пикирин укту.