Кыргызстандын мамлекет башчысы Сооронбай Жээнбеков бүгүн, 6-июлда Коопсуздук кеңешинин жыйынында Республикалык штабдан аш-тойлорду токтотуу тууралуу сунуштарга көз карашын билдирүүнү талап кылды. «Мен Жогорку Кеңештин жыйынында ар кандай массалык салтанаттуу иш-чараларга расмий түрдө тыюу салуу боюнча кайрылдым эле. Менимче, республикалык штаб бул маселе боюнча өзүнчө расмий чечим кабыл алса туура болот», - деди Сооронбай Жээнбеков. Мамлекет башчы облус аралык транспорт каттамдарын токтотуу маселесин карап чыгууну да сунуш кылды. Читать дальше...
Кыргыз маданий коомчулугу, журналистикасы жана «Азаттык» радиосунун жамааты орду толгус оор жоготууга учурады. 5-июлда жылаажын үндүү журналист Бүбүкан Досалиева капысынан келген илдеттен улам дүйнөдөн кайтты. Чыгаан журналисттин чыгармачыл өмүрүнүн 60 жылдыгына арналган тасманы "Азаттык" радиосу эки жыл мурун даярдаган.
Коррупциялык фактыларга байланыштуу мурдагы саламаттык сактоо министри Космосбек Чолпонбаев суракка чакырылды. Бул тууралуу Экономикалык кылмыштарга каршы күрөш боюнча мамлекеттик кызмат (Финансы полициясы) кабарлады. Маалыматка ылайык, Чолпонбаев айрым фармацевтикалык компаниялардын кызыкчылыгын сүрөө боюнча да сурак берет. Финполдун маалыматына караганда, Космосбек Чолпонбаев быйыл март айында Кыргызстанда коронавирустун жайылышына жол берүү фактысы боюнча ачылган териштирүү ишине байланыштуу сурак берет. Читать дальше...
Орусиянын Псков шаарында аскердик сот журналист Светлана Прокопьеваны «террорчулукту актаган» деген айып боюнча күнөөлүү деп тапты жана 500 миң рубль айыпка жыкты. Прокурорлор аны алты жылга эркинен ажыратып, журналисттик ишмердик менен алектенишине төрт жылга тыюу салуу тууралуу сотко өтүнүч келтиришкен эле. Судья Прокопьеванын өз кесиби менен алектенишин чектеген жок. «Эркин Европа/Азаттык» радиосунун орус редакциясы менен кызматташкан журналистке мындан эки жыл мурун айткандарынан улам иш козголгон. Читать дальше...
Өлкөдөгү эпидемиологиялык кырдаалга байланыштуу саясий партиялардын курултайларын, шайлоочулар менен жолугушууларды жана талапкерлердин дебаттарын өткөрүүдө санитардык-эпидемиологиялык талаптар бекем сакталууга тийиш. Бул тууралуу Борбордук шайлоо комиссиясы (БШК) билдирди. Ага ылайык, бул иш-чаралар өткөрүлүүчү имараттар толук дезинфекцияланып, катышуучулардын аралыгы 1,5-2 метрден кем болбоого тийиш. Санитайзер, беткап жана медициналык мээлейлер сөзсүз түрдө болушу керек. Катышуучулардын дене табы өлчөнүп... Читать дальше...
Израилдин Коргоо министрлиги жогорку сапаттагы чалгындоочу жандоочун ийгиликтүү учурганын билдирди. «Офек-16» үлгүсүндөгү жандоочту космоско 6-июлда таң эрте «Шавит» ракетасы жеткирди. Бул жандооч Жакын Чыгышты, анын ичинде Иранды байкап турууга мүмкүндүк берет. Ал Израил буга чейин учурган дагы башка космостук аппараттар менен алгоолошуп иштемекчи. «Офек-16» тарткан сүрөттөр бир аптадан кийин алына баштай тургандыгы айтылды. Өлкөнүн коргоо министри Бенни Ганц жандоочтун учурулушун коргоо тармагындагы ири жетишкендик катары сыпаттады. Читать дальше...
«Мекен Ынтымагы», «Ордо», «Бирик» жана «Бийлик элге» саясий партиялары күзүндө өтүүчү парламенттик шайлоого катышуу максатын билдирип, Борбордук шайлоо комиссиясына (БШК) кайрылышты. Бул тууралуу БШКнын басма сөз кызматы «Азаттыкка» кабарлады. Анын маалыматында айтылгандай, парламенттик шайлоо дайындалгандан соңку беш календардык күн ичинде ага катышууну каалаган саясий партиялар БШКга бул тууралуу маалымдама жиберүүгө тийиш. Маалымдама жазуу түрүндө, партия уставынын жана мөөрүнүн көчүрмөсү менен кошо жиберилиши керек. Читать дальше...
Кыргызстанда коронавируска чалдыккан бейтаптарды дарылаш үчүн жабдык жана шаймандар жетишпей жатат. Бул тууралуу 6-июлда саламаттык сактоо министринин орун басары Мадамин Каратаев онлайн брифингде билдирди. Анын айтымында, стандартка ылайык, 39 позиция боюнча медицина жабдыктары жана шаймандар керек. Бүгүнкү күндө алардын 23ү жетишсиз. «Жер-жерлерде 23 позиция боюнча толук жетишпей жатканын мойнубузга алабыз. Эң негизгиси - оксигенатор жана жасалма дем алдыруучу аппарат (ИВЛ) тартыш», - деди ал. Читать дальше...
Казакстанда соңку бир суткада коронавирус дагы 1403 адамдан табылды. Дүйшөмбүдө эртең менен coronavirus.kz сайтындагы маалымат боюнча, алардын 800дөн көбү - илдетке кабылып, бирок оорунун белгилери байкалбаган жарандар. Коронавирус пандемиясына байланыштуу Атырауда абал оор. Бул облуста соңку төрт күндөн бери күн сайын оору жуккан 300дөн ашык учур катталып жатат. Атырау бейтаптардын саны боюнча Алматы жана Нур-Султан шаарларынан кийинки эле үчүнчү орунда турат. Казакстанда ооругандардын жалпы саны 48,5 миң адамдан ашты. Читать дальше...
Таажы вирусу өтө тездик менен жайылып баратат. Изилдөөлөргө таянсак али вакцина табылбай жатканы, биринчи толкун кайта электе, экинчи толкундун келүү коркунучу бир кыйла сарсанаага салчудай.
Тажикстандын Тышкы иштер министрлиги (ТИМ) казак-өзбек чек арасында ара жолдо калган 770тен ашык жаранын автобус менен мекенине кайтарды. Министрлик аларды алып келүүгө Миграция боюнча эл аралык уюм, ЮНИСЕФ жана Норвегия көмөктөшкөнүн белгиледи. Мекенине кайтууну көксөп, Өзбекстандын чек арасынан өтө албай калган жүздөгөн тажикстандык мигранттар Казакстандын «Жибек жолу» көзөмөл-өткөрмө бекетинин жанында бир канча күн бою турган. Тажик бийлиги өткөн айда да эл аралык уюмдардын, мамлекеттердин... Читать дальше...
«Манас» аэропортунун жанындагы мурдагы «Ганси» аба базасынын ордунда ачылган стационарда өпкөсүнөн кагынып (пневмония) ооруп жаткандар үчүн реанимациялык блок иштей баштады. Бул тууралуу 6-июлда саламаттык сактоо министринин орун басары Мадамин Каратаев билдирди. Анын айтымында, жалпысынан ал жерде 600 керебет бар, 112 кычкылтек концентратору коюлду. «112 бейтапка эсептелген суюк кычкылтек жеткирүү боюнча борборлоштурулган система орнотулууда. «Гансиге барбайбыз, ал жакта реанимация жок» деген сөздөр айтылып жаткан. Читать дальше...
АКШда оорунун очогуна айланган бир катар штаттардын расмий бийлик өкүлдөрү бейтаптар көбөйүп, ооруканалар толуп калганын билдиришти. Нью-Йорк штатында абал оңоло баштаганы менен ушул тушта өлкөнүн айрым түштүк жана батыш штаттарында абал оор. Эксперттер жакын арада бейтаптардын саны үч миллиондон ашарын айтып жатышат. Бул илдеттен көз жумгандардын саны 130 миңге чукулдап калды. Соңку абалга байланыштуу Калифорния, Техас жана Флорида өңдүү штаттар карантин чараларын жумшартуу планын токтотту.... Читать дальше...
Мамлекеттик www.tizme.gov.kg сайтында шайлоочулардын баштапкы тизмеси добуш берүүгө 80 күн калганда, тагыраак айтканда 16-июлда жарыяланат. Ал эми шайлоого 70 күн калганда аймактык шайлоо комиссияларында илинет. Шайлоочулар тизмеден өздөрүн тактап, жок болсо аймактык шайлоо комиссиясына кайрылууга тийиш. Бул маалыматты Борбордук шайлоо комиссиясы (БШК) бүгүн, 6-июлда таратты. Ага ылайык, 26-июлдан 20-сентябрга чейинки убакта ар бир шайлоочу өзүн тизмеден тактап, добуш берүүчү ордун алмаштырууга да укуктуу. Читать дальше...
Австрияда полиция чечен блогери Анзор (Мамихан) Умаровдун киши колдуу болгонуна байланыштуу эки адамды камакка алды. Ага ылайык, 47 жаштагы чеченстандык киши Линц шаарында ишемби күнү кечинде колго түштү, экинчиси бир күндөн кийин, жекшембиде кармалды. Умаров Вена шаарынан анча алыс эмес жердеги Герасдорф шаарында ишембиде кечинде башына ок тийип курман болгон. Ал буга чейин чечен лидери Рамзан Кадыровду бир канча жолу ачык сындаган жана «Европадагы мурунку чечен жикчилдерине кол салгандардын... Читать дальше...
Орусиянын Оренбург облусундагы Соль-Илецк шаарынан кыргызстандык жүргүнчүлөрү менен 20 автобус 6-июлда Бишкекке келди. Бул автобустар менен 963 кыргызстандык жаран мекенине келди. Тышкы иштер министрлигинин (ТИМ) маалыматына караганда, дагы 12 автобустан турган колонна Казакстанда келе жатат. Ал автобустарда 533 кыргызстандык бар. Колоннаны Казакстандын полициясы коштоп келатат. Маалыматка ылайык, Оренбург облусундагы орус-казак чек арасында Кыргызстанга келе албай турган элди кайтаруу тууралуу... Читать дальше...
Кыргызстанда медицина кызматкерлеринин күнү белгиленди. Быйыл ак халатчандар майрамды эстегидей абалда эмес. Алардын бири Улуттук онкология жана гематология борборунун директору Эрнис Тилеков менен соңку абал жана дарыгерлердин жагдайы тууралуу азыноолак баарлаштык.
Чыгаан журналист Бүбүкан Досалиеванын кайтыш болушуна байланыштуу бийлик жана коомчулук өкүлдөрүнүн атынан көңүл айтуу каты жарыяланды. Анда кыргыз коомчулугу орду толгус оор жоготууга учураганы белгиленди. Досалиева кесипкөй журналист, иштерман адис, мыкты устат, жарандык позициясы бекем, билими терең, адамдык парасаты бийик, көп кырдуу инсан болгону айтылды: «Чыгаан журналист, чыныгы устат, илимпоз, саясат таануучу, Кыргыз Республикасынын маданиятына эмгек сиңирген ишмер Бүбүкан Досалиева 5-июлда 62 жаш курагында катуу оорудан каза болду.
Кыргызстандагы Журналисттер союзу белгилүү журналист, «Азаттык» радиосунун кабарчысы Бүбүкан Досалиеванын дүйнөдөн мезгилсиз кайтканына байланыштуу анын жакындарына, кесиптештерине жана замандаштарына көңүл айтууда. Бул тууралуу Журналисттер союзунун жетекчиси Абдыкадыр Султанбаев «Азаттыкка» билдирди: «Кыргызстандын журналистика тармагы чоң жоготууга учурады. Мыкты журналист, окумуштуу, окутуучу Бүбүкан Досалиева дүйнөдөн мезгилсиз кайтты. Биз анын жакындарына жана кесиптештерине, жалпы кыргыз элине көңүл айтабыз»... Читать дальше...
Кыргызстандын ооруканаларында соңку бир сутка ичинде өпкөсүнөн кагынып (пневмония) ооруп жаткандардын 18и каза болду. Бул тууралуу 6-июлда Коронавируска каршы республикалык ыкчам штаб кабарлады. Штабдын маалыматына караганда, алардын ону Бишкекте, сегизи аймактарда көз жумду. Жалпысынан коронавирус эпидемиясы башталган март айынан бери бул илдеттен 195 бейтап кайтыш болду. Саламаттык сактоо министрлиги «Азаттык» радиосуна кабарлагандай, ушу тапта аймактардагы ооруканаларда пневмония деген диагноз менен 756 бейтап жатат... Читать дальше...
Жогорку Кеңештин мурдагы депутаты, саясатчы Алмамбет Шыкмаматовдун жубайы Жанара Турдакунова коронавирус илдетинен каза болду. Бул маалыматты «Бир Бол» саясий партиясынын лидери, Жогорку Кеңештин депутаты Алтынбек Сулайманов «Азаттыкка» тастыктады: «Коронавируска чалдыгып, бир нече күндөн бери ооруканада эле. Абалы оор деп жаткан. Бүгүн үзүлүптүр». Алмамбет Шыкмаматов Жогорку Кеңештин депутаттыгынан кеткенден кийин «Ата Мекен» партиясынан чыгып, «Бир Бол» партиясына кирген. Учурда партиянын республикалык шайлоо штабын жетектейт. Читать дальше...
Кыргызстанда соңку бир сутка ичинде коронавирус жуккан бейтаптардын төртөө кайтыш болду. Бул тууралуу 6-июлда саламаттык сактоо министринин орун басары Мадамин Каратаев билдирди: «Бишкекте Республикалык клиникалык инфекциялык ооруканада 73 жаштагы бир эркек, Ош шаардык клиникалык ооруканасында 53 жаштагы бир эркек байтап, Токмок аймактык ооруканасында 86 жаштагы бир эркек бейтап жана Ысык-Ата аймактык ооруканасында 41 жаштагы бир эркек бейтап көз жумду». Ошондой эле бир күндө пневмониядан 18 адам көз жумду. Читать дальше...
Жылаажын үндүү журналист Бүбүкан Досалиева капысынан келген илдеттен улам 62ге караган жашында дүйнөдөн кайтты.
Президент Сооронбай Жээнбеков бүгүн, 6-июлда Коопсуздук кеңешинин жыйынын өткөрүп жатат. Ага тиешелүү мамлекеттик органдардын жетекчилери, өкмөттүн облустардагы ыйгарым укуктуу өкүлдөрү, шаарлардын мэрлери жана райондордун акимдери катышып жатат. Жыйын видео конференция форматында өтүүдө. Анда өлкөнүн учурдагы эпидемиологиялык кырдаалы жана коронавирус инфекциясынын жайылышына каршы күрөшүүдө көрүлүп жаткан чаралар жөнүндө маселе каралып жатат. Вице-премьер-министр Аида Исмаилова, саламаттык сактоо... Читать дальше...
Дүйнөлүк саламаттык сактоо уюму акыркы суткада коронавирус жуктуруп алгандардын саны рекорддук чекке жеткенин кабарлады.
