د بلوچستان په هوشاب سیمه کي په یوه چاودنه کې د وژل شويو دوو ماشومانو خپلوانو د هغوی مړي کوټې ښار ته وړي او د اعلا وزیر په لور تلونکې لويه لاره کې يې پرلت پیل کړی دی. دوی غوښتنه کوي چې د پېښې مسولينو پرضد دې کوټلي ګامونه پورته کړل شي. بلخوا صوبايي حکومت د پېښې پلټنې پيل کړي دي. نور حال په ويډيويي راپور کې وګورئ.
هر کال د اکتوبر پر ۱۵مه د دغه نړیوالې ورځې لمانځلو مقصد په زراعتو او د کلیوالو سیمو پرمختګ، د خوړو خوندیتوب ښه کولو او په کلیوالو سیمو کې غربت له منځه وړلو کې د ښځو رول او ونډې پېژندنه ده.
د افغانستان په کندهار ښار کې د شیعه ګانو په یوه امام بارګاه کې چاودنې لږ تر لږه ۳۶ کسان وژلي او ۷۰ نور یې ژوبل کړي دي. د کندهار د میرویس روغتون مشر ډاکټر منلې وه چې د لسګونه کسانو مړي روغتون ته ور وړل شوي او په شاوخوا ۷۰ ټپیانو کې یې یوشمېر سخت ژوبل دي. ګل اياز د فرانس پرېس، رويټرز او اشوشيېټېډ پرېس اژانسونو بيلا بېلې ويډيوګانې پښتو کړي دي.
جمعيت علما اسلام ف په پېښور کې د اکتوبر پر ۱۴مه مفتي محمود کانفرنس وکړ چې ورته د یاد ګوند د مشر مولانا فضل الرحمن ترڅنګ د پاکستان ډموکراټیک مومنټ (پي دي ايم) مشرانو هم ویناګانې کړې دي. د پښتونخوا ملي عوامي پارټي مشر محمود خان اڅکزي په خپله وينا کې وویل چې د طالبانو سرپرست حکومت دې په افغانستان کې د امن لپاره یوه لویه جرګه راوبلي. ويډيو راپور
د طالبانو ویاند ذبیح الله مجاهد دا برید غندلی دی او ویلي دي چې برید «تکفیري ډلو» کړي دي او دا د «داعشي فتنه ګرو هڅې » دي. نوموړي ویلي دي چې د طالبانو حکومت به د دا ډول بریدونو مخه نیسي او عاملین به یې نیسي.
وزیرستاني کډوال غوښتنه کوي، چې د راتلونکي ژمي لپاره دې، ورسره د خوارک، پوښاک او سونګ توکو د مرستو تابيا وشي.
قانون پوه عابد ساقي وايي چې د دې هېواد ايين په دې اړه هيڅ نه وايي خو البته د قانون له مخې وزیراعظم انتظامي مشر دی او د دغسې ټاکنو قانوني واک له هغه سره وي.
د سپين بولدک او چمن تر منځ لاره د اکتوبر له پينځمې نېټې راهيسې تړل شوې چې له کبله يې نه يوازې عام ولس له ستونزو سره مخامخ شوی بلکې تجارت هم په ټپه درېدلی دی. افغانستان، چې وار له مخه له اقتصادي بحران سره مخامخ دی، د لارې تړل کېدو له امله يې زرګونه وګړي بېکاره شوي دي. احمد شاه اعظمي د فرانس پرېس خبري اژانس ويډيويي راپور پښتو کړی دی.
نن د اکتوبر ۱۵مه د لاس مينځلو نړيواله ورځ تر دې سرلیک لاندې،” راتلونکې مو په خپل لاس کې ده، راځئ چې يوځای پرمخ ولاړ شو،“ لمانځل کېږي. د لاس مينځلو نړيواله ورځ له ۲۰۰۸ کال راهيسي لمانځل کېږي. خو د دې ورځې ارزښت د کورونا وايرس جهاني وبا له وجې نور هم زيات شوي دي. له کورونا وايرسه د ځان ژغورلو لپاره د نورو لارو چارو ترڅنګ يوه ساده لار د لاس مينځل دي. د روغتيا نړيواله اداره وايي، لاسونه په بيا بيا په ساده صابن ومینځئ، مخ، پوزې، خولې، سترګو ته لاسونه مه وروړئ. دا چې لاسونه بايد څنګه ومينځل شي؟ د مشال... Читать дальше...
