ټاکل شوې د امريکا د بهرنيو چارو وزير رېکس ټيلرسن یکشنبې په ورځ اروپا ته د خپل سفر په لومړي پړاو کې لندن ته ورسي. نوموړی به وروسته پارېس، وارسا او په نړيوالې اقتصادي غونډه کې د ګډون لپاره د سوېتزرلينډ ډيووس ښار ته هم ولاړ شي.
د لوګر ولایت چارواکي وايي، له درېیو ورځو راهیسې د افغان امنیتي ځواکونو له خوا په څرخ ولسوالۍ کې چاڼیز عملیات روان دي چې په نتيجه کې يې ۸ وسله وال وژل شوي او ۶ نور ټپیان شوي دي. د لوګر د والي ویاند سلیم صالح نن یکشنبه ازادي راډیو ته وویل چې په روانو عملیاتو کې د څرخ ولسوالۍ ځينې سيمې له وسله والو تصفيه شوي دي. د لوګر د والي ویاند زیاته کړه، په دغو عملیاتو کې ۳ د ځانمرګو بریدونو واسکټونه، ۲ راکټونه، ۱۲ کړۍ ماینونه، ۳ لوی بوشکه يي ماینونه، ۳ بورۍ چاودېدونکي مواد او نور پوځي تجهیزات هم د افغان امنیتي ځواکونو لاسته لوېدلي دي. Читать дальше...
د بلخ ولايت چارواکي وايي، په شولګرې ولسوالۍ کې١٧ ولسي پاڅونوال او يو محلي پوليس وژل شوي دي. په شمال کې د پوليسو د ٣٠٣ پامير زون وياند سيد سرور حسيني ازادي راډيو ته وويل، دغه کسان تېره شپه په يوه کور کې راغونډ شوي وو چې اول مسموم شوي وو. نوموړي زیاته کړه: "دغه کور ته وسله وال طالبان ورغلي، دغه ١٨ کسان يې شهيدان کړي، د دوى وسلې يې هم له ځانونو سره وړي دي، په دې اړه زموږ څېړنې روانې دي." پوليس وايي، په وژل شويو کې د شولګرې ولسوالۍ قومي مخور حاجي حميد الله او د ولسي پاڅونوالو ځايي مشر هم شامل دي. Читать дальше...
د بلخ پخواني والي عطا محمد نور د جمعیت ګوند د رهبرۍ شورا له غړو سره په خبرو کې ویلي چې له ارګ سره د...
کُرد وسلهوال وايي چې د سوریې د عفرین پر سیمه د ترکیې په هوايي حملو کې لږ تر لږه ۱۰ تنه چې اکثره ملکیان دي وژل شوي.
د سوداګرۍ او صنایعو خونه وايي، د پاکستاني چارواکو د بېلابېلو پلمو له امله د افغانستان ۸۰ کانټینره تازه مېوه له تورخمه بېرته جلال اباد ته راستنه شوه. د دغې خونې مرستیال خانجان الکوزي نن ازادي راډیو ته وویل، له تېرې یوې اوونۍ راهیسې په تورخم کې د تازه مېوو کانټینرونه بند وو او پاکستان د تلو اجازه نه ورکول کېده. ښاغلی الکوزی وایي، اوس مهال پاکستان هغه هېواد ته د تازه او وچې مېوې د صادراتو په برخه کې یو پېچلی سیسټم جوړ کړی چې له مخې یې باید د مېوو د تېرو ۵ کلونو د تولید کیفیت او د روغتیايي خوندیتوب په اړه پوره معلومات موجود وي. Читать дальше...
دا اداري پلاوی زیاتوي، د ترهګرۍ په وړاندې مبارزه د یو هېواد کار نه دی او په کار ده چې د سیمې ټولو هېوادونو...
د کونړ امنیې قومندانۍ ته ۲۶ مرمۍ ضد ټانکونه ورکول کېږي چې له دې جملې یې ۱۲ عرادې ټانکونه ور ...
سلګونو زرو ښځو او د هغو نارینه ملاتړ کوونکو پرون شنبه د امریکا په ښارونو کې د ولسمشر ډونالډ ټرمپ پر ضد د ده د ولسمشرۍ له لومړۍ کالېزې سره په یو وخت مظاهرې وکړې. فعالانو وویل، ټاکل شوې ده چې دا مظاهرې نن هم دوام وکړي. د ښځو دا مظاهرې د امریکا په شاوخوا ۲۵۰ ښارونو کې وشوې او برخه والو یې د ټرمپ پر پالیسیو انتقادونه وکړل، ویې ویل چې دغو سیاستونو ښځې کړولي دي. په واشنګټن کې د ډیموکراټ ګوند سیاستوالو هم په مظاهره کې ګډون وکړ. په ۲۰۱۷ میلادي کال هم ښځینه فعالانو مظاهرې کړې وې.
د افغانستان کورنیو چارو وزارت وايي د کابل په بيګاني بريد کې پنځه ملکي وګړي او درې وسله وال بريد کوونکي وژل شوي دي. د رپورټونو ترمخه په دې حمله کې يوه بهرنۍ مېرمن هم وژل شوې ده.
د پراګ ښار په مرکزي برخه کې پرون شنبه په یوه هوټل کې د اورلګېدو په نتیجه کې ۲ تنه وژل شوي او په لسګونو نور ژوبل شول. د چک جمهوریت د عاجلو روغتیايي خدماتو یوې ویاندې یانا پوستووا وویل چې د ایروسټار داوید هوټل په پېښه کې دوه تنه وژل شوي دي. دې همدا راز وویل چې ۴۰ تنه نور ژوبل شوي دي. د وژل شویو کسانو د ملیت په اړه تراوسه څه نه دي ویل شوي.
ورځپاڼه وايي، د دواړو لورو ترمنځ د جمعې په ورځ د ملګرو ملتونو د امنیت د شورا په غونډه کې چې د منځنۍ اسیا ...
کابل چاپ ورځپاڼو نن هم د افغانستان په اړه د ملګرو ملتونو د امنیت شورا د غونډې په اړه یو شمېر مطالب لیکلي دي.
د پاکستان واکمن ګوند، مسلم ليګ (ن) مشر او پخواني وزيراعظم ميا محمد نواز شريف پر اپوزېشن ګوندونو تنقيد وکړ او وي وېل چې د جمهورت خلاف سره راټول شوي دي.
د پېښې له سیمې د ازادي راډیو خبریال تمیم اخګر وايي چې له هوټله ټول کسان چې په حمله کې ګېر پاتې وو، وتلي او د پېښې په شاوخوا سیمه کې وضعیت عادي حالت ته راګرځېدلی دی. د کورنیو چارو وزارت ویاند نجیب دانش ازادي رادیو ته وویل چې په دې پېښه کې د ۳ پولیسو په ګډون ۶ تنه ژوبل شوي دي. ویډیو تمیم اخګر ایډیټ ابراهیم صافی
په جوزجان ولايت کې پرون شنبه د درېيمې ورځې لپاره هم د وسلهوالو طالبانو او داعش ډلې د جنګياليو ترمنځ جګړه روانه وه. چارواکي وايي، پرون شنبه ماسپښين د داعش ډلې ١٠ تنه وسلهوال، د طالبانو په حمله کې ووژل شول. د جوزجان والي وياند محمد رضا غفوري تېره شپه ازادي راډيو ته وويل: "د داعش ١٢ کسيزه ډله د قوش تېپې ولسوالۍ له چقمه چقُر سيمې تېرېدله چې وسلهوالو طالبانو ورباندې حمله وکړه، په نتيجه کې يې ١٠ تنه وسلهوال وژل شوي، يو تن يې نيول شوى او بل تن تښتېدلى دى. د وسلهوالو طالبانو له لوري هماغه ٢ کسان وژل شوي او ٥ تنه يې ټپيان دي. Читать дальше...
د افغانستان د بهرنيو چارو وزیر صلاح الدین رباني د ولسي جرګې له ځينو وکيلانو سره د بلخ د پخواني والي عطا محمد نور پر برخليک د بحث لپاره بلخ ته رسېدلى دى. په مزار شريف کې د ازادي راډيو خبريال وايي، په دغه ډله کې د جمعيت اسلامي ګوند د رهبرۍ شورا ځينې غړي هم شامل دي. د بلخ د ولايتي شورا رئيس افضل حديد تېر ماښام ازادي راډيو ته وويل، دغه هيئت د بلخ له ولايته د عطا محمد نور پر لېرې کېدو يا هم پاتې کېدو بحث پيل کړى دى. هغه وويل چې دغه هيئت به د افغان حکومت او د بلخ د پخواني والي ترمنځ پر روانه لانجه خبرې وکړي. Читать дальше...
د امریکا مرستیال ولسمشر مایک پنس د مصر له ولسمشر الفتاح السیسي سره له کتنې وروسته وویل، که اسرائیل او فلسطینیان موافقه وکړي، د امریکا متحد ایالتونه به د دوی د دوو دولتونو د حللارې ملاتړ وکړي. پنس پرون شنبه خبریالانو ته وویل: "د امریکا متحد ایالتونه په منځني ختیځ کې د سولې د پروسې بیا پیلېدو ته پوره ژمن دي." پنس به تر مصر وروسته، اردون او اسرائيل ته هم لاړ شي. دا سفر په داسې حال کې کېږي چې د واشنګټن له خوا د اسرائيل د پلازمېنې په توګه د بيت المقدس د اعلان پر سر عرب هېوادونه په غوسه دي. ... Читать дальше...
کُرد وسله وال وايي، د سوریې د عفرین پر سیمه د ترکیې په هوايي حملو کې لږ تر لږه ۱۰ تنه وژل شوي چې اکثره ملکیان دي. ترکیې پرون شنبه د هغې سیمې پر ضد عملیات پیل کړل چې د امریکا له ملاتړه برخمن کُرد جنګیالي یې په ولکه کې لري. ترکیې دا عملیات له دې سره-سره پیل کړي چې امریکا خبرداری ورکړ چې دا کار به سیمه لا ډېره بې ثباته کړي. د کُردانو د خلکو د ساتونکو قطعو یوه مشر بیروسک هاساکه فرانس پرېس خبري اژانس ته وویل: "د یوه ماشوم په ګډون ۷ ملکیان وژل شوي دي چې په وژل شویو کسانو کې ۳ تنه جنګیالي هم شامل... Читать дальше...
ترکيې د سوريې په شمال ختيځه سيمه عفرين کې چې د کُرد جنګياليو په کنټرول کې ده، تازه هوايي او ځمکني...
د افغانستان د سولې عالي شورا هيله لري چې د افغانستان د سولې او پخلاينې پر مسئله وروستي بحثونه...
د پاکستان او هندوستان چارواکي وايي، لږ تر لږه څلور ملکيان او يو سرتېرى د کشمير په لانجمنه سيمه کې ګډې پولې ته څېرمه وژل شوي دي. د هند د پوځ يوه وياند وويل، پرون په پونچ سيمه کې د دواړو لوريو ترمنځ د خونړي تاوتريخوالي په څلورمه ورځ يو هندى عسکر وژل شوى دى. د هند پوليس بيا وايي، د هند په لوري کې دوه ملکيان هم وژل شوي چې يوه يې ښځه او بل يې ١٥ کلن هلک دي. د پوليسو په خبره د هند په خوا کې ٣ ملکيان او يو هندى سرحدي ساتونکى ټپيان شوي هم دي. د پاکستان د بهرنيو چارو وزارت په يوه اعلاميه کې ويل چې... Читать дальше...
د کابل ولايتي چارواکي وايي، په ښار کې يې د غيرمسؤله وسلهوالو د مخنيوي لپاره کمپاين پيلوي. د دغه کمپاين د عملي کېدو لپاره پرون شنبې په کابل کې له ولايتي چارواکو او اړوندو امنيتي ادارو تشکيل شوي کمېسيون خپله درېيمه غونډه وکړه. د کابل د والي وياند وايي، د ولسمشر د فرمان له مخې به د کابل ترڅنګ د خپلسرو وسلهوالو د مخنيوي کمپاين په نورو ولايتونو کې هم عملي شي. د کورنيو چارو وزارت تېره مياشت په کابل کې د تورو ښيښو لرونکو، بې نمبرپلېټه موټرو او ناراجسټره وسلو د مخنيوي کمپاين پيل کړ، خو د دغه کمپاين په وړاندې ځينې مقاومتونه هم شوي دي.
د المپيک نړيوالې کمېټې پرون اعلان وکړ چې شمالي کوريا په ژمنيو المپيک لوبو کې د ګډون لپاره راتلونکې ميلادي مياشت ٢٢ ورزشکاران په درېيو سپورټونو او ٥ رشتو کې جنوبي کوريا ته لېږي. د المپيک نړيوالې کمېټې اعلان وکړ چې شمالي او جنوبي کورياګانو موافقه وکړه چې د دغو مسابقو د پرانېستې پرمهال به تر يوه بيرغ لاندې لاړ شي او پر کنګل به د ښځو يو واحد ټيم تنظيم کړي. د دې کمېټې رئيس توماس باخ دا موافقه د يوه اوږده سفر پر مهال د بدلون مرحله وبلله. د شمالي کوريا رهبر کيم جونګ اون څو اوونۍ مخکې ويلي وو، د دغه... Читать дальше...
