“Дастан” ишканасынын мурдагы жетекчиси Алексей Ширшовдун бөгөт чарасы 10-майда Бишкектин Биринчи Май райондук сотунда каралып, ал 26-майга чейин үй камагына чыгарылды. Бул тууралуу райондук соттон кабарлашты. Ширшов коррупцияга шектелип 10-майда кармалганын Улуттук коопсуздук боюнча мамлекеттик комитет (УКМК) билдирген. Мекеменин басма сөз кызматынын маалыматына караганда, бүгүнкү күндө “Аврора Плюс” эс алуу борборунун аймагындагы кымбат баалуу кыймылсыз мүлктү мамлекеттик менчиктен мыйзамсыз жол... Читать дальше...
Кыргызстанда “Эл үмүтү” аттуу эл аралык стипендиялардын жаңы программасы ачылды. Бул тууралуу жарлыкка кол койгонун 10-майда президент Садыр Жапаров билдирди. Программада дүйнөнүн алдыңкы 100 университетинин биринин магистратурасы менен докторантурасына өткөн жаштар үчүн быйылтан тартып атайын стипендия каралганы, азырынча 50 улан-кызга берилери, стипендиянын көлөмү тандалып алынган университетке жараша болору, суммасы 50 миң доллардан ашпоого тийиш экени белгилүү болду. “Экономика жана гуманитардык... Читать дальше...
10-майда президент Садыр Жапаров беш жыл мурунку Дача СУдагы учак кырсыгына байланыштуу коомдук комиссия түзүлгөнүн Фейсбуктагы баракчасына жазды. Комиссиянын төрагасы Алмамбет Шыкмаматов, курамына укук коргоочу Гүлшайыр Абдирасулова, журналист Дилбар Алимова, "Эйр Манас" авиакомпаниясынын өкүлү Бекзат Алимов, “Ачык маалымат фондунан” Элнура Алканова, жарандык активист Мавлян Аскарбеков, экс-премьер-министр Кубатбек Боронов, укук коргоочу Төлөкан Исмаилова, "Стоп Беспредел" маалымат сайтынын башкы редактору Кайрат Кенжебай уулу... Читать дальше...
Улуттук коопсуздук комитетине (УКМК) караштуу Чек ара кызматы 1-10-май аралыгында Баткен облусундагы кыргыз-өзбек, кыргыз-тажик чек арасынан 20 аткезчилик аракети токтотулганын билдирди. Чек ара кызматы калк арасында түшүндүрүү иштери жүрүп жатканына карабастан, аткезчилер аскерлердин талаптарын этибарга албай, курал колдонууга аргасыз болгон учурлар катталганын белгилейт. Мындан тышкары бир эле жаран бир нече жолу мыйзамсыз жүк алып өтүүгө аракет кылган учурлар бар. Аткезчилер Тажикстандан... Читать дальше...
5-7-май күндөрү Бишкекте кыргыз-өзбек чек арасын тактоо боюнча жумушчу топтордун алгачкы жолугушуусу өтүп, анда демаркацияны жөнгө салуучу документтин долбоору талкууланды. Маалыматка ылайык, жумушчу топтор кыргыз-өзбек чек арасын демаркациялоону уюштуруу жана укуктук маселелерди макулдашуу үчүн жолугушкан. Жыйынтыгында чек араны демаркациялоонун ченемдик-техникалык документинин долбоорун макулдашты. "Такталган жерге белги коюлат" Министрлер кабинетинин чек ара маселелери боюнча атайын өкүлү... Читать дальше...
Баткен облусунун Сүлүктү шаарында 8-майда өткөн кыз узатуу тоюнда тамак-аштан массалык уулануу болду. Бул тууралуу Санитардык-эпидемиологиялык көзөмөл департаменти билдирди. Тойго катышкан 180 адамдын ичинен 32си ууланып, медициналык жардам сурап кайрылган. 11 адам Сүлүктү шаарындагы оорукананын жугуштуу оорулар бөлүмүндө дарыланып жатса, 21 адам үйүнөн дарыланууга жөнөтүлгөн. Жабырлануучулардын абалы орточо оор. Уулануу боюнча иликтөө жүрүп жатат. Той өткөн кафеге санитардык-гигиеналык бузуулар боюнча 15 миң сом айып пул салынган. Читать дальше...
Камактагы журналист, Жалал-Абад облустук телерадио компаниясынын (ЖТР) мурдагы жетекчиси Куттумидин Базаркулов кайрылуу жолдоп, өзүнө каршы козголгон кылмыш иши негизсиз экенин, бийликти сындаганы үчүн абакка түшкөнүн айткан. "Жети жыл мурунку мамлекеттик ишмердигимди аңдып чыгышып, адамчылык жол менен соттолгон Хамданов аттуу аудитти камактан бошото коюшуп, аны жалдап, 2015-жылдагы тендерден өткөн видеотехника келбей калган деп күнөө коюшту. Мунун баары жалган, калп. Жети жыл мурун мен иштеген Жалал-Абад облустук телеберүүсүнө 5 млн. Читать дальше...
Ооганстанда он чакты аял талибдердин паранжы кийип жүрүү буйругуна каршы нааразылыгын билдирип чыкты. Алар 10-майда “Талибандын” эскертүүлөрүнө карабай, Кабулдун көчөлөрүндө жүрүш жасашты. “Ооганстандын күчтүү аялдарынын кыймылы” тараткан видеодо нааразылыгын билдиргендердин бири “талибдер бир кадам таштасаңар эле ок атабыз деп коркутушканын” айтып берди. Сөз болгон буйрук 7-майда жарыяланган. Ага ылайык, аялдар коомдук жайларда башын, денесин чүмкөп жүрүүгө тийиш. Ооганстанда кыз-келиндердин көбү жолук салынып жүрөт... Читать дальше...
Грузиянын юстиция министри Рати Брегадзе мурдагы президент Михаил Саакашвилини дарылануу үчүн түрмөдөгү эмес, жалпы ооруканага которууну сунуш кылды. “Жоопкерчиликтүү мамлекет катары биз ар бир кишинин саламаттыгын жана өмүрүн эске алышыбыз керек. Камакта отурган башка кишилердей эле, оорусунун өтүшүп кетишин алдын алуу үчүн Саакашвилини "Вивамед" клиникасына которууну сунуш кылабыз. Ал жактан текшерүүдөн өтүп, зарыл болсо дарыланат”, - деп министр 10-майда айтты. Ушул эле күнү Тбилиси шаарынын... Читать дальше...
Түгөлбай Сыдыкбековдун социализм заманында жалпы союздук сый-урматка арзыган “Биздин замандын кишилери” романынын чыгыш тарыхы кызыктуу. “Контрреволюциялык роман” Чыгарманы автор 1943-жылдын 1-январында баштаган. “Оюмда китепти бүт жазып бүтмөйүнчө үзүндүсүн басмага берейин деген эмес элем. Бирок бала ыйлап, жар кыйналгандыктан бир чоң үзүндүнү журналга бастырууга туура келди”, - деп жазган автор катуу сынга кабылган чыгармасынын жаралыш тарыхын эстеп отуруп. Жарыкка толук чыга элек романдын кол жазмасы катаал сынга кабылган... Читать дальше...
Улуттук коопсуздук боюнча мамлекеттик комитетинин (УКМК) басма сөз кызматы кабарлагандай, Баткен облусунда жайыт жерлерди мыйзамсыз трансформациялап, сатуу фактысы аныкталды. Маалыматка ылайык, 2016-жылы 27-апрелде Баткен облусунун Кадамжай районунун акиминин буйругу менен Халмион айыл өкмөтүнө караштуу 34,5 га жер тилкеси “жайыт” категориясынан “калктуу конуштар” категориясына которулган. Бул буйруктун негизинде 2016-2021-жылдар аралыгында аталган айыл өкмөтүнөн жеке турак жай куруу үчүн 50 жер тилкеси бөлүнүп, Ирелеш конушуна берилген. Читать дальше...
Ысык-Көл облусунун аймагына күн электр станциясын куруу башталды. “Бишкек-солар” компаниясы бул үчүн 300 млн. доллар керектеп, ага Британия, Кытай жана Казакстандан инвесторлор менен өнөктөштөрдү тарткан.
Улуттук статистика комитетинин маалыматында 2019-жылы Кыргызстандагы 99 миң баланын атасы дагы, апасы дагы миграцияда, 277 миң баланын ата-энесинин бирөө миграцияда жүрөт. "Азаттык" радиосу ата-энеси миграцияда жүргөн балдардын жашоо-турмушун чагылдырган сүрөт баяндарды сунуштайт. Алгачкы чыгарылышыбыз унутта калган айылдагы балдардын жашоосу тууралуу болмокчу. Ош шаарынан 150 чакырым алыс жайгашкан Кара-Суу районундагы Тарылга айылында 45 түтүн жашайт. Элетте жумуш жок болгондуктан жаштардын көбү балдарын ата-энесине калтырып... Читать дальше...
Борбор калаанын Курманжан датка жана Салиева көчөлөрүнүн кесилишинде бак кулап, алдында токтоп турган автоунааны басып калды. Өзгөчө кырдаалдар министрлигинин (ӨКМ) маалыматына караганда, машинеде киши болгон эмес, жабыркагандар жок. ӨКМ 10-майда Бишкекте жана Чүй өрөөнүндө катуу шамал болору тууралуу шашылыш кабар тараткан. 29-мартта Чүйдө Ысык-Көлдөн семинардан келе жаткан Бишкек жана Ош шаарынын депутаттары отурган кичиавтобуска катуу шамалдан сынган бак кулаган. Эч ким жабыркаган эмес.... Читать дальше...
"Дастан" трансулуттук корпорациясы" ачык акционердик коомунун мурдагы башчысы Алексей Ширшов кармалып, бөгөт чарасы 10-майда Бишкектин Биринчи май райондук сотунда каралды. Соттун чечими менен ал 26-майга чейин үй камагына чыгарылды. Алексей Ширшов үй камагына Улуттук коопсуздук боюнча мамлекеттик комитеттин (УКМК) Башкы тергөө башкармалыгынын өтүнүчү менен чыкканы маалым болду. Аталган орган бул тууралуу комментарий берүүдөн баш тартты. Энергетикадагы коррупциянын көмүскө схемасын түзгөн адамдын кармалып... Читать дальше...
"Дастан" трансулуттук корпорациясы" ачык акционердик коомунун мурдагы башчысы Алексей Ширшов кармалды. Атайын кызмат ага "коррупцияга" байланыштуу айып коюлганын, Ысык-Көлдөгү "Аврора плюс" эс алуу жайындагы ондогон кымбат батирлерди мамлекеттин карамагынан мыйзамсыз чыгарып алууга аралашканын билдирди. Ширшов мурдагы президент Курманбек Бакиевдин уулу Максимдин жакын өнөктөшү жана энергетика тармагындагы ири коррупциялык схемалардын автору катары белгилүү. Ал 2020-жылы бийлик алмашкандан бери... Читать дальше...
Бишкек мэриясы борбор калаадагы №35 жана №41 автобустук каттамдарды башка компанияга убактылуу берди. Бул тууралуу мэриянын басма сөз кызматы билдирди. Транспорт жана жол-транспорттук инфратүзүмдү өнүктүрүү департаменти "Шыдыр Жол Кей Жи" ишканасы менен түзүлгөн №35 жана №41 автобустук каттамдарын пайдалануу боюнча келишимди бузган. Буга ишкана тарабынан системалуу түрдө келишимдик милдеттенмелер так аткарылбагандыгы себеп болгону айтылды. Буга чейин мэрия "Шыдыр Жол Кей Жи" ишканасына №35 жана... Читать дальше...
Бүгүн, 10-майда Бишкектеги “Манас” кинотеатрында Кыргыз Эл акыны, Токтогул сыйлыгынын лауреаты Байдылда Сарногоевдин 90 жылдыгына арналган эл аралык айтыштын тандоо туру өттү. Ага жалпысынан өлкө боюнча 42 акын катышып, 12 акын кийинки баскычка жолдомо алышты. Алар: Абдылда Нуралиев, Сапарбек Зулпуев, Чыңгызхан Кожошев, Турат Жумаев, Акматбек Султан уулу, Асылбек Маратов, Болот Назаров, Арген Биймырза уулу, Шайлообек Отунчиев, Кутман Садыбакасов, Нурсултан Малдыбаев, Темирбек Матыбаев. 42 акындын... Читать дальше...
9-майда Жеңиш күнүнө арналган иш-чараларда Орусияда полиция бери дегенде 125 кишини кармап кетти. Бул тууралуу укук коргоочу "ОВД-Инфо" долбоору кабарлады. Алардын 80ден ашууну согушка каршы акция, пикет жана символика үчүн кармалган. Москвада бир кишини согушка каршы пикирин айткандарга момпосуй тараткан жеринен кармап кетишти. Аны менен бирге ошол маалда интервью алып жаткан SOTA басылмасынын журналистин да полиция участогуна жеткиришкен. Борбор калаада, Санкт-Петербург, Казань, Оренбург жана... Читать дальше...
Бишкек шаарынын биринчи вице-мэри Жамалбек Ырсалиев кызматтан бошотулуп, "Бишкек жылуулук-энерго" коммуналдык ишканасынын директору болуп дайындалды. Бул тууралуу мэриянын басма сөз кызматы 10-майда билдирди. Вице-мэри болуп шаардык кеңештин депутаты (Өнүгүү-Прогресс) Олег Попиков дайындалган. Ырсалиев мэрияга жетекчилик кызматка 2020-жылдын ноябрында келген. Алгач вице-мэр болуп иштеп, 2021-жылдын июнунда биринчи вице-мэрликке дайындалган. Ушул жылдын февраль айында Бишкекке жаңы мэр келген. Читать дальше...
Билим берүү жана илим министрлиги парламентке Жогорку окуу жайларынын ректорлорун шайлоо эмес, дайындоону сунуштаган мыйзам долбоорун жолдоду. Бул тууралуу министр Алмазбек Бейшеналиев 10-майда парламенттин социалдык саясат комитетинди билдирди. Анын айтуусунда, жаңы мыйзам долбооруна ылайык, "улуттук" макамы бар төрт окуу жайдын ректорлорун президент дайындайт, калган 29 мамлекеттик окуу жайдын жетекчиси Билим берүү жана илим министрлиги тарабынан дайындалат. Министр Бейшеналиев окуу жайларда билим берүү жараянына караганда... Читать дальше...
Казакстандык акын, диссидент Арон Атабектин кызы атасын реабилитациялоого чакырып, онлайн петиция менен кайрылды. Маркум “Шаңырык иши” боюнча 18 жылга эркинен ажыратылган. Алма Нутушева атасы 2006-жылы Алматынын четиндеги Шаңырык айылындагы жапырт баш аламандыкка жок жерден айыпталган, түрмөдөгү ырайымсыз мамиледен улам ден соолугунан ажыраган деп эсептейт. “Арон Атабек көз жумгандан кийин да мамлекеттик органдардын өкүлдөрү атамдын өлүмүн так билүүгө тоскоолдук түзүп жатышат”, - деп жазды Нутушева. Читать дальше...
«Алмазбек Исманкуловдун көздүн микрохирургиясы клиникасынын» алдында бүгүн 10-майда да пикет уюштурулду. Он чакты аял үч күндөн бери клиниканын алдына барып имаратты жана клиниканын жабдыгын мамлекетке өткөрүп берүүнү талап кылып жатканын, бүгүн аларга милиция чакырууга туура келгенин “Азаттыкка” оорукананын өкүлдөрү билдиришти. Алардын айтымында, бул акциялар мыйзамсыз, себеби мэрияга алдын ала маалымат берилиши керек болчу жана саламаттык сактоо мекемесинин тегерегиндеги 100 метр аралыкта митинг-пикет өткөрүү мыйзамсыз деп эсептелет. Читать дальше...
Чүйдүн Панфилов районунда динчил күйөөсүнөн кордук көргөнүн айткан келин Бишкекте башкалкалап жатат. Сот ага күйөөсүнөн 7 гектар жер, бир саан уй бөлдүрүп берген. Ортодо мыйзамдуу никеге турбагандыктан, укугун коргоодо да кыйынчылыктар жаралган. Жолдошу анын үстүнө 16 жолу үйлөнгөнү тууралуу маалыматтар бар. “Аялзат” подкастында ушул темага кайрылабыз.
“Илимдеги кыздар” долбоорунун алкагында 200 окуучу кыз жалпы республикалык тестирлөөгө даярдыктан өттү. Үч ай бою Бишкектин, Оштун, Чүй облусунун жана Ош облусунун Кара-Суу районунун 81 пилоттук мектебинен тандалып алынган кыздар үчүн Кыргыз мамлекеттик техникалык университетинин Кыргыз-немис техникалык институтунда бекер STEM мектеп уюштурулду. Аларга STEM кесиптер тууралуу кеңири маалымат да берилди. Уюштуруучулардын айтымында, окууга жакыр үй-бүлөлөрдүн, эмгек миграциясында жүргөн ата-энелердин кыздары катышты. Читать дальше...
