19-майда президент Садыр Жапаров менен Өзбекстандын президенти Шавкат Мирзиёев телефондон сүйлөштү. Кыргызстандын президентинин маалымат кызматы анда эки тараптуу мамилелер, салттуу достук, ынак коңшулук жана стратегиялык өнөктөштүктү өнүктүрүү талкууланганын билдирди. Маалыматка караганда, тараптар соода-экономикалык кызматташтык активдешип, анын ичинде Кыргызстан менен Өзбекстандын ортосундагы товар жүгүртүүнүн көлөмү жогорулаганын белгилешти. Чек ара маселеси, сооданы көбөйтүү, өнөр жай кооперациясын тереңдетүү... Читать дальше...
18-майда Ош, Жалал-Абад, Баткен, Талас аймактарында катуу сел жүрүп, бир топ турак жайды жараксыз кылды. Айдоо талааларын каптаган сел дыйкандардын эмгегин текке кетирди. Бишкек-Ош, Ош-Баткен жолу жабылып, бир канча сааттан кийин гана ачылды. Бактыга жараша адам өлүмү болгон жок. Өзгөчө кырдаалдар министрлиги учурда селдин кесепеттерин жоюу иштери уланып жатканын билдирүүдө. 18-майда катуу жааган жамгырдан улам Ош облусунун Кара-Суу, Өзгөн райондорунда сел жүргөн. Кара-Суу районунун Ак-Таш... Читать дальше...
Казакстандын Нур-Cултан шаарынын “Жаштар” театры чыгармачыл сапары менен Бишкекте болду. Алар 18-майда Токтоболот Абдумомунов атындагы Кыргыз улуттук академиялык драма театрында “Жанарымдагы жалгыз обон” аталышындагы музыкалык спектакль койду.
Орусияда укук коргоочулар аскерге жарактуу эркектерди согушка тартуу, же жарыяланбаган «жылма мобилизация» жүрүп жатканын айтышууда. Орус жарандыгын алган кыргызстандыктар кандай жагдайга дуушар болууда? Аскерге милдеттүү жаран армияга барбай койсо эмне болот?
Баткен облустук прокуратурасынын өтүнүчү менен 19-майда жемкорлук тууралуу айтып чыккан Бекжан Жалилов менен Саатбек Эгембердиев, Акжол Абдуллаевдин бөгөт чарасын өзгөртүү тууралуу прокуратуранын өтүнүчү сотто каралды. Адвокат Асылбек Кунгуров билдиргендей, прокуратура шектүүлөр үй камагынын шарттарын бузду деген негизде алардын бөгөт чарасын камакка өзгөртүүнү суранган. Сот бул өтүнүчтү канааттандырган жок, алардын үй камактагы мөөнөтү 24-июлга чейин узартылды. Иш каралып жаткан учурда райондук... Читать дальше...
Улуттук коопсуздук боюнча мамлекеттик комитети (УКМК) Жалал-Абад облусунун Сузак районунда Б.А.К. аттуу жарандын үйүнөн басып чыгаруу жабдыктары, компьютерлер, принтерлер жана 5 миңден ашык диний адабияттар табылганын билдирди. "Басмакананын ээсинин диний адабияттарды чыгарууга уруксат кагаздары, тиешелүү маркировкалары жок. Кыргызстан мусулмандарынын дин башкармалыгынын диний экспертизасынан жана текшерүүсүнөн өткөн эмес",-деп айтылат атайын кызмат тараткан маалыматта. Тинтүү учурунда алынган... Читать дальше...
Бишкектин Биринчи Май райондук прокуратурасы Кыргызстан менен Тажикстандын чек арасындагы чыр тууралуу kaktus.media порталына жарыяланган материал боюнча козголгон ишин кылмыштын курамы жок болгондуктан токтотту. Мындай чечим 31-мартта чыкканын Башкы прокуратуранын басма сөз кызматы кабарлады. 27-январда Kaktus.media сайтына кыргыз-тажик чек арасындагы чырга байланыштуу Тажикстандын Asia Plus басылмасына чыккан маалымат көчүрүп жарыяланган (перепечатка). Анда Asia Plus сайты чек арада кыргыз тарап биринчи ок чыгарганын жазган. Читать дальше...
Тажикстандын Тоолуу Бадахшан автоном облусундагы соңку кандуу кагылышта бийлик айткандан алда канча көп адам каза тапканы маалым болду. Бадахшанда курчуган кырдаал бир катар Батыш өлкөлөрүнүн тынчсыздануусун жаратты. Ушул тапта бир нече күндөн бери тынчыбай жаткан Тоолуу Бадахшан аймагында кырдаал кандай экенин тактап билүү мүмкүн болбой турат. Региондо дале интернет, телефон байланышы иштебейт. Тажик бийлиги 18-майда Рушан районундагы "антитеррордук операция" деп аталган окуяда 9 киши, анын ичинде бир аскер мерт болгонун... Читать дальше...
Ысык-Көл облусуна караштуу Жети-Өгүз районундагы Кызыл Суу айылындагы мектепке 19-майда Владимир Ильич Лениндин бюсту коюлду. Бул маалыматты “Азаттыкка” райондук билим берүү бөлүмүнүн башчысы Максат Асанкожоев ырастады. Анын сөзүнө караганда, бюст коюлган мектеп 22 жылдан бери Лениндин атын алып жүрөт. Мектептин директору пионер кыймылынын 100 жылдыгына карата анын бюстун койгон. Иш-чарага райондук билим берүү бөлүмүнүн кызматкерлери, мугалимдер, окуучулар жана убагында пионер кыймылына мүчө болгон айыл тургундары катышкан. Читать дальше...
Баткен облусунун Кызыл-Кыя шаарынын Кара-Козу айылында жайгашкан көмүр шахтасында 19-майда 34 жаштагы адам газга ууланып каза болду. Бул тууралуу Өзгөчө кырдаалдар министрлигинин (ӨКМ) басма сөз кызматы билдирип, маркум Ноокат районунун тургуну экенин кабарлады. Анын сөөгү жакындарына берилди. Кара-Козу айылында шахтада газ чыгып, анда жумушчулар калып калганы тууралуу Өзгөчө кырдаалдар министрлигине маалымат түшүп, куткаруу иштерине беш кызматкер тартылган. 2021-жылдагы маалымат боюнча Баткен... Читать дальше...
Транспорт прокуратурасы 18-майда катуу жамгырдан улам "Ош" аба майданынын шыбы урап калган жагдайды иликтей баштады. Аэропорт 2012-жылдан бери беш жолу жаңыланып, аянты бир канча эсе кеңейтилген, ага жалпы 156 миллион сомдон ашык ачка жумшалган. 18-майда нөшөрлөп жааган жаандын кесепетинен Ош" аба майданынын күтүү залынын үстүнөн суу агып, шыбынын бир жак бөлүгү урап калган жана имараттын ичин суу каптаган. Транспорт прокуратурасы 19-майда "Ош" аба майданын оңдоп-түзөө иштерин, шыбынын урап калышына алып келген жагдайды териштире баштады. Читать дальше...
“Манас” эл аралык аэропорту “Ош” аба майданын реконструкциялоо бир нече баскыч менен ишке ашканын билдирип, ал үчүн сарпталган каражат, ишти аткарган компаниялар тууралуу маалымат берди. Ага ылайык, 2012-жылы “Ош” эл аралык аэропортунун биринчи секторун кеңейтүү менен имаратты реконструкциялоо долбоору башталып, 2013-жылы аяктаган. Жыйынтыгында аянты 2000 чарчы метрге кеңейтилип жалпы 4000 чарчы метр болгон. Курулуш иштерин “Аль-Манар” компаниясы жасаган. Экинчи долбоор 2015-жылы башталып, 2016-жылы бүткөн. Читать дальше...
SuperTV телеканалынын кызматкерлерине Жогорку Кеңешке кирип, парламенттин ишин чагылдырууга уруксат бериле элек. Бул тууралуу каналдын директору Бактыгүл Сокушова “Азаттыкка” билдирди. Анын сөзүнө караганда, Жогорку Кеңештин басма сөз кызматы менен маселени талкуулоого азырынча мүмкүнчүлүк болбой жатат. Ушундан улам телеканалдын кызматкерлери 19-майда да Жогорку Кеңешке киргизилбей турганы айтылган. “Бүгүн кызматкерлер “Жогорку Кеңешке бир жолку уруксат кагазы менен кирели” дешкен. Парламенттен “силерге уруксат жок... Читать дальше...
Жети-Өгүз жалпы дарыгерлер практикалык борборунун мурдагы жетекчиси Эсенбек Сатылканов саламаттык сактоо министри Алымкадыр Бейшеналиевдин ал тууралуу айткандары боюнча 19-майда “Азаттыкка” комментарий берди. Сатылканов ага карата Эмгек кодексинин “Иш берүүчүнүн демилгеси боюнча эмгек келишимин бузуу” беренесинин негизинде иштен алуу тууралуу буйрук чыкканын, комиссия тууралуу укпаганын, чыр сыйлык алуу үчүн “министрден келдик” деп Барскоондон барган медициналык кызматкерлердин бирөө тууралуу сунуштамага кол коюлбагандыктан чыкканын билдирди.
Дүйнөлүк мусулман-исмаилиттердин имамы, канзаада Карим Ага-Хан IV Тажикстандын Тоолуу Бадахшан автоном облусундагы кырдаалдын курчуп кетишине камтамачылыгын билдирди. Өз кайрылуусунда ал Бадахшандагы жактоочуларын “жаңжалдарды диалог жолу жана өз-ара сый-урмат, түшүнүшүү менен чечүүгө” чакырды. “Азаттыктын” тажик кызматынын кабарлашынча, Карим Ага-Хандын сөзүнүн тексти Тажикстандын исмаилиттер жамааттарында 19-майда окулду. Ушуга окшош эле билдирүүнү исмаилиттердин лидери былтыр ноябрдагы окуялардан кийин да жарыялаган. Читать дальше...
Жазуучу, социолог Топчугүл Шайдуллаеванын “Балакана” аталышындагы аңгемелер жыйнагы жарык көрдү. Ага жазуучунун кийинки кезде жазып жүргөн аңгемелери кирген. Алардын дээрлик көпчүлүгүндө кыргыз аялдарынын түйшүгү, алардын жашоодо көргөн түрдүү сыноолору баяндалат. Аялдардын көйгөйүн жазган реалист жазуучу Автор “Балакана” аңгемесинде турмуш жүгүн көтөрүп жүргөн жалгыз бой Гүлжан аттуу айымдын машакаттуу турмушун сүрөттөйт. “Бара-бара Гүлжан буттарын керебеттин кырына асып алып керээли кечке жаткан акыбалга өттү. Читать дальше...
Баткен райондук сотунун имаратынын алдында бүгүн, 19-майда Жаңы-Жер айылында мамлекеттик мүлктүн мыйзамсыз менчиктештирилгени боюнча иштин алкагында кармалган Бекжан Жалилов менен Саатбек Эгембердиевдин тарапкерлеринин акциясы өтүп жатат. Алар “Урматтуу сот, адилет чечиңиз!”, “Садыр Жапаров, Баткен элине колдоо көрсөтүңүз!”, “Бекжан менен Саатбекке боштондук”, “Адилеттик орносун!” деп жазылган плакаттарды көтөрүп кыйкырып турушат. Ушу тапта Жалилов менен Эгембердиевдин бөгөт чарасына байланыштуу... Читать дальше...
Чаткалда сабак учурунда классынын шыбы ураган окуучуларды кайрадан медициналык текшерүүдөн өткөрүү чечими кабыл алынганын 19-майда “Азаттыкка” мектептин директорунун милдетин аткаруучу Саркан Койчуманкулова билдирди. Анын айтымында, окуучулар кайрадан Ош шаарына барып, дарыгерлердин текшерүүсүнөн өтөт: "16 окуучунун 14ү кайрадан Ошко барып, аппараттарга түшүп, толук көзөмөлдөн өтүп келүү үчүн бүгүн 19-майда кетип жатат. Ал эми эки окуучунун ата-энеси Ошко алып баруудан баш тартты." 17-майда... Читать дальше...
Улуттук коопсуздук боюнча мамлекеттик комитети билдиргендей, Жайыл райондук соттук-медициналык экспертизанын жетекчиси сөөктү өлүкканага кабыл алуу жана каттоо, өлгөндүгү жөнүндө күбөлүк берүү, маркумдун сөөгүн ачуудан баш тартуу иштери боюнча атайын коррупциялык схема уюштурган деген айып менен кармалды. Атайын кызматтын билдирүүсүнө караганда, мекеменин кызматкерлери тарабынан пара алуу боюнча 10дон ашык фактылар аныкталып документтештирилген. Шектүү УКМКнын тергөө абагына киргизилген.... Читать дальше...
Мамыржан Рахимов Баткен облусунун чек арадагы айылдарын калыбына келтирүү жана өнүктүрүү боюнча президенттин атайын өкүлү болуп дайындалды. Тескемеге мамлекет башчы Садыр Жапаров кол койгону 19-майда президенттин сайтына жарыяланды. Өткөн жылы апрель айынын соңунда кыргыз-тажик чек арасындагы кандуу окуядан кийин чек ара аймактарын калыбына келтирүү жана өнүктүрүү үчүн президенттин өкүлчүлүгү түзүлүп, Мамыржан Рахимов өкүл болуп дайындалган. Кийин ал ноябрдагы парламенттик шайлоого "Ишеним" партиясынын тизмеси менен аттанып... Читать дальше...
Ошто мэриядан шаардын таза суу маселесин чечүүнү талап кылган бир нече адам 19-майда шаардын борбордук аянтында нааразылык акция өткөрүштү. Пикетке чыккандардын бири Мирлан Орозбаев Ошто бир нече мэр алмашканы менен Кыргызстандын экинчи борбору болгон Ош шаарында дагы деле таза суу көйгөйү ошол эле бойдон калганын айтты. Акциянын катышуучулары колдоруна “Таза суу”, “Миллиондор кайда кетти?”, “Укугубуз тебеленип жатат” деген жазуулары бар плакаттарды көтөрүп чыгышты. Аларга Ош шаарынын вице-мэри Сонунбек Жунусбаев жооп берип... Читать дальше...
Жогорку окуу жайларды башкарууну оптималдаштыруу демилгеси коомчулукта кызуу талкуу жаратууда. Жогорку Кеңеш, Министрлер кабинети “Билим берүү жөнүндөгү мыйзамга өзгөртүүлөрдү киргизүү жөнүндө” долбоорлор сунуштап, ага ректорлорду шайлоо эрежесин жоюп, дайындоону калыбына келтирүү жобосун киргизди. Буга кандай жагдайлар себеп болду? Академиялык эркиндикти камсыздоо, демократиялашуу максатын көздөгөн шайлоо системасын жоюу артка чегинүү эмеспи? “Арай көз чарай” талкуусунда ушул жана башка суроолорду талкуулайбыз. Читать дальше...
Кытайда 21-мартта кулап түшкөн Boeing-737 учагы кырсыкка кабылардын алдында жерди көздөй мажбурлап төмөндөтүлгөнү аныкталды. Бул тууралуу кырсыкты иликтеген америкалык эксперттерге таянуу менен CNN телеканалы жана The Wall Street Journal басылмасы кабарлады. Борттун кара кутусундагы аудио жазмаларда көрсөтүлгөндөй, жерге конуу тууралуу буйрук учкучтарга кабинанын ичинде берилген. Эксперттер кабинага сырт жактан башка бирөөлөр кириши мүмкүн деп болжоп жатышат. Кырсыктын себептерин иликтеген Кытайдын... Читать дальше...
"Ош" эл аралык аба майданынын чатырынан суу өткөн имаратын 2016-жылы тендерди уткан үч компания курган. Бул тууралуу аэропорттун директору Арипжан Токуров "Азаттыкка" билдирди. Анын айтымында, 2012-жылы “Аль-Манар” компаниясы 78 млн. сомго аба майдандын батыш тарабына ички каттамдар менен учуп келгендерди кабыл алуу залын салган. Имараттын капталдары айнек менен тосулуп, жеңил типте курулг ан. 2016-жылы бул жайды кеңейтүү үчүн тендерди “Элит строй сити”, “Авангард рим строй” жана “Ак Бата” компаниялары уткан. Читать дальше...
Шашылыш билдирүү! 19-майда жана 21-23-май күндөрү Кыргызстандын аймагында аба ырайы туруксуз болот, маал-маалы менен жаан жаайт, бийик тоолуу райондордо кар жаайт, кээ бир аймактарда жаан-чачын көп жаайт. Айрым жерлерде мөндүр жаашы мүмкүн. Абанын температурасы бир аз төмөндөйт. Батыш тараптан келген шамалдын ылдамдыгы секундасына кээде 15-20 метрге жетет. Аба ырайы 20-майда түнкүсүн Баткен, Ысык-Көл облустарынын кээ бир райондорунда өткүн өтүп, күн күркүрөйт, бийик тоолордо кар жаайт, Чүй... Читать дальше...