Улуттук коопсуздук боюнча мамлекеттик комитетке караштуу Чек ара кызматы бүгүн, 8-майда Казакстан менен Кыргызстандын чек арасындагы "Ак-Жол" өткөрмө бекети кайрадан штаттык режимде иштей баштаганын кабарлады. Бүгүн түшкү саат 14:50дө тышкы миграцияны каттоонун бирдиктүү системасы иштебей калып, чек ара өткөрмө бекетинде жүргүнчүлөр менен автоунаалардын узун кезеги келип чыккан. Кечки саат алтыга жакын система кайрадан оңдолгон. Чек ара кызматы учурда бекетте узун кезек жок экенин кошумчалады. Читать дальше...
Орусиянын Красноярск аймагында тилсиз жоо 500дөй турак жайды, ондогон имараттарды, автоунааларды жок кылды. Бул тууралуу «Интерфакс» агенттиги жергиликтүү бийликке таянып жазды. Жалпысынан 20дай адам жабыркады. Бир нече адам өлгөнү тууралуу маалыматтар тарап жатат. Бирок алардын ак саны расмий айтыла элек. Аймакта өзгөчө кырдаал режими жарыяланды. Кемеров, Иркустк жана Красноярск облусунда 13 киши өрттөн мерт кеткени кабарланууда. Тилсиз жоонун тутанышына шамалдан улам электрзымдарында болгон авария себеп болгон. Читать дальше...
Муса Жангазиев атындагы мамлекеттик куурчак театрында Жеңиш күнүнө карата “Атадан калган туяк” спектакли көрсөтүлдү.
Тажикстандын Улуттук мамлекеттик коопсуздук комитети Ооганстандын аймагынан атылган ок боюнча маалымат берди. 8-майдагы билдирүүдө Тахор провинциясында "Талибан" кыймылы (Кыргызстанда тыюу салынган) менен "Ислам мамлекети" террордук уюмунун 7-майда болгон кагылышуусу маалында кокусунан Тажикстан аймагын көздөй ок атылып кеткени айтылат. "Ховар" маалымат агенттиги Тажикстандын чек ара кызматына таянып кабарлагандай, кагылышуу Хожа-Гар деген райондо бир жарым сааттай уланган. "Бул жер Тажикстандын... Читать дальше...
Абдималик Эгембердиев кайдыгер эмес жарандардын тобу менен бирге Кыргызстан боюнча он жасалма мөңгүнү ишке киргизүү аракетинде. Мөңгүлөр күн жылыганда эрип, жайыттарга жан киргизип, айдоо жерлердин сугат суусун камсыздайт.
"Кыргызстандагы Ленинград блокадачылары" коомунун төрайымы Анна Кутанова 92 жаш курагында дүйнө салды. Бул тууралуу Бишкек шаардык мэриясынын басма сөз кызматы кабарлады. Кутанова 1930-жылы 18-январда туулган. Кыргызстанга эвакуация болгонго чейин блокадада калган Ленинградда (азыркы Санкт Петербург) жашаган. Ал кездеги мектеп окуучусу ок атуу жана бомбалоо болуп турган учурда аскер штабга баалуу маалыматтарды жеткирген. «Ленинградды коргоо үчүн» медалы менен сыйланган, көптөгөн юбилейлик медалдардын ээси. Читать дальше...
Мамлекеттик салык кызматы бүгүн, 8-майда Евразия экономикалык биримдигинин аймагына товар экспорттогон ишкерлерге кайрылуу жолдоду. Анда Кыргызстандан экспортко чыга турган товарга электрондук эсеп фактурасы талап кылынары белгиленген. Казакстан аркылуу ЕАЭБдин аймагына бара жаткан жүк ташуучу товардын баарына QR коду бар электрондук эсеп-фактурасын кагазга чыгарып, жанында алып жүрүшү керек. Мындай документи жок товар мобилдик топ тарабынан айып пул аянтчасына камалып, мыйзам алдында жоопко тартылат. Читать дальше...
Ооганстандын башында турган «Талибан» кыймылы (Кыргызстанда тыюу салынган) аялдарга көзүнөн башка жеринин баарын жаап жүрүү токтомун чыгарды. Бул туралуу 7-майда Кабулда өткөн маалымат жыйында айтылды. Бул эрежеге баш ийбеген аялдардын аталары же жакын эркек туугандары жазаланып-иштен алынат же түрмөгө камалат. Улуттар Уюмунун Ооганстандагы миссиясы талибдерден билдирүүсү боюнча «терең тынчысыздануусун» билдирип, бул «чечим кыз-келиндердин укуктарын коргоо жана сыйлоо тууралуу буга чейинки убадаларга каршы келерин» кошумчалады. Читать дальше...
"Кыргызгидромет" агенттиги кабарлагандай, 9-майда өлкөдө жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 13...18, күндүз 27...32, Талас өрөөнүндө түнкүсүн 11...16, күндүз 26...31, Ош, Жалал-Абад, Баткен дубандарында түнкүсүн 14...19, күндүз 29...34, Ысык-Көл менен Нарын облусунда түнкүсүн 6...11, күндүз 21...26, Бийик тоолуу райондордо түнкүсүн 0...-5, күндүз 6...11°. Бишкек шаарында жаан-чачын болбойт. Читать дальше...
7-майда "Ислам мамлекети" экстремисттик тобу Ооганстандын аймагынан Тажикстанга ракета чабуулу болгонун айрым ооган басылмалары кабарлады. Бул маалымат тажик жана «Талибан» (Кыргызстанда тыюу салынган) бийлиги тарабынан расмий тактала элек. Ооганстандагы Islamic Press (AIP) маалымат агенттиги "Ислам мамлекети" экстремисттик тобунун 7-майда чыккан басма сөз билдирүүсүнө таянып, Ооганстандын Тахор провинциясындагы Хожа-Гар районунан чабуулдар болгонун жазып чыкты. Хожа-Гар району Тажикстандын Хатлон... Читать дальше...
Президент Садыр Жапаров бүгүн, 8-майда Фейсбуктагы баракчасында билдирүү жасап, Ош окуясы менен Дача СУдагы учак кырсыгына байланыштуу иликтөөлөр тууралуу маалымат берди. "Ош окуясын иликтөө аяктап калды деп маалымат беришти. Жакында иш сотко кетет экен. Ал эми Дача-СУ окуясы боюнча иш абдан начар, жай жылып жатат. "Иликтеген тергөөчүлөр мурда дагы иликтеген, балким көп нерселерди жашырып коюп жатышабы" деген маалымат бар. Ошондуктан, коомдук комиссия түзүү чечимин кабыл алдым. Жакында тескеме чыгат. Читать дальше...
5-7-май күндөрү Бишкекте Кыргызстан менен Өзбекстандын ортосундагы мамлекеттик чек араны тактоо боюнча жумушчу топтун жолугушуусу болду. Бул тууралуу Өкмөттүн басма сөз кызматы кабарлады. Жолугушууда тараптар кыргыз-өзбек мамлекеттик чек арасын демаркациялоо жараянын жөнгө салуучу ченемдик-техникалык документтердин долбоорлорун талкуулап, макулдашты. Иш-чаранын жыйынтыгында протоколго кол коюлду. Жумушчу топтун кезектеги жолугушуусу Өзбекстанда болот. Буга чейин 5-майда Жалал-Абад облусунун Ала-Бука... Читать дальше...
Юстиция министрлиги бейөкмөт уюмдарды мамлекеттен каржылоого байланыштуу Министрлер кабинетинин токтомунун долбоорун коомдук талкууга чыгарды. Анда бул багытта 100 миллион сом бөлүп берүү, долбоорлорду атайын сынактын негизинде тандоо өңдүү чаралар каралган. "Адилет" укуктук клиникасынын талдоосуна ылайык, долбоор чийки жазылган жана мамлекеттен чакан грант алган бейөкмөт уюмдарды тандоодо ачыктык жок, ошондой эле коррупцияга, бөлүп-жарууга жол ачкан жагдайлар бар. Токтом долбооруна ылайык... Читать дальше...
Министрлер кабинетинин төрагасынын биринчи орун басары Арзыбек Кожошев Казакстандын аймагы аркылуу жүк ташуучу унаалардын эркин жүрүүсүн камсыздоо боюнча 7-майда ыкчам кеңешме өткөрдү. Жолугушууда Арзыбек Кожошев буга чейин жетишилген макулдашууларга ылайык, кыргыз тарап ташылган жүк үчүн электрондук эсеп-фактурасы жок транспорт каражаттарын өткөрбөшү керектигин айтты. Өз кезегинде казак тарап Кыргызстандан ЕАЭБ өлкөлөрүнө транзит менен бара жаткан жүк ташуучу унааларды текшербейт. Бир айга жетпеген... Читать дальше...
