"Хьюман Райтс Вотч" эл аралык укук коргоо уюму этникалык хазарларды жана мурдагы бийликке тиешеси барларды Ооганстандын башка аймактарына күчтөп көчүрүп, ушундай жол менен "жапырт жазалап" жатканы үчүн талибдерди айыптады. "Талибан" кыймылы бийликке келгени хазарлардан беш күндүн ичинде үй-жайын таштап, чыгып кетүүнү талап кылышкан. Бул тууралуу баш кеңсеси Нью-Йоркто жайгашкан уюмдун 22-октябрда тараткан билдирүүсүндө жазылат. "Өз тарапташтарына үй-мүлкүн сый акы катары берүү үчүн "Талибан"... Читать дальше...
1985-жылы Тбилисиде Бүткүл союздук театрлардын II Жаштар фестивалына Муратбек Рыскулов атындагы Нарын облустук академиялык музыкалык драма театры Ч.Айтматовдун “Эрте жаздагы турналар” чыгармасынын негизинде коюлган спектакль менен катышкан. Ошондо ар кайсы республикалардан жыйырмадан ашуун театрлар ат салышкан. Саха республикасынын (Якутия) Платон Ойунский атындагы улуттук академиялык драма театры болсо, Ч.Айтматовдун "Деңиз бойлой жорткон Ала-Дөбөт" повестинин негизинде "Көздөн учкан көк жээк" спектаклин Нарын театрынан бир күн мурда койду. Читать дальше...
Латвияда коронавирус күч алып, инфекцияны жуктуруп алгандардын күнүмдүк көрсөткүчү үч миңге жеткенине байланыштуу бир айлык карантин киргизилди. Оорулардын алдын алуу жана көзөмөлдөө боюнча европалык борбор билдиргендей, калктын санын алганда Латвия ушул тапта Европадагы коронавирус катуу жайылган мамлекет. Латвия калкынын жарымы гана эмдөөдөн өткөн. Өкмөттүн вакцинация кампаниясы анча ийгиликтүү болгон жок. Ал арада Болгарияда соңку айда коронавирус менен ооруканага түшкөндөрдүн саны 30% өстү. Читать дальше...
Кыргызгидромет агенттиги 23-октябрда түнкүсүн Ысык-Көл облусунда, Чүй, Жалал-Абад, Нарын облустарынын кээ бир райондорунда, Ош облусунун тоолуу жерлеринде жамгыр, кар жаайт деп кабарлады. Күндүз Ысык-Көл облусунда жаан-чачын болот. Батыш тараптан жел согуп турат, кээ бир райондордо ылдамдыгы секундасына 20 метрге жеткен шамал болот. Абанын температурасы: Баткен, Ош, Жалал-Абад облустарында түнкүсүн -1...+4, күндүз 9...14, Чүй өрөөнүндө түнкүсүн -3...+2, күндүз 6...11, Талас жергесинде түнкүсүн -1...-6... Читать дальше...
Баткендин Бужум айылында 17-октябрдан бери дайынсыз болуп жаткан адамдын сөөгү ажатканадан табылды. Аны өлтүргөн адам сөөктү жиликтеп, өзү жашаган үйдөгү ажатканага ыргыткан деп шек саналууда. Баткен облустук Ички иштер башкармалыгынын басма сөз кызматы билдиргендей, кылмышка шектелип ушул эле айылда жашаган 31 жана 28 жаштагы бир туугандар кармалды. Бул факты Жазык кодексинин 130-беренеси (Адам өлтүрүү) менен иликтенүүдө. Өлтүрүлгөн адам 33 жашта болгон. Улуттук статистика комитети Башкы прокуратуранын... Читать дальше...
Президент Садыр Жапаров 23-октбярда атамекендик жана чет өлкөлүк жалпыга маалымдоо каражаттары үчүн кеңири маалымат жыйынын өткөрөт. Бул тууралуу президенттин сайты кабарлады. Иш-чара жүрүшүндө мамлекет башчысы өлкөнүн негизги социалдык-экономикалык көрсөткүчтөрү тууралуу маалымат берип, журналисттердин суроолоруна жооп берет. Жыйын 23-октябрь, саат 11.00дө башталат. Маалымат жыйын КТРК, республикалык жана облустук телеканалдардын, ошондой эле социалдык түйүндөрдөгү баракчаларда түз эфирде чагылдырылат. Читать дальше...
22-октябрь күнү саат 09:00дөн баштап Чүй облусунун Бишкек - Ош багыты боюнча Сосновка айылынан Төө-Ашуу жана Ала-Бел ашуулары аркылуу бардык оор жүк ташуучу транспорт каражаттарына, Жалал-Абад облусунун "Чычкан" постунан Ош - Бишкек, Өтмөк ашуусу Талас - Бишкек багыттары боюнча бардык транспорт каражаттарынын кыймылына убактылуу чектөө киргизилди. Бул тууралуу ИИМдин Жол кыймылынын коопсуздугун камсыздоо башкы башкармалыгы кабарлады. Мындай чечим аба ырайы кескин өзгөрүп, кар калың жаап, бороондон... Читать дальше...
Камактагы орус оппозициясынын лидери Алексей Навальный өзүнө ыйгарылган Сахаров сыйлыгын "дүйнө жүзүндөгү коррупция менен күрөшүүчүлөргө" арнай турганын соцтармактагы баракчасына жазды. Ал "журналисттерден тартып адвокаттарга чейин, чиновниктерден депутаттарга чейин, ким коррупция менен күрөштү колдоо үчүн көчөгө чыкса - баарына туруктуулукту, кооптуу болгон учурда эрктүүлүктү каалайм" деп жазды. Европарламент Сахаров атындагы сыйлыкты Алексей Навальныйга 20-октябрда ыйгарган. Кремл көп өтпөй... Читать дальше...
"Хьюман Райтс Вотч" (HRW) укук коргоо уюму ара жолдо калган оогандыктарга кам көрүүгө чакырды. Бул уюм Ооганстандан чыга албай жашырынып жүргөн же үчүнчү өлкөлөрдө кодуланган качкындарды жайгаштыруу үчүн БУУнун мекемелери менен кошуна өлкөлөрдүн өкмөттөрүнө кайрылды. БУУ менен өкмөттөргө кулак кагыш "Хьюман Райтс Вотч" кошуна өкмөттөрдү Ооганстанда талибдердин куугунтугунан качкан оогандарды колдоого чакырды. Анда өлкөдөн чыга албай, жашырынып жүргөн жана кошуна мамлекеттерден башпаанек издеген... Читать дальше...
Акыйкатчы кеңсесинин “Укук кербени” долбоорунун алкагында Өзгөндө уюштурулган жыйынында динге байланышкан көйгөйлөр көтөрүлдү. Омбудсмендин басма сөз кызматы билдиргендей, тургундар райондун аймагында мусулманчылык көз караштан улам кара чүмбөт кийген кыз-келиндер көбөйгөнүнө тынчсыздануу билдиришкен. Ошондой эле үйлөнгөн жаштардан Жарандык абалдын актыларын каттоо органдарынын документин сурабай эле молдолор өз билемдик менен нике кыйып жатканын айтып, мыйзам аркылуу буга чек коюп берүүнү суранышты. Читать дальше...
Президенттик администрациясынын жетекчиси, Министрлер кабинетинин төрагасы Акылбек Жапаров Бишкек жылуулук электр борборунун (ЖЭБ) кышка даярдыгы канааттандырарлык экенин билдирди. Бул тууралуу пикирин ал 21-октябрда Бишкектеги “AгроТехЭкспо2021” көргөзмөсү учурунда журналисттердин суроосуна жооп берип жатып айтты. ЖЭБди тейлөө казакстандык компанияга берилгенинин себебин ал мындайча түшүндүрдү: “Hampton Resources Limited компаниясы Казакстандан 10 миң тоннага жакын көмүр алып келип жакты. Эки эсеге аз көмүр кетет экен. Читать дальше...
Айыл чарба кызматкерлеринин күнүнө карата Бишкек шаарынын эски аянтында “AгроТехЭкспо2021” көргөзмөсү жана “Алтын күз” айыл чарба жарманкеси ачылды. Анын ачылышына президенттик администрациясынын жетекчиси, Министрлер кабинетинин төрагасы Акылбек Жапаров, айыл чарба министри Аскарбек Жаныбеков баштаган аткаминерлер катышты. Көргөзмөдө айыл чарба техникасы, асыл тукум мал-жандыктар жана өсүмдүктөрдү өстүрүүдө, мал чарбасына колдонулуучу жаңы технологиялардын түрлөрү көрсөтүүгө коюлду. Органикалык... Читать дальше...
"Улуттук коопсуздук мамлекеттик комитетинин кызматкеримин" деп журналист Мээрим Айныкеевага опуза кылган адам табылды. Ал Бишкек шаарынын тургуну экенин 22-октябрда УКМКнын басма сөз кызматы кабарлады. Айныкееванын арызынын негизинде анын тек-жайы такталып, атайын кызматтын кабыл алуу бөлүмүнө алынып келинген. Журналистти мурдатан тааный турганын, ресторанда мас абалында аны тамашага салганын, бул үчүн өкүнөрүн айткан. Мээрим Айныкеева ал адамды тааныбай турганын билдирди. Баштапкы маалыматтарга караганда... Читать дальше...
Кыргызстан аймактык бүтүндүгүн бузган тарап катаал жооп алат. Бул тууралуу президент Садыр Жапаров 21-октябрда Чек ара кызматына аскердик техника тапшыруу учурунда билдирди. “Бул жаңжалга даярдык эмес, биздин өлкөнүн коопсуздугун сактоого даярдык. 30 жылдын ичинде биз эч качан эч ким менен чыр-чатак баштаган эмеспиз, колубузда курал менен чет өлкөлүк аймактарды басып алган эмеспиз. Келечекте дагы мындай болбойт. Бирок эгерде биздин аймактарды басып алуу аракеттери болсо, анда жооп катаал болот". Читать дальше...
Түндүк атлантикалык альянстын (НАТО) жетекчиси Йенс Столтенберг уюмдагы орусиялык өкүлдөр аккредитациядан ажыраганын жана НАТОнун Москвадагы кеңсеси жабылганын айтып кетти. "Бул кансыз согуш бүткөндөн берки эң оор мезгил",- деди Столтенберг. Октябрдын башында Түндүк атлантикалык альянстагы 8 орусиялык дипломат аккредитациясынан ажыратылып, дагы экөө кызматынан алынган. Орусиянын НАТОдогу миссиясы жыйырмадан 10 адамга чейин кыскартылды. Кремл буга жооп кылып, НАТОдогу миссиясын токтотту. Уюмдун Москвадагы эки кеңсесин жапты. Читать дальше...
Ашыгына жетпей калган кыздын арманы алтымыш жыл ашуунга созулду. Ага зордук менен үйлөнгөн чалына акыйкатты өлөрүнө жакын айтып калды. "Кыргыз аңгемесинин классикасынан" жазуучу Аскар Ражабалиевдин “Өкүм” аңгемеси тууралуу сөз кылабыз. “Жарыгы элең жанымдын...” Айылдын кадырлуу карысы Токтомушту узатууга киши көп чогулду. Жакшы адам эле, бирөөнүн көңүлүн оорутпаган, бирөөгө жамандык ойлобогон бир момун болчу. Батага таягын таянып Айтол апа да келди. Кыз кезинде жанда жок сулуу болгонун билгендер айтышат... Читать дальше...
Бул Кыргызстандын капчыгына түшкөн төртүнчү медаль. Буга чейин ата мекендик спортчулар эки алтын, бир коло байге алган.
22-октябрга карай кыргызстандыктардын арасынан дагы 125 кишиден коронавирус аныкталды. Мурда ооруп жаткандардын төртөө каза болду. Үч күндөн бери өлкөдө бул инфекцияны жугузгандар көбөйүп, күнүмдүк статистика жүздөн ашып жатат. Сентябрдын этегинен бери инфекция жуктуруп алгандардын күнүмдүк көрсөткүчү 60-90дун тегерегинде болуп турган. Саламаттык сактоо министри Алымкадыр Бейшеналиев Кыргызстанда коронавирус эпидемиясынын төртүнчү толкуну ноябрь-декабрь айларына туура келиши ыктымалдыгын билдирген. Читать дальше...
НАТОго мүчө мамлекеттер Орусиянын болжолдуу кол салуусунан коргонуунун башкы планын макулдашты. Ошондой эле бул аскердик союзду учурдун коркунучтарына жооп бере ала тургандай жаңылоо демилгеси көтөрүлдү. Брюсселдеги НАТОнун коргоо министрлеринин саммитти Түндүк атлантикалык альянстын Орусия менен мамилеси бузулуп, тирешип турган учурга туш келди. Орусия НАТОдогу миссиясын токтотуп, Москвадагы эки кеңсесин жапкан. Башкы аскердик план НАТОго мүчө мамлекеттердин коргоо министрлери 21-октябрда Брюсселге... Читать дальше...
Министрлер кабинетинин алдындагы Архитектура, курулуш жана турак жай-коммуналдык чарба мамлекеттик агенттиги Ош шаарында көп кабаттуу он үй мыйзамсыз курулуп жатканын аныктады. Курулуштун баары турак жай объекттери. Бул тууралуу агенттиктин расмий сайты 20-октябрда жазды. Мекеменин маалыматында компаниялар курулуштарын өз алдынча баштаган. Текшерүү учурунда аларда тийиштүү документтери жок болуп чыккан. Архитектура, курулуш жана турак жай-коммуналдык чарба мамлекеттик агенттиги 10 курулуш ишканасынын тизмесин жарыялады. Читать дальше...
Президент Садыр Жапаров Жогорку Кеңешке шайлоого аралашкан мамлекеттик кызматкерлер жумуштан эле алынбастан жоопкерликке да тартылат деп убада берди. Ал жергиликтүү бийлик жетекчилерине кайрылып, Кыргызстанда шайлоону дүйнө таң калгыдай кылып таза өткөрүүгө чакырды. Бул жолу парламенттик шайлоо жаңы Конституция, жаңы шайлоо мыйзамдары, бир катар жаңы эрежелер менен өткөнү турат. Өлкөдө кайсы гана бийлик келбесин шайлоону калыс атаандаштыкта уюштуруу убадасын бергени менен көп учурда ал массалык нааразылык, айрымдары революция менен бүтөт.
Спорттук күрөштүн түрлөрү боюнча 23 жашка чейинкилер арасында дүйнө чемпионаты 1-ноябрдан 7-ноябрга чейин Сербиянын Белград шаарында өтөт.
Министрлер кабинетинин чечими менен Кыргызстанда окуган тажикстандык студенттерге өлкөгө кирүүгө уруксат берилди. Бул тууралуу өкмөт башчынын орун басары Эдил Байсалов "Твиттердеги" баракчасына жазды. "Бул бир тууган эки элдин ортосундагы достуктун жана ынтымактын эң бекем көпүрөсү" деп белгилеген Байсалов. Быйыл жаздагы кыргыз-тажик чек арасындагы куралдуу кагылыштан соң Кыргызстан Тажикстан менен чек араны бир тараптуу жапкан. Сентябрда Кыргызстандын жогорку окуу жайларында окуган 100дөн... Читать дальше...
Кыргызстан Түркиядан "Байрактар", ал эми Орусиядан "Орлан-10" деп аталган учкучсуз учактарды сатып алууда. Бул маалыматты Улуттук коопсуздук боюнча мамлекеттик комитетинин (УКМК) төрагасы Камчыбек Ташиев 21-октябрда журналисттерге билдирди. "Биз бул техникаларды мамлекеттик бюджеттен сатып алып жатабыз. Жакында Түркиядан "Байрактар" алып келинет, андай курал дүйнөдө беш эле мамлекетте болсо, анын бири биз болобуз. Орусиядан дагы "Орлан-10" деген аталыштагы учкучсуз учак сатып алдык. Аны башкаруучу адистерибиз да ошол жактан окуп келишти. Читать дальше...
Ички иштер министрлигинин маалыматына караганда, Бишкектин көчөлөрүнө орнотулган камералардын көмөгү менен тогуз айда 848 кылмыш иши ачылды. Маалыматка ылайык, кишинин жүзүн аныктоочу санариптешкен командалык борбор ишке киргенден бери издөөдө жүргөн 55 адам кармалса, быйылкы тогуз айда издөөдөгү 13 адам колго түшкөн. 2019-жылдын аягында Бишкекте адамдын жүзүн тааный турган 60 видеокамера орнотулуп, "Командалык борбор" долбоору ишке кирген. Борбордун максаты - кылмыш болгон жерге ыкчам чыгуу... Читать дальше...
