Учурда Ахметовдун Норвегияда болуп жаткан күрөш боюнча дүйнө чемпионатында калыстык кылып жатканы айтылды.
Өткөн кылымдын 30-жылдарында репрессияга кабылган ишмерлер түптөгөн мамлекеттин өнүгүү нугу учурда тиешелүү деңгээлде уланбай жатат. Бул тууралуу Касым Тыныстановдун небереси, Reuters Thomson фондунун стратегия жана корпоративдик өнүгүү боюнча директору Теңдик Тыныстанов "Азаттыкка" курган маегинде билдирди. Ал чоң атасынын тагдыры, мурастары, репрессия курмандыктарына мамиле жана учурда өлкөнүн абалы тууралуу өз ойлору менен бөлүштү.
Автоунааны смартфон менен башкаруу. Apple компаниясынын эрежесин четке каккан Франция. Смартфон үчүн сынбас айнек. Унааны смартфон менен башкара баштайбызбы? Буга чейин Samsung компаниясы автоунааны ачып жана бекитүүнү, от алдырууну, багажын ачууну, күзгүлөрүн, отургучтарын, жылуулугун жөндөөнү смартфондун жардамы менен ишке ашыруу мүмкүнчүлүгүн берүү үчүн автомобилдик бренддер менен иштешип жатканын жарыялаган. Эми Санарип унаа ачкычы (Digital Car Key) функциясы киргизилген алгачкы унаа катары... Читать дальше...
1-октябрда Түркиянын баш калаасы Анкара шаарында Кыргызстандын көрүнүктүү мамлекеттик жана коомдук ишмери Жусуп Абдрахмановдун айкелинин ачылыш аземи өттү. Ага Кыргызстандын Түркиядагы элчиси Кубанычбек Өмүралиев жана шаардык Этимесгут муниципалитетинин мэри Энвер Демирел катышты. Абдрахмановдун айкели турган Түрк тарых паркында түрк тилдүү мамлекеттердин негиздөөчүлөрү - Мустафа Кемал Ататүрк, Мамед Эмин Расулзаде, Нурсултан Назарбаев, Ислам Каримов, Гурбангулы Бердымухамедов жана Рауф Денкташтын эстеликтери да бар. Читать дальше...
Активист Максат Касенов бүгүн, 2-октябрда кечке жуук Биринчи май райондук сотуна алып келинди. Бул тууралуу Биринчи май райондук сотунун канцеляриясы ырастап, бирок себебин ачыктаган жок. Айрым маалыматтарга караганда, ушул тапта Касеновдун бөгөт чарасы каралып жатат. Мурдагы депутат Максат Касенов "киши өлтүрүүгө аракет кылган" деген шек менен 1-октябрда Каракол шаарынан кармалганын Ички иштер министрлиги билдирген. Маалыматка ылайык, ал Жазык-процесстик кодексинин 98-беренеси (киши өлтүрүүгө аракеттенген") менен шек саналып... Читать дальше...
Акыйкатчы институту укук коргоочу Камил Рузиев документ жасабаганын аныктады. Бул атайын экспертизанын натыйжасында аныкталганын омбудсмен Токон Мамытов "Азаттыкка" билдирди. "Укук коргоочу Камил Рузиевди медициналык документти жасаган деп тергөөчүлөр айыпташкан экен. Ал укугун коргоп берүүсүн өтүнүп, бизге кайрылган. Атайын экспертиза көрсөттү: документ жасалма эмес, Рузиев аны жасалмалаган эмес". Токон Мамытов Акыйкатчы институту Камил Рузиевдин укугун коргоп берүүгө даяр экенин кошумчалады. Читать дальше...
Кыргызстандык мушкер буга чейин ММА спортунда үч ирет жеңилип, ошол эле учурда жалпысынан сегиз беттеште уткан.
Кыргызстандын тышкы иштер министри Руслан Казакбаев 1-октябрда Эл аралык атомдук энергия агенттигинин (МАГАТЭ) башчысы Рафаэл Мариано Гросси менен жолугушту. Анда тараптар Кыргызстандагы иштеп жаткан долбоорлор тууралуу талкуулашты. Бул тууралуу ТИМдин басма сөз кызматы маалымдады. Казакбаев Кыргызстандагы уран калдыктарынын объекттерин рекультивациялоо келишимдери боюнча МАГАТЭнин башчысына кабарлады. Министр мындан тышкары брахитерапия, нур терапия жана ядролук медицинанын техникалык кызматташтык... Читать дальше...
Саясий качкын макамынан ажыратылган укук коргоочу Валентина Чупик Шереметьево аба майданында кармалып турган жеринен бошотулду. Ал Өзбекстандын жаңы паспортун алып, Арменияга учуп кеткенин "Азаттыктын" орус кызматына укук коргоочунун жардамчысы Александр Ким маалымдады. Орусиядагы мигранттардын укугун коргоп келген Валентина Чупик өткөн ишембиге караган түнү Армениядан Москвага учуп келгенде кармалган. Анын айтымында, Орусиянын Федералдык коопсуздук кызматынын өкүлдөрү ал 17-сентябрда качкын... Читать дальше...
Эртең 3-октябрда өлкөнүн көпчүлүк аймактарында жаан жаайт. Айрым тоолуу райондордо кар жаашы күтүлөт. Абанын температурасы: Чүй жана Талас облустарында түнкүсүн 0…+6, күндүз 9…14; Баткен, Ош, Жалал-Абад облустарында түнкүсүн 5…10, күндүз 14…19; Ысык-Көл облусунда түнкүсүн 0…+5, күндүз 10…15; Нарын облусунда түнкүсүн 0…+5, күндүз 9…14 градус болот. Бийик тоолуу райондордо түнкүсүн -11…-6, күндүз -4…+1 градус жылыйт. Бишкекте эртең жаан жаабайт. Абанын температурасы түнкүсүн 0…+2, күндүз 11…13 градус болот.
Голливуддагы чет элдик басылмалар ассоциациясынын "Алтын глобус" уюмуна Борбор Азиядан алгачкы жолу кыргызстандык Асел Шерниязова өкүл болуп калды. HFPA сайтындагы маалыматка караганда Асел Шерниязова ассоциацияга жаңы кошулган 21 мүчөнүн, ошол эле учурда уюмдагы 48% түзгөн аялдардын, 24% түзгөн азиялыктардын бири. HFPA ассоциациясынын 87 мүчөсүнүн ичинде европалыктардан башка раса өкүлү жоктугунан улам чыккан чатактан кийин уюм реформа жүргүзүп, жаңы 24 мүчө тандаган. Жакында уюмда жаңы башкы директор... Читать дальше...
Турмуш жолунда жаңылып-жазбаган адамды табыш кыйын. Бирок кыйбас адамын кечирүү чанда бир кишилердин гана колунан келчү иш. Бактыбек Максутовдун “Каргашалуу түн” аңгемесинде мына ушул турмуштук окуя сүрөттөлгөн. Кыргыз аңгемесинин классикасы берүүсүндө окуянын чоо-жайына токтолобуз. Жылкы четинде Чыгармада бүгүнкү турмуш, азыркы учур сүрөттөлгөн. Байманалуу колхоз-совхоздор таратылып, малы элге бөлүнүп берилген. Элдин бир тобу байып, малын башкаларга бактыра баштаган убак. Акылбек ошондой малчылардын бири... Читать дальше...
Кыргызстанда укук коргоочулардын көбү айымдарбы? Алардын күнүмкү жашоосу кандай өтөт? Бийлик аларды эмнеге куугунтуктайт? "Эже-сиңдилер" укук коргоочулуктун кыйынчылыктары тууралуу кеп тартуулайт.
"Эркиндик рыцары" деп аталган сыйлык демократия, эркиндик жана теңдикти өнүктүрүүгө салым кошкон адамдарга 2005-жылдан тартып Польшадагы Казимир Пулавский атындагы фонд тарабынан ыйгарылып келет. Сыйлык менен Польшанын Лех Валенса, НАТОнун баш катчысы Хавьер Солана, БУУнун адам укуктары боюнча комиссары Мэри Робинсон сыйланган. Навальныйга чейин "Эркиндик рыцарын" орусиялыктардан Михаил Ходорковский алган. Сыйлык тапшыруу аземи 5-октябрда Варшавада өтөт. Учурда абакта жаткан Алексей Навальныйдын... Читать дальше...
Шайлоочулар 64 шаардык мэрге талапкерге жана жергиликтүү кеңештердин 2100 мүчөсүнө добуш берүүдө. Грузиянын борбору Тбилисиде калаа башчылыгына 16 талапкер күч сынашып жатат. Грузиядагы шайлоо былтыр "Грузия кыялы" партиясы шайлоодо утуп чыккандан кийинки саясий кризис убагында өтүп жатат. Оппозиция былтыркы шайлоо бурмаланганын билдирсе, бийлик мындай айыптоолорду четке каккан. 2-октябрдагы шайлоонун жыйынтыгы боюнча Тбилисиде митинг өтөрү кабарланган. Аны утурлай өлкөгө келген мурдагы президент... Читать дальше...
1-октябрдан тартып Орусиянын "Газпром" ишканасы Венгрияга көгүлтүр отту жаңы келишимге ылайык - Украинаны кыйгап өтүүчү "Түрк агымы" газ кууру аркылуу бере баштайт. Бул келишимдин мөөнөтү 15 жыл. Венгрия менен Орусиянын ортосундагы келишимди Украина сынга алды. Украинанын энергетика тармагынын өкүлү Сергей Макагон Орусия Европага газ багытын "монполия кылып, аны саясий максатта пайдаланып жатат" деп айыптады. Кремлдин басма сөз катчысы Дмитрий Песков муну четке кагып, Орусия болгону келишимди... Читать дальше...
Жөө күлүк мындан ары Кыргызстандын спортун өнүктүрүүгө көп убакыт жана каражат бөлүү керектигин белгиледи.
“Кыргызстан коммерциялык банкынан" жоголгон 47 млн. сом боюнча банктын мурдагы кызматкери Гүлмира Асанбекова милициянын тергөө абагына эки айга камалды. Асанбекова банк жетекчилеринин басымы менен жоголгон ири каражатка жоопкер болуп калганын айтып, укугун коргоп берүүнү суранып президентке кайрылган. Бирок аталган банк жетекчилери мурдагы кызматкери койгон дооматтарды четке кагып, Асанбекова экономикалык зыян келтиргенин айтып жатат. Банктан жоголгон ири каражатты төлөмөр болгон Асанбекованын... Читать дальше...
Кыргызстандык спортчу Нурбек Тойчубаев паратриатлон боюнча Дүйнө кубогунда алтын медалдын жеңүүчүсү болду. Бул тууралуу өлкөнүн Триатлон федерациясы билдирди. Паратриатлон боюнча Дүйнө кубогу Түркиянын Алания шаарында өттү. Нурбек Тойчубаев мелдеште PTS4 классында катышып, биринчи орунду ээлеген. Буга чейин Тойчубаев Дүйнө кубогу жана Азия чемпионатында күмүш жана коло медалдын ээси болгон.(GT)
Кумтөр маселеси боюнча Швейцариянын Женева шаарында өткөн эки тараптуу сүйлөшүүлөрдүн 1-раундунун жыйынтыгына кыргыз тарап канааттанды. Бул тууралуу президент Садыр Жапаровдун маалымат катчысы Эрбол Султанбаев маалымдады. "Кыргыз тарапка Канаданын "Центерра" компаниясынын жетекчиси Скот Перри түзүлгөн кырдаалды чечүү боюнча мүмкүн болгон бардык жолдорду, анын ичинде Кыргызстандын "Кумтөр Голд Компани" ишканасына ээлик кылуусун карап көрүү үчүн нейтралдуу аймакта сүйлөшүү сунушу менен кайрылган. Читать дальше...
Коронавирус АКШда 700 миңден ашуун адамдын өмүрүн алды. 1-октябрдагы маалыматка караганда коронавируска чалдыккандардын жаңы саны азайып жатканына карабай, күн сайын 1900гө чамалуу адам коронавирустан көз жумууда. Акыркы күндөрү АКШда күн сайын орто эсеп менен 112 миң адам коронавирус жуктуруп алганы аныкталды. Бул сентябрдын башындагы 160 миң адамга караганда кыйла аз. Вирус жуктуруп ооруканага жаткандардын саны күнүнө 79 миңге чамалуу, бул өткөн айдын башындагы көрсөткүчтөн 20 миңге аз. 330 млн. Читать дальше...
1-октябрь күнү кармалып, камакка алынган Михаил Саакашвили Рустав абагына жеткирилгени кабарланды. Маалыматтарга ылайык, Саакашвили ачкачылык жарыялап, Украин консулу менен жолугушууну талап кылган. Украинанын мамлекет башчысы Владимир Зеленский Грузиянын мурдагы президенти Михаил Саакашвилинин камалганына кабатырлыгын билдирди. Бул тууралуу анын маалымат катчысы Сергей Никифоров маалымдап, расмий Киев украин жаранына карата мындай мамилеси үчүн Тбилисиден түшүндүрмө сурап кайрыларын айтты. ... Читать дальше...
Кыргызстандык балбан 61 килограмм салмак категориясы боюнча монголиялык Тухинтулга Туменбилег менен күрөшөт.
24-сентябрда Бишкектин Биринчи май районундагы Ласло Месарош көчөсүндөгү үй өрттөнгөн. Үйдө жети, беш жана үч жаштагы үч бала болгон. Балдардын улуусу - тогуз жаштагы Нурмухаммед күйүп жаткан үйдөн инилерин алып чыгып, куткарып калган. Өзгөчө кырдаалдар министрлигинин (ӨКМ) Бишкек шаарындагы башкармалыгы 1-октябрда №49 орто мектебинин 3 "К" - классынын окуучусу, тогуз жаштагы Нурмухамед Жумабековду бул эрдиги үчүн "Ардак грамота" менен сыйлады. Сыйлоо аземи Нурмухамед окуган мектепте болду.... Читать дальше...
2-октябрга карата Кыргызстанда коронавируска каршы эмделген адамдардын жалпы саны 1 млн. 461 миң 885 адамды түздү. Анын ичинен 833 472 адам вакцинанын 1-дозасын, ал эми 628 413 киши эки дозасын тең алды. Акыркы суткада өлкөдөгү эмдөө түйүндөрүндө, медициналык мекемелерде 9 153 адам эмделди. Алардын 4 586сы вакцинанын 1-дозасын алса, 4 566 киши экинчи дозасын алды. Кыргызстанда коронавируска каршы эмдөө Кытайдын Sinopharm, Орусиянын Sputnik-V жана Европа өндүрүшүнөн чыккан AstraZeneca вакциналары менен жүрүүдө. Читать дальше...