Иран парламентинин спикери Мохаммад Багер Галибаф өз өлкөсү бир ай ичинде 17 килограмм уран байытканын жарыялады. Бул тууралуу спикер Фордодогу Атомдук электр станциясына 28-январда барган учурда билдирди. Маалыматты Атом энергетикасы боюнча агенттиктин басма сөз катчысы Бехруз Камалванди ырастап, чынында эле өлкөдө 17 килограмм байытылган уран бар экенин билдирди. Өзөктүк курал өндүрүү максаты бар экенин четке кагып келген Иран тынчтык максатында гана жылына 20% урандан 120 килограмм өндүрүүгө убада берген. Читать дальше...
28-январда Кыргыз Эл акыны Рамис Рыскулов акыркы сапарга узатылды. Акындын сөөгү «Ала-Арча» көрүстөнүнө коюлду. Өзгөчө таланттын ээси узак оорудан улам 87 жашында дүйнөдөн кайткан.
Тажикстанда оппозициячыл саясатчы Махмурод Одинаев 14 жылга кесилди. Ага карата «Бейбаштык» жана «Экстремизмге чакыруу» беренелери боюнча чечимди Дүйшөмбү шаарындагы Рудаки райондук соту 28-январда кабыл алды. Одинаевдин уулу Хабибулло Ризоев да «Бейбаштык» беренеси боюнча күнөөлүү деп табылып, 5 8 миң сомони (беш миң доллар) айыпка жыгылды. Ата-бала Одинаевдер өздөрүнө коюлган айыптарды моюнга алышкан жок. Тажикстандагы Социал-демократиялык партиянын төрагасынын орун басары Махмурод Одинаев былтыр 20-ноябрда дайынсыз кеткен. Читать дальше...
Эл аралык биатлончулар бирикмесинин (IBU) мурдагы жетекчилигинин «системалык коррупциясынын жана этикага жатпаган жүрүм-турумунун» далилдери аныкталды. Бул тууралуу аталган спорттук органдын тапшыруусу менен иликтөө жүргүзгөн көз каранды эмес комиссиянын баяндамасында айтылат. 28-январда жарыяланган отчётто эл аралык бирикменин мурдагы президенти Андерс Бессеберг жана мурунку баш катчысы Николь Реш орусиялык биатлонисттердин допинг колдонгону боюнча маалыматты жашырганы жөнүндө сөз болот. «Терең... Читать дальше...
Казакстандын Актөбө облусунун Көкжиде кенинде иштеген мунайчылар төрт күндөн бери эмгек акыны эки эсеге көбөйтүүнү жана иштөө шарттарын жакшыртууну талап кылып, иш таштады. "KMK-Мунай" компаниясынын жетекчилиги айлыкты 20% көтөрүүгө даяр экендигин билдирди. Бирок эмгекчилер ага макул эмес.
Москва облустук соту 28-январда оппозициячыл саясатчы Алексей Навальныйдын апелляциялык арызын четке кагып, абакта калтырды.
Чет жактагы мекендештер Садыр Жапаровдун «мигранттарды мекенге кайтаруу - президент катары милдетим» деген убадасына үмүт артышат.
Бишкектин Административдик соту жарандык активисттердин арызын канааттандырып, Бишкек шаардык кеңешинин баш калаанын деталдуу пландоо долбоору боюнча токтомун жараксыз деп тапты.
Ант берип расмий түрдө кызматка киришкен президент Садыр Жапаровдун билдирүүсүн коомчулук кандай кабыл алды? Жапаров алгачкы ишин эмнелерден башташы керек? Ал коомдогу каршылаш саясий топторду бириктирип, консолидация кыла алабы? Инаугурация 28-январда Бишкектеги Токтогул Сатылганов атындагы Кыргыз улуттук филармонияда өтүп, 2020-жылдын октябрь окуяларынын шары менен бийликке келген Садыр Жапаровдун президенттик мөөнөтү башталды. Иш-чарага катардагы жарандар, коомдук ишмерлер, чыгармачыл жана илимий интеллигенциянын... Читать дальше...
Садыр Жапаров инаугурация учурундагы сөзүндө экономиканын абалына, карыз маселесине, ички-тышкы саясатка кеңири токтолду. Президент Садыр Жапаровдун 28-январда Токтогул Сатылганов атындагы улуттук филармонияда ант берүү учурунда сүйлөгөн сөзү 27 мүнөткө созулду. Кайрылуунун 18 мүнөтү кыргыз, калганы орус тилинде болду. Жапаров президенттик кызматка расмий киришип жатып сүйлөгөн сөзүндө бийликке келишине себеп болгон октябрь айындагы элдик толкундоо жөнүндө кеп кылды. Ал 5-октябрь элдин парламенттик... Читать дальше...
Бишкектин Биринчи май райондук соту 28-январда мурдагы премьер-министр Мухаммедкалый Абылгазиевдин бөгөт чарасын карады. Райондук соттун басма сөз кызматы «Азаттыкка» билдиргендей, Абылгазиев 2021-жылдын 26-мартына чейин Улуттук коопсуздук боюнча мамлекеттик комитеттин (УКМК) тергөө абагына камалды. Мурдагы өкмөт башчынын адвокаты Данияр Эркимбаев сот чечимине каршы жогорку инстанцияга даттана турганын журналисттерге маалымдады. Атайын кызмат мурдагы премьер-министрди өкмөт башчы болуп турганда... Читать дальше...
Орусияда оппозициялык саясатчы Алексей Навальныйдын камалышына жана коррупцияга каршы акцияларга суука карабай мурда болуп көрбөгөн санда киши катышты. Байкоочулар нааразылыктын масштабы менен полициянын зомбулугун белгилешет. Элдин мындай жапырт нааразылыгы эмнеден кабар берет?
Ант берип расмий түрдө кызматка киришкен президент Садыр Жапаровдун билдирүүсүн коомчулук кандай кабыл алды? Жапаров алгачкы ишин эмнелерден башташы керек? Ал коомдогу каршылаш саясий топторду бириктирип, консолидация кыла алабы?
Садыр Жапаров Кыргызстандын президентинин кызматына расмий түрдө киришти. Мурдагы президент Алмазбек Атамбаев үй камагына чыгарылган жок. Бишкектин Биринчи май райондук соту кримтөбөл Азиз Батукаевдин абактан мыйзамсыз бошотулушу боюнча ишти карап жатат. Орусияда оппозициячыл саясатчы Алексей Навальныйдын 15ке жакын үзөңгүлөшүнүн үйүндө тинтүү жүрдү.
Ички иштер министринин мурдагы орун басары, президенттик шайлоодо талапкер болгон Курсан Асанов 26-мартка чейин камакка алынды. Бишкек шаарынын Биринчи май райондук соту Асановдун бөгөт чарасын 28-январда карады. Райондук соттун басма сөз кызматы «Азаттыкка» билдиргендей, Курсан Асанов Жаза аткаруу боюнча мамлекеттик кызматтын №1 тергөө абагында кармала турган болду. Анын адвокаты Таалайгүл Токтакунова соттун чечимин мыйзамсыз деп эсептейт. Курсан Асанов Жазык кодексинин 245-беренесинин 1-пункту... Читать дальше...
Москва облустук соту оппозициячыл саясатчы Алексей Навальныйдын адвокаттарынын арызын четке какты. Анда саясатчынын адвокаттары Навальныйды 30 күнгө тергөө абагына камакка алуу боюнча Химки шаардык сотунун чечими мыйзам бузуу менен кабыл алынганын билдиришкен. Арызды караган судья бул жүйөлөрдү негизсиз деп четке какты. Алексей Навальный 17-январда Берлинден Москвага учуп келери менен «Шереметьево» аэропортунда кармалган. Ага карата «Ив Роше» деп аталган иш боюнча шарттуу жаза камакка алууга алмаштырылары айтылып, 30 күнгө камакка алынган. Читать дальше...
Казакстандык саясатчы, 2019-жылы өткөн шайлоодо президенттикке талапкер болгон Амиржан Косанов Кыргызстандын президенти Садыр Жапаровдун алдында чоң жоопкерчилик турганын айтып, геосаясатта кылымдардан бери калыптанган байланыштар сактала берет деген пикири менен бөлүштү.
Кыргызстандын Жогорку соту мурдагы президент Курманбек Бакиевдин инисинин уулу Санжарбек Бакиевдин ишин кайра кароо тууралуу өтүнүчтү канааттандыруудан баш тартты. Бул тууралуу 28-январда «Азаттык» радиосуна мекеменин басма сөз кызматы кабарлады. Санжарбек Бакиев ишти жаңы ачылган жагдайларга байланыштуу кайра кароо тууралуу өтүнүч менен кайрылган. Мурдагы президенттин иниси Жусупбек Бакиевдин уулу Санжарбек Бакиев «2010-жылдын май айында Жалал-Абадда башаламандык уюштурган, бийлик өкүлдөрүнө... Читать дальше...
Борбордук шайлоо комиссиясы (БШК) 2020-жылдын 4-октябрындагы парламенттик шайлоого катышкан бардык 16 партиянын төккөн күрөөсүн толугу менен кайтарып берет. БШКнын эсебинде күрөөдө партиялардын 80 миллион сом каражаты бар. Бул тууралуу «Азаттыкка» БШКнын мүчөсү Абдыжапар Бекматов кабарлады: «Мурда шайлоо боюнча мыйзамдарда шайлоонун жыйынтыгы жокко чыгарылса күрөөнү кайтарып берүү тууралуу нускамалар жок болчу. Жогорку Кеңеш бул багытта мыйзамдарга толуктоо киргизип, 27-январдагы отурумда биринчи окууда кабыл алынды. Читать дальше...
Кыргызстандын алтынчы президенти Садыр Жапаров салтанаттуу түрдө ант берип, кызматка расмий киришти.
Ливиянын Триполи шаарында коронавируска байланыштуу чектөөлөргө каршы чыккан акциянын жүрүшүндө 200дөн ашык адам жабыркады. Бийлик акцияны таратууга армияны тартты. Ливиянын Ички иштер министрлигинин маалыматы боюнча, демонстранттар полицияга жана аскерлерге каршы кадимки гранаталарды, Триполинин мэриясынын имаратына «Молотов коктейлин» ыргытышты. Полиция болсо көздөн жаш агызчу жана желим окторду колдонду. Өлкөдө эң жарды шаарлардын бири болгон Триполиде нааразылык акциялары аптанын башынан бери уланып жатат. Читать дальше...
Бишкектеги 20 чакты мектеп жана бала бакча көмүр отундан газга өткөрүлөт. Бул тууралуу 28-январда баш калаанын мэриясы кабарлады. Мекеменин басма сөз кызматынын маалыматына караганда, шаар бийлиги «Газпром Кыргызстан» ишканасы менен меморандум кабыл алып, «Бишкекжылуулукэнерго» ишканасына караштуу айрым мештерди жаратылыш газы менен жылытууну макулдашты. Меморандум Бишкекте жана Чүйдүн Сокулук, Аламүдүн райондорунда экологиялык абалды жакшыртуу боюнча комплекстүү чаралардын 2021-2023-жылдарга... Читать дальше...
Пакистандын Жогорку соту 2002-жылы «Wall Street Journal» басылмасынын кабарчысы Дэниел Перлди өлтүргөн деп айыпталган теги британдык жаранды камактан бошотууну чечти. Үч адамдан турган соттук коллегиянын эки мүчөсү Ахмед Омар Саид Шейхти түрмөдөн бошотууну колдоду. Лондон Жогорку экономика мектебинин студенти Шейх 2002-жылы кармалып, өлүм жазасына кесилген. Былтыр апрелде сот болуп, өлүм жазасына тартуу боюнча чечим жокко чыгарылып, жети жылга эркинен ажыратууга алмаштырылган. Бул учурда АКШнын бийлиги бул чечимди айыптап... Читать дальше...
Биринчи май райондук соту 28-январда кримтөбөл Азиз Батукаевдин түрмөдөн мыйзамсыз бошотулушу боюнча ишти кароону улантты. Андагы башкы айыпталуучу, мурдагы президент Алмазбек Атамбаевди үй камагына чыгарууну адвокаттары Сергей Слесарев менен Замир Жоошев өтүндү. Сот аны канааттандырган жок. Бул тууралуу Биринчи май райондук соту билдирүү таратты. Сот бул иш боюнча 2020-жылдын июнь айында Атамбаевди 11 жыл 12 айга кескен. 30-ноябрда Жогорку сот ишти кайра кароого жөнөткөн. Атамбаев ушул тапта Бишкектеги №47 колонияда отурат. Читать дальше...
Бишкек шаардык кеңешинин президиуму баш калаанын деталдык пландоо долбоору (ДПД) боюнча маселени кайра карап чыгат. Бул тууралуу 28-январда «Азаттык» радиосуна шаардык кеңештин депутаты Эрнис Докенов билдирди. Докеновдун айтымында, ДПДны мэрия иштеп чыгып, шаардык кеңеш аны бекитип гана берген. Эми соттун чечиминен кийин маселе кайра каралып, эгер ката кеткен болсо ал долбоор жокко чыгарылат, эгер баары туура болсо, апелляциялык арыз жазылат. 27-январда Бишкектин Административдик соту шаардык... Читать дальше...
