Мамлекеттик каттоо кызматынын маалыматына караганда, 2020-жылы Кыргызстанда 40 миңден ашык адам жашоо менен кош айтышкан. Байкоочулар мындай көрсөткүч акыркы он жыл аралыгында катталбаганын белгилешүүдө. COVID-19 вирусунун кесепети 2020-жылы Кыргызстанда 40 001 адам көз жумган. Бул 2019-жылга салыштырмалуу 6 684 адамга көп. 2019-жылы түрдүү себептер менен 33 317 адам көз жумган. 2018-жылы дүйнөдөн кайткан кыргызстандыктардын саны 33 миңден ашкан эмес. Мындай маалыматтар Мамлекеттик каттоо кызматынын сайтына жарыяланды. Читать дальше...
Орус бийлиги АКШны өлкөнүн ички иштерине кийлигишип жатат деп айыптады. Мындай билдирүү 23-январда Орусиянын бир нече шаарында өткөн нааразылык чараларды таратууга күч колдонулганын Европа Биримдиги жана АКШ сындаган соң таратылды. Орус президентинин басма сөз катчысы Дмитрий Песков мамлекеттик “Россия” каналындагы маегинде өлкөнүн Тышкы иштер министрлигинин буга чейинки жүйөлөрүн кайталады. Анда Кремль АКШнын Орусиядагы элчилиги расмий сайтына акциялар өтчү жайлардын тизмесин жарыялап, демонстрацияларды уюштурууну колдоду деген сын айтылган.
АКШ Ооганстандагы тынчтык орнотуу аракети боюнча "Талибан" кыймылы менен келишимди кайрадан карап чыгууну көздөйт. Анда талиб согушкерлери келишимдин алкагындагы милдеттенмелерин канчалык аткарып жатканы каралат. Бул тууралуу Кошмо Штаттардын улуттук коопсуздук боюнча кеңешчиси Жейк Салливан Ооганстандын улуттук коопсуздук боюнча кеңешчиси Хамдулла Мохиб менен сүйлөшкөн учурда белгилүү болду. 2020-жылдын февраль айында кол коюлган келишимге ылайык, 2021-жылдын май айына чейин АКШ Ооганстандан аскерлерин чыгарып кетиши керек. Читать дальше...
Кытай коронавирус инфекциясын жайылтпоо үчүн жаңы чечимдерди кабыл алса, Бразилия жана Норвегиянын бийлиги мутацияланган түрүн токтотуу үчүн чектөөлөрдү киргизди. Бээжинден анча алыс эмес Нангун шаарында 2600 орундуу процедуралык бөлмөлөр ачылды. Буга чейин аймактан вирусту чыгарбоо үчүн бир катар чектөөлөр киргизилген. Кытайдын Улуттук саламаттык сактоо комиссиясы акыркы суткада Хебей провинциясында дагы 24 адам адам вирус жугузганын кабарлады. Бул аймак баш калаа Бээжинге жакын жайгашкан үчүн абдан катуу көңүл бурулууда. Читать дальше...
АКШнын эл аралык телерадиоберүүсүн көзөмөлдөө милдетин алган АКШнын Дүйнөлүк Медиа Агенттигинин (USAGM) башчысынын милдетин аткаруучу Келу Чао (Kelu Chao) жакында дайындалган Эркин Европа / Азаттык үналгысынын президенти Тед Липиенди жана АКШ өкмөтү тарабынан каржыланган дагы эки эл аралык телерадиокомпаниянын (“Эркин Азия” радиосу менен Жакынкы Чыгыш үчүн берүүлөр тармагынын) директорлорун 22-январда кечке жуук кызматтан бошотту. USAGM мекемесинин мурдагы башчысы аларды бул кызматка бир ай мурун гана дайындаган. Читать дальше...
"Чемпион" футболдук академиянын жетекчиси, машыктыруучу Эр-Улан Абдыкеримов Кыргызстан чет элдик футболдук академиялардан керектүү моделди алса болорун айтты.
Орусиянын ондогон шаарларында оппозициячыл саясатчы Алексей Навальныйды бошотуу талабы менен өткөн акцияларда миңдеген адамдар кармалды.
Орусиянын Тергөө комитети Москвада 23-январда камактагы оппозиционер Алексей Навальныйды колдоп чыккан акциялар боюнча бир нече кылмыш ишин козгоду. Мекеменин маалыматына караганда, иштер бийлик өкүлүнө карата күч колдонууга, ээнбаштыкка, мүлктү атайылап талкалоого байланыштуу беренелердин негизинде тергеле баштады. Күч түзүмдөрүнүн ишине байкоо жүргүзүүчү «ОВД-Инфо» тобу бул күнү 3430 адамды полиция кармап кеткенин маалымдады. Навальныйдын бошотулушун талап кылган акциялар ишемби күнү Орусиянын бир нече шаарында өткөн. Читать дальше...
Ысык-Көлдө жол кырсыгына кабылган ырчы Анжелика Кайратова Бишкекке жеткирилип, операция болду, абалы канааттандырарлык. Бул тууралуу 24-январда “Азаттык” радиосуна Бишкек шаардык травматология жана ортопедия илимий-изилдөө борборунун басма сөз кызматкери Назгүл Курамаева билдирди. Анын айтымында, ырчы оорукананын реанимациясына кечээ, 23-январда түшкөн, бүгүн мекеменин жетекчиси Сабырбек Жумабеков чукул операция жасады: “Азыр ал наркоздон чыгууда. Омурткасы жабыркаптыр, азыр калыбына келди. Балтыры да жабыркаган. Читать дальше...
Чыңгыз Айтматовдун "Кайрылып куштар келгенче” аңгемесинде кыргыз тарыхынын эң эле оор учуру сүрөттөлгөн. Катаал жоо айланы кетирип, калктын шаштысын алып турган калтыс кездеги жашоо-тирдик, улуу сөздүн жаралышы, улуттук рух көркөм иликтөөгө алынган. Бул ирет даркан сүрөткердин адабий таберигине кайрылуунун ыңгайы келип турат. Мезгилдүү басылмаларга жарыяланган маектеринин биринде Чыңгыз Айтматов тарыхый темага кайрылып, көлөмдүү чыгарма жазып жатканын ырастаган жайы бар. Негедир андай чыгарма жазылбады. Читать дальше...
Кыргызстанда милиция мончодогу зордуктоо фактысын териштире баштады. Бул тууралуу Ички иштер министрлигинин басма сөз кызматы 24-январда "Азаттык" радиосуна билдирди. Мекеменин басма сөз кызматы бул тууралуу "Баланы зордуктаган шектүүнү издөө иштери жүрүп жатат. Ички иштер органдарына шектүүнү кармоо үчүн багыттамалар берилди. Ички иштер министрлиги ал жакын арада кармалат деп ишенимдүү түрдө билдирет" деп маалымдады. Окуянын күбөлөр чөнтөк телефонго тартып алган видеосу бул күндөрү социалдык түйүндөр аркылуу тарап жатат. Читать дальше...
Кытайда эки апта мурда алтын шахтасында болгон авариядан кийин жер алдында камалып калган 22 кенчинин 11и куткарылды. Бүгүн, 24-январда “Синхуа” агенттиги кабарлагандай, алар ооруканага жеткирилди. Кырсык 11-январда Шандун провинциясында катталган. Жарылуу болгон учурда шахтанын ичинде 22 жумушчу бар болчу. Куткаруучулар алардын 12си менен байланышка чыга алган, кийин бирөө көз жумган. Калган 10 кенчинин тагдыры белгисиз бойдон калууда. (RK)
Бүгүн, 24-январда Бишкекте кезектеги "Мыйзамдуулук үчүн!" тынчтык маршы болуп өттү. Уюштуруучулар "Азаттык" радиосуна билдиришкендей, акцияга отуздай адам катышты. Алар Темир жол вокзалынын алдына чогулуп, жүрүшүн адаттагыдай эле Ала-Тоо аянтынан жыйынтыкташты. Акцияда Кыргызстанда коррупциянын жоюлушу, мыйзамдуулуктун орношу тууралуу талаптар коюлуп, Орусиядагы соңку митингдерди колдогон ураандар да айтылды. "Баштан башта" кыймылы демилге кылган "Мыйзамдуулук үчүн!" тынчтык марштары 2020-жылдын... Читать дальше...
25-январда Кыргызстандын аймагында жаан-чачын жаабайт. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй жергесинде түнкүсүн -7...-12, күндүз -1…-6; Талас облусунда түнкүсүн -8...-13, күндүз 0…-5; Баткен, Ош, Жалал-Абад дубандарында түнкүсүн -7…-12, күндүз -1…+4; Ысык-Көл облусунда түнкүсүн -11…-16, күндүз -1…-6; Нарын облусунда түнкүсүн -18…-23, күндүз -5…-10; Бийик тоолуу аймактарда түнкүсүн -24…-29, күндүз -7…-12 градус болот. Читать дальше...
Спортчулар UFC 257 мелдешинин башкы беттешинде кезиккен. Америкалык мушкер кармаштын экинчи раундунда бир катар соккулары менен таамай тийип, атаандашын техникалык нокаутка түшүрдү.
Баткен шаарынын Кызыл-Жол кварталынын 45 жаштагы тургуну Мактым Кожонова үйүнөн 2020-жылдын 23-ноябрында кечинде чыгып кеткен бойдон дайынсыз болуп жаткан. Бир айга жакын уланган издөө иштерине милициядан, куткаруучулардан жана айылдаштарынан 200дөн ашык адам тартылган. Бүгүн, 24-январда анын сөөгү өзү жашаган короого жакын жерден, жапайы бадалдардын арасынан табылганын «Азаттык» радиосуна жакындары билдиришти. Укук тартибин коргоо кызматкерлери окуя болгон жерди изилдеп, сөөктү атайын экспертизадан өткөрүү үчүн алып кетишти. Читать дальше...
АКШнын Мамлекеттик департаменти Кытайды Тайванга карата басымын токтотууга чакырды. Мекеменин расмий өкүлү Нед Прайстын 24-январдагы билдирүүсүндө “Биз Пекинди Тайванга аскердик, дипломатиялык жана экономикалык басым жасоону токтотуп, анын ордуна демократиялык жол аркылуу шайланган өкүлдөрү менен конструктивдүү диалог баштоого чакырабыз” деп айтылды. Андан бир аз мурдараак Тайван бийлиги Кытайдын сегиз бомбалоочу жана төрт тик учагы түштүк-чыгыштагы белги коюлган аймагына киргенин маалымдаган.... Читать дальше...
Жалал-Абад облусунун Чаткал районундагы “Эти Бакыр Терек-Сай” ишканасында түзүлгөн кырдаалдын кесепети ыкчам жоюлду, жергиликтүү элдин жашоосуна жана айлана-чөйрөгө коркунуч жок. Бул тууралуу 24-январда “Кыргызалтын” ишканасынын басма сөз кызматы кабарлады. Мекеменин маалыматына караганда, окуяга байланыштуу “Кыргызалтындын” жетекчилигинен жана тийиштүү адистерден турган ыкчам штаб түзүлгөн. Сууну сордуруп алуучу насос оңдолуп, тоонун боорунда калыбына келтирүү иштери жүрүп жатат. Кырдаал жөнгө салынып, ишкананын көзөмөлүндө турат. Читать дальше...
Көптөн бери күтүлгөн беттеш эки раундга созулду. Экинчи бөлүктө америкалык мушкер кубаттуу соккусу менен таамай тийди.
Кыргызстандын коронавируска каршы республикалык ыкчам штабынын бүгүнкү, 24-январдагы маалыматына караганда, кечээтен бери бул илдеттен эки киши каза болду. Алар экөө тең Бишкек шаарынын тургундары болчу. Жалпысынан көз жумгандардын саны 1400 адамга жетти. Соңку бир күн ичинде вирус дагы 104 адамдан табылды. Алардын эң көбү Чүй (43) облусунда жана Бишкек шаарында (35). Оору жуккандардын жалпы саны 83 900 кишиге жетти. Бир күндө 155 адам айыгып чыкты. Азыр ооруканада 676 адам жатат, дагы 967 бейтап үйдөн дарыланууда. Читать дальше...
Махмуд Мурадов атаандашы Эндрю Санчезди ээк тушка бир коюп, ал термелип, кулабай араң калды. Өзбекстандык мушкер тизе менен дагы бир ирет тээп чабуулду улантканда калыс беттешти токтотту.
Бириккен Улуттар Уюмунун (БУУ) адам укуктары боюнча кеңсеси Кыргызстанга адам укуктарын жана эркиндиктерин коргоого көмөктөшөт. Бул маселе 23-январда Бишкекте вице-премьер-министрдин милдетин аткаруучу Элвира Сурабалдиеванын аталган уюмдун Борбор Азия боюнча аймактык бөлүмүнүн башчысы Ришард Коменда менен жолугушуусунда талкууланды. Кыргыз өкмөтүнө караштуу Адам укуктары боюнча координациялык кеңешти жана адам укуктары жаатында иштеген башка да мамлекеттик органдарды күчтөндүрүү, жаштар үчүн аймактык борбор ачуу... Читать дальше...
Туура диний жана илимий аң-сезимдин калыптануусунда «керемет окуя» түшүнүгүн талдоо – олуттуу мааниге ээ. Элмурат Кочкор уулунун «керемет окуя» түшүнүгүнө карата сереби ушул темага арналат.
Кыргызстандын жеңил атлетика боюнча улуттук курама командасынын мүчөсү, Кыргызстандын көп жолку чемпиону Гүлшанай Сатарова - үй-бүлө менен спорт тизгинин тең кармап бараткан спортчу айымдардын бири. Азия оюндарынын күмүш байгесинин ээси, бир нече эл аралык мелдештин жеңүүчүсү Сатарова турмушка чыккандан кийин да спортту таштабаган аз гана кыз-келиндердин катарында турат. Ал 2019-жылы Малайзиянын Куала-Лумпур шаарында өтүп жаткан эл аралык Гран-при жарышында 800 метр аралыкка чуркап алтын байге алган. Читать дальше...
Улуу Британиянын өкмөтү коронавирус көп жайылган өлкөлөрдөн барган бардык адамдарды 10 күн карантинде кармоо тууралуу чечим кабыл алганы жатат. Daily Mail басылмасы билдиргендей, министрлер кабинети азыр мындай өлкөлөрдөн баргандарды өзүнчө мейманканага жайгаштыруу боюнча план түзүүдө. Чечим дүйшөмбүдө кабыл алынат. Ошону менен катар британ өкмөтү локдаун тууралуу мыйзамдардын мөөнөтүн узартып, жергиликтүү бийликке 17-июлга чейин ресторан-дүкөн жана башка коомдук жайларды убактылуу жабууга укук берди. Читать дальше...
