Иҳаҩсыз уахыки-ҽнаки рыла COVID-19 рылоу ирыламу аилкааразы 484-ҩык атестқәа рзыҟаҵан, урҭ рахьтә 58-ҩык акоронавирус рцәа ишалаз аадырԥшит.
Гәдоуҭа иҟоу ҽынлатәи астационар амедиеҳәшьа Сусанна Џьапуаԥҳа арадио Sputnik аефир аҿы еиҭалҳәеит COVID-19 змоу егьырҭ ачымазҩцәа излареиԥшым атәы.
Асоциал-економикатәи аполитикатәи рҭагылазаашьеи, атәыла арратә мчқәа рырӷәӷәареи азҵаарақәа далацәажәеит Ахада ауаажәларратә усзуҩцәа рԥылараан.
Аԥсуа енергетика шәарҭарыда аус аурц азы 21 миллиард мааҭ еиҵамкәа аԥара аҭахуп.
Урыстәыла ахада Владимир Путин цәыббра 23 2019 шықәса рзы анапынҵа ҟаиҵеит ареспублика ашәарҭадаразы Аԥсны Арратә мчқәа рмодернизациа аԥаразоужьра мҩаԥгазарц азы аиқәшаҳаҭра анапаҵаҩразы.
Аԥсны Жәлар рартистка Нора Аџьынџьал арадио Sputnik аефир аҿы илҳәеит зыԥсҭазаара иалҵыз Уасил Царгәыш иҟамзаара - аԥсуа ҟазаразы ишцәыӡ дуу.
Аԥсны ахада Аслан Бжьаниа имоу аинформациала 2017 шықәса раахыс атәыла аенергетика есышықәса иақәхарџьын 215 миллион мааҭ.
Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.
Аԥсны Ахада Аслан Бжьаниа ажьырныҳәа 29 рзы "Ахьтәы Парламент" адепутатцәа идикылеит.
Аԥсны атәанчахәытә фонд ахантәаҩы Денис Гәылариа арадио Sputnik аефир аҿы еиҭеиҳәеит аԥсуа тәанчахәыи ацхыраагӡақәеи рызшәаразы иҟоу аиҵахарақәа зыхҟьаз.
Аԥсны Ахылаԥшратә палата 2014 шықәса раахыс аусура аихшьаалақәа ҟанаҵеит. Аревизиатә усбарҭа иаанарԥшыз аекономикатә цәгьоурақәа аҳәынҭқарра миллиардла аԥхасҭа арҭеит.
Аслан Бжьаниа Апарламент ахь инеишьҭыз "амаининг хархәагақәа рымхреи, закәаншьаҭада рхархәараз ашьаус аартреи" рзы азакәан апроект дшазыҟоуи, амаининқәа русура иахҟьаны афымцатә система иаиуз анырреи ртәы дазааҭгылоит Sputnik аколумнист Елеонора Коӷониаԥҳа.
Аԥсны ахада Апарламент ахь инеишьҭит амаининг хархәагақәа рымхреи, закәаншьаҭада рхархәараз ашьаус аартреи рзы азакәан апроект. Иазыхиоума уи адкылара, аус ауны иҟалома, абри атәы арадио Sputnik аефир аҿы игәаанагара иҳәеит Жәлар реизара адепутат Илиа Гәниа.
Аретро-дәыӷба "Шәача" Аԥсныҟа иаауеит 2020 шықәса нанҳәамза аахыс. Ареисқәа ирыцнаҵеит аӡын аамҭазгьы.
83-шықәса дшырҭагылаз иԥсҭазаара далҵит Аԥсны Жәлар рартист, Аԥсны ашәаҳәареи акәашареи рҳәынҭқарратә ансамбль уаанӡатәи асахьаркыратә напхгаҩы, аорден "Ахьӡ-Аԥша" II аҩаӡара занашьаз, Дырмит Гәлиа ихьӡ зху Аҳәынҭқарратә премиа алауреат Уасил Царгәыш.
