Иҳаҩсыз уахыки-ҽнаки рыла COVID-19 рылоу ирыламу аилкааразы 543-ҩык атестқәа рзыҟаҵан, урҭ рахьтә 148-ҩык акоронавирус рцәа ишалаз аадырԥшит.
COVID-19 зыдбало Аԥсны аԥыза-министр Александр Анқәаб ихәышәтәразы урыстәылатәи ахәышәтәырҭахь ддәықәҵахоит ҳәа аҳәамҭа ҟаҵан ажырныҳәа 7 рзы. Иара москватәи ахәышәтәырҭақәа руак аҟны дышьҭаҵоуп.
Аексперименталтә патологиеи атерапиеи рыҭҵааратә институт аекскурсиа аҟәша аиҳабы Альдона Салаҟаиаԥҳа арадио Sputnik аефир аҿы еиҭалҳәеит аныҳәатә ԥсшьарамшқәа рзы ҳтәыла иаҭаауа аԥсшьаҩцәа амаамынааӡарҭа азҿлымҳара ахьынӡарҭо атәы.
АУН "Амшынеиқәафымцамч" анапы ианҵоуп Аҽгәаратәи авольтҳарак цәаҳәа аремонттә усурақәа асметақәа иактуалу ахәԥсақәа рыла еиқәдыршәарц.
Аҽгәаратәи авольтҳарак фымцацәаҳәа ареспублика зегьы лашарала еиқәнаршәоит ЕгрыГЕС аҟынтәи ишиашо 220 вольт аашьҭуа.
Гәдоуҭа араион ақыҭанхамҩа аҟәша аиҳабы Иури Кәарцхьиа арадио Sputnik аефир аҿы еиҭеиҳәеит абылрақәа адгьыли аԥсабареи иааизакны ишырныԥшуа атәы.
Ажәлар рамзартә гәаҭагақәа рыла амш, мамзаргьы аамҭа зеиԥшрахо еилзырго аԥсабара ирнаҭо адыргақәа шеилыркаауа атәы Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа лматериал аҿы.
Аҵарауаҩ, афилологиатә ҭҵаарадыррақәа ркандидат, аԥсуа литература акафедра адоцент, апоет, аиҭагаҩ, Аԥсны Иреиҳау ашкол зҽаԥсазтәыз аусзуҩы, Аԥсны Аџьынџьтәылатә еибашьра аветеран Лиудмила Хьыбба 67 шықәса дшырҭагылаз лыԥсҭазаара далҵит.
Аԥсны ахада Аслан Бжьаниа ареспубликаҿы аҭыԥ змоу амцакрақәа рҭагылазаашьа зеиԥшроу азы иааԥмырҟьаӡакәа аинформациа ииҭоит аҭагылазаашьа ҷыдақәа рзы аминистр Лев Кәыҵниа.
Гагра араион иҟоу амца аҽеиҩнашеит, амцакрақәа аҭыԥ рымоуп ақалақь ашьхара иахьаԥнуи амшын азааигәареи, аҩнқәа рҟынӡа инаӡеит, 100 метрак иааигәаны.
Ажьырныҳәа 7 рзы, Гагра, Жәаҩакәара аҩхаа абнарақәа рҟны иҟаз амцакра аҽарцәгьеит. Амцакрақәа аҩнқәа рҟынӡа инаӡеит, 150 метра инареиҳаны.
Аԥсны Аҭагылазаашьа ҷыдақәа рминистрра амцарцәаҩцәа ирылшеит ареспубликаҿы иҟаз амцакрақәа рҭыԥыркра, ажьырныҳәа 7 ахәылбыҽха.
Аекологиа аинститут Роман Дбар арадио sputnik аефир аҿы еиҭеиҳәеит 2020 шықәса рзы атәылақәа зегьы рҿы аҭыԥ змаз апандемиа аԥсабара анырра шанаҭаз атәы.
Аԥсны иҟоу Урыстәыла Ацҳаражәҳәарҭа Аконсултә ҟәша аныҳәақәа раан ауааԥсыра рыдкылара ааннакылоит ҳәа адырра ҟанаҵахьан, ԥхынҷкәын 28 инаркны ажьырныҳәа 10-нӡа. Уи аԥхьа Аконсултә ҟәша аҭааҩцәа рыдыркылон иҷыдоу аграфик ала.
