افغان چارواکي وايي امريکايان د طالبانو سره سياسي روغې جوړې ته تر بل هر وخت ډېر نيزدي دي. دوی زياتوي چې امريکايانو ورسره د هغه هوکړه ليک متن شريک کړی چې دوی د طالبانو سره موافقې لپاره تیار کړی دی.
اپوزېشن ګوندونو د پاکستان تحريک انصاف پر حکومت يو ځل بيا تور پورې کړی چې د جمهوريت خلاف د سازش په کولو سره مخالف سياستوال خاموشه کوي.
پاکستان د کرېکټ نړیوال جام سیالیو نیمه پایلوبې ته بریالی نشو خو پاکستانیانو دا لوبه تر یونانه رسولې. یونانیان خپله د فوټبال مینه وال دي، خو په کوڅو کې یې اوس کرېکټ لوبه هم تر سترګو کېږي. په اړه یې د رویټرز اژانس ویډیويي رپورټ.
پراګ د چېک جمهوریت پلازمېنه او تاریخي ښار دی. په دې ښار کې یو پخوانی ډبرین پل دی چې شاوخوا شپږ نیم سوه کاله پخوانی دی. دا پل دومره پیاوړی دی چې څو ځلې سېلاوونو هم و نه نړولی شو. په دې ویډیويي رپورټ کې مو د پراګ او د چارلس پله چکر درکوو.
د سوات له کالام سره ایسمڅ (ايزمس) ډنډ چې له سمندره یې کچه يولس زره فوټه اوچته ده، د خپلې ښکلا له وجې په دوبي/اوړي کې ورته سېلانيان رامات وي. د مشال راډيو خبريال نياز احمدخان یې ويډيو راپور تیار کړی.
د بلوچستان صوبې په مرکز کوټه کې هزاره ګان بیا بیا د تندلارو وسله والو ډلو لخوا تر هدفي بریدونو لاندې وي چې له کبله یې دوی د خپلې ژغورنې لپاره پر خپلو مېنو دېوالونه راجار اېستلي دي.
د قطر په دوحه کې د افغانستان سیاستوالانو، فعالانو او طالب استازیو ترمنځ د سولې پر لارو چارو بحثونه دوام لري چې نن دوشنبه به یې ګډه اعلامیه په ډاګه شي. د قطر او جرمني په کوربه توب دا خبرې د جولای پر اوومه پیل شوې وې. په دغه غونډه کې په افغانستان کې پر ورستیو خونړیو بریدونه هم تاوده بحثونه شوي تفصیل یې په دې ویډیو راپور کې واورئ.
د باچا خان تعلیمي بنسټ تر سیوري لاندې د جولای پر اوومه نېټه په کوټه کې یو سېمېنار وشو چې پکې د ولي خان پوهنتون مردان یوه پروفېسر ډاکټر سهېل خان د تعلیم په برخه کې د باچا خان پر هلوځلو رڼا واچوله شوه. له کوټې د ایوب ترین ویډيو.
اصیله وردګ وايي د غونډې ګډونوالو طالبانو ته وویل چې خلک له تشدده "بېزاره او خپه" دي. نوموړې دا څرګندونې پر داسې مهال کړې دي چې د اتوار پر ورځ په غزني
د مریم نواز وينا وه د نوازشريف قصور دا وو چې د هغه هيڅ قصور نه وو. نوازشريف ته ځکه سزا ورکول کېږي چې هغه د ولس لپاره ږغ پورته کړی وو.
د پروان ولایت چارواکي هغه درنې وسلې چې د پخواني شوروي اتحاد له جګړې پاته دي د ویلولو لپاره یې کارخانو ته استوي. خو د دې ولایت او د شمالي ولایتونو اوسېدونکي یې مخالفت کړی. د ازادي رآډیو خبریال احمد هنایش ویډیويي راپور ایډیټ: ذکریا صفري
