Дар Хуҷанд таҳқиқи сӯхтори охири ҳафтаи гузашта дар наздикии бозори Панҷшанбе сар шудааст. Субҳи 9-уми декабр дар бинои ҶДММ-и Шарқ, ки якчанд фурушгоҳу коргоҳҳои дӯзандагӣ ва меҳмонхонаро дар бар мегирад, сӯхтор сар зад ва зиёни калон овард. Ҳоло нисфе аз тоҷирону коргарони он бекор мондаанд.
Бузургмеҳр Ёров, як ҳуқуқшиноси шинохта ва зиндонӣ дар Тоҷикистон бо иттиҳоми риоят накардани қоидаҳои маҳбас ва нофармонӣ танбеҳи сахт гирифтааст. Бародараш ба Радиои Озодӣ гуфт, додгоҳ амр додааст, то Бузургмеҳр Ёров ду соли дигари ҳукмашро дар муассисаи ислоҳии низомаш сахттар адо кунад.
Узбекистонро дар нимаи аввали моҳи декабр бӯҳрони энергетикӣ фаро гирифт. Нуқтаҳои фурӯши сӯзишворӣ дар ин кишвар соатҳо аз кор монданд ва дар назди онҳо навбатпоиҳои тӯлонӣ мушоҳида мешуд. Сархатиби шаҳри Тошканд Раҳматулло Сайфиддинов дар авҷи ин буҳрон мардумро ба шукрона ва сабр даъват кард. Ӯ бо зикри ин ки "бобоёни мо бе барқу газ зиндагӣ мекарданд" аз сокини Узбекистон хост, то "кишварро дар пеши назари ҷаҳониён беобрӯй накунанд". "Тарсу воҳима ва бетартибию эътирозҳо мушкилотро ҳал намекунад", - изҳор дошт руҳонӣ. Читать дальше...
Як гуруҳ аз фаъолони боздоштшудаи қирғизистонӣ дар робита ба "парвандаи Кампиробод" муроҷиатномаеро ба унвонии созмонҳои ҳомии ҳуқуқи байналмилалӣ ва ҷомеаи кишвари худ нашр карданд. Зери ин муроҷиатнома Клара Сооронқулова, Рита Карасартова, Перизат Суранова ва Орозайим Нарматова имзо гузоштаанд. Фаъолон гуфтаанд, бо далели "таъқибҳои густурдаи сиёсӣ, ки парвандаҳои сохтаи ҷиноӣ, ноадолатӣ ва беқонуниро нисбат ба доираи васеи сиёсатмадорон, рӯзноманигорон ва фаъолони мадании Қирғизистон дар пай доранд... Читать дальше...
Дар як феҳрасти журналистони зиндонӣ исми Тоҷикистон дар миёни 12 кишваре ёд мешавад, ки бештар аз ҳама хабарнигоронро паси панҷара андохтааст.
Созмони байналмилалии "Хабарнигорони Бидуни Марз" (Reporters Without Borders) мегӯяд, соли равон дар саросари ҷаҳон 57 корманди расонаҳо кушта шудааст, ки назар ба соли гузашта 19 дарсад бештар аст.
Мақомоти шаҳри Маскави Русия марги духтари донишҷӯи тоҷик, ки ҷасадаш рӯзи 9-уми декабр аз зери чархи қатор пайдо шуда буд, таҳқиқ доранд.
Бино ба гузориши бахши узбекии Радиои Озодӣ, Узбекистон дар ҳолати бӯҳрони энержӣ қарор дорад. Бо расидани сармову барф, дар бисёре аз гушаҳои кишвар гази корхонаҳоро қатъ кардаанд, то аҳолиро таъмин намоянд. Бинобар ин корхонаҳои зиёде ё ба кор бо ангишт гузаштаанд ё бекор мондаанд.
Ҳукумати Тоҷикистон гуфтааст, дар муддати 3 сол дар сафи неруҳои мусаллаҳ бештар аз 100 сарбоз ба ҳалокат расидаанд.
Мирзод Сӯфиев, паҳлавони тоҷик, дар аввалин мусобиқоти қаҳрамонии ҷаҳон оид ба гуштии курес (кураш)-и қазоқӣ, ки дар Қасри Жақсилик Ушкемпирови шаҳри Остона, пойтахти Қазоқистон, ҷараён дорад, медали тило ба даст овард.
Бино ба мушоҳидаҳои як муассисаи Созмони Милал қимати орд ва равғани растанӣ дар бозорҳои Тоҷикистон, дар муқоиса ба ҳафтаи гузашта, 2 дар сад поин омадааст.
Дар Хуҷанд таҳқиқи сӯхтори охири ҳафтаи гузашта дар наздикии бозори Панҷшанбе сар шудааст. Субҳи 9-уми декабр дар бинои ширкати "Шарқ" ки якчанд фурӯшгоҳу коргоҳҳои дӯзандагӣ ва меҳмонхонаро дар бар мегирад, сӯхтор сар зад ва зиёни калон овард.
Кумитаи дифоъ аз хабарнигорон аз зиндонӣ шудани рӯзноманигор Улфатхонум Мамадшоева ва блогер Хушрӯз Ҷумъаев нигаронӣ карда, ҳукми онҳоро “ваҳшатнок” хонд. Ин Кумита дар изҳороте аз ҳукумати Тоҷикистон талаб кард, ки рӯзноманигоронро фавран озод карда, таъқиби намояндагони ВАО-ро қатъ кунад.
Бештар аз сад кас - намояндагони қишри зиёии Қирғизистон, ходимони санъату фарҳанг, олимон, фаъолон ва рӯзноманигорон аз вазъи атрофи бахши қирғизии Радиои Озодӣ нигаронӣ карданд. Дар муроҷиатномаи ин афрод ба унвонии президенти Қирғизистон Содир Ҷабборов ва дигар мақомдорон омадааст, "бастани сомона ва суратҳисоби бонкӣ на ба Конститутсия мутобиқат дорад ва на ба қонунҳои дигар". "Набояд фаромӯш кард, ки Радиои Озодӣ дар таърихи 70 соли фаъолияташ дар шаклгирии истиқлоли Қирғизистон нақш доштааст... Читать дальше...
Аз 10 декабри соли 2022 то 1 марти соли 2023 дар Узбекистон андози аксиз барои бензини навъи АИ-80 бекор шудааст. Ба навиштаи расонаҳои Узбекистон, баъди бекор шудани аксиз навъи бензини АИ-80 дар нуқтаҳои фурӯши сӯзишворӣ 8,7% арзон шудааст. Ба ҳисоби коршиносон, буҷаи Узбекистон аз ҳисоби бекор шудани аксиз барои бензини навъи мазкур ҳудуди 19 млн. долларро аз даст медиҳад. Акнун як литр бензини навъи АИ-80 дар Узбекистон 0,5 доллар - муодили 5 сомонӣ - фурӯхта мешавад. Ба ин тартиб, баъди... Читать дальше...
Дастаи мунтахаби Аргентина, ки дар бозии аввали ниманиҳоии Ҷоми ҷаҳонии футбол-2022 дар Қатар тими миллии Хорватияро бо ҳисоби бузурги 3:0 шикаст дод, ба финали мусобиқот роҳ пайдо кард.
Дар шаҳри Кӯлоб сокинони маҳаллаи наздики рӯдхонаи Девонасой аз сифати соҳилбандӣ розӣ нестанд. Ба гуфтаи онҳо, сели ахир сифати пасти корро нишон дод, ки он ҳам нотамом мондааст. Ҳоло мардум метарсанд, ки мабодо баҳор сели бузургтар биёяду мисли солҳои пеш хонаҳояшонро вайрон кунад.