Порлумони Индонезия Кодекси нави ҷиноии ин кишварро қабул кард, ки алоқаи ҷинсиро бидуни издивоҷ, аз ҷумла барои сайёҳон манъ мекунад
Дар боздоштгоҳи муваққатии шаҳри Оши Қирғизистон ҷасади ду гумонбар ба таҷовузи духтари 14-соларо пайдо кардаанд. Масъулини боздоштгоҳ гуфтаанд, онҳо худкушӣ кардаанд. Додситонӣ дар робита ба ин қазия барои хунукназарӣ алайҳи чанд кормандони муассиса парвандаи ҷиноятӣ боз кардааст.
Вакилони тоҷик аз барномае ҷонибдорӣ кардаанд, ки бар асоси он Тоҷикистон ният дорад, соли оянда аз хориҷа бештар аз 300 миллион доллар қарз гирад. Ин дар ҳоле ки дар кишвар нигарониҳо аз афзоши қарзи хориҷӣ зиёд садо медиҳад.
Ҳукумати Тоҷикистон ният дорад, ки соли оянда аз созмону кишварҳои хориҷӣ беш аз 300 миллион доллар қарз бигирад. Дар умум Тоҷикистон беш аз се миллиард доллар қарздор аст. Коршиносон ин қарзи бузургро барои ояндаи кишвар хуб намедонанд.
Ҷасади сардори қитъаи шаҳрии маркази барқу гармидиҳии шаҳри Экибастузи Қазоқистон Сергей Видлогро пайдо карданд. Дар ин шаҳр аз охири ҳафтаи гузашта низоми гармидиҳӣ гирифтори мушкил шудааст. "Рӯзи 4 декабр, соати 21.25 дақиқа дар "гараж"-и ҷамъияти "Пушти фармон" дар дохили мошини навъи "ВАЗ-21099" ҷасади Видлог С.В., соли таваллудаш 20 августи 1989, сардори маркази барқу гармидиҳӣ, пайдо шуд", - хабар додаанд расонаҳои Қазоқистон. Дар хабарҳо омадааст, ки дар ҷасади Видлог нишонаҳои марги маҷбурӣ дида намешавад. Читать дальше...
Як блогери фаъоли мухолифи ҳукумати Тоҷикистон иддао дорад, ки мақомоти тоҷик барояш шарт гузоштанд, ки агар аз фаъолиятҳояш даст накашад, ба бародараш иҷозаи баргузории туйро нахоҳанд дод.
Женишбек Токторбоев, вакили порлумони Қирғизистон лоиҳаи тағйиру иловаҳо ба қонун "Дар бораи кафолатҳои фаъолияти президенти Қирғизистон ва президентҳои пешин"-ро таҳия кардааст. Вакил гуфт, бо ҳадафи истифодаи оқилонаи маблағҳои буҷа ва амволи давлатӣ пешниҳод мешавад, ки имтиёзҳои моддии президентҳои пешин кам карда шаванд. "Ҳоло президентҳои пешин дар тамоми тӯли зиндагиашон бо муҳофизони давлатӣ таъмин ҳастанд, ба онҳо манзили давлатӣ, нақлиёти давлатӣ, хадамоти тиббии давлатӣ дода мешавад... Читать дальше...
Нозири минтақавӣ аз вилояти Фарғонаи Узбекистон, ки дар қимор 4 ҳазор доллар бохта буд, аз таппонча "худро паррондааст". "Муайян карда шуд, ки ин корманди пулис моҳи август 45 миллион сӯм - муодили 4 ҳазор доллари ИМА-ро дар қимор бохтааст. Масъалаи қарз ҳал шуда, аммо нисбати вай ҷазои маъмурӣ таъйин карданд", - омадааст дар хабари пулиси вилояти Фарғона. Ҷасади нозир А.У. рӯзи 6 декабр дар дохили мошинаш пайдо шуд.
Ҳамасола дар Тоҷикистон бештар аз 13 ҳазор хонавода аз ҳам мепошад. Маъмулан, таъмину тарбияи фарзандони ин хонаводаҳо ба зимаи модарон мемонад. Модароне, ки худ дастнигару ниёзманданд, тамоми бори рӯзгорро ба танҳоӣ бар дӯш мегиранд.
Дар Туркманистон як қисми маоши омӯзгоронро барои кӯдакони талбанда медиҳанд. Дар ин бора дар нишасти ҳукумати шаҳри Туркманбошӣ ба масъулини шӯъбаҳои маориф дастур шудааст.
Макони зисти 12 муҳоҷири тоҷик дар шаҳри Маскав оташ гирифтааст. Ҳодиса нисфирӯзии 5-уми декабр дар маҳаллаи ба номи Пушкини пойтахти Русия рух дод. Як тан аз муҳоҷирон, ки нахост номашро зикр шавад, бо ирсоли видео ба Радиои Озодӣ гуфт, ки либосу дигар ашёи рӯзгорашон дар ин сӯхтор нобуд шуд, вале худашон осеб надиданд. Ӯ гуфт, ки лаҳзаи сӯхтор онҳо дар кор буданд ва намедонад, ки оташсӯзӣ дар манзили онҳо аз чӣ сар задааст. Маъмурони идораи сӯхторхомушкунӣ ба муҳоҷирон гуфтаанд, ки сӯхтор... Читать дальше...
Алихон Муҳаммадӣ, сухангӯи ситоди амри маъруф ва наҳйи мункар дар Эрон гуфтааст, ки масъулияти ин ниҳод барои назорат бар ҳиҷобпӯшӣ ба поён расид, вале назорати иҷрои қоидаҳои ҳиҷобпӯшӣ бо шеваҳои дигар сурат хоҳад гирифт.
Дар мусобиқаи байналмилалии ҷудо Jerusalem Masters 2022, ки рӯзҳои 20-22-юми декабр дар шаҳри Иерусалими Исроил баргузор мешавад, Тоҷикистонро се варзишгар намояндагӣ хоҳад кард. Ба иттилои сомонаи расмии Федератсияи байналмилалии ҷудо (IJF), дар ин мусобиқа дар ҳар вазн варзишгарони пешқадам тибқи мавқеашон дар феҳристи ҷаҳонӣ ширкат меварзанд. То ҳоло барои иштирок дар ин мусобиқа 314 варзишгар (150 мард ва 164 зан) аз 55 кишвари панҷ қораи ҷаҳон номнавис шудаанд, аммо дар байни онҳо гуштигирони Ҷопон, ватани ҷудо, нестанд. Читать дальше...
Сухангӯи Вазорати умури дохилии Қазоқистон Шугила Турлибек гуфт, мудири боздоштшудаи гуруҳи ширкатҳои "БИПЭК авто — Азия авто" дар Чехия таҳти пайгарди қонунии байналмилалӣ қарор дошт. "Яке аз мудирони гуруҳи ширкатҳои "БИПЭК авто — Азия авто" бо дархости Бюрои миллии Интерпол дар Қазоқистон дар шаҳри Прагаи Чехия боздошт шудааст. Ӯро Департаменти ҷиноятҳои иқтисодии Қазоқистон бо гумони қаллобӣ дар ҳаҷми махсусан калон ҷустуҷӯ мекард", - изҳор дошт Турлибек рӯзи душанбе дар як нишасти хабарӣ дар Остона. Читать дальше...
Барои такмил кардани лоиҳаи қонун дар бораи воситаҳои ахбори омми Қирғизистон, ки аз сӯи дастгоҳи президенти ин кишвар ба баррасии умум пешниҳод гаштааст, як гуруҳи корӣ ташкил шуд. Ба ҳайати гуруҳ рӯзноманигорон, коршиносони ВАО, ҳуқуқшиносон, панҷ намояндаи дастгоҳи президенти Қирғизистон, аз ҷумла сардори идораи таъминоти ҳуқуқӣ Мурод Укушев шомил шудаанд. Хадамоти сиёсати иттилоотии дастгоҳи президенти Қирғизистон охирҳои моҳи сентябри имсол лоиҳаи мазкурро ба муҳокимаи умум пешниҳод карда буд. Читать дальше...
Кумитаи дахлдори порлумони Қирғизистон 5 декабр созишномаеро имзо кард, ки убури шаҳрвандони ин кишвар ва Узбекистонро аз марзҳои якдигар осон мекунад. Муовини вазири умури хориҷии Қирғизистон Ойбек Артибеков дар ҷаласаи кумита гуфт, тибқи ин созишнома шаҳрвандони ду давлат метавонанд бо "ID-корт" ба кишварҳои ҳамдигар сафар кунанд. "Шаҳрвандоне, ки синашон аз 16 поин аст, ҳангоми гузаштан аз марз бояд шиносномаи хориҷӣ дошта бошанд. Дар ин бора 9 декабр дар ҷараёни сафари президенти Узбекистон... Читать дальше...
Сокинони шаҳри Тошканди Узбекистон дар шабакаҳои иҷтимоӣ шикоят доранд, ки дар панҷ бинои 12-ошёнаи зист дар кӯчаи Нуқуси пойтахт низоми гармидиҳӣ кор намекунад. "Аллакай се рӯз мешавад, низоми гармидиҳӣ дар 12-ошёнаҳои воқеъ дар кӯчаи Нуқус кор намекунад. Хонаҳо сард аст ва "Таштеплоэнерго" танҳо як посух - "фишор нест" дорад. Барои ҳалли ин мушкил бояд ба куҷо муроҷиат кард? Ҳоло аввали зимистон аст", - навиштааст яке аз сокинони баландошёнаҳои Тошканд дар шабакаи иҷтимоии Фейсбук. Расонаҳо рӯзи 4 декабр хабар доданд... Читать дальше...
Дастаҳои мунтахаби Хорватия ва Бразилия, ки рӯзи душанбе, 5-уми декабр, дар бозиҳои даври 1/8-ниҳоии Ҷоми ҷаҳонии футбол-2022 дар Қатар рақибонашонро мағлуб карданд, ба чорякфинали мусобиқот роҳ ёфтанд.
Пулиси шаҳри Алматои Қазоқистон рӯзи 5-уми декабр, дасти кам чаҳор фаъоли маданиеро, ки раҳоии наздикони худро аз боздоштгоҳҳои минтақаи Шинҷони Чин талаб мекарданд, боздошт кард.
