Қосимҷомарт Тоқаев, президенти Қазоқистон, барои баргардондани маблағҳое, ки "ғайриқонунӣ ба хориҷ бурда шудаанд", комиссия таъсис дод.
Русия аз 14-уми июн манъи вуруди узбекистониҳоро тариқи қатор ё поезд бекор мекунад. Чунин тасмимро ситоди пешгирӣ аз вуруди вабои коронавирус ба Русия қабул кардааст, хабар медиҳад сомонаи ҳукумати Русия.
Эътилофи тиҷории "ЖИА" дар робита ба изҳороти сафири Туркия дар Қирғизистон Аҳмад Содиқ Доған баёния нашр кард. Дар баёния омадааст, ки дипломат эътилофи "ЖИА"-ро "яке аз шохаҳои ФЕТО дар Қирғизистон" номид.
Иззат Амон, ҳомии зиндонии муҳоҷирони тоҷикро ба гуноҳи “қаллобӣ” ба шаш соли дигари ҳабс маҳкум карданд. Ҳукм рӯзи 6-уми июн дар Додгоҳи ноҳияи Исмоили Сомонии Душанбе эълон шуд. Навор аз корбарон
Президенти Русия Владимир Путин моҳи апрели имсол аз бемории саратон табобат гирифтааст.
Ҳукм рӯзи 6-уми июн дар Додгоҳи ноҳияи Исмоили Сомонии Душанбе эълон шуд. Пештар ӯро бо айни гуноҳ нӯҳ сол аз озодӣ маҳрум карда буданд. Мақомот ҳукмашро дурусту қонунӣ мешуморанд, аммо ҷонибдоронаш дорои ангезаҳои сиёсӣ медонанд.
Даҳ созмони рӯзноманигорӣ ва нашрияҳои мустақилу давлатии Тоҷикистон аз мақомот хостаанд, ки сабабгорони латукӯби хабарнигори Радиои Озодӣ Муллораҷаб Юсуфӣ ва блогери шинохта Далери Имомалиро пайдо карда, ҷазо диҳанд.
Ба иттилои дарёфтӣ, ҳафт узви боздоштшудаи "Комиссияи 44", иборат аз намояндагони ҷомеаи шаҳрвандии Бадахшонро аз Хоруғ ба Душанбе фиристодаанд. Сабаби тасмим маълум нест. Мақомот дар бораи боздошту иттиҳоми зидди онҳо чизе намегӯянд.
Дастаи мунтахаби ҷавонони футболи Тоҷикистон (U-20) бо роҳбарии сармураббӣ Аҳлиддин Турдиев дар бозии дуюми дӯстона, ки 4-уми июн дар Варзишгоҳи марказии Душанбе баргузор шуд, бар тими Имороти Муттаҳидаи Араб (U-20) бо ҳисоби 1:0 пирӯз гардид. Голи ягонаро Бежан Нишонбойзода дар дақиқаи 37-ум ба самар расонид. Ёдовар мешавем, дастаи мунтахаби ҷавонони футболи Тоҷикистон (U-20) дар бозии аввали дӯстона, ки 2-юми июн дар Варзишгоҳи марказии шаҳри Душанбе баргузор шуд, бар тими Имороти Муттаҳидаи Араб (U-20) бо ҳисоби 3:1 пирӯз шуда буд.
Додгоҳи ноҳияи Лайлак дар вилояти Бодканди Қирғизистон 11 шаҳрванди Тоҷикистонро ба гуноҳи убури ғайриқонунии сарҳад ҷарима баста, сипас раҳо кардааст. Ҳукм 3-юми июни имсол содир шуд.
Кумисюни марказии интихобот ва раъйпурсии Қазоқистон рӯзи 6-уми июн хабар дод, ки 77,18 дарсади сокинон ба ҷонибдорӣ аз тағйирот ба Конститутсия овоз додаанд.
Сокинони деҳаи Камонгарон шикоят доранд, ки тақрибан як сол боз оби ҳаммому ҳоҷатхонаи зиндони нави Ваҳдат “бидуни поккории зарурӣ” ба ҷӯйбори маҳаллаашон мерезаду касе дар фикри ҳаллаш нест. Масъулон мегӯянд, “каме буйи бад ҳаст”, вале масъала ба он ҳадде нест, ки сокинон тасвир мекунанд.
Варзишгарони тоҷик дар мусобиқаи байнулмилалӣ оид ба варзиши сабук ба хотираи Геннадий Арзуманов, ки рӯзҳои 4-5 июн дар шаҳри Тошканди Узбекистон баргузор шуд, 12 медал – 3 тилло, 5 нуқра, 4 биринҷӣ – ба даст оварданд, хабар медиҳад сомонаи Кумитаи миллии олимпии Тоҷикистон. Ба иттилом манбаъ, дар ин мусобиқаи анъанавӣ варзишгарон аз Қазоқистон, Қирғизистон, Тоҷикистон ва Узбекистон ширкат карданд. Илдар Аҳмадиев, иштироккунандаи Бозиҳои тобистонаи олимпии Токио-2020, дар мусобиқаи байналмилалӣ... Читать дальше...
Дастаи мунтахаби миллии футболи Тоҷикистон баъди анҷоми ҷамъомади таълимиву тамринӣ дар Дубай рӯзи 4-уми июн ба шаҳри Бишкек сафар кард.
Иҷрои вазифаҳои додситони кулли Қирғизистон муваққатан ба дӯши муовини аввали додситони кул Абай Молдокматов гузошта шуд. Дар ин бора президенти он кишвар Содир Ҷабборов (Жапаров) фармон содир кард.
Дастаи мунтахаби олимпии футболи Тоҷикистон (U-23) нахустин бозиашро дар марҳилаи ниҳоии Ҷоми Осиё-2022 дар гурӯҳи “D” ба тими Арабистони Саудӣ (U-23) бо ҳисоби бузурги 0:5 бохт. Ин бозӣ 3-юми июн дар варзишгоҳи «Локомотив»-и Тошканд баргузор шуд. Ҳамад Турк Ал-Туҳайфан дар охири нимаи аввали бозӣ, дар дақиқаи 40-ум, ҳисобро кушод. Чаҳор голи дигарро футболбозони араб дар нимаи дуюми дидор ба самар расониданд: Айман Яҳё Аҳмад (дақиқаи 50-ум), Ҳаитҳам Муҳаммад Асирӣ (68), Мутиб Саъд Ал-Ҳарбӣ (87), Абдуллоҳ Ҳодӣ Радиф (90+7). Читать дальше...
Рӯзи 4-уми июн дар шаҳри Душанбе дар ҳошияи Конфронси дуюми сатҳи баланд оид ба Даҳсолаи байналмилалии амал «Об барои рушди устувор”, инчунин дар доираи чорабиниҳо ба муносибати Рӯзи байналмилалии олимпӣ марафони дав баргузор шуд. Ба иттилои Кумитаи миллии олимпии Тоҷикистон, марафон дар масофаи 42,2 километр бо иштироки шаҳрванди Австралия Мина Гулӣ аз истироҳатгоҳи “Сароб”-и ноҳияи Варзоб оғоз гардида, дар “Наврӯзгоҳи пойтахт” хотима ёфт. Дар масофаи рамзии 6-километрии марафон кормандони соҳаи варзиш... Читать дальше...
Дар мусобиқаи ҷудо "Tbilisi Grand Slam 2022", ки рӯзҳои 3-5-уми июн дар пойтахти Гурҷистон – Тбилиси - баргузор шуд, Тоҷикистонро 9 варзишгар дар рақобатҳо миёни мардон намояндагӣ карданд, вале ягон нафари онҳо натавонист медал бигирад. Ба иттилои сомонаи расмии Федератсияи байналмилалии ҷудо (IJF), дар мусобиқаи "Tbilisi Grand Slam 2022" ҳамагӣ 278 варзишгар (173 мард ва 105 зан) аз 36 кишвари чаҳор қораи ҷаҳон ширкат варзиданд. Тоҷикистонро дар сабқати мардон Нуралӣ Эмомалӣ, Шаҳбоз Саидаброров (ҳарду дар вазни то 66 кг)... Читать дальше...