"Раъйпурсии рӯзи якшанбе дар Қазоқистон ба хотири тамдиди муҳлати президентии Қосимҷомарт Тоқаев ташкил нашудааст," -- гуфт Тоқаев, президенти Қазоқистон рӯзи 1-уми июн.
Раиси девони вазирони Қирғизистон Оқилбек Ҷабборов аз рафти корҳои омодагӣ ба сохтмони неругоҳи Қамбарота-1 дар дарёи Норин дидан кард.
Дар натиҷаи тирпаронӣ дар яке аз беморхонаҳои шаҳри Талсаи ИМА панҷ нафар бо шумули марди ҳамлагар кушта шудааст.
Дар робита ба ҳодисаҳои моҳи январи Қазоқистон 331 нафар маҳкум ба зиндон шуда, беш аз 500 гумонбар дар боздошт қарор доранд.
Як таҳқиқ дар байни дуним ҳазор кас дар Тоҷикистон нишон додааст, ки мардум мисли пешина телевизионҳои Русияро тамошо намекунанд, чун ҷойи онҳоро каналҳои форсӣ ва узбекӣ танг кардаанд.
Сафорати Амрико дар Тошканд дар миёни намояндагиҳои хориҷии ИМА дар моҳи апрели соли равон аз нигоҳи додани раводиди DV (ё грин карта) дар ҷои дувум қарор доштааст.
Вазорати корҳои дохилии Тоҷикистон сабаби сӯхтор дар бозори "Фаровон"-и шаҳри Бохтарро эълон кард. Бозор шаби 1-уми июн оташ гирифт ва дар натиҷа 12 нафар осеб дида, соҳибкорони зиёде пулу дӯкону маҳсулоти худро аз даст доданд.
Ҳукми Додгоҳи ноҳияи Троитский рӯзи 1-уми июн дар вебсайти расмии он нашр шуд.
Як додгоҳи низомии Ҳинд ду донишҷӯи Академияи Низомии Деҳрадунро дар ин кишвар, ки ба занозанӣ бо донишҷӯёни тоҷик гунаҳкор дониста шуда буданд, бегуноҳ донист ва барои таҳсил ба ин донишгоҳ баргардонд.
Ба бовари коршиносон, истифода аз зӯр дар ҳалли масъалаҳои иҷтимоиву сиёсӣ аз дер боз ба як суннати сиёсӣ дар Тоҷикистон табдил шудааст.
Собиқ футболбози маъруфи дастаи машҳури «Помир»-и Душанбе Мӯҳсин Муҳаммадиев ноиби аввали президенти бошгоҳи футболи «Истиқлол»-и Душанбе таъин шуд. Дар ин бора сомонаи бошгоҳи «Истиқлол» хабар додааст. Ба иттилои манбаъ, қаблан Мӯҳсин Муҳаммадиев дар бошгоҳи «Истиқлол» ба ҳайси сармураббии даста фаъолият карда буд. Таҳти роҳбарии ӯ дар мавсими соли 2017 қаҳрамони Тоҷикистон ба финали Ҷоми AFC (Конфедератсияи футболи Осиё) роҳ ёфт. Муҳаммадиев дорои муҷҷавизи мураббии аврупоии "Pro" УЕФА мебошад. Читать дальше...
Ҳаҷҷи имсола барои шаҳрвандони Тоҷикистон беш аз 5 ҳазор доллари амрикоӣ муқаррар шуд, ситоди махсус паёмади сӯхтор дар бозори "Фаровон"-и Бохтарро ҳисоб мекунад, таваҷҷӯҳи бинандагони ҷавони тоҷик ба телевизионҳои форсизабон ва хушксолӣ дар Хатлон.
Дар қуръакашии марҳилаи муқаддамотии Ҷоми Тоҷикистон-2022 оид ба футбол, ки 31-уми май дар меҳмонхонаи «Румӣ»-и Душанбе доир гардид, намояндагони 12 дастаи лигаи аввал ширкат карданд. Тибқи қуръакашӣ дар марҳилаи муқаддамотӣ дастаҳо шаш ҷуфтро ташкил доданд: «Панҷшер» (Балхӣ) – «Динамо» (Душанбе), «Ваҳдат» (Ваҳдат) – «Ҳосилот» (Фархор), «Моҳир» (Ёвон) – «Душанбе» (Душанбе), «Ҳулбук» (Восеъ) – «Сарҳадчӣ» (Ҳамадонӣ), «Саройкамар» (Панҷ) – «Гулистон» (Гулистон) ва «Барқчӣ» (Ҳисор) – «Кӯктош» (Рӯдакӣ). Читать дальше...
Мақомоти расмӣ дар Бадахшон мегӯянд, дар як ҳафтаи ахир дар вилоят чаҳор нафар, ки ба ҷиноятҳои гуногун муттаҳам мешуданд ва дар пайгарди қонунӣ буданд, ба идораи милиса омада, худро “супурдаанд”.
Ду кишвари ҳамсоя, ки аз солҳои навадум то 2017 муносибати сард доштанд, имсол мизони додугирифтро ба як миллиард доллар расонданиянд. Вале ончӣ дар Тоҷикистон мояи нигаронист, бахши асосии додугирифт воридоти мол аз Узбекистон хоҳад буд, на содирот ба он кишвар.
Мақомоти Эрон гуфтанд, рӯзи 1-уми июн ҷасади боз як нафарро аз зери вайронаҳо берун оварданд.
Раҷаб Таййиб Эрдуғон, президенти Туркия, дар мулоқот бо аъзои Ҳизби адолат ва рушд гуфт, кишвараш омодаи шурӯи амалиёти низомӣ зидди Нерӯҳои мусаллаҳи мардумии Сурия аст. Дар ин бора расонаҳои Туркия рӯзи 1-уми июн хабар доданд.
Ба иттилои Кумитаи дин, танзими анъана ва ҷашну маросими миллии Тоҷикистон, арзиши имсолаи сафари ҳаҷ тақрибан 61 ҳазор сомонӣ, муодили 5350 доллар, ҳисоб шудааст. Дар соли 2019 беш аз 35 ҳазор сомонӣ (ба ҳисоби онвақта 3750 доллар) буд.
Дастаи мунтахаби футболи Тоҷикистон дар бозии дӯстона аз тими миллии Сурия бо ҳисоби 0:1 шикаст хӯрд. Ин бозӣ дар доираи омодагии даста ба марҳилаи интихобии Ҷоми Осиё-2023 шоми чоршанбеи 1-уми июн дар шаҳри Дубайи Имороти Муттаҳидаи Араб баргузор шуд. Голи ягонаро Умар Ал-Сумоҳ дар нимаи аввали дидор, дар дақиқаи 16-ум, ба самар расонид. Ин бозии ҳаштуми футболбозони тоҷику суриягӣ дар сатҳи тимҳои миллӣ ба шумор мерафт. Дар чаҳор бозӣ мунтахаби Сурия, дар се дидор мунтахаби Тоҷикистон пирӯз шудаанд... Читать дальше...
Мақомот дар Хатлон тасдиқ карданд, ки бар асари сӯхтор дар бозори "Фаровон"-и шаҳри Бохтар 12 нафар ҷароҳат бардоштаанд. Бозори "Фаровон" шаби 1-уми июн ба коми оташ рафт.
Рӯзи 31-уми май мулоқоти роҳбари Оҷонси иттилоот ва иртибототи Узбекистон Асадҷон Хоҷаев бо президенти Радиои Аврупои Озод/Радиои Озодӣ Ҷеймӣ Флай ва намояндаи ин радио Паҳлавон Тургунов баргузор гардид. Ҷонибҳо масъалаҳои мавҷуд ва роҳҳои ҳалли онҳо, аз ҷумла "ба қонунгузории Узбекистон ва меъёрҳои ахлоқии рӯзноманигорӣ мутобиқ кардани матлабҳоеро баррасӣ карданд, ки дар бахши узбекии Радиои Озодӣ нашр мешаванд". Сабти ном кардани хабарнигорони Радиои Озодӣ дар Узбекистон низ баррасӣ шуд. ... Читать дальше...
Сар аз 1-уми июн Узбекистон содироти равғани растанӣ ва пахтаро манъ кард. Шавкат Мирзиёев, президенти Узбекистон рӯзи 31-уми май фармон "Дар бораи чораҳои иловагӣ барои таъмини арзиши муътадили бозор"-ро имзо кард. Бино ба ин фармон, шуруъ аз 1-уми июн содироти равғани растанӣ, ҳам пахта ва ҳам офтобпараст манъ шудааст. Ҳамчнунин, бино ба фармони мазкур аз 1-уми июн Узбекистон содироти донаи офтобпараст ва дигар донагиҳое, ки барои истеҳсоли равған пешбинӣ шудаанд, манъ шудааст. Девони вазирони Узбекистон метавонад... Читать дальше...
