Ҳувияти шаш муҳоҷири тоҷик, ки бар асари заҳролудшавӣ дар Волгогради Русия ҷони худро аз даст додаанд, маълум шуд. Онҳо зодагони ноҳияи Ҷайҳун (Қумсангир) ва Бохтари вилояти Хатлон ва аз 20 то 37-сола будаанд.
Пайвандонаш гуфтанд, Нусратулло Саидов – бародарзодаи Саид Абдуллоҳи Нурӣ, раҳбари пешини ҲНИТ ва Иттиҳоди нерӯҳои мухолифин – бо гумони "дарёфти ёрӣ аз хориҷа" дастгир шудааст. Мақомот қазияро шарҳ намедиҳанд. Саидов чаҳор сол пеш ба муддати кӯтоҳе боздошт ва сипас раҳо шуда буд.
Мақомоти Тоҷикистон гуфтанд, ки рӯзи 25-уми январ 18 мавриди нави сирояти бемории COVID-19-ро сабт карданд, аммо нагуфтанд, ки ин навъи Омикрон аст ё дигар. Искандари Фирӯз дар ин бора бо Ноҳида Ҳамроалиева, мудири бахши ёрии таъҷилии Бемористони Ибни Сино дар Душанбе суҳбат кард.
Ду соҳибкор ва чанд корманди идораҳои беҳдоштӣ ва андози шаҳри Хуҷанд бо парвандаи мавсум ба “мурғкабоб” ҷазо хоҳанд дид. Аз он кабоб наздики 50 шаҳрванд заҳролуд шуда, дар бемористон бистарӣ гаштанд. Додситонии Хуҷанд парвандаро ба додгоҳ фиристодааст.
Хонаи чеҳраҳои саршиноси адаб ва ҳунар дар маркази Душанбе вайрон карда мешавад. Дар ин бора ва дар посух ба шикояти онҳо шаҳрдории Душанбе гуфтааст, ин қарор ниҳоист ва иҷрои он шуруъ шудааст.
Вайрон кардани хонаи чеҳраҳои саршиноси адаб ва ҳунар дар маркази Душанбе оғоз меёбад. Бо вуҷуди шикояти сокинон ба раҳбарони Тоҷикистон, шаҳрдории Душанбе тасмим гирифт, бинои адибон вайрон карда шавад.
Раиси ҷумҳури Тоҷикистон рӯзи 26-уми январ шуморе аз мансабдоронро аз мақомҳояшон барканор ва афроди дигарро ҷойгузини онҳо кард. Ин тағйироти кадрӣ дар сатҳи вазоратҳо ва шаҳру ноҳияҳо сурат гирифтааст. Тибқи иттилои дафтари матбуоти раёсати ҷумҳури Тоҷикистон, Сулаймон Зиёзода, ки дар мақоми Вазири кишоварзӣ кор мекард, бо фармони Эмомалӣ Раҳмон муовини сарвазири Тоҷикистон таъйин шудааст. Ӯ дар ин мақом ҷойгузини Давлатшоҳ Гулмуҳаммадзода шуд, ки ҳоло Сафорати Тоҷикистонро дар Русия раҳбарӣ мекунад. Читать дальше...
Аловатшоев, яке аз чеҳраҳои шинохта дар байни ҷавонони Бадахшон дар Маскав, ки мақомот ӯ ва ҳамроҳонашро "аъзои гуруҳи ҷиноӣ" ном мебаранд, беш аз ду ҳафта боз дар Русия "нопадид шудааст".
Шаш шаҳрванди Тоҷикистон, ки дар гармхонае дар Волгогради Русия кор мекарданд, бар асари заҳролудшавӣ аз газ ҷон бохтаанд.
Раиси ҷумҳури Чин Си Ҷинпин ваъда дод, ки дар се соли оянда дар ҳаҷми 500 миллион доллар барои рушди иқтисод ва амнияти Тоҷикистон, Қирғизистон, Қазоқистон, Узбекистон ва Туркманистон ҷудо хоҳад кард. Дар саммити онлайнии "Осиёи Марказӣ - Чин", ки рӯзи 25 январ бахшида ба 30-солагии робитаҳои дипломатии Пекин бо панҷ кишвари Осиёи Марказӣ баргузор шуд, Си Ҷинпин гуфт, маблағҳои ҷудошуда ба "тарҳҳое равона хоҳанд шуд, ки ба таъмини аҳолӣ бо васоили муҳим барои зиндагӣ рабт доранд". Роҳбари Чин ҳамчунин ваъда дод... Читать дальше...
“Ба ҳеч ваҷҳ шоҳигарӣ ё монархия нахоҳад буд.” Замоне Владимир Путин, Нурсултон Назарбоев, Александр Лукашенко, Ислом Каримов ва Эмомалӣ Раҳмон ваъда дода буданд, ки дарозмуддат дар қудрат намемонанд ва кишвари озоду демократӣ месозанд.
Замоне Владимир Путин, Нурсултон Назарбоев, Александр Лукашенко, Ислом Каримов ва Эмомалӣ Раҳмон ваъда дода буданд, ки дарозмуддат дар қудрат намемонанд ва кишвари озоду демократӣ месозанд. Ба ҷуз аз Назарбоев, ҳоло ҳама ё дар сари қудрат ҳастанд ва ё замони ҳукмронӣ фавтидаанд. Аммо ҳама низоми худкома сохтанд. Навор ба забони русӣ
Пойгоҳи низомии 201-уми Русия мустақар дар Тоҷикистон ба зудӣ беш аз 70 техникаи нави низомӣ дарёфт хоҳад кард. Дар ин бора ҳафтаи ҷорӣ Александр Лапин, фармондеҳи Ҳавзаи марказии ҳарбӣ хабар дод. Ба гуфтаи ӯ, чунин кӯмакҳои низомӣ ба пойгоҳи Русия дар Қирғизистон низ расонида мешавад. Аммо дар бораи ҷузъиёти дигари интиқоли таҷҳизоти изофӣ ба ҳарду кишвар ҳанӯз гузориш нашудааст. Дар пасманзари сари қудрат омадани "Толибон" дар Афғонистон дар моҳи августи соли 2021, низомиёни Русия дар Тоҷикистон... Читать дальше...
Паҳлавонони маъруфи тоҷик – Комроншоҳ Устопириён ва Сомон Маҳмадбеков – дар мусобиқаи байналмилалии ҷудо Grand Prix Portugal 2022, ки рӯзҳои 28-30-юми январ дар шаҳри Алмадаи Португалия баргузор мешавад, ширкат меварзанд. Ба иттилои сомонаи расмии Федератсияи байналмилалии ҷудо (IJF), дар Гран-Прии Португалия ширкати 334 варзишгар (194 мард ва 140 зан) аз 44 кишвари панҷ қитъаи олам дар назар аст. Тоҷикистонро дар ин мусобиқаи байналмилалӣ ду варзишгар - Сомон Маҳмадбеков (дар вазни -73 кг)... Читать дальше...
Дастаи мунтахаби занонаи Тоҷикистон дар даври чаҳоруми қаҳрамонии футзали CAFA (Созмони футболи Осиёи Марказӣ)-2022, ки 25-уми январ дар Душанбе баргузор шуд, бозиро ба мунтахаби Узбекистон бо ҳисоби 0:5 бохт. Ин бохти дувуми мизбонон дар ин мусобиқа аз дастаи Узбекистон аст. Ёдовар мешавем, дар ин мусобиқа, ки таҳти сарпарастии Созмони футболи Осиёи Марказӣ дар Маҷмааи универсалии варзишии Душанбе то рӯзи 28-уми январ идома хоҳад кард, чаҳор дастаи мунтахаби занона аз Тоҷикистон, Эрон, Узбекистон ва Қирғизистон ширкат доранд. Читать дальше...
Як сокини ноҳияи Фархор ба иттиҳоми қатли хушдоманаш ба 17 сол зиндон маҳкум шудааст. Ҳодиса аз сӯи додситонии Фархор таҳқиқ шуда, ҳукмро додгоҳи вилояти Хатлон эълон кардааст. Умеда Шарифова, сокини деҳаи Муҳоҷирободи ҷамоати деҳоти Дарқади Фархор бо моддаи 104-и Кодекси ҷиноии Тоҷикистон, яъне "одамкушӣ" муттаҳам мешавад. Дафтари матбуоти Додситонии кулли Тоҷикистон рӯзи 26-уми январ дар шарҳи ҳодиса гуфт, ки Умеда Шарифова рӯзи 9-уми август бо "баҳонаи ночиз" бо хушдоманаш Файзигул Олимов вориди муноқиша шуда... Читать дальше...
Бо оғози размоиши нерӯҳои Русия дар ҳамсоягии Украина, Иёлоти Муттаҳидаи Амрико ҳушдор дод, ки дар сурати ҳамлаи Русия ба Украина, таҳримҳои камаршиканеро алайҳи Маскав ва шахси Владимир Путин, ҷорӣ хоҳад кард.
Вазорати тандурустии Узбекистон мегӯяд, аз 25-уми январ мусофирон дигар вазифадор нестанд, ки ҳангоми воридшавӣ ба ин кишвар дар фурудгоҳ, истгоҳи роҳи оҳан ва гузаргоҳҳои марзӣ дубора санҷиши коронавирус ё экспресс-тест супоранд. Комиссияи махсуси мубориза бо коронавирус дар Узбекистон дар пайи афзоиши шумори мубталоёни вирус дастур дода буд, ки аз 15-уми январ ҳамаи мусофирон ҳангоми воридшавӣ дубора аз санҷиш гузаранд. Ин қарор мусофиронеро ҳам, ки дар даст натиҷаи манфии санҷиши коронавирусро доштанд... Читать дальше...
Мақомоти Туркманистон сокинонеро, ки барои иқомати доимӣ ба Русия сафар мекунанд, маҷбур менамоянд, то аз шаҳрвандии кишвари худ даст кашанд. "Мақомот аз сокиноне, ки барои иқомати доимӣ ба Русия мераванд, талаб мекунанд, то аз шаҳрвандии Туркманистон даст кашанд. Сабаби ин талаботи шифоҳии мақомот шарҳ дода намешавад. Бисёриҳо барои берун рафтан аз кишвар маҷбур ҳастанд, ки талаби мақомотро иҷро намоянд", - изҳор дошт як сокини Ишқобод ба шарти ифшо нашудани номаш ба хабарнигори бахши туркмании Радиои Озодӣ рӯзи 24-уми январ. Читать дальше...
Боқиев моҳи майи соли гузашта ба артиш рафта, шаби 17-уми январи имсол дар дидбонгоҳе дар ноҳияи Фархор латукӯб шудааст. Ҷасади ӯро 19-уми январ дар зодгоҳаш, шаҳри Панҷакент, дафн карданд.
