Пас аз як рӯзи сангпартоӣ ба сӯи автомашинаи шаҳрванди Тоҷикистон дар марз, раиси вилояти Суғд ба шаҳри Исфара рафтааст. Мақомоти шаҳри Исфара мегӯянд, рӯзи 20-уми январ шаҳрвандони Қирғизистон ба сӯи як мошини боркаши шаҳрванди Тоҷикистон сангпартоӣ карданд.
Энтони Блинкен ва Сергей Лавров - вазирони корҳои хориҷии Амрико ва Русия дар мулоқоти рӯбарӯ дар Женева бӯҳрон дар Украина ва афзоиши нигарониҳо аз ҳамлаи эҳтимолии Русия ба Украинаро баррасӣ мекунанд.
Пас аз як рӯзи ҳодисаи сангпартоӣ ба автомашинаи боркаши тамғаи Камаз дар марзи Тоҷикистону Қирғизистон соҳиби он асли воқеаро ба Радиои Озодӣ нақл кард. Мақомоти интизомии Тоҷикистон ба тафтишоти ҳодисаро шурӯъ кардаанд.
Ширкати давлатии русии "Росатом" ва Вазорати энергетикаи Қирғизистон ёддошти ҳамкориеро дар бораи бунёди неругоҳи хурди ҳастаӣ имзо кардаанд. Ба огаҳии ширкат, ин санад 20-уми январ дар ҳошияи Намоишгоҳи ҷаҳонии "Экспо-2020" дар шаҳри Дубай аз сӯи мудири кулли "Росатом" Алексей Лихачев ва вазири энергетикаи Қирғизистон Доскул Бекмурзоев имзо шудааст. "Бунёди чунин неругоҳҳои ҳастаӣ на танҳо ба истиқлоли энержии Қирғизистон, балки ба сатҳи зиндагии мардум ва рушди илмию техникӣ дар тамоми минтақаи Осиёи Марказӣ мусоидат мекунад"... Читать дальше...
Президенти Қазоқистон Қосимҷомарт Тоқаев дастур додааст, ки конҳои коркарднашудаи ин кишвар дубора пас гирифта ва ба ихтиёри соҳибкороне дода шавад, ки "омодаи сармоягузорӣ ҳастанд". "Сарватҳои табии кишвари мо бояд самаранок истифода шаванд. Ҳукумат бояд ҳамаи конҳоро аз санҷиш гузаронад ва муайян кунад, ки кадоме аз онҳо коркард нашудаанд. Сипас барои коркарди онҳо бо ҷалби сармоягузорони дохилию хориҷӣ чора андешад", - изҳор доштааст Тоқаев дар вохӯрӣ бо соҳибкорони Қазоқистон. Қосимҷомарт Тоқаев пештар дастур дода буд... Читать дальше...
Як сарбози неруҳои марзбонии Тоҷикистон ҳангоми хидмат ба ҳалокат расидааст. Наздикони ӯ мегӯянд, Миралӣ Боқиеви 20-сола зимни ҷанҷол барои болопӯши зимистонаи ҳарбӣ ё "бушлат" аз тарафи сарбози дигар латукӯб шудааст. Намояндагони неруҳои марзбонӣ воқеаро шарҳ намедиҳанд.
Додгоҳи ноҳияи Мирободи шаҳри Тошканди Узбекистон рӯзи 20-уми январ баррасии парвандаи блогер Миразиз Бозоровро оғоз кардааст. Зидди блогери узбек моҳи апрели соли гузашта бар асоси банди "Туҳмат бар пояи ангезаҳои худхоҳона ё дигар" парвандаи ҷиноӣ боз шуда, додгоҳ ӯро ба ҳабси хонагӣ маҳкум карда буд. Бозоров шоми 28-уми март аз сӯи афроди ношинос латту кӯб шуд. Дар натиҷаи ин латту кӯб пойи чапи вай шикаста ва чанд захми дигар бардошт. Блогер барои ҳимоят аз ҳуқуқи ҳамҷинсгароён дар Узбекистон... Читать дальше...
Раҳбарони ҷиноҳҳои Думаи давлатии Русия ҳафтаи оянда лоиҳаи Ҳизби коммунистии ин кишвар дар бораи муроҷиати расмӣ ба президент Владимир Путинро барои эътирофи истиқлоли ҷумҳуриҳои худхонда дар шарқи Украина баррасӣ мекунанд. Дар ин бора раиси Думаи давлатии Русия Вячеслав Володин дар телеграм-канали худ хабар додаааст. Володин афзудааст, ки ин санад баъдан дар дума баррасӣ хоҳад шуд. Ба гуфтаи ӯ, президенти Украина Владимир Зеленский созишномаи Минскро нодида мегирад ва "НАТО мехоҳад, Украинаро ғасб кунад". Читать дальше...
Вазорати умури хориҷии Қазоқистон қатъномаи Порлумони Аврупоро, ки ба таҳқиқи байналмилалии ҳодисаҳои хунини аввали январи ин кишвар даъват мекунад, "ғаразнок" номид. "Вазорати умури хориҷии Қазоқистон бар ин аст, ки қатъномаи Порлумони Аврупо дар робита ба вазъи кишвари мо ғаразнок буда, дар асоси хулоса ва маълумоти воқеъбинона таҳия нашудааст. Боиси нигаронист, ки ба ҳодисаҳои моҳи январи Қазоқистон баҳои воқеъбинона дода нашудааст", - омадааст дар иттилоияи вазорат, ки 21-уми январ нашр шуд. Читать дальше...
Донишмандони тоҷик барои ҳифзи олами наботот, манотиқеро таҳқиқу муайян кардаанд, ки дар оянда ба сабаби сохтмони нерӯгоҳи Роғун зери об мемонанд. Бино ба гузориши расмии Фарҳангистони улуми Тоҷикистон соли 2021 биологҳои тоҷик маълум кардаанд, ки дар манотиқе, ки дар оянда ба тадриҷ зери об мемонад, бештар аз 1140 навъ рустанӣ, ки ба 83 хонавода ва 423 авлоди рустанӣ тааллуқ доранд, вуҷуд доранд ва месабзанд. Дар байни онҳо ба гуфтаи донишмандони тоҷик 24 навъи рустаниҳое ҳастанд, ки ба “Китоби... Читать дальше...
Радиои Озодӣ ва Conflict Intelligence Team дар таҳқиқоте маълум карданд, ки нерӯҳои Русия, ки ним сол боз аз минтақаҳои Сибир ва Шарқи Дур тавассути роҳи оҳан ба самти ғарб бурда мешаванд, аллакай дар 40-километрии сарҳади Русия ва Украина қарор доранд.
Палатаи поёнии порлумони Фаронса бо судури як қатънома ҳукумати Чинро ба "ҷиноят ба зидди башарият ва наслкушии" аққалиятҳои уйғур дар вилояти Шинҷон муттаҳам кард. Айни қатъномаҳо, ки соли гузашта порлумонҳои Бритониё, Олмон ва Канада қабул карданд, хашми Чинро барангехт. Дар раъйгирии рӯзи 20-уми январ дар Маҷлиси Милли Фаронса 169 нафар ба тарафдорӣ ва як нафар мухолифи қатънома раъй додаанд, ки дар он аз ҳукумат хоста шудааст, "нисбат ба Ҷумҳурии Мардумии Чин дар доираи ҷомеаи байналмилалӣ ва сиёсати хориҷиаш чора биандешад". Читать дальше...
Станислав Зас, дабири кулли Созмони Паймони Амнияти Дастаҷамъӣ, як паймони низомии таҳти раҳбарии Русия гуфтааст, барои ҷилавгирӣ аз ҳаргуна хатарҳои эҳтимолӣ зарур аст, ки ба Тоҷикистон кумак расонда шавад. Дар баёнияи расмӣ, ки рӯзи 20-уми январ дар вебсайти СПАД нашр шуд, омадааст, Станислав Зас дар ҳузури гуруҳе аз вакилони Думаи давлатии Русия доир ба авзои минтақа аз ҷумла Афғонистони ноором суҳбат карда, ба "зарурати кумак ба Тоҷикистон, барои пешгирӣ аз хатарҳои эҳтимолӣ таъкид кардааст." Дар баёния мушаххасан гуфта нашудааст... Читать дальше...
Як таҳқиқоти журналистӣ маълум кардааст, ки президенти нахустини Қазоқистон Нурсултон Назарбоев на камтар аз 8 миллиард доллар дороӣ дорад. Дар ин бора таҳқиқоти муштараки хабарнигорони Маркази таҳқиқоти коррупсия ва ҷиноятҳои созмонёфта (OCCRP) ва нашрияҳои "Vласть" аз Қазоқистон ва Kloop аз Қирғизистон хабар медиҳад. Муаллифони пажуҳиш мегӯянд, ки замони раёсатҷумҳуриаш Назарбоев чор фонд ё бунёде бо номҳои ба ҳам монанд таъсис додааст, ки ношаффоф амал мекунанд. Инҳо "Назарбоев Фонд", "Фонди Нурсултон Назарбоев"... Читать дальше...
Додситонии ҳарбии вилояти Суғд парвандаи шаш сокини ноҳияи Кӯҳистони Мастчоҳро, ки ба дуздии 48 тонна ангишт айбдор шудаанд, ба Додгоҳи ҳарбӣ фиристод. Ин шаҳрвандон рӯзи 3-юми ноябр бо иттиҳоми дуздии ангишт аз анбори ширкати “Қудрат 2010” дастгир шудаанд. Пайвандонашон иттиҳоми дуздӣ нисбат ба онҳоро беасос медонанд ва ба бегуноҳии онҳо таъкид доранд. Ба иттилои дарёфтӣ, парвандаро ба он хотир додситонии низомӣ тафтиш намуд, ки Зайниддинхуҷа Орифов, як тан аз гумонбарон, корманди Идораи ҳолатҳои фавқулода аст. Читать дальше...
Сафорати Тоҷикистон дар Русия хабар дод, ки 38 муҳоҷири бандмондаи тоҷик аз Осетияи Ҷанубӣ ба ватан бозгардонда шуданд. Ин муҳоҷирони тоҷик ба далели маҳдудияти пандемия ва манъи вуруд ба ҳудуди Русия, банд монда буданд. Сафорат рӯзи 20-уми январ дар хабарномае гуфт, ин шаҳрвандони Тоҷикистон аз шаҳри Схинвалӣ оварда шуданд. Ба қавли намояндагии дипломатӣ ҳамчунин ба муҳоҷирон кӯмакҳои зарурӣ расонида шудааст. Ин муҳоҷирон чанд маротиба ба Радиои Озодӣ гуфтанд, дар шароити бад қарор доранд ва чанд моҳ аст... Читать дальше...
Дар Беларус рӯзи 27-уми феврал референдум ё ҳамапурсӣ барои тағйир додани конститутсияи кишвар барпо мешавад. Ҳадафи асосии тағйироти қонуни асосӣ соли 2035 дароз кардани мӯҳлати раҳбарии Александр Лукашенкои худкома мебошад. Дар бораи санаи баргузории ҳамапурсӣ рӯзи 20 январ дафтари президенти Беларус хабар дод. Дар ҳампурсӣ ба сокинон як суол медиҳанд: “Шумо тағйироту иловаҳо ба конститутсияи Ҷумҳурии Беларусро қабул мекунед?” Лукашенкои 67-сола баъди он аз зарурати тағйир додани конститутсияи кишвар гуфт... Читать дальше...
Сухангӯи шаҳрдори Исфара ба изҳороти Содир Ҷабборов, раиси ҷумҳури Қирғизистон дар бораи ба иҷора додани як роҳ вокуниш карда гуфтааст, "амалкарди Ҷабборов популизме беш нест". Содир Ҷабборов рӯзи 17-уми январ дар суҳбат бо нашрияи “Вечерний Бишкек” гуфт, протоколи қаблан имзошуда дар бораи ба иҷора додани роҳ ба Қирғизистонро эътироф намекунад. Бино бар ин санад, ки соли 2009 миёни дабирони Шӯрои амнияти Тоҷикистон Қирғизистон имзо шуд, ҷониби Тоҷикистон қитъаи роҳеро бо дарозии 275 метр дар самти... Читать дальше...
Ҷо Байден, президенти ИМА гуфт, хатари ин вуҷуд дорад, ки бӯҳрони Украина аз назорат хориҷ шавад. Байден рӯзи чоршанбе дар Вашингтон гуфт, агар Маскав талош кунад, ки ба Украина ҳамла кунад, бонкҳои Русия аз ҳақи анҷоми амалиёти пулӣ бо доллар маҳрум мешаванд.
Рӯзноманигори қазоқистонӣ Махамбет Абжан, ки ҳаводиси ибтидои моҳи январро дар Қазоқистон инъикос мекард, баъди ду ҳафтаи бедаракӣ пайдо шуд. Абжан рӯзи 20 январ дар суҳбат бо расонаҳо гуфт, ки дар шаҳри дигар пинҳон буд ва айни замон дар озодӣ аст. Абжан афзуд, пулис парвандаеро таҳқиқ мекунад, ки рӯзноманигор дар доираи он ба ҳайси шоҳид ширкат дорад ва мумкин аст, ӯро гумонбар кунанд. Рӯзноманигор гуфт, санади ошкор накардани сирри тафтишотро имзо кардааст ва биноан, наметавонад, иттилои зиёд диҳад. Читать дальше...
Раъйпурсӣ барои қабули Конститутсияи нави Белорус рӯзи 27-уми феврал баргузор мешавад. Дар ин бора Александр Лукашенко рӯзи 20-уми январ қарореро имзо кард. Дар баргаҳои раъйпурсӣ танҳо як суол навишта хоҳад шуд. Бино ба фармон "Дар бораи таъйини раъйпурсӣ", аз шаҳрвандон пурсида мешавад, ки оё тағйирот ба Конститутсияро қабул доранд. Натиҷаҳои раъйпурсӣ баъди 10 рӯзи ин маърака ба ҳукми иҷро медарояд. Матни тағйирот ба Конститутсия аз 22 саҳифа иборат аст. Дар тарҳи мазкур Маҷлиси мардумии умумибелорусӣ ҷо дода шудааст... Читать дальше...
Дар соли 2021 ҷасади 218 муҳоҷири узбекистониро аз хориҷ овардаанд. Оҷонси муҳоҷирати меҳнатии хориҷии Узбекистон хабар надод, ки ҷасадҳо аз кадом кишварҳо оварда шудаанд. Ба иттилои ин ниҳод, дар соли гузашта 321 шаҳрванди Узбекистон дар хориҷ аз ин кишвар аз вазъияти душвор берун оварда шудааст. Ба илова, Оҷонси муҳоҷирати меҳнатии хориҷӣ ба 8811 узбекистонӣ дар хориҷ аз ин кишвар ёрии ҳуқуқӣ расонида, ба 6283 кас ёрии иҷтимоӣ ва ба 13424 каси дигар ёрии моддӣ додааст. Оҷонсӣ иттилоъ медиҳад... Читать дальше...
Варзишгарони тоҷик дар нахустин мусобиқаи қаҳрамонии бокси Осиё миёни ҷавонони то 22-сола, ки рӯзҳои 21-29-уми январ дар шаҳри Тошканди Узбекистон баргузор мешавад, ширкат меварзанд, хабар медиҳад сомонаи Кумитаи миллии олимпии Тоҷикистон.
Сокинон мегӯянд, имрӯзҳо мақомоти маҳаллӣ ҷаласаҳо доир карда, шахсияти Бердимуҳаммадовро таблиғ мекунанд. Мақомот аз кормандони соҳаҳои буҷавӣ талаб доранд, ки дар манзилҳояшон акси Бердимуҳаммадовро овезанд. Бино ба иттилои расонаҳо, мақомоти маҳаллӣ рӯзи 17-уми январ дар Донишкадаи омӯзгории Лебап, Хонаи фарҳанги ноҳияи Фороб ва рӯзи 18-уми январ дар шаҳри Сейдӣ, ноҳияҳои Дарғанат ва Деҳнав бо сокинон мулоқот анҷом дода, талаби овехтани аксҳои Бердимуҳаммадовро кардаанд. Дар ин мулоқотҳо бештар... Читать дальше...
Пулиси шаҳри Алматои Қазоқистон рӯзи 20-уми январ хабар дод, "макони дафни ҷангҷӯёне ошкор шудааст, ки дар беназмиҳо иштирок доштанд". Салтанат Азирбек, намояндаи расмии пулиси Алмато гуфт, "ҷасади ҷангҷӯён ба хотири он дафн шудааст, ки шахсияти онҳо шинохта нашавад". "Теъдод ва макони дафни онҳо сирри тафтишот буда, ошкор нахоҳад шуда", - афзуд Азирбек. Ҳомиёни ҳуқуқи қазоқистонӣ ва хориҷӣ борҳо аз мақомоти Қазоқистон даъват карданд, ки дар бораи фавти сокинони осоишта дар ҳаводиси ибтидои моҳи январ иттилои комил диҳанд. Читать дальше...
