Созмони Дидбони Ҳуқуқи Башар ё Human Rights Watch (HRW), ки вазъи ҳуқуқи башар дар кишварҳои ҷаҳонро дар гузориши солонааш хулоса кардааст, мегӯяд, бо сабаби идомаи саркӯбҳои озодии баён ва мухолифони сиёсӣ вазъи ҳуқуқи башар дар Тоҷикистон соли 2021 бадтар шудааст.
Рӯзи 14-уми январ дабири собиқи Шурои амнияти Қирғизистон Адахон Мадумаров дар робита ба як созишномаи марзӣ бо Тоҷикистон мавриди бозпурсӣ қарор гирифт.
Омӯзгорони эронӣ талаб доранд, ки маошашон фавран боло бурда шавад.
HRW: "Тоҷикистон таъқиби ҳуқуқшиносони тоҷики муқими хориҷаро давом медиҳад"
Рустами Эмомалӣ аз навҳаи хонасозӣ дар шаҳри Душанбе танқид кард. Гузориши Барот Юсуфӣ.
Ҳомиён вазъи ҳуқуқи башар дар Тоҷикистонро хулоса кардаанд, Шаҳрдори Душанбе Рустами Эмомалӣ аз навҳаи бунёди манзили зист дар пойтахти Тоҷикистон танқид кард, эътирози омӯзгорон дар Эрон ва матолиби дигар.
Дар Амрикову ҳар кишвари дигар мардум солона як ё ду дафъа бемории зуком ё сармохӯрдагӣ мегиранд. Албатта барои ҳар кас ин бемории сабук нороҳаткунанда аст, вале таҳқиқоти нав нишон додааст, ки зукоми маъмулӣ шуморо то ҳадде аз вирусҳои хатарноктар муҳофизат мекунад. Гузориши Садои Амрикоро дар ин бора ҳамкорам Тоҳири Сафар тақдим мекунад.
Дар ҳоле, ки таниш дар равобити Ғарбу Русия аз мустақар шудани нирӯҳои русӣ дар марз бо Украина боло мегирад, мақомоти Киев гуфтанд, чанд вебсайти ҳукуматӣ мавриди ҳамлаи ҳадафмандона қарор гирифтаанд. Аввал шуда дар бораи рахна шудани вебсайташ вазорати маорифи Украина дар Фейсбук хабар дод. Киев чанде баъд гуфт, ки ҳамлаи рахнагарон мазмуни вебсайтҳои ҳукуматиро тағйир надодааст ва ҳеҷ иттилои хусусӣ берун нарафтааст. Вазорат гуфт, ки шаби 13 ба 14-уми январи соли 2022 дар паи ҳамла ба вебсайти... Читать дальше...
Намояндаи ширкати «Барқи Тоҷик» дар суҳбат бо «Азия-Плюс» гуфтааст, ҳоло ҳамагӣ 1 дарсади барқи Тоҷикистон ба Афғонистон содир мешавад. Мақомот гуфтаанд, ки ин миқдор барқ «барои дар ҳолати хуб нигоҳ доштани хатҳои интиқол ва таҷҳизот кофӣ буда, ба тавозуни умумии таъминоти барқи кишвар таъсире надорад». Манбаъ афзудааст, тибқи тавофуқи ширкатҳои энергетикии ду кишвар, ки дар охири моҳи декабр ҳосил шудааст, ҳаҷми интиқоли шабонарузии барқ ба Афғонистон 600-700 ҳазор киловатт-соатро ташкил медиҳад. Читать дальше...
Ҳукумати Исроил гуфтааст, ба паноҳҷуёни афғонистонӣ, ки дар Тоҷикистон ҳастанд, дар ҳаҷми наздик ба 500 ҳазор доллар мадад мекунад. Вазорати корҳои хориҷии Исроил дар эъломияе ҳафтаи ҷорӣ гуфт, паноҳҷӯёни афғонистонӣ метавонанд барои харидани хӯрок, дору ва маводи дигари зарурӣ аз ин кумак истифода кунанд. Як мансабдори баландпояи Вазорати корҳои хориҷии Исроил гуфт, кишвараш ифтихор мекунад, ки барои афғонистониҳое, ки пас аз дубора сари қудрат омадани «Толибон» аз Афғонистон берун шудаанд, ёрӣ мерасонад. Читать дальше...
Вазорати корҳои дохилии Русия пешниҳод дорад, ки хориҷиёнро барои вайрон кардани тартиботи ҷамъиятӣ аз ин кишвар ихроҷ намоянд. Нашрияи “Коммерсант» аз қавли Валентина Казакова, раҳбари Сарраёсати умури муҳоҷират навиштааст, ки вазорат имкони депорти муҳоҷиронро барои ҳуқуқвайронкунии дағали маъмурӣ матраҳ дорад. Бо ин ҳадаф ворид кардани тағйирот ба қонунгузории Русия дар ҳоли баррасӣ мебошад. Гуфта мешавад, ин иқдом ба хотири таъмини амнияти ҷомеа амалӣ мегардад. Ҳамчунин дар доираи ислоҳоти қонунгузории... Читать дальше...
Ба иттилои хабаргузориҳои русӣ, субҳи 14 январ низомиёни Тоҷикистон, ки дар ҳайати нирӯҳои Созмони нирӯҳои паймони амнияти дастаҷамъӣ дар Қазоқистон қарор доштанд, ба кишварҳои худ баргаштанд.
Раиси шаҳри Душанбе Рустами Эмомалӣ аз кори ширкатҳои мобилӣ танқид кардааст. Шаҳрдории Душанбе навишт, дар рафти ҷаласаи ҳисоботии ин сохтор, ки 12-уми январ барпо шуд, аз фаъолияти панҷсолааш ба хадамоти ширкатҳои мобилӣ дахл карда, аз сифат ва суръати “бениҳоят сусти интернет” интиқод намудааст. Ӯ ба роҳбарони ширкатҳои мобилӣ мӯҳлат ва дастур додааст, ки дар фурсати наздик “барои ворид кардани таҷҳизоти замонавӣ, баланд бардоштани сифати алоқаву интернет ва бартараф намудани дигар камбудиҳои ҷойдошта чора андешанд”. Читать дальше...
Гурӯҳҳои ҳомии ҳуқуқи башар Amnesty International ва Human Rights Watch аз мақомдорони Қазоқистон даъват кардаанд, ки ба ҳуқуқи мардум эҳтиром гузоранд. Баъди эътирозҳои зиддидавлатии ҳафтаи гузашта, ки дар шаҳри Алмаато ба хушунат печид, мақомоти ин ҷумҳурии собиқ Шӯравӣ наздик ба даҳ ҳазор касро боздошт кардаанд. Эътирозҳо оғози соли равон бо баландравии нархи гази моеъ дар вилояти Мангистау шурӯъ шуда, ба зудӣ дар саросари Қазоқистон паҳн шуданд. Шаҳри Алмаато ба маркази муқовимат бо полис мубаддал шуд. Читать дальше...
Нерӯҳои сулҳофари тоҷикистонии Созмони паймони амнияти дастаҷамъӣ аз Қазоқистон берун шуданд. Низомиёни тоҷик тариқи ҳавопймои Ил-76 аз Алмаато ба Тоҷикистон интиқол ёфтанд. Сарбозони тоҷикро дар ҳавопаймо як гурӯҳи 31-нафараи курсантҳои Донишкадаи ҳарбии нерӯҳои хушкигарди Қазоқистон ҳамроҳӣ намуданд, ки барои таътил ба ватан рафтанд. Нерӯҳои паймони таҳти раҳбарии Русия, аз ҷумла сарбозони тоҷик, ҳафтаи гузашта бо даъвати раҳбарони Қазоқистон ва баъди он ба Алмаатову дигар шаҳрҳо рафтанд, ки тазоҳурот... Читать дальше...
Вазири корҳои хориҷии Лаҳистон (Полша) рӯзи панҷшанбеи 13-уми январ гуфт, Аврупо беш аз ҳар вақти дигар дар се даҳсолаи гузашта бо хатари рух додани ҷанг, рӯбарӯ аст. Ӯ ҳамчунин гуфт, Русия рӯзҳои ахир барои ҳалли таниш дар бораи Украина як дидгоҳи хушбинона ироа накардааст. Ба гузориши хабаргузории "Рейтерз", Русия эълон кард, ки гуфтугӯҳои рӯзҳои ахир ба ҳадафи қонеъ кардани Ғарб дар мавриди напайвастини Украина ба НАТО, ба бунбаст расидааст. Изҳорои назари Русия дар ҳоле нашр шуд, ки гуфтугӯҳои... Читать дальше...
Конфедератсияи футболи Осиё санаҳои баргузории бозиҳои Лигаи қаҳрамонҳои AFC-2022-ро бознигарӣ кард. Қаҳрамони Тоҷикистон - «Истиқлол» бозии ифтитоҳии худро дар сабқати гурӯҳии мусобиқаи асосии бошгоҳҳои Осиё 7-уми апрел баргузор мекунад. Рақибони бошгоҳи Душанбе дар гурӯҳ 17-уми январ, замоне ки қуръакашии мусобиқот доир мегардад, муайян мешаванд. AFC муҳлати баргузории бозиҳои Лигаи қаҳрамонҳои Осиёро пас аз баррасии бодиққати мушкилоти пайдошуда, ки дар натиҷаи “омикрон”, навъи ҷаҳишёфтаи коронавирус... Читать дальше...
Дар Тоҷикистон ҳаҷми маошу нафақа зиёд шуд. Бар асоси фармони раиси ҷумҳур, ки рӯзи 13-уми январ содир шуд, аз 1-уми январи имсол маоши хизматчиёни ҳарбӣ, кормандони ҳифзи ҳуқуқ ба андозаи 25 дарсад зиёд шуд. Маоши дигар кормандони ин ниҳодҳо 20 дарсад зиёд шудааст. Инчунин аз 1 июли соли 2022, ҳадди ақали музди меҳнат дар Тоҷикистон 600 сомонӣ ё 53 доллар дар як моҳ муқаррар шудааст. Феълан маоши ҳадди ақал дар кишвар 400 сомонӣ ё муодили қариб 36 доллар аст. Бар асоси фармони президент, ҳамчунин маоши кормандони идораҳои давлатӣ... Читать дальше...
Саҳифаҳои Алия Назарбоева, духтари хурдии Нурсултон Назарбоев, президенти пешини Қазоқистон аз "Фейсбук" ва "Инстаграм" пок шудаанд. Дастнорас шудани саҳифаҳои Назарбоева баъди чанд соати нашри изҳороташ дар бораи эътирозҳои Қазоқистон сурат гирифт. Поёни навиштаи Назарбоева шарҳҳои манфӣ хеле зиёд навишта шуд. Рӯзи 13-уми январ Назарбоева ҳаводиси ибтидои моҳи ҷориро дар кишвараш "фоҷеа" унвон кард ва ба хонаводаи кушташудаҳо ҳамдардӣ баён намуд. Расонаҳо навиштанд, ки Алия Назарбоева аз Имороти Муттаҳидаи Арабӣ вориди интернет шудааст. Читать дальше...
Қурбонқулӣ Бердимуҳаммадов, президенти Туркманистон дар як ҷаласа рӯзи 12 январ ба мақомоти кишвараш дастур додааст, ки вазъи сиёсиву низомӣ ва амниятии минтақаро талҳлил ва таъсири онро ба Туркманистон баҳо диҳанд. Вай дар ин ҷаласа ҳамзамон ба мақомоти кишвараш супориш додааст, ки фаъолиятро дар самти маҳдудсозии сарчашмаҳои иттилоъ дар интернет тақвият бахшанд. Бердимуҳаммадов бо натиҷагирӣ аз фаъолияти ниҳодҳои низомӣ ва ҳифзи ҳуқуқи Туркманистон дар соли 2021 гуфтааст, "назорати интернет ба таври бояду шояд сурат нагирифтааст". Читать дальше...
Нурҷон Баймулдин, сармуҳаррири бахши русии сомонаи "Кокшетау Азия"-ро барои пурсишҳои маҷозӣ аз президенти Қазоқистон 10 рӯз ба ҳабси маъмурӣ гирифтанд. Дар ин бора шоми 12-уми январ вай дар "Фейсбук" хабар дод. "10 рӯзи ҳабс барои пурсиш аз Тоқаев. Пулисро интизорам, соат 23 шаб, аз соати 12 рӯз бе обу нон. Гурусна. Бо роҳи фиреб муовини сардори пулис даъват кард. Бештар аз 3 соат бе вакили мудофеъ нигаҳ доштанд. Муфаттишон даро-баро мекарданд ва ҳар дафъа бо суолҳои нав ворид мешуданд", - навишт Баймулдин. Читать дальше...
Мақомоти Тоҷикистон мегӯянд, дар пайи ба кишварҳои ҳамсоя расидани “омикрон”, навъи ҷаҳишёфтаи коронавирус, назорат дар фурудгоҳ ва гузаргоҳҳои марзиро сахттар кардаанд.
