Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад
Мақомоти беҳдошти Тоҷикистон мегӯянд, ба ҳисоби миёна ҳар рӯз дар Тоҷикистон кам ё беш аз 40 нафар ба COVID-19 гирифтор мешаванд ва аз 30-юми апрел то 17-уми октябр шумори фавтидаҳо 80 нафарро ташкил додааст.
Даҳҳо ҳазор нафар аз мардуми Белорус дигарбора ба хиёбонҳои шаҳри Минск рехтанд ва истеъфои Александр Лукашенкоро талаб карданд. Таҳдиди мақомот барои истифодаи аслиҳаи оташфишон ҳам монеи онҳо нашуд. Рӯзи панҷшанбе сардори Раёсати мубориза бо ҷиноятҳои муташаккилона ва ришвахорӣ дар Белорус, тазоҳургаронро бандитҳо номид ва гуфт, ки "албатта мо ба зидди онҳо аз аслиҳа, аз ҷумла аслиҳаи оташфишон истифода мебарем ва ба шакли инсонӣ". Хабаргузории "Интерфакс" навишт, ки дар тазоҳурот 30 ҳазор нафар ширкат кардаанд. Читать дальше...
Маъруф Рустамов, мураббии калони дастаи "Равшан", рӯзи 19-уми октябр дар суҳбат бо Радиои Озодӣ гуфт, ки роҳ ба финали Ҷоми Тоҷикистон душвор буд, аммо бовар доштанд, ки дар ин мусобиқаи пурнуфуз баранда мешаванд. “Барои ба финал баромадан мо бар дастаҳои «Ҳулбук»-и Восеъ, «Панҷшер»-и Ҷалолиддини Балхӣ, «Истиқлол»-и Душанбе ва «Регар-ТадАЗ»-и Турсунзода пирӯз шудем. Бахусус баъди он ки дар чорякфинал дастаи пурқуввату номдори “Истиқлол”-ро шикаст додем, мо боварӣ ҳосил кардем, ки Ҷомро ба даст... Читать дальше...
Рӯзи якшанбе дар Минск дигарбора ҳазорҳо нафар ба хиёбонҳо рехтанду эътироз карданд. Мақомот аз мошинҳои низомиву обпош истифода карданд,вале аз фурӯ нишонидани тазоҳурот ва пароканда намудани эътирозгарон худдорӣ намуданд..
Арманистону Озарбойҷон ду дафъа аст, оташбас эълон мекунанд, вале яке мегӯяд, ки дигарӣ созишро риоят намекунад ва баръакс. Дар ин миён мардуми бегуноҳ талаф мешаванд.
Оташбаси нав ба хотири хатми низоъ дар минтақаи ҷудоиталаби Қаробоғи Кӯҳӣ зоҳиран таҳти хатар аст, чунки нерӯҳои Арманистон ва Озарбойҷон дигарбора якдигарро дар тирандозӣ гунаҳгор карданд. Қарор аст рӯзи 19-уми октябр дар як ҷаласаи машваратии пӯшида вазъи минтақа ба баррасӣ гирифта шавад. Аз ин пеш дабири кулли СММ Антонио Гутерреш ҳамла ба мардуми мулкӣ дар ҷангҳои охирро маҳкум намуда, ҳарду ҷонибро ба риояи оташбас даъват кард. Оташбас рӯзи 17-уми октябр эълон шуд ва ин дуюмин бор аст... Читать дальше...
Бобомурод Абдуллоев, рӯзноманигори узбекистонӣ, ки чанде пеш аз шаҳри Бишкеки Қирғизистон ба Тошканд истирдод шуд, аз номи президенти Узбекистон Шавкат Мирзиёев хонаи сеҳуҷрагӣ тақдим карданд. Дар ин бора Абдуллоев дар саҳифаи Фейсбук рӯзи 18 октябр хабар дод. "Рӯзи 8 сентябри соли ҷорӣ президенти Узбекистон Шавкат Мирзиёев ба ман хонаи нави сеҳуҷраӣ бо ҳамаи ҷиҳозаш дар маҷмаии истиқоматии "Green Park"-и шаҳри Тошканд тақдим кард. Мо рӯзи 5 октябр ба ин хона кӯчидем. Алҳамдулиллоҳ! Сипос ба президент Шавкат Мирзиёев! Читать дальше...
Мақомоти тоҷик дар ҳамкорӣ бо созмонҳои байналмилалӣ роҳи беҳтари ба зиндагии маъмулӣ баргардонидани ноболиғони зиндонишударо ҷустуҷӯ доранд.
Дар Қирғизистон пешниҳод доранд, ки барои пардохти қарзи давлатӣ аз Чин маъракаи ҷамъоварии маблағ аз сокинон роҳандозӣ шавад. Дар ин бора рӯзи 18 октябр вакили порлумони Қирғизистон Айнура Олтибоева хабар дод. "Мо шароит фароҳам меоварем, ки ин раванд шуруъ ва идома пайдо кунад. Ҳоло чорабиниҳои омодагӣ идома доранд, шароити таъсиси суратҳисоби бонкӣ ҳал шудааст. Баъди гуфтугӯ бо вазорати молия масъалаи кушодани суратҳисобро ҳал мекунем. Раванди ҷамъоварии маблағ шаффоф хоҳад буд", - гуфт Олтинбоева. Читать дальше...
Вазорати тандурустии Қазоқистон ба далели густариши коронавирус варзишкорони кишварро аз сафар ба хориҷ маҳрум кард. "Дар робита ба болоравии омори беморӣ дар саросари дунё, бо ҳадафи назорати ҷиддии марзҳо ба варзишкорон иҷозат дода намешавад, ки дар мусобиқаҳо ширкат кунанд. Ҳамзамон парвозҳо бо Украина, Имороти Муттаҳидаи Арабӣ, Олмон ва Белорус кам карда шаванд",-омадааст дар хабари Вазорати тандурустии Қазоқистон. Тими мунтахаби футболи Қазоқистон, бошгоҳи баскетболи "Остона" ва бошгоҳи... Читать дальше...
Дар шаҳри Алмато Собит Сирахон (Bisen), тарроҳ ва муаллифи "смайлик" бо акси президенти нахустини Қазоқистон Нурсултон Назарбоев дар натиҷаи латтукӯби шадид ҷон бохт. Дар ин бора дӯстони тарроҳ дар шабакаҳои иҷтимоӣ хабар доданд. "Ноодамон дӯсти маро зери мушту лагад қарор дода, ягон узвашро солим нагузоштаанд. Ӯро аз пойафзолҳояш шинохтем",-навиштааст рэпер Бекболат Кайдаров дар Инстаграм. Департаменти пулиси Алмато рӯзи душанбе хабар дод, ки дар робита ба куштори тарроҳ бародари дӯстдухтари Сирахон дастгир шудааст. Читать дальше...
Кумитаи давлатии амнияти миллии Қирғизистон мегӯяд, тафтиши парвандаи фасодкорӣ дар Хадамоти гумруки ин кишвар аз сӯи муовини раиси пешини хадамот Райимбек Матраимов ва мансабдорони дигар идома дорад. Ба огаҳии кумита, тафтишот шахсияти 40 нафареро муайян кардааст, ки бо Матраимов робита ва дар нақшаи фасодкории ӯ даст доштаанд. "Дар ҳоли ҳозир маҳалли будубоши ин шахсон маълум аст. Корҳо дар самти муайянсозии даст доштанашон дар нақшаи мазкури фасодкорӣ фаъолона идома доранд",-афзудааст кумита. Читать дальше...
Абдулло Абдулло, раҳбари ҳайати музокиротии Афғонистон рӯзи 18-уми октябр ба Эрони ҳамсоя сафар кард, то давоми се рӯз бо мақомоти эронӣ дидору гуфтугӯ анҷом диҳад. Ин дар ҳолест, ки дар шаҳри Давҳаи Қатар музокироти сулҳи ҳукумати Афғонистон ва раҳбарияти гурӯҳи шӯришии Толибон идома дорад ва ҷонибҳо то ҳол дар масъалаи сохтори музокираҳое, ки ҳадафаш хатми ҷангҳои 19-солаи Афғонистон аст, ба мувофиқа даст наёфтаанд. Эрон бозигари муҳими минтақавӣ ба шумор меравад. Доктор Абдулло дар Твиттераш навишт... Читать дальше...
Мақомоти Фаронса гуфтанд, ки баъди қатли як омӯзгори маҳаллӣ бо дасти як тундрави исломӣ тадбирҳои бештари амниятиро рӯидаст гирифтааст. Омӯзгори таърих Самуэл Пати рӯзи 16-уми октябр дар беруни мактабе, ки кор мекард, сар бурида шуд. Ин корро ҷавони 18-солае анҷом дод, ки дар паи таъқиби полис ба қатл расид. Ҳамлагар як ҷавон чечентабори дар Русия таваллудшуда буд, ки дар шаҳри Эврёи шимолуғарби Париж зиндагӣ мекард. Исми ӯ аз ин пеш ба ходимони амният ошно набуд. Куштори омӯзгор мавриди эътирози... Читать дальше...
Вазорати хориҷаи Тайван бо нашри изҳороте рӯзи 19-уми октябр гуфт, ки дар маросими таҷлил аз Рӯзи миллии Тайван дар кишвари Фиҷи миёни дипломатҳои чинӣ ва кормандони ҳукумати Тайван як занозанӣ рух дод. Ҷоанн Оу, сухангӯи вазорати хориҷаи Тайван дар як изҳороти хаттиаш гуфт, “вазорати хориҷа кори кормандони сафорати Чин дар Фиҷиро ба шиддат маҳкум мекунад, чун рафтори онҳо бо қонун ва меъёрҳои рафтори маданӣ дар ихтилоф аст”. Пекин дар талоши ин аст, ки ҳукуматҳои дигар кишварҳоро водор бикунад, ки аз Тайван дурӣ биҷӯянд. Читать дальше...
Маҳдудиятҳои нав дар паи нигаронӣ аз паҳншавии бештари коронавирус боиси як задухӯрди ҳаводорони варзиш дар Прага ва полиси маҳаллӣ шуд. Рӯзи 18-уми октябр дар Прага 2 ҳазор ҳаводори футбол ва ҳоккей дар раҳпаймоии эътирозӣ алайҳи ҷоришавии маҳдудиятҳои нави дуҳафтаинаи марбут ба пандемия ҷамъ шуданд. Маҳдудиятҳо маъракаҳои варзишии байналмилалиро сарфи назар мекунад. Дар маркази шаҳри Прага эътирозгарон ба сӯи полис шишаву дигар мавод партофтанд ва дар ниҳоят полис барои пароканда кардани эътирозгарон аз маркази шаҳр аз бобмаҳои дудзо... Читать дальше...
Рӯзи 18-уми октябр шумори афроди бар асари вируси нав даргузашта дар саросари Аврупо аз 250 ҳазор нафар гузашт. Дар ин қора дар ҳафтаҳои охир ҳодисаҳои ошкоршавии ҳодисаҳои нави гирифторӣ ба вирус якбора афзоиш ёфтааст. Айни замон, дар Исроилу Австралия мақомот аз сабуктар шудани маҳдудиятҳо ва коҳиши суръати гирифторшавиҳои нав ба коронавирус хабар медиҳанд. Дар Аврупо афзоиши ҳодисаҳои нави гирифторӣ дар як ҳафтаи охир 44 дарсадро ташкил дода, бархе кишварҳоро водор кардааст, ки маҳдудиятҳои нав ҷорӣ кунанд. Читать дальше...
Бо идомаи музокироти ҳукумати Афғонистон ва Толибон дар Қатар ҳазорон хонаводае, ки азизонашонро дар ҷанги тулонӣ талаф додаанд, умедворанд, дар ниҳоят ба кишварашон сулҳ меояд. Дар байни онҳо як зане ҳаст, дар вилояти дурдасти Кунар, ки се шавҳарашро дар ҷанг куштаанд ва бо чанд фарзанд танҳо мондааст. Шавҳарони Тоҷбибӣ, ки ҳарсе дар Артиши миллии Афғонистон хизмат мекарданд, дар ҷанг ба ҳалокат расидаанд. Тоҷбибӣ се шавҳар кардааст ва ҳарсе дар ҷанги 19-солаи Афғонистон кушта шудаанд. "Ҳарсеашон шаҳид шуданд. Читать дальше...
Бо идомаи музокироти ҳукумати Афғонистон ва Толибон дар Қатар ҳазорон хонаводае, ки азизонашонро дар ҷанги тулонӣ талаф додаанд, умедворанд, дар ниҳоят ба кишварашон сулҳ меояд. Дар байни онҳо як зане ҳаст, дар вилояти Кунар, ки се шавҳарашро дар ҷанг куштаанд ва бо чанд фарзанд танҳо мондааст.
Залмай Халилзод, фиристодаи хоси Амрико барои Афғонистон рӯзи 18-уми октябр гуфт, ки идомаи ҳамлаву хунрезӣ метавонад музокироти сулҳ дар кишварро аз роҳаш берун кунад. Ӯ дар ин бора баъд аз бомбгузории маргбор дар шаҳри Ғур суҳбат кард, ки дар натиҷаи он 14 нафар кушта шуданд. Айни замон намояндагони ҳукумати Афғонистон ва Толибон дар Қатар барои поён додан ба ҷанги 19-сола дар кишвар гуфтугӯ доранд. Залмай Халилзод дар Твиттер навишт, ки хушунат муддатҳои дароз афғонҳоро думболагирӣ кардааст ва фоҷиа дар Ғур... Читать дальше...
Алексей Навалний, пешвои мухолифони Русия мегӯяд, ҳукумат ҳаматарафа саъй дорад, монеи бозгашташ ба Маскав шавад, вале бо ин вуҷуд ӯ бархоҳад гашт. Алексей Навалний дар як суҳбате бо телевизиони Си Би Эс-и Амрико, ки рӯзи 18-уми октябр нашр шуд, гуфт, азм дорад, баъд аз чанд моҳ ба Русия баргардад ва кори нотамомашро идома бидиҳад. Ӯ дар шаҳри Берлин бо Си Би Эс суҳбат кардааст, ки онҷо баъди заҳролуд шуданаш аз моддаи кимиёвии кушанда аз гуруҳи "Новичок" муолиҷа мегирифт. Алексей Навалний, ки моҳи август дар дохили ҳавопаймо бемор шуд... Читать дальше...
Дар шаҳри Минск бо вуҷуди таҳдиди вазорати умури дохилӣ ба истифодаи нирӯи сангин алайҳи эътирозгарон даҳҳо ҳазор сокини Беларус бо талаби истеъфои Александр Лукашенко раҳпаймоӣ намуданд. Мақомот дар пойтахт мошинҳои низомиву обпошҳоро ҷойгир карданд, вале дар эътирозҳои 18-уми октябр боз ҳам полис аз истифодаи ин васоил барои пароканда кардани эътирозгарон худдорӣ намуд. Гурӯҳи ҳомии ҳуқуқи “Весна” гузориш дод, ки рӯзи якшанбе дар Минск дастикам 200 нафар ва дар шаҳрҳои дигар беш аз 30 нафар дастгир шудааст. Читать дальше...
Диловари Зуҳуриён, оҳангсози шинохтаи тоҷик, дар пайи як садама, дар 46-солагӣ даргузашт. Ба гуфтаи дӯстони овозхон, мошини ӯ нимашаби 18-уми октябр дар шоҳроҳи Данғара – Ваҳдат ба мошини боркаш бархӯрда, садама кардааст. Оҳангсозро бо ҷароҳатҳои вазнин ба беморхонаи "Ёрии таъҷилӣ"овардааанд. Ба гуфтаи Шоираи Раҳимҷон, шоира ва таронанависи тоҷик, маросими видоъ бо оҳангсоз дар зодгоҳаш ноҳияи Данғара доир мешавад. Як манбаи дигар гуфт, Диловари Зуҳуриён як рӯз пеш аз ин фалокат, барои бори дуввум издивоҷ кардааст. Читать дальше...
