Бозии ниҳоии Ҷоми Тоҷикистон-2020 оид ба футбол бо иштироки ду дастаи вилояти Хатлон - “Равшан”-и Кӯлоб ва “Хатлон”-и Бохтар рӯзи якшанбе, 18-уми октябр, дар Варзишгоҳи марказии шаҳри Ҳисор баргузор мешавад. Бозии ҳалкунанда, ки соати 14:00 оғоз меёбад, бе ҳузури тамошогарон доир мегардад. Дар арафаи бозии ниҳоии Ҷоми Тоҷикистон-2020, рӯзи ҷумъаи 16 –уми октябр, дар дафтари Федератсияи футболи Тоҷикистон нишасти хабарӣ баргузор шуд. Сармураббиёни дастаҳо дар бораи интизориҳои худ аз ин бозии ҳалкунанда нақл карданд. Читать дальше...
Бинои Муассисаи давлатии таҳсилоти “Мактаб-интернати тамоюли варзишии ба номи Иброҳим Ҳасанов” таъмир шуда, аз нав ифтитоҳ гардид
Амруллоҳ Солеҳ, муовини аввали раиси ҷумҳурии Афғонистон, муваққатан масъулияти таъмини амниятро дар шаҳри Кобул ба уҳда гирифт. Мақомот мегӯянд, ба ин кор афзоиши ҷинояткорӣ ва ноамнӣ дар пойтахти Афғонистон сабаб шуд. Амруллоҳ Солеҳ рӯзи 17-уми октябр дар Фейсбук навишт, "аз имрӯз расидагӣ ба масоили амниятии Кобулро ба гунаи мустақим барои чанд ҳафта ба дӯш мегирам." Ризвон Мурод, раиси дафтари матбуотии муовини аввали президенти Афғонистон рӯзи шанбе ба бахши афғонистонии Радиои Озодӣ гуфт, на танҳо афроду гурӯҳҳои табаҳкор... Читать дальше...
Дар ҳоле ки омори рӯзонаи гирифторони COVID-19 дар Тоҷикистон бетағйир аст, баъзе аз мутахассисони соҳаи тиб аз афзоиши дубораи беморон хабар медиҳанд. Дар шабакаҳои иҷтимоӣ низ дар ду ҳафтаи ахир пиромуни фавти чандин нафар аз коронавирус ва "илтиҳоби шуш" гузориш шудааст.
Вакилони порлумони Тоҷикистон бо ислоҳи Кодекси ҷиноӣ ва Кодекси ҳуқуқвайронкунии маъмурӣ ҷазоро барои барангехтани кинаву адовати миллӣ, мазҳабӣ ва нажодӣ сабуктар кардаанд.
Дар мавриди санаи баргузории муҳориба, ҳар ду размикор дар сафҳаи шабакаҳои иҷтимоии худ хабар доданд. Макгрегорро пас аз муҳориба бо Поре рақобат бо размикор аз Филиппин Мэнни Пакяо интизор аст
Як муаллими таърих дар Фаронса баъд аз намоиши карикатура ё тасвирҳои танзомези пайғомбари ислом, Муҳаммад, ба шогирдонаш дар канори шаҳри Париж сар бурида шудааст.
Кумитаи миллии олимпии Тоҷикистон мегӯяд, мусобиқаи қаҳрамонии Осиё, ки имсол дар назар буд, баргузор намешавад
Пулиси Фаронса шахсеро, ки рӯзи 16-уми октябр дар канори шаҳри Париж сари як муаллимро буридааст, бо зарби тир кушт. Ин муаллим чанде пеш ба хонандагон карикатураи паёмбари ислом Муҳаммадро намоиш дода будааст. Эммануэл Макрон, раиси ҷумҳури Фаронса, ҳодисаро террористӣ тавсиф кард ва гуфт, “имрӯз як шаҳрванди мо кушта шуд, барои он ки муаллим буд ва озодии баёнро таълим медод." Ба иттилои пулис, шахсияти ҳамлвар маълум нест ва ӯ ҳангоми амалиёти боздошт ҳадафи тир қарор гирифт. Нашрияи Le Monde хабар дод... Читать дальше...
Шумори гирифторони коронавирус дар сартосари Аврупо ҳамчунон дар ҳоли афзоиш аст. Бино ба гузоришҳо, Фаронса ва Белгия барои пешгирӣ аз густариши бемории ҳамагир маҳдудиятҳои нав ҷорӣ кардаанд. Дар Париж ва шаҳрҳои дигари бузурги Фаронса барои ҳадди ақал як моҳ гаштугузори сокинон аз соати 9-и шаб то 6-и субҳ маҳдуд шудааст. Мақомоти Белгия низ дастур додаанд, ки тарабхонаву қаҳвахонаҳоро барои 4 ҳафта бубанданд. Дар Иёлоти Муттаҳидаи Амрико теъдоди мубталоён ба коронавирус дубора бештар шудааст. Читать дальше...
Вазорати ҳолатҳои фавқулодаи Озарбойҷон гуфт, ки дар натиҷаи ҳамлаи мушакӣ дар шаҳри Ганҷа 13 нафар кушта ва беш аз 50 каси дигар маҷруҳ шудаанд. Ҳодиса рӯзи 17-уми октябр рух дод. Бар асари он дастикам манзили 20 хонавода вайрон шудааст. Ба гузориши бахши озарбойҷонии Радиои Озодӣ, ҳамлаи дигари мушакӣ дар шаҳри Мингачевир рух дод, ки дар онҷо сарбанди бузург воқеъ аст. Дар мавриди зарари он чизе гуфта нашудааст. Чанд соат пеш аз ин ҳамлаҳо, аз даргириҳои нав миёни нерӯҳои Озарбойҷону Арманистон дар дохилу атрофи Қарабоғи Кӯҳӣ... Читать дальше...
Масъулони Вазорати мудофиаи Тоҷикистон аз иҷро шудани беш аз 80 дарсади нақшаи ҷалби ҷавонон ба артиш ва афзоиши сафи ихтиёриён хабар доданд. Вале баъзе аз сокинон шикоят доранд, ки фарзандони онҳоро маҷбурӣ ё тариқи “облава” ба хидмати ҳарбӣ бурдаанд.
Мақомоти Русия гуфтанд, ки Светлана Тихановская, раҳбари мухолифони Белорусро дар рӯйхати шахсони таҳти ҷустуҷӯ қарор додаанд. Тихановская дар интихоботи 9-уми августи имсол номзад ба мансаби президенти Белорус буд ва ҳоло дар Аврупо аст. Ба гуфтаи мақомоти Русия, ин кор бар асоси созишнома бо Белорус сурат мегирад. Ин дар ҳолест, ки пештар Белорус иддао карда буд, Тихановская хостори ба ҳам задани назми Қонуни асосии он кишвар шудааст. Тихановская аз Александр Лукашенко хостааст, дар зарфи бештар аз даҳ рӯзи дигар истеъфо диҳад. Читать дальше...
Қамчибек Тошиев раиси нави Кумитаи давлатии амнияти миллии Қирғизистон таъйин шудааст. Хадамоти матбуоти ҳукумати Қирғизистон рӯзи 16-уми октябр хабар дод, ки фармонро дар ин бора сарвазир ва ҳамзамон иҷрокунандаи вазифаи президент Содир Ҷабборов (Ҷапаров) имзо кард. Қамчибек Тошиев дар интихоботи порлумонии 4-уми октябр ҳамчун раҳбари ҳизби “Мекенчил” вориди рақобат шуда буд. Ӯро яке аз дӯстони наздики Содир Ҷабборов медонанд. Ҷабборов, ки бо гуноҳи одамрабоӣ ба зиндон маҳкум шуда буд, шаби 5 ба... Читать дальше...
Додгоҳи вилояти Хатлон ба баррасии парвандаи Баҳром Иноятзода, раиси пешини шаҳри Кӯлоб, оғоз кардааст.
Шавкат Мирзиёев, президенти Узбекистон, рӯзи 15-уми октябр дар як ҷаласаи онлайн дар бораи боздошти муовинони раисони ҳукуматҳо хабар дод, ки бо “пора” ё ришва дастгир шудаанд. Ба иттилои президент, муовини раиси ноҳияи Кибраӣ бо 35 ҳазор доллар, сардори раёсати назди ҳукумати вилояти Тошканд бо 1,4 миллион доллар, муовини раиси ноҳияи Марҳамат бо 29 ҳазор доллар ва муовини раиси ноҳияи Бувайдини Узбекистон бо 20 ҳазор доллар ба даст афтодаанд. Ба қавли Мирзиёев, ин афрод аз соҳибкорон дар ивази сабти заминҳояшон ришва талаб кардаанд. Читать дальше...
