Катя Андрутс, сухангӯйи Дафтари Ниҳодҳои Демократӣ ва Ҳуқуқи Инсон (ODIHR), як ниҳоди вобаста ба Созмони Амният ва Ҳамкорӣ дар Аврупо, гуфт, ҳайати хурди коршиносони онҳо раванди интихоботи Тоҷикистонро танҳо дар Душанбе назорат карданд ва ба минтақаҳо сафар надоштанд. Ӯ рӯзи 12-уми октябр дар суҳбат бо Радиои Озодӣ гуфт: “Дафтари Ниҳодҳои Демократӣ ва Ҳуқуқи Инсон якчанд шакли назорати интихоботҳоро дорад. Интихоботи президентии Тоҷикистонро, ки дирӯз баргузор шуд, як гуруҳи хурди нозирон мушоҳида карданд. Читать дальше...
Вазорати тандурустии Тоҷикистон мегӯяд, рӯзи 12-уми октябр 38 мавриди собитшудаи бемории коронавируси навро сабт кард. Ба иттилои расмӣ, аз 30-юми апрел (замони эътирофи мавҷудияти вирус дар кишвар) то кунун коронавирус ба 10 ҳазору 260 кас сироят кардааст. Бештар аз 9100 нафари онҳо шифо ёфта, 79 кас ҷон бохтаанд. Мутахассисон бовар доранд, ки омори расмӣ баёнгари миқёси воқеии беморӣ ва талафот дар кишвар нест ва теъдоди гирифторону фавтидагон ба маротиб зиёдтар аз он аст, ки мақомот мегӯянд.
Даргириҳои нав миёни нерӯҳои Арманистону Озарбойҷон бар сари Қаробоғи Кӯҳӣ сурат гирифтааст. Ҳарду тараф якдигарро ба нақзи оташбас ба миёнҷигарии Русия муттаҳам мекунанд. Тавофуқи оташбас рӯзи 10-уми октябр дар Маскав ҳосил шуд. Вазорати дифои Озарбойҷон рӯзи 12-уми октябр Арманистонро муттаҳам кард, ки ба ин созиш пойбанд нест. Озарбойҷон рӯзи гузашта аз ҳамлаи мушакӣ ё ракетии Арманистон ба шаҳри Ганҷа хабар дод ва гуфт, дар посух ба нерӯҳои арманӣ ҳамлаҳои ҳавоӣ кардааст. Арманистон ин иддаои Озарбойҷонро рад мекунад. Читать дальше...
Иттиҳоди Аврупо бо нашри як баёнияи расмӣ дар бораи интихоботи президентии Тоҷикистон гуфт, ҳукумат бояд талошҳои чашмгире ба харҷ бидиҳад, то интихоботҳояш мутобиқ ба меъёрҳои байналмилалӣ ва демокративу холисона сурат бигирад.
Қаҳрамони шиноварии Тоҷикистон дар бораи ҷанҷоли "допинг" нақл кард. Карина Климик низ пас аз мамнӯъ шудани истифодаи доруҳои нерӯбахш ба "рӯйхати сиёҳ"-и Агентии ҷаҳонии зиддидопингӣ ворид шуд
Чаҳор номзади интихоботи президентӣ дар Тоҷикистон, ки Кумисюни марказии интихобот онҳоро "мағлуб" эълон кард, гуфтанд, ба натиҷаҳои овоздиҳӣ эътироз надоранд.
Назари нозирони Ассамблеяи байнипарламентӣ ба интихоботии Тоҷикистон.
Раҳматилло Зойиров, раиси Ҳизби сотсиал-демократи Тоҷикистон, гуфт натиҷаи интихоботи президентии рӯзи 11-уми октябрро на ӯ ва на ҳизбаш қабул надоранд.
Камбуди нозирон дар интихоботи президентии Тоҷикистон.
Тоҷикон дар Екатеринбург президент интихоб карданд.
Муҳиддин Кабирӣ, раиси Ҳизби мамнуи наҳзати исломӣ интихоботи раиси ҷумҳури Тоҷикистонро, ки рӯзи 11-уми октябр баргузор шуд, ғайридемократӣ ва ғайриқонунӣ номид. Комиссияи интихоботӣ гуфт, дар ин корзор Эмомалӣ Раҳмон раиси ҷумҳури феълӣ пирӯз шудааст.
Раҳматулло Зоиров, раиси Ҳизби сотсиал-демократи Тоҷикистон мегуяд, натиҷаҳои интихоботро қабул надорад, зеро он ғайриқонунист. Ӯ рӯзи 12-уми октябр дар суҳбати ихтисосӣ бо Радиои Озодӣ гуфт, 7 соли ояндаи раёсати ҷумҳурии Эмомалӣ Раҳмон, яке аз давраҳои мушкилтарини ӯ мешавад.
Хабарнигорони Радиои Озодӣ баъд аз эълони натиҷаҳои интихобот ва пирӯз эълон кардани Эмомалӣ Раҳмон аз раҳгузарон дар Душанбе пурсиданд, ки оё вазъ дар кишвар дигар ва ё беҳтар мешавад. Посухҳои ҷолибе гирифтанд. Шумо ҳам бубинеду назаратонро зери ҳамин видео бинависед.
Нашри дуюми барномаи Ахбори Озодӣ аз 12-уми октябри соли 2020 (Пахши зинда)
Президенти Қирғизистон Сооронбой Ҷеенбеков қарореро имзо кард, ки бар асоси он дар ҳудуди шаҳри Бишкек такроран вазъи фавқулода ҷорӣ шуд. Дар қарори Ҷеенбеков омадааст, дар робита ба идома кардани вазъи ноустувор ва хатар ба ҳаёту саломатии одамон, ки баъд аз бетартибиҳои оммавӣ ба миён омад, дар шаҳри Бишкек аз 12-уми октябр то 19-уми октябр ҳолати фавқулода эълом карда мешавад. Алмосбек Орозалиев, муовини вазири корҳои дохилии он кишвар комендант ё фармондеҳи ҳолати фавқулода таъйин шудааст. Читать дальше...
Сӯҳроби Зафар, раҳбари созмони дар Тоҷикистон мамнӯи "Гурӯҳи 24" гуфт, онҳо натиҷаҳои интихоботи раёсати ҷумҳуриро қабул надоранд, зеро онро ғайриқонунӣ мешуморанд. Ӯ дар як паёми видеоӣ гуфт, мавқеи онҳо баъди соли 2016 аз замони эълони Эмомалӣ Раҳмон ба ҳайси пешвои миллат тағйир наёфтааст.
Баъд аз онки Кумисюни марказии интихоботи Тоҷикистон Эмомалӣ Раҳмонро барандаи интихоботи президентии 11-уми октябри эълон кард, раҳбарони Русияву Чин ва Белорусу Қазоқистону Узбекистон ӯро табрик карданд. Дафтари матбуоти Кремлин рӯзи 12-уми октябр гуфт, Владимир Путин дар барқияи шодбошиаш Раҳмонро бо "пирӯзии чашмрас" табрик кардааст. Сӣ Ҷинпин, раҳбари Чин, дар барқияи табрикотиаш, ки ба қавли ТАСС тавассути телевизиони марказии Чин нашр шуд, гуфтааст, “ба рушди равобити Чину Тоҷикистон таваҷҷуҳи зиёд зоҳир мекунад”. Читать дальше...
Бозии ниҳоии Ҷоми Тоҷикистон-2020 бо иштироки ду дастаи вилояти Хатлон - “Равшан”-и Кӯлоб ва “Хатлон”-и Бохтар рӯзи якшанбе, 18-уми октябр, дар Варзишгоҳи марказии шаҳри Ҳисор баргузор мешавад. Бозии ҳалкунанда, ки соати 14:00 оғоз меёбад, бе ҳузури тамошогарон доир мегардад. Ёдовар мешавем, “Равшан” барои ба финал роҳ пайдо кардан бар тимҳои «Ҳулбук»-и Восеъ (3:2), «Панҷшер»-и Ҷалолиддини Балхӣ (3:2), «Истиқлол»-и Душанбе (4:2) ва «Регар-ТадАЗ»-и Турсунзода (1:0) ғолиб омад. «Хатлон» бошад,... Читать дальше...
Комиссияи марказии интихоботи Тоҷикистон эълон кард, ки раиси ҷумҳури феълӣ Эмомалӣ Раҳмон дар интихоботи рӯзи 11-уми октябр 90.92 дар сади раъйи мардумро ба даст оварда, пирӯз шудааст. Дар ин бора Бахтиёр Худоёрзода, раиси комиссия рӯзи 12-уми октябр хабар дод.
Дар эътирозҳои рӯзи 11-уми октябр дар Белорус 586 касро дастгир кардаанд. 500 нафари онҳо аз Минск ҳастанд ва дар миёнашон беш аз 40 рӯзноманигор ва аккос низ қарор доранд. Дар ин бора маркази ҳимояи ҳуқуқи "Весна" хабар дод. Ба зидди эътирозгарон дар шаҳри Минск аз мошинҳои обпош, норинҷакҳои садодор, гази ашковар ва васоили дигар истифода кардаанд. Дар посух эътирозгарон ба сӯи пулис зарфи пластикӣ ва санг партофтаанд. Шоҳидон аз зарар дидани даҳҳо эътирозгар хабар медиҳанд. Дар давоми ду моҳи баргузории эътирозҳо бори аввал буд... Читать дальше...
Ҷаласаи навбатии аъзои раёсати Созмони минтақавии зидди допинги Осиёи Марказӣ (RADOCA) дар Алмаато дар шакли онлайн баргузор шуд. Дар ин бора сомонаи расмии Кумитаи миллии олимпии Тоҷикистон хабар додааст. Ба иттилои манбаъ, ҳадафи асосии ҷаласа арзёбии нақшаи фаврии RADOCA ва Кодекси Созмони ҷаҳонии зидди допинг ё WADA (World Anti-Doping Agency) дар соли 2021, инчунин муҳокимаи нақшаҳои минбаъда дар пасманзари пандемияи COVID-19 буданд. Ҷаласа таҳти раёсати мудири RADOCA, доктор Венера Абдулло доир шуд. Читать дальше...
Чаҳор номзади интихоботи президентӣ дар Тоҷикистон, ки Кумисюни марказии интихобот онҳоро "мағлуб" эълон кард, гуфтанд, ба натиҷаҳои овоздиҳӣ эътироз надоранд.
Аслан дар маъракаи рӯзи якшанбе муҳим ин набуд, ки он бо чӣ натиҷа ба анҷом мерасад. Номзади ғолибро аз қабл, ҳатто маъракаи интихоботӣ оғоз наёфта, тахмин мезаданд.
Як ҷавони 26-солаи тоҷик дар шаҳри Сургути Русия бо се зарби корд кушта шудааст. Ҷасади Ризвоншоҳ Юсуфовро рӯзи 10-уми октбяр дар ноҳияи Ҷаббор Расулови вилояти Суғд дафн кардаанд.