Ду донишманди амрикоӣ ва як бритониёӣ барои кашфи вируси ҳепотити “С” барандаи ҷоизаи Нобел дар бахши тиб ва физиология шуданд. Ҳарви Олтер, Чарлз Райс ва Майкл Ҳютон рӯзи 5-уми октябр ҷоизаи 1 миллиону 100 ҳазордоллариро аз они худ карданд. Кумитаи Нобел гуфтааст, се донишманд дар мубориза ба зидди бемории ҳепотит нақши калидӣ доштанд. Ба тахмини Созмони Ҷаҳонии Тандурустӣ, беш аз 70 миллион мавриди ҳепотит дар саросари ҷаҳон вуҷуд дорад ва солона чаҳорсад ҳазор кас аз ин беморӣ мемиранд.
Мақомоти Узбекистон гузориши расонаҳоро дар бораи шиканҷа шудани 31 боздоштшудаи Қашқадарё шарҳ доданд. Рӯзи 4 октябр расонаҳо навиштанд, ки айбдоршавандаҳои дуздии маҳсулоти нафтӣ дар боздоштгоҳ шиканҷа шудаанд. Айбдоршавандаҳо дар додгоҳ гуфтаанд, ки онҳоро дар боздоштгоҳи Хадамоти амнияти давлатӣ шиканҷа кардаанд. "Агар ҳайвонҳоро мисли мо шиканҷа мекарданд, онҳо ҳам ба гап медаромаданд", - гуфтанд дар додгоҳ айборшавандаҳо. Алишер Гулистонов ва Дилшод Умаров, ду айбдоршаванда дар дуздии маҳсулоти нафтӣ гуфтанд... Читать дальше...
Додгоҳе дар шаҳри Алматои Қазоқистон блогнавис ва фаъоли маданӣ Маргулан Боронбойро ба ҳабси хонагӣ гирифт. Дар ин бора вакили мудофеи вай Ануар Байдаров иттилоъ дод. "Мо талаб кардем, ки танҳо берун рафтанаш аз маҳаллӣ зист маҳдуд карда шавад. Аммо додситонӣ талаб кард, ки ба ҳабси хонагӣ гирифта шавад", - гуфт Байдаров. Расонаҳо 2 октябр хабар доданд, ки Маргулан Боронбой дар "ангехтани адовати миллӣ" ва "тарғиби ғасби худсаронаи ҳукумат" гумонбар мешавад. Маргулан Боронбой бо изҳори назарҳояш... Читать дальше...
Нирӯҳои амниятии Қирғизистон шоми 5-уми октябр таҷаммӯи эътирозгаронро бо истифода аз гази ашковар ва обпошу норинҷакҳои гиҷкунанда пароканда карданд, вале тазоҳургарон дубора ба майдон баргаштанд. Дар задухӯрд байни норозиён ва нирӯҳои интизомӣ даҳҳо нафар захмӣ шудаанд.
Парвозҳои мунтазам байни Тоҷикистону Русия аз нимаи моҳи марти имсол ба ин тараф ва бо ҳадафи пешгирӣ аз густариши коронавируси нав қатъ шудааст.
Кормандони ҳифзи ҳуқуқи Қирғизистон шоми 5-уми октябр тазоҳуроти норозиён аз интихоботи порлумониро дар шаҳри Бишкек пароканда кардаанд. Бахши қирғизии Радиои Озодӣ навишт, ки мақомот аз обпош ва норинҷакҳои гиҷкунанда истифода намуданд. Садои тир ҳам шунида шудааст.
Муовини раиси Ҳизби сотсиал-демократи Тоҷикистон хабар дод, ки афроди ношинос шабона писарашро латукӯб кардаанд. Маҳмурод Одинаев гуфт, бинии писараш шикаста ва майнаи сараш осеб дидааст. Мақомоти корҳои дохилӣ мегӯянд, ки ҳодисаро таҳқиқ мекунанд.
Мақомоти тоҷик иддао доранд, ки истиқлолият шароити рушд ва истифодаи комил аз забони давлатӣ-тоҷикиро фароҳам кардааст. Аммо, соҳибназарон мегӯянд, ки дар фановариҳои навин тоҷикон ҳамчунон ба гунаи замони шӯравии пешин водор мешаванд аз истилоҳоти забонҳои ғайр истифода кунанд.
Мухолифини қирғиз натиҷаи интихоботи парламентиро қабул надоранд.
Дар садамаи маргбори Хуҷанд ду афсари умури дохилӣ шарик будаанд.
Мухолифини қирғиз талаб доранд, ки интихоботи 4-уми октябр аз эътибор соқит шавад, дар як садамаи маргбори шаҳри Хуҷанд ду афсари умури дохилӣ ширкат доштаанд, таҷлили Рӯзи забон ва матолиби дигар.
Дар Русия барои муолиҷаи бемории коронавируси нав се навъи доруро ба фурӯш гузоштаанд. Мутахассисони рус иддао доранд, ки "Арепливир", "Коронавир" ва "Авифавир" ба табобати гирифторони вирус ёрӣ мекунанд, вале пизишкони дигар мегӯянд, ки баъзе аз доруҳо аз санҷиш нагузаштаанд.
Ашраф Ғанӣ, раиси ҷумҳурии Афғонистон, барои мулоқот бо раҳбарони Қатар ба Доҳа рафтааст, вале бо намояндагони Толибон дидор нахоҳад дошт. Дар ҳоле ки музокироти сулҳ байни ҳукумати Афғонистон ва ҷунбиши Толибон дар маркази Қатар ҷараён дорад. Ашраф Ғанӣ рӯзи 5-уми октябр бо нияти сафар ба Қатару Кувайт Кобулро тарк кард. Бар асоси хабарномаи Арг, раиси ҷумҳури Афғонистон бо мансабдорони Қатар дар бораи густариши муносибат ва ҳамкориҳои байни ду кишвар суҳбат хоҳад кард. Қарор аст, ӯ бо намояндагони ҳукумати Афғонистон... Читать дальше...
Доналд Трамп, раиси ҷумҳури Амрико, рӯзи 4-уми октябр ба муддати кӯтоҳ аз бемористони низомӣ дар канори Вашингтон берун шуд ва аз дохили мошин ба сӯйи ҳаводоронаш даст афшонд. Ӯ рӯзи 2-юми октябр барои муолиҷа аз бемории коронавирус ба Маркази Тиббии Волтер Рид интиқол ёфта буд. Пештар Трамп бо нашри наворе дар Твиттер гуфт, аз замони олуда шудан ба COVID-19 дар бораи бемории ҳамагир "чизҳои зиёд" омӯхтааст. Вай гуфт, "ин мактаби воқеӣ аст". Бархе ишора карданд, ки Трамп бо тарки бемористон... Читать дальше...
Намояндагони ҳизбҳои сиёсии "Ота Макон", "Республика", "Бир Бол" ва "Замондош" дар Қирғизистон бо норозигӣ аз натҷиаҳои интихоботи порлумонии он кишвар ба кӯчаҳо баромаданд.
Маркази ҳомии ҳуқуқи "Весна" иттилоъ дод, ки рӯзи 4-уми октябр дар ҳамоишҳои эътирозӣ дар Белорус мақомот беш аз 240 нафарро дастгир кардаанд. Рӯйхати боздоштшудаҳо дар сомонаи марказ нашр шуд.
Дар интихоботи порлумонии ахири Қирғизистон танҳо чаҳор ҳизб тавонистанд, раъйи заруриеро ба даст оранд, ки барои ворид шудан ба порлумон лозим аст. Мухолифон мегӯянд, се ҳизб ба президент Сооронбой Ҷеенбеков наздиканд. Як қатор нерӯҳои мухолиф гуфтанд, натиҷаҳои интихоботи ахирро қабул надоранд, зеро дар рафти он қонуншиканиҳо сурат гирифта, харидории раъйи мардум низ мушоҳида шудааст. Ду ҳизб -- "Бир Бол" ва "Ота Макон", ки дар порлумони пешин нақши мухолифи президент Ҷеенбековро мебозиданд... Читать дальше...
Бар асари садамае дар маркази вилояти Суғд як маъмури Идораи корҳои дохилии шаҳри Хуҷанд ҷон бохта, ба камияш се нафари дигар ба бемористон бурда шудаанд. Ҳодиса шаби 3-юми октябр дар рӯйи «пули кӯҳна»-и шаҳри Хуҷанд рух дод.
Бар асари садамае дар маркази вилояти Суғд як маъмури Идораи корҳои дохилии шаҳри Хуҷанд ҷон бохта, ба камияш се нафари дигар ба бемористон бурда шудаанд. Ҳодиса шаби 3-юми октябр дар рӯйи «пули кӯҳна»-и шаҳри Хуҷанд рух дод. Дар навор пайомадҳои садамаро бубинед.
Далер Кузяев, нимҳимоятгари дастаи "Зенит"-и Санкт-Петербург дастаашро тарк кард
Баъди дахолати расонаҳо, мақомоти ҳифзи ҳуқуқи Узбекистон муроҷиати модари кӯдакеро зери назорат гирифтанд, ки аз озордиҳии марди 31-солаи вилояти Андиҷон нисбати кӯдаки ноболиғашон шикоят карда буданд. Мақомоти пулиси ноҳияи Асакини Андиҷони Убекистон гуфтанд, баъди тафтиши пешакӣ муайян шуд, ки озори ҷинсӣ нисбати ноболиғ ҷо доштааст. Ба иттилои пулис, тафтиш ба поён расида, парванда ба ихтиёри додситонӣ гузошта шудааст. Ба иттилои тафтишот, далелҳои кофие ҷамъоварӣ шудааст, ки барои боз кадани... Читать дальше...
Рӯзи 30 сентябр дар роҳ ба сӯи бемористони ноҳияи Қушрабоди вилояти Самарқанди Узбекистон ҷасади марди 20-сола пайдо шуд. Хабар дода мешавад, ин мард ба ҷустуҷӯи ғайриқонунии тило машғул буд ва зери санг монда, дар роҳ ба сӯи бемористон ҷон додааст. Ин хабарро наздикони марди фавтида тасдиқ карданд. Айни ҳол додситонии ноҳия ба тафтиши пешакии ҳодиса машғул аст. Ин дувумин ҳодисаи як моҳи охир аст, ки тилоҷӯёни ғайриқонунӣ дар Узбекистон зери санг мемонанд ва мефавтанд. Як шоҳиди ҳодиса гуфт... Читать дальше...